អ្នកឆ្លងថ្មីជំងឺកូវីដ-១៩នៅថ្ងៃនេះមាន៤៩នាក់ ក្នុងនោះ៤៨នាក់ពាក់ព័ន្ធនឹងព្រឹត្តិការណ៍សហគមន៍២០កុម្ភៈ។

នាព្រឹកថ្ងៃទី០៩ ខែមីនា ឆ្នាំ២០២១នេះ ថ្នាក់ដឹកនាំ និងមន្ដ្រីនគរបាលជាតិ ចំណុះទីស្ដីការក្រសួងមហាផ្ទៃ បានបន្ដចូលរួមក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ដោយឈរលើគោលការណ៍ស្ម័គ្រចិត្តនៅមន្ទីរពេទ្យ ១៦ ឧសភា ដែលមានទីតាំងស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ សម្រាប់សកម្មភាពក្នុងការចូលរួមចាក់វ៉ាក់សាំងបង្ការជំងឺកូវីដ-១៩នេះ គឺរួមមានថ្នាក់ដឹកនាំ និងមន្រ្តីនគរបាលជាតិ នៃនាយកដ្ឋានព័ត៌មានវិទ្យា, នាយកដ្ឋានគរបាលចរាចរណ៍, នាយកដ្ឋានពន្លត់អគ្គីភ័យ និងសង្គ្រោះ, នាយកដ្ឋាននគរបាលការពារ និងនាយដ្ឋានភស្ដុភារ និងសម្ភារបច្ចេកទេស។ ដើម្បីឲ្យយុទ្ធនាការចាក់វ៉ាក់សាំងបង្ការជម្ងឺកូវីដ-១៩ ជូនថ្នាក់ដឹកនាំ មន្ដ្រីនគរបាលជាតិ មន្រ្តីរាជការស៊ីវិល ដែលបម្រើការងារនៅទីស្ដីក្រសួងមហាផ្ទៃ ប្រព្រឹត្តទៅបានរលូនប្រកបដោយប្រសិទ្ធភាព និងមានសណ្ដាប់ធ្នាប់ល្អ ធានាបាននូវវិធានការដែលកំណត់ដោយក្រសួងសុខាភិបាលនោះ ក្រសួងមហាផ្ទៃបានណែនាំដល់ថ្នាក់ដឹកនាំ មន្ដ្រីនគរបាលជាតិ មន្រ្តីរាជការស៊ីវិលគ្រប់ជាន់ថ្នាក់ឲ្យចូលរួម និងចាក់ចែងមន្ដ្រីក្រោមឱវាទ ដែលចំណុះទីស្ដីការក្រសួងមហាផ្ទៃ ឲ្យចូលរួមចាក់វ៉ាក់សាំង ផ្អែកតាមគោលការណ៍ស្ម័គ្រចិត្តនៅមន្ទីរពេទ្យ ១៦ ឧសភា ចាប់ពីថ្ងៃទី៤ ខែមីនា ឆ្នាំ២០២១ រហូតដល់ថ្ងៃទី១១ ខែមេសា ឆ្នាំ២០២១ ខាងមុខ។ សូមបញ្ជាក់ដែរថា តាមរយៈការរៀបចំយុទ្ធនាការចាក់វ៉ាក់សាំងបង្ការជំងឺកូវីដ-១៩ នៅមន្ទីរពេទ្យ ១៦ ឧសភា តាមគោលការណ៍ស្មគ្រ័ចិត្តនេះ គិតចាប់ពីថ្ងៃទី០៤ ខែមីនា…

ក្រសួងសាធារណការ និងដឹកជញ្ជូន ប្រកាសពីការផ្អាកបណ្តោះអាសន្ននូវការប្រឡងយកបណ្ណបើកបរយានយន្ត ចំនួន១សប្តាហ៍ ចាប់ពីថ្ងៃទី៩-មីនា-២០២១ នេះទៅដើម្បីចូលរួមទប់ស្កាត់ ការរីករាលដាលកូវីដ១៩ ៕

