ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានសម្រេចឱ្យចាក់វ៉ាក់សាំងប្រឆាំងជំងឺកូវីដ១៩ ជូនកម្មករប្រមូលសំរាម ក្នុងចំណោមអាទិភាព។ នេះបើយោងតាមសេចក្តីជូនដំណឹងរបស់ក្រសួង     សុខាភិបាលនៅរសៀលថ្ងៃទី២៨ ខែកុម្ភៈ ឆ្នាំ២០២១នេះ។ ក្នុងសេចក្តីជូនដំណឹងនេះ ក្រសួងសុខាភិបាលសុខាភិបាល បានបញ្ជាក់ដូច្នេះ «យោងតាមអនុសាសន៍ណែនាំ និងការយកចិត្តទុកដាក់ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ការចាក់វ៉ាក់សាំងកូវីដ-១៩ (ស៊ីណូហ្វាម Sinopharm Beijing Institute of Biological Products) ដែលជាជំនួយមនុស្សធម៌ដ៏ថ្លៃថ្លារបស់សាធារណរដ្ឋប្រជាមានិតចិន ត្រូវបានអនុញ្ញាត ឱ្យបន្តចាក់ជូនដល់បងប្អូនដែលជាកម្មករប្រមូលសំរាមនៅរាជធានីភ្នំពេញ បន្ថែមលើក្រុមមនុស្សដែលជាបុគ្គលិកសុខាភិបាល កងកម្លាំងប៉ូលីសជាតិ និងអាជ្ញាធរជួរមុខ»។ ក្រសួងសុខាភិបាល បានណែនាំទៅគណៈអភិបាលខេត្ត គណៈអភិបាលក្រុង/ស្រុក/ខណ្ឌ គណៈកម្មការភូមិ-ឃុំ-សង្កាត់ រៀបចំចាត់ចែងកម្មករប្រមូលសំរាមនៅរាជធានីភ្នំពេញ ដែលមានអាយុពី ១៨ឆ្នាំ ដល់ ៥៩ឆ្នាំ ទៅទទួលការចាក់វ៉ាក់សាំងដោយឈរលើគោលការណ៍ស្ម័គ្រចិត្ត ចាប់ពីថ្ងៃផ្សាយដំណឹងនេះតទៅ នៅតាមទីតាំងដូចខាងក្រោមនេះ៖ ១៖ មន្ទីរពេទ្យបង្អែករាជធានីភ្នំពេញ២៖ មន្ទីរពេទ្យបង្អែកព្រែកព្នៅ៣៖ មន្ទីរពេទ្យបង្អែកច្បារអំពៅ៤៖ មន្ទីរពេទ្យបង្អែកដង្កោ៥៖ មន្ទីរពេទ្យបង្អែកមិត្តភាពកម្ពុជា-ចិន សែនសុខ៦៖ មន្ទីរពេទ្យបង្អែកចតុមុខ៧៖ មន្ទីរពេទ្យបង្អែកសម្ដេចឪ សម្ដេចម៉ែ៨៖…

ប្រទេសកម្ពុជា បានទទួលវ៉ាក់សាំងប្រឆាំងជំងឺកូវីដ-១៩ ពីអង្គការសុខភាពពិភពលោក (WHO) ចំនួន៣២ម៉ឺន៤ពាន់ដូស ជាលើកដំបូង ដែលនឹងមកដល់នៅថ្ងៃទី០២ ខែមីនា ឆ្នាំ២០២១ខាងមុខនេះ។ សម្ដេចតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ក្នុងកិច្ចប្រជុំគណៈអចិន្ត្រៃយ៍គណៈ​រដ្ឋមន្ត្រី​នៅព្រឹកថ្ងៃទី២៨ ខែកុម្ភៈ បានចាត់ឲ្យឯកឧត្តម ម៉ម ប៊ុនហេង រដ្ឋមន្ដ្រីក្រសួងសុខាភិបាល តំណាងសម្ដេចទៅ​ទទួលវ៉ាក់សាំងនេះ។ ក្នុងសេចក្ដីប្រកាសព័ត៌មានបង្ហាញពីលទ្ធផលនៃកិច្ចប្រជុំគណៈអចិន្ដ្រៃយ៍ នៅល្ងាចថ្ងៃទី២៨ ខែកុម្ភៈ ឆ្នាំ២០២១ បានបញ្ជាក់យ៉ាងដូច្នេះថា «រាជរដ្ឋាភិបាល បានសម្រេចប្រគល់ភារកិច្ចជូន ឯកឧត្តម ម៉ម         ប៊ុនហេង រដ្ឋមន្ដ្រីក្រសួងសុខាភិបាល ជាតំណាងរាជរដ្ឋាភិបាល នៃព្រះរាជាណាចក្រកម្ពុជា ទៅទទួលយកវ៉ាក់សាំងការពារជំងឺកូវីដ-១៩ ដែលជាអំណោយរបស់អង្គភាពសុខភាពពិភពលោក (WHO) ដែលនឹងមកដល់ព្រះរាជាណាចក្រកម្ពុជា ក្នុងពេលឆាប់ៗខាងមុខនេះ»។ បន្ថែមពីលើសេចក្ដីប្រកាសព័ត៌មាននេះ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអះអាងថា វ៉ាក់សាំងដែលជាជំនួយរបស់អង្គការសុខភាពពិភពលោក (WHO) នឹងមកដល់ប្រទេសកម្ពុជា នៅថ្ងៃទី០២ ខែមីនា ឆ្នាំ២០២១ ចំនួនចំនួន៣២ម៉ឺន៤ពាន់ដូស។ សម្តេចតេជោ ហ៊ុន…

ក្នុងសម័យប្រជុំគណៈអចិន្ត្រៃយ៍គណៈរដ្ឋមន្ត្រី រៀបចំឡើងនៅថ្ងៃទីអាទិត្យ ទី២៨ ខែកុម្ភៈឆ្នាំ២០២១ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេចប្រគល់ភារកិច្ច ជូនក្រសួងសុខាភិបាល រៀបចំកម្មវធីដើម្បីចាក់វ៉ាក់សាំងការពារជំងឺកូវីដ-១៩ ជូនកម្មករប្រមូលសម្រាម អ្នករត់តាក់ស៊ី អ្នកបើកម៉ូតូកង់ អ្នករត់ម៉ូតូឌុបនៅពេលខាងមុខនេះ។ ជាមួយគ្នានេះដែរ គណៈអចិន្ត្រៃយ៍គណៈរដ្ឋមន្ត្រី បានប្រកាសផងដែរអំពីជំនួយវ៉ាក់សាំងកូវីដ-១៩ ពីWHO ចំនួន៣២៤,០០០ដូស។ នៅក្នុងសេចក្ដីប្រកាសខាងលើនេះ បានបញ្ជាក់ថា រាជរដ្ឋាភិបាល បានសម្រេចប្រគល់ភារកិច្ចជូនឯកឧត្ដម ម៉ម ប៊ុនហេង រដ្ឋមន្ត្រីក្រសួងសុខាភិបាល ជាតំណាងរាជរដ្ឋាភិបាលកម្ពុជា ទៅទទួលយកវ៉ាក់សាំងការពារជំងឺកូវីដ-១៩ ដែលជាអំណោយរបស់អង្គការសុខភាពពិភពលោក (WHO) ដែលនឹងមកដល់ប្រទេសកម្ពុជា ក្នុងពេលឆាប់ៗខាងមុខនេះ៕

ភ្នំពេញ៖ ផែនទីផ្លូវការបង្ហាញទីតាំង (Google Map) ពាក់ព័ន្ធនឹងករណីកូវីដ១៩ ទាំងនៅរាជធានីភ្នំពេញ (៧៤កន្លែង) និងក្រុងព្រះសីហនុ (៦កន្លែង) នេះបើយោងតាម Link Google Map ផ្លូវការពីនាយកដ្ឋានប្រយុទ្ធនឹងជំងឺឆ្លង CDC នៃក្រសួងសុខាភិបាល។ ផែនទីកំណត់ទីតាំងខាងលើនេះធ្វើការ Update រៀងរាល់ថ្ងៃ ដោយនាយកដ្ឋានប្រយុទ្ធនឹងជំងឺឆ្លង CDC នៃក្រសួងសុខាភិបាល សហការជាមួយអនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ១៩ នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩។ គិតត្រឹមម៉ោង៨យប់ថ្ងៃទី២៧ ខែកុម្ភៈ ឆ្នាំ២០២១នេះ ទីតាំងពាក់ព័ន្ធករណីកូវីដ១៩ រាជធានីភ្នំពេញ ៧៤កន្លែង និងក្រុងព្រះសីហនុ ៧កន្លែង។ រាជធានីភ្នំពេញ៖1. ក្លឹប N8, ទួលស្វាយព្រៃទី២2. CASA by Meridian, ទន្លេបាសាក់3. Le Gong Guan Hotel, ផ្សារថ្មីទី៣4. Yi Lu Ling Xian, ទន្លេបាសាក់់5. City Comfort Hotel,…

រដ្ឋបាលខេត្តកំពង់ចាម អំពាវនាវអ្នកពាក់ព័ន្ធមកយកសំណាក និងធ្វើចត្តាឡីស័កបន្ទាប់ពីរកឃើញអ្នកកើតជំងឺកូវីដម្នាក់ បានទៅហូបការនៅឃុំពាមជីកង ស្រុកកងមាសខេត្តកំពង់ចាម។