(ទីស្តីការក្រសួងទេសចរណ៍) ៖ក្នុងគោលដៅបន្តអនុវត្តនូវវិធានការបង្ការ និងទប់ស្កាត់ហានិភ័យនៃការរីករាលដាលជំងឺកូវីដ-១៩ រាជរដ្ឋាភិបាលបានដាក់ឱ្យប្រើប្រាស់ប្រព័ន្ធ QR Code “ទប់ស្កាត់កូវីដ Stop Covid”។ តាមរយៈប្រព័ន្ធនេះ សាធារណៈជនអាចស្កេននៅពេលចូលទីតាំងដែលមានមនុស្សចេញ-ចូលច្រើន ហើយអាចទទួលបានដំណឹងឆាប់រហ័ស ប្រសិនបើទីតាំងនោះ មានករណីឆ្លងជំងឺ។

នៅក្នុងសេចក្តីប្រកាសព័ត៌មានមួយចេញផ្សាយនៅថ្ងៃទី២៤ ខែកុម្ភះ ឆ្នាំ២០២១ នេះ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ស្វាគមន៍ចំពោះការគាំទ្របន្ថែមពីអង្គការយូនីសេហ្វ និងប្រទេសស៊ុយអែត សម្រាប់សាលារៀន និងសិស្សានុសិស្សដែលរងផលប៉ះពាល់ក្នុងខេត្តនានានៅជាប់ព្រំដែន ព្រោះសាលារៀនខ្លួនត្រូវបានប្រើប្រាស់ជាមជ្ឈមណ្ឌលចត្តាឡីស័ក។ ឯកឧត្តមរដ្ឋមន្រ្តី បានបញ្ជាក់ថា ទោះបីជាយើងកំពុងជួបប្រទះការលំបាកពីការឆ្លងរាលដាលជាសកលនៃជំងឺកូវីដ១៩ក៏ដោយ ក៏យើងត្រូវប្រឹងប្រែងឱ្យអស់លទ្ធភាព ដើម្បីឱ្យសិស្សអាចនៅតែបន្តការសិក្សាបាន និងធានាថាពួកគេមានសុវត្ថិភាពពីជំងឺនេះ។ ដូច្នេះហើយបានជាការផ្ដល់សៀវភៅសិក្សានៅពេលនេះដល់សិស្សដែលរងផលប៉ះពាល់ គឺជាអន្តរាគមន៍ចំពោះមុខដ៏សំខាន់ ដើម្បីជួយឱ្យពួកគេនៅតែបន្តការសិក្សាបាន។”ដើម្បីឆ្លើយតបចំពោះតម្រូវការនេះ យូនីសេហ្វ ដោយមានការគាំទ្រថវិកាពីប្រទេសស៊ុយអែត បានទិញសៀវភៅសិក្សាមុខវិជ្ជាគោលសម្រាប់ចែកជូនសិស្សនៅក្នុងសាលាបឋមសិក្សា អនុវិទ្យាល័យ និងវិទ្យាល័យចំនួន៥០ ចាប់ពីថ្នាក់ទី១ ដល់ថ្នាក់ទី១២។ ជាសរុប សៀវភៅសិក្សាចំនួន ៣៥.០៥៥ ក្បាល ត្រូវបានចែកជូនទៅដល់សាលារៀននៅតំបន់ភាគឦសាន ដែលបានជួយដល់សិស្សប្រមាណ ៣២.៤៨៦នាក់ ឱ្យអាចបន្តការសិក្សារបស់ពួកគេបាន។ឯកឧត្តម ប៊ីយ៉ន ហ៊ែហ្កម៉ាឃ ឯកអគ្គរាជទូតប្រទេសស៊ុយអែតប្រចាំប្រទេសកម្ពុជា បានមានប្រសាសន៍ថា “ការអប់រំគឺជាសិទ្ធិមនុស្សមូលដ្ឋានដ៏សំខាន់ ប៉ុន្តែការរាតត្បាតនៃជំងឺកូវីដ១៩ បានបន្តបង្អាក់ដល់ការសិក្សារបស់កុមារកម្ពុជារាប់ពាន់នាក់។ ប្រទេសស៊ុយអែតមានសេចក្ដីសោមនស្សរីករាយ ដែលអាចចូលរួមជួយដល់ការឆ្លើយតបជាបន្ទាន់ដ៏មានសារៈសំខាន់នេះ ដើម្បីធានាថាកុមារី និងកុមារដែលរស់នៅក្នុងខេត្តរងផលប៉ះពាល់ផ្ទាល់ពីជំងឺកូវីដ១៩ អាចទទួលបានធនធនសិក្សាគ្រប់គ្រាន់ ដើម្បីបន្តការសិក្សាររបស់ពួកគេ។”ជាមួយគ្នានេះ លោកស្រី ហ្វ័រូហ្គ ហ្វយូហ្សិថ…

ភ្នំពេញ៖ ក្រសួងប្រៃសណីយ