យោងសេចក្តីលិខិតរបស់ឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាល គោរពជម្រាបជូន ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិ ទើបចេញផ្សាយនៅយប់ថ្ងៃទី០៤ ខែមីនា ឆ្នាំ២០២១ ក្រសួងសុខាភិបាលបានបានធ្វើការបញ្ជាក់ចំពោះការស្លាប់របស់ជនជាតិចិនម្នាក់ ដែលមានបណ្តាញផ្សព្សាយថា ស្លាប់ដោយជំងឺកូវីដ១៩នោះ គឺមិនមែនទេ។ ក្រសួងសុខាភិបានរកឃើញថា អ្នកជំងឺទទួលមរណៈភាពភ្លាមៗ ដោយសភាព រើមេថ្នាំញៀនធ្ងន់ធ្ងរបណ្តាលឱ្យគាំងបេះដូងស្លាប់ភ្លាមៗ។ សូមអានសេចក្តីប្រកាសព័ត៌មានរបស់ក្រសួងសុខាភិបាលដូចខាងក្រោម៖

ខេត្តសៀមរាប៖ បន្ទាប់ពីមានដំណឹងថា មានករណីបុរសម្នាក់គេចចេញពីកន្លែងធ្វេីចត្តាឡីស័ក  ចូលទៅហាងនេះ ខណះគាប់ជួនមានស្ត្រីម្នាក់ផ្សេងទៀតនៅទីនោះ ទេីបត្រឡប់មកពីខេត្តព្រះសីហនុ ចូលទៅក្នុងហាងនោះក្នុងពេលតែមួយផងនោះ ក្រុមជំនាញគ្រូពេទ្យចំរុះ របស់គណះកម្មការទប់ស្កាត់កូវិត-19 នៃមន្ទីរសុខា ភិបាលខេត្ត នាល្ងាចថ្ងៃទី០៤ មិនា ២០២១ នេះ បានមកយកមនុស្សប្រមាណ ០៦នាក់ដែលមានការសង្ស័យ អាចពាក់ព័ន្ធជំងឹកូវីដ១៩​ នៅហាងហ្វឺ១ កន្លែង ឈ្មោះ ហ្វឺ អាម៉ាប់​ ស្ថិតក្នុងភូមិតាភុល សង្កាត់ស្វាយដង្គំ ក្នុងក្រុង/ខេត្តសៀមរាប ដើម្បីបញ្ជូនទៅធ្វេីចត្តាឡីស័កទាំងអស់សិន ។ មន្រ្ដី​សុខាភិបាល​បានសំណូមពរបងប្អូនជ្រាប ជាបឋម ពិសេសបើអ្នកដែលបានចូលទៅញ៉ាំអីនៅទីនោះ នាថ្ងៃទី០៤ មិនា ២០២១ មេត្តាប្រុងប្រយ័ត្នខ្ពស់ហេីយគួរធ្វេីចត្តាឡីស័កខ្លួនឯង ជៀសវាងការចម្លងរីករាលដាលទៅក្រុមគ្រួសារ ក៏ដូចជាសហគមន៍ជាមុន​ ប្រសិនបើដឹងខ្លួនថាមនុស្សប្រុស​ ស្រីខាងលេី​ បានឆ្លងកូវិដ-១៩ មែនដែរ​ ឬអត់​ នៅពេលជំនាញយកសំណាកទៅពិនិត្យនៅពេលបន្ទាប់៕

ភ្នំពេញ៖ នៅព្រឹកថ្ងៃព្រហស្បតិ៍ ទី០៤ ខែកុម្ភៈ ឆ្នាំ២០២១ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ញ៉ែម សាខន ស ខេង បានអញ្ជើញចាក់វ៉ាក់សាំងបង្ការជំងឺកូវីដ-១៩ (វ៉ាក់សាំងអាស្ត្រាហ្សេនីកា) នៅមន្ទីរពេទ្យកាល់ម៉ែត ដែលបានប្រព្រឹត្តទៅក្រោមការដឹកនាំដ៏ខ្ពង់ខ្ពស់ពីសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងមានការអញ្ជើញចូលរួមចាក់ពីសំណាក់ឯកឧត្តម លោកជំទាវ ជាឥស្សរជនថ្នាក់ដឹកនាំជាតិសំខាន់ៗជាច្រើនរូបទៀតផងដែរ។ សូមជម្រាបជូនផងដែរថា ប្រទេសកម្ពុជា ជាប្រទេសទី១ នៅអាស៊ីប៉ាស៊ីហ្វិក ដែលទទួលបានវ៉ាក់សាំងពីមជ្ឈមណ្ឌលកូវ៉ាក់ (COVAX Facility) ក្នុងដំណាក់កាលដំបូងចំនួន ៣២៤,០០០ដូស។ វ៉ាក់សាំងនេះជាប្រភេទវ៉ាក់សាំងទី២ បន្ទាប់ពីវ៉ាក់សាំងប្រភេទ ស៊ីណូហ្វាម ជាជំនួយផ្ដល់ដោយសាធារណរដ្ឋប្រជាមានិតចិន មានចំនួន៦០ម៉ឺនដូស ដែលកំពុងបើកយុទ្ធនាការចាក់ជូនប្រជាពលរដ្ឋ និងមន្ត្រីរាជការអាទិភាពនៅទូទាំងប្រទេសដោយផ្អែកលើគោលការស្ម័គ្រចិត្ត៕ដោយ -រ៉ាវុធ

ភ្នំពេញ៖បើសិនជាបងប្អូនប្រជាពលរដ្ឋ មិនចាំបាច់សូមកុំចេញពីផ្ទះ អី ដើម្បីការពារ ការឆ្លងជំងឺកូវីដ-១៩ ទាំងអស់គ្នា ដោយទីតាំង៦ទៀត ហើយ ក្នុងបុរី ប៉េង ហួត សង្កាត់និរោធ ខណ្ឌច្បារអំពៅ ត្រូវបានអាជ្ញាធរ សម្រេចបិទជាបណ្តោះអាសន្ន ។ បើតាមលោក រស់ សុភ័ក្ត្រ អភិបាលរងខណ្ឌច្បារអំពៅ បានអោយដឹងថា ទីតាំងទាំង៦ នេះ រួមមាន ៖ គំរោង៩ ផ្ទះ៤២៥ ផ្លូវប៉ូឡារីស , គំរោង៩ ផ្ទះ៣៩៧ ផ្លូវប៉ូឡារីស , គំរោង៧ផ្ទះ៨៦ ផ្លូវប៉ូឡារីស , គំរោង៧ ផ្ទះ២១-២៣ ផ្លូវP10E , គំរោង៧ ផ្ទះ៤៦ ផ្លូវប៉ូឡារីស , គំរោង៧ ផ្ទះ៤៨ ផ្លូវប៉ូឡារីស ដោយមានអ្នកវិជ្ជមាន កូវីដ-១៩ ចំនួន៣នាក់ ។ បច្ចុប្បន្ន ទីតាំងទាំង៦ខាងលើ ត្រូវបានក្រុមគ្រូពេទ្យស្ម័គ្រចិត្តសម្តេចតេជោប្រឆាំងជំងឺកូវីដ-១៩ (TYDA…

ភ្នំពេញ៖ នៅព្រឹកថ្ងៃព្រហស្បតិ៍ ៦រោច ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៤ ខែមីនា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមនឹងឯកឧត្តម លោកជំទាវជាឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី សមាជិក សមាជិការនៃសភាជាតិជាច្រើនរូបទៀត បានអញ្ជើញចាក់វ៉ាក់សាំងការពារជំងឺកូវីដ-១៩ (អាស្ត្រាហ្សេនីកា AstraZeneca) នៅមន្ទីរពេទ្យកាល់ម៉ែត្រ ។ វ៉ាក់សាំង AstraZeneca គឺជាវ៉ាក់សាំងជំនួយរបស់មជ្ឈមណ្ឌលកូវ៉ាក់ (COVAX Facility)។ វ៉ាក់សាំងនេះ បានដឹកមកដល់កម្ពុជា ក្នុងដំណាក់កាលដំបូងចំនួន (៣២៤,០០០ ដូស) កាលពីយប់ថ្ងៃទី០២ ខែមីនា ឆ្នាំ ២០២១។ ថ្លែងក្នុងសន្និសីទសារព័ត៌មាន ពាក់ព័ន្ធនឹងវ៉ាក់សាំងប្រយុទ្ធប្រឆាំងជំងឺកូវីដ-១៩ នៅកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានប្រកាសយកថ្ងៃនេះ ចាប់ផ្តើមយុទ្ធនាការចាក់វ៉ាក់សាំងបង្ការជំងឺកូវីដ១៩ នៅក្របខណ្ឌទូទាំងប្រទេស។…

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញចាក់វ៉ាក់សាំងប្រឆាំងជំងឺកូវីដ-១៩ របស់ក្រុមហ៊ុនអាស្ត្រាហ្សេនីកា (Astra zeneca) នៅមន្ទីរពេទ្យកាល់ម៉ែត រាជធានីភ្នំពេញ នាព្រឹកថ្ងៃព្រហស្បតិ៍ ៦រោច ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី៤ ខែមីនា ឆ្នាំ២០២១ ។ លោកជំទាវក៏បានអំពាវនាវឲ្យប្រជាពលរដ្ឋទាំងអស់គ្នាត្រូវមាការប្រុងប្រយ័ត្ន និងអនុវត្តតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ក្នុងការពារជំងឺកូវីដ-១៩ តាមវិធានការណ៍ ៣ការពារ និង ៣កុំ ៖ ១. វិធានការណ៍ ៣ការពារ រួមមាន ៖ ពាក់ម៉ាស់, លាងដៃ, រក្សាគម្លាតសង្គម និងគម្លាតបុគ្គល២. វិធានការណ៍ ៣កុំ រួមមាន ៖ កុំទៅកន្លែងបិទជិត គ្មានខ្យល់ចេញចូល និងម៉ាស៊ីត្រជាក់ច្រើនពេក, កុំទៅកន្លែងមានមនុស្សច្រើន, កុំប៉ះពាល់គ្នា កុំចាប់ដៃគ្នា កុំកៀកស្មា កុំឱបគ្នាជាដើម៕