យោងតាមសេចក្តីប្រកាសព័ត៌មាន នៅថ្ងៃទី៣ ខែមីនា ឆ្នាំ២០២១ ក្រសួងសុខាភិបាល បានដាក់ឱ្យប្រើប្រាស់ App Khmer Vacc សម្រាប់កត់ត្រា និងគ្រប់គ្រងព័ត៌មាននៃការចាក់វ៉ាក់សាំង បង្ការជំងឺកូវីដ១៩។ ក្រសួងសុខាភិបាលបានឲ្យដឹងថា អំឡុងពេលរងចាំការសម្រេចដាក់ឲ្យប្រើប្រាស់ កម្មវិធី Khmer Vacc ពីក្រុមហ៊ុន Google និងក្រុមហ៊ុន Apple លើ Play Store និង App Store ជាបណ្តោះអាសន្ន លោកអ្នកអាចទាញយកកម្មវិធី Khmer Vacc តាមរយៈគេហទំព័រ cambodia-vaccine.gov.kh៕

រាជធានីភ្នំពេញ ៖ កងកម្លាំងនគរបាល នៃនាយកដ្ឋានរដ្ឋបាលទូទៅ អគ្គស្នងការដ្ឋាននគរបាលជាតិ នៅព្រឹកថ្ងៃទី០៣ ខែមីនា ឆ្នាំ២០២១ បានចូលរួមទទួលចាក់វ៉ាក់សាំងបង្ការជំងឺឆ្លងកូវីដ-១៩ នៅមន្ទីរពេទ្យមិត្តភាពខ្មែរ-សូវៀត (ពេទ្យរុស្សី) ដែលជាជំនួយរបស់រដ្ឋាភិបាល នៃសាធារណរដ្ឋប្រជាមានិតចិន ខណៈកងកម្លាំងនគរបាលជាតិ ក៏ជាផ្នែកមួយដ៏សំខាន់ក្នុងយុទ្ធនាការប្រយុទ្ធប្រឆាំងជំងឺឆ្លងកូវីដ-១៩ នេះ។ ក្នុងនាមកងកម្លាំងនគរបាលជាតិ នៅទូទាំងប្រទេសមានជំនឿជឿជាក់លើវ៉ាក់សាំងស៊ីណូហ្វាម (Sinopharm) ដែលផលិតនៅសាធារណរដ្ឋប្រជាមានិតចិន និងបានសម្រេចចិត្តចាក់វ៉ាក់សាំងប្រភេទនេះជាលើកទី១ និងក៏បានត្រៀមខ្លួនរួចរាល់សម្រាប់ការទទួលយកការចាក់វ៉ាក់សាំងប្រភេទនេះ ជាលើកទី២ ដើម្បីការពារខ្លួនជៀសផុតពីជំងឺឆ្លងកូវីដ-១៩។ ក្នុងនាមកងកម្លាំងនគរបាល នៃនាយកដ្ឋានរដ្ឋាបាលទូទៅ ក៏ដូចជាកងកម្លាំងនគរបាលទូទាំងប្រទេស សូមគោរព និងសូមថ្លែងអំណរគុណដ៏ខ្ពង់ខ្ពស់ចំពោះប្រមុខដឹកនាំរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ថ្នាក់ដឹកនាំក្រសួងសុខាភិបាល ឯកឧត្តម នាយឧត្តមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងថ្នាក់ដឹកនាំអង្គភាព និងលោក-អ្នកគ្រូពេទ្យ ដែលយកចិត្តទុកដាក់ខ្ពស់ចំពោះសុខភាពសាធារណ: និងបានអនុញ្ញាតឲ្យកងកម្លាំងនគរបាលជាតិ ទទួលបានការចាក់វ៉ាក់សាំងនាឱកាសនេះ។ យើងខ្ញុំនឹងនៅតែបន្តអនុវត្តវិធានការ និងសេចក្តីណែនាំនានារបស់ក្រសួងសុខាភិបាលក្នុងយុទ្ធនាការប្រយុទ្ធប្រឆាំងជំងឺកូវីដ-១៩ ក៏ដូចជាក្នុងប្រតិបត្តិការបំពេញភារកិច្ចរក្សាការពារសន្តិសុខ សណ្ដាប់សាធារណៈ…

ក្រសួងសុខាភិបាលជូនដំណឹងបន្ថែមលេីការចាក់វ៉ាក់សាំងជូនមន្ត្រីរាជការនៃអគ្គនាយកដ្ឋានគយ និងរដ្ឋករ និងអគ្គនាយកដ្ឋានពន្ធដារនៃក្រសួងសេដ្ឋកិច្ចហិរញ្ញវត្ថុ។

ភ្នំពេញ៖បុរសជនជាតិចិនម្នាក់ រស់នៅក្នុងបុរី ប៉េងហួត សង្កាត់និរោធ ខណ្ឌច្បារអំពៅ ត្រូវបានរកឃេីញមានផ្ទុកជំងឺកូវីដ១៩ ។ នេះបេីយោងតាមគណនីហ្វេសប៊ុករបស់លោក ហ៊ត គឹមនី អភិបាលរងខណ្ឌច្បារអំពៅ នាព្រឹកថ្ងៃទី៣ ខែមីនា ឆ្នាំ២០២១ នេះ ។ លោក ហ៊ត គឹមនី សូមអោយបងប្អូនប្រជាពលរដ្ឋ បង្កើនការប្រុងប្រយ័ត្ន និង អនុវត្តអោយបានខ្ជាប់ខ្ជួននូវវិធានការ ៣ ការពារ និង ៣ ក៉ំ ដើម្បីទប់ស្កាត់ការរីករាលដាលជំងឺកូវីដ១៩ ក្នុងសហគមន៍យើង ៕

នាព្រឹកថ្ងៃទី០៣ ខែមីនា ឆ្នាំ២០២១នេះ ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញដឹកនាំប្រតិភូ តំណាងពីអគ្គនាយកដ្ឋាន និងអង្គភាពចំណុះក្រសួងមហាផ្ទៃ ដើម្បីចុះត្រួតពិនិត្យការងាររៀបចំទីតាំងសម្រាប់ចាក់វ៉ាក់សាំងបង្ការជម្ងឺកូវីដ-១៩ ជូនដល់ថ្នាក់ដឹកនាំ មន្ត្រីនគរបាលជាតិ និងមន្ដ្រីរាជការស៊ីវិលចំណុះទីស្ដីការក្រសួងមហាផ្ទៃ ដែលនឹងប្រព្រឹត្តិទៅ ចាប់ពីថ្ងៃទី០៤ ខែមីនា ឆ្នាំ២០២១ តទៅ នៅមន្ទីរពេទ្យ ១៦ ឧសភា ចំណុះនាយកដ្ឋានសុខាភិបាល នៃអគ្គនាយដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ។ ដោយទទួលបានគោលការណ៍ដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងការអនុញ្ញាតឲ្យរៀបចំចាក់វ៉ាក់សាំងបង្ការជម្ងឺកូវីដ-១៩ នៅក្នុងក្រសួងមហាផ្ទៃ និងគោលការណ៍ណែនាំដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មន្ទីរពេទ្យ ១៦ ឧសភា ត្រូវទទួលភារកិច្ចក្នុងការរៀបចំយុទ្ធនាការចាក់វ៉ាក់សាំងបង្ការជម្ងឺកូវីដ-១៩ ជូនដល់ថ្នាក់ដឹកនាំ មន្ត្រីនគរបាលជាតិ និងមន្ដ្រីរាជការស៊ីវិលចំណុះទីស្ដីការក្រសួងមហាផ្ទៃ ប្រមាណជាង២ម៉ឺននាក់ ដែលក្នុងនោះ មន្ទីរពេទ្យ គ្រោងនឹងចាក់វ៉ាក់សាំងចំនួន ២០០នាក់ក្នុងមួយថ្ងៃ ក្នុងជំហ៊ានដំបូង និងឈានទៅចាក់ឲ្យបានចំនួន ៥០០នាក់ ក្នុង១ថ្ងៃ…

ភ្នំពេញ៖ តាមរយៈទំព័រហ្វេសប៊ុកផ្លូវការនៅព្រឹកថ្ងៃទី០៣ ខែមីនា ឆ្នាំ២០២១ ឯកឧត្ដម ហ៊ុន ម៉ានី សមាជិករដ្ឋសភា និងជាប្រធានសហភាពសហព័ន្ធយុវជនកម្ពុជា បានចាក់វ៉ាក់សាំង Sinopharm របស់ចិន លើកទី១ ដើម្បីការពារជំងឺកូវីដ១៩ ក្រោយខកខានកាលពី ២សប្តាហ៍មុន ដោយសារជំងឺផ្តាសាយធំ ។ ឯកឧត្តម ហ៊ុន ម៉ានី បានសរសេរលើទំព័រហ្វេសប៊ុកផ្លូវការដូច្នេះថា៖ បន្ទាប់ពីបានប្រឹក្សាសុខភាពសារជាថ្មី ជាមួយគ្រូពេទ្យជំនាញ ខ្ញុំទទួលបានការអនុញាតិឲ្យចាក់វ៉ាក់សាំង Sinopharm ដើម្បីការពារជំងឺកូវីដ១៩ ដែលខ្ញុំបានខកខានកាលពី ពីរសប្តាហ៍មុនដោយសារស្ថានភាពនៃជំងឺផ្តាសាយធំ។ ឆ្លៀតក្នុងឱកាសនេះ ឯកឧត្ដម ហ៊ុន ម៉ានី សូមសម្តែងការដឹងគុណចំពោះរាជរដ្ឋាភិបាលកម្ពុជា ដែលបានសម្រេចចិត្តផ្តល់ឱកាសឲ្យថ្នាក់ដឹកនាំវ័យក្មេងយើង រួមនឹងអ្នកដែលងាយនឹងរងគ្រោះដ៏ទៃទៀត បានចាក់នូវវ៉ាក់សាំងនេះ ដោយឥតគិតថ្លៃ និងឈរលើគោលការណ៍ស្ម័គ្រចិត្ត ហើយ ក៏សូមវាយតម្លៃខ្ពស់ចំពោះការខិតខំបំពេញកិច្ចការងារប្រកបដោយវិជ្ជាជីវៈរបស់ក្រុមគ្រូពេទ្យទាំងអស់ជូនដល់ប្រជាជនគ្រប់ៗគ្នា។ ឯកឧត្ដម ហ៊ុន ម៉ានី បានបន្តថា អ្វីដែលជាដំណឹងល្អបន្ថែមទៀតសម្រាប់យើងនោះ គឺកាលពីថ្ងៃទី០២ ខែមីនា ឆ្នាំ២០២១ កម្ពុជា ទទួលបានវ៉ាក់សាំងថ្មីមួយប្រភេទទៀត ដែលបង្កើតឡើងដោយមន្ទីរពិសោធន៍ នៃសាកលវិទ្យាល័យ Oxford ចក្រភពអង់គ្លេស…