កោះកុង៖ នៅថ្ងៃទី២៥ ខែកុម្ភៈ ឆ្នាំ២០២១ មន្រ្តីសុខាភិបាល និងមន្រ្តីនគរបាលខេត្តកោះកុង បានចាក់វ៉ាក់សាំងការពារជំងឺកូវីដ១៩ លើកដំបូងរួចរាល់ នៅមន្ទីរពេទ្យបង្អែកខេត្តកោះកុង។ លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង បានឲ្យដឹងថា កងកម្លាំងនគរបាល នៃស្នងការដ្ឋាន នគរបាលខេត្តកោះកុងចំនួន ៧៥នាក់ បានចាក់វ៉ាក់សាំងបង្ការជំងឺកូវីដ១៩ លើកដំបូងរួចរាល់គ្រប់គ្នាហើយ នៅមន្ទីរពេទ្យ បង្អែកខេត្តកោះកុង ស្ថិតក្នុងសង្កាត់ស្មាច់មានជ័យ ក្រុងខេមរភូមិន្ទ។ លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្ត បានថ្លែងឲ្យដឹងថា ចាប់ពីថ្ងៃទី២៥ ខែកុម្ភៈ ឆ្នាំ២០២១នេះ មនុស្សដែលមកចាក់វ៉ាក់សាំងការពារជំងឺកូវីដ១៩ នៅខេត្ត កោះកុង មានចំនួនជិត ១០០នាក់ ក្នុងនោះមានមន្ត្រីនគរបាល នៃស្នងការដ្ឋាននគរបាលខេត្តកោះកុងចំនួន ៧៥នាក់ និងមន្ត្រីសុខាភិបាលខេត្តកោះកុងមួយចំនួនទៀត។ លោកប្រធានមន្ទីរសុខភិបាលខេត្តបានថ្លែងទៀតថា ការចាក់វ៉ាក់សាំងការពារជំងឺកូវីដ១៩ នៅខេត្តកោះកុង គឺចាប់ផ្តើមដំណើរការចាប់តាំងពីថ្ងៃទី២៥ ខែកុម្ភៈ ឆ្នាំ២០២១ រហូតដល់អស់វ៉ាក់សាំងចំនួន ១,៨០០ដូស ទើបឈប់។ ចំពោះការចាក់វ៉ាក់សាំងថ្ងៃនេះ ក្រុមគ្រូពេទ្យធ្វើឡើងដោយស្ម័គ្រចិត្តមិនមានការបង្ខិតបង្ខំឡើយ ហើយអាចចាក់បានតែ មន្ត្រីសុខាភិបាលខេត្ត និងមន្ត្រីនគរបាលចំណុះស្នងការដ្ឋាននគរបាលខេត្តកោះកុងតែប៉ុណ្ណោះ។…

ភ្នំពេញ៖ នៅរសៀលថ្ងៃទី២៥ ខែកុម្ភៈ ឆ្នាំ២០២១ អភិបាលខណ្ឌឬស្សីកែវ និងជាសមាជិកក្រុមលេខាសម្ដេចតេជោ ហ៊ុន សែន លោក ជា ពិសី សហការជាមួយមន្រ្តីសុខាភិបាល បានចុះបិទទីតាំងស្នាក់នៅរបស់ប្រជាពលរដ្ឋ២កន្លែង ជាបណ្ដោះ អាសន្ន ដោយមិនអនុញ្ញាឲ្យ មានការចេញចូលជាសាធារណៈឡើយ ក្រោយរកឃើញអ្នកមានវិជ្ជមានមេរោគកូវីដ១៩ (ខ្មែរ+ចិន) ចំនួន០២នាក់ ស្ថិតនៅសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។ លោក ជា ពិសី បានបញ្ជាក់ថា ការរកឃើញអ្នកមានវិជ្ជមានមេរោគកូវីដ១៩ ចំនួន០២នាក់នេះ គឺកើតលើបុរសជនជាតិខ្មែរ ម្នាក់ អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២ និងម្នាក់ទៀតជាបុរសជនជាតិចិន អាយុ៣៦ឆ្នាំ រស់នៅអគារ secret garden camko ប្លុកកាំកូស៊ីធី ភូមិគង្គាផុស សង្កាត់ទួលសង្កែទី២ ហើយបុរសជនជាតិចិន និងខ្មែរទាំង២នាក់ ត្រូវបានបញ្ជូនទៅព្យាបាលនៅមណ្ឌលចត្តាឡីស័កព្រែកព្នៅហើយ៕

ការចំណាយថវិការដ្ឋក្នុងការអនុវត្តកម្មវិធីឧបត្ថម្ភសាច់ប្រាក់ជូនប្រជាជនក្រីក្រ និងងាយរងគ្រោះក្នុងអំឡុងពេល ប្រយុទ្ធប្រឆាំងនឹងជំងឺកូវីដ១៩ ត្រូវគេរាយការណ៍ថា បានអស់ចំនួន ចំនួន៩២២ប៊ីលាននិង៣១៥លាន ៨៤ម៉ឺន ពាន់រៀល ដែលស្មើនឹង២៣០លាន៥៨ម៉ឺនដុល្លារអាមេរិក គិតត្រឹមថ្ងៃទី២៤ ខែកុម្ភៈ ឆ្នាំ២០២១ ។ របាយការណ៍របស់ក្រសួងសង្គមកិច្ច អតីតយុទ្ធជន និងយុវនីតិសម្បទា ថ្ងៃទី២៥ ខែកុម្ភៈ នេះ បានឲ្យដឹងថា ចំនួនគ្រួសារក្រីក្រ (ទាំងក្រ១ និងក្រ២) ដែលទទួលបានការឧបត្ថម្ភរបស់រាជរដ្ឋាភិបាលនេះ មានចំនួន ៦៨ម៉ឺន ៨ពាន់៥៣៩គ្រួសារ ។ គួរបញ្ជាក់ថារាជរដ្ឋាភិបាលបានអនុវត្តជាផ្លូវការនូវកម្មវិធី ឧបត្ថម្ភសាច់ប្រាក់ជូនគ្រួសារក្រី ក្រ និងងាយ រងគ្រោះក្នុងអំឡុងពេលប្រយុទ្ធនឹងជំងឺកូវីដ-១៩ បានចំនួន៤ជុំ និងមាន៨លើករួចមកហើយ៕

ខេត្តព្រះសីហនុនឹងក្លាយជាកន្លែងទី៤ក្នុងប្រទេសកម្ពុជាដែលនឹងមានមន្ទីរពិសោធន៍តេស្តសំណាករកវីរុស កូវីដ១៩។ សេចក្តីរាយការណ៍បានឲ្យដឹងថាប្រទេសចិនបានផ្តល់ជំនួយជាបរិក្ខារបច្ចេកទេសសម្រាប់រៀបចំមន្ទីរ ពិសោធន៍តេស្ដសំណាកនោះដែលកំពុងរៀបចំធ្វើនៅក្នុងមន្ទីរពេទ្យបង្អែកខេត្ត និងសំណង់មន្ទីរពិសោធន៍នោះ គ្រោងនឹងបញ្ចប់មុនចុងខែមីនាឆ្នាំ២០២១។ រដ្ឋបាលខេត្តបានជួនដំណឹងថាភាគីចិន ថែមទាំងនឹងជួយលើការ បណ្តុះបណ្តាលសមត្ថភាពជូនដល់បុគ្គលិកថែមទៀត។ មន្ទីរពិសោធន៍ក្នុងខេត្តព្រះសីហនុ ក្រោយការបញ្ចប់ សាងសង់ នឹងអាចមានសមត្ថភាពអាចធ្វើតេស្តពិនិត្យបាន១ពាន់សំណាកក្នុងមួយថ្ងៃ។ បច្ចុប្បន្នកម្ពុជា ទើបតែ មានមន្ទីរតេស្តរកជំងឺវីរុសកូវីដ-១៩តែ៣ប៉ុណ្ណោះ គឺវិទ្យាស្ថានប៉ាស្ទ័រ រាជធានីភ្នំពេញ, វិទ្យាស្ថានសុខភាពសា ធារណៈ ក្រសួងសុខាភិបាល និងនៅមន្ទីរពេទ្យបង្អែកខេត្តសៀមរាប។