យោងតាមរដ្ឋបាលខេត្តព្រះសីហនុ បានឲ្យដឹងថា នៅវេលាម៉ោង១១ និង៥១នាទីយប់ថ្ងៃទី៨មីនា ឆ្នាំ២០២១នេះ មានករណីស្ត្រីជនជាតិចិនម្នាក់ បានគេចចេញពីខេត្តព្រះសីហនុទៅកាន់រាជធានីភ្នំពេញ ដោយបានជិះរថយន្តតាក់ស៊ី និងបានសាងបន្តឱ្យជិះរថយន្តដឹកទំនិញម៉ាក Hyundai ពាក់ស្លាកលេខភ្នំពេញ 3C-3259 ។ ប៉ុន្តែស្ត្រីរូបនោះ ត្រូវបានសមត្ថកិច្ចប្រចាំការត្រួតពិនិត្យគោលដៅព្រំប្រទល់ស្រុកកំពង់សីលា និងស្រុកភ្នំស្រួចបានធ្វើការឃាត់សួរនាំ និងបានបញ្ជូនស្ត្រីជនជាតិត្រឡប់មកគោលដៅដើមដើម្បីធ្វើចត្តាឡីស័កវិញ។ ដោយឡែកអ្នកបើកបររថយន្តដឹកទំនិញ និងអ្នកពាក់ព័ន្ធ នឹងត្រូវអនុវត្តតាមវិធានការច្បាប់។ រដ្ឋបាលខេត្តព្រះសីហនុ បានបញ្ជាក់ថា ជាវិធានការ គឺត្រូវអនុវត្តតាមអនុក្រឹត្យលេខ២៧ ចុះថ្ងៃទី១៨ ខែកុម្ភៈ ឆ្នាំ២០២១ របស់រាជរដ្ឋាភិបាលស្តីពីវិធានការចត្តាឡីស័កដើម្បីទប់ស្កាត់ ការឆ្លងរាលដាលនៃជំងឺកូវីដ-១៩ ចំពោះស្ត្រីជនជាតិចិននោះ បន្ទាប់ពីបញ្ចប់ការធ្វើចត្តាឡីស័ករួចរាល់ អាជ្ញាធរមានសមត្ថកិច្ចនឹងរៀបចំនីតិវិធីបណ្តេញចេញពីប្រទេសកម្ពុជា លែងឱ្យត្រឡប់ មកវិញជារៀងរហូត។ ចំពោះអ្នកបើកបររថយន្តដឹកទំនិញ និងអ្នកបើកបររថយន្តតាក់ស៊ី ត្រូវពិន័យអន្តរការណ៍ជាប្រាក់ពី១០លានរៀល ទៅ ៥០លានរៀល ចំពោះអ្នកផ្តើមគំនិត ដឹកនាំ ណែនាំ ញុះញង់ បញ្ចុះបញ្ចូល ឬជួយសម្រួលដោយចេតនា ដល់បុគ្គលដែលត្រូវធ្វើចត្តាឡីស័កឱ្យគេចចេញ ពីការត្រួតពិនិត្យរបស់មន្ត្រីចំត្តាឡីស័ក ឬគេចវេះពីការធ្វើចត្តាឡីស័ក ឬគេចចេញពីកន្លែងធ្វើចត្តាឡីស័ក យោងតាមមាត្រា១១ នៃអនុក្រឹត្យខាងលើ។ ចំពោះជនដែលប៉ុនប៉ង និងបំផ្លាញសុខភាពសាធារណៈរបស់ជាតិ ត្រូវចាត់វិធានការតាមផ្លូវច្បាប់ឱ្យម៉ឺងម៉ាត់បំផុត និងគ្មានការលើកលែងឡើយ។…

រដ្ឋបាលខេត្តកណ្តាលនៅថ្ងៃទី០៩ ខែមីនា ឆ្នាំ២០២១ បានសម្រេចបិទជាបណ្តោះអាសន្នចំពោះកាស៊ីណូ និងបិទការធ្វើដំនើរចេញចូលនៅតំបន់ទីប្រជុំជនជ្រៃធំ ស្ថិតនៅក្នុងឃុំសំពៅពូន ស្រុកកោះធំ ខេត្តកណ្តាល។ លិខិតជូនដំណឹងរបស់ ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាល បានផ្ញើទៅអភិបាលស្រុកកោះធំ ឱ្យចាត់វិធានការណែនាំសេចក្តីសម្រេចនេះ ដើម្បីទប់ស្កាត់ការចម្លងចូលក្នុងសហគមន៍ បន្ទាប់ពីជនបរទេស៥នាក់ ត្រូវបានរកឃើញវិជ្ជមានកូវីដ-១៩នៅតំបន់ទីប្រជុំជនជ្រៃធំ។ សូមបញ្ជាក់ថា រដ្ឋបាលខេត្តកណ្តាលសម្រេចបិទទីតាំងបណ្តោះអាសន្ននោះ រួមមាន កាស៊ីណូ និងសណ្ឋាគារជីនសាគុងហ្គូ កាស៊ីណូព្រីន កាស៊ីណូក្រោន កាស៊ីណូហ្រេ្កន កាស៊ីណូកាឡាក់ស៊ី និងកាស៊ីណូយុងយ័ន៕

យោងតាមទំព័រហ្វេសប៊ុករបស់តារាចម្រៀងណុប បាយ៉ារិទ្ធ នៅវេលាថ្ងៃត្រង់ថ្ងៃទី៩មីនាឆ្នាំ២០២១នេះ បានបញ្ជាក់ថា លោកបានទទួលលទ្ធផលហើយ គឺលោកមានវិជ្ជមានកូវីដ១៩។ លោកណុប បាយ៉ារិទ្ធ បានបន្តថា លោកកំពុងរៀបចំសម្លៀកបំពាក់ និងរង់ចាំរថយន្តខាងក្រសួងសុខាភិបាលមកទទួល។ លោកណុប បាយ៉ារិទ្ធបញ្ជាក់ទៀតថា លោកមិនតក់ស្លុតនឹងការពិតនោះទេ ត្បិតរូបលោកក្តី បុគ្គលដែលលោកឆ្លងពីក្តី គ្មានអ្នកណារីករាយចាំទទួលឡើយ មានតែពាក្យមួយប្រាប់ខ្លួនឯងគឺរឹងមាំ តស៊ូ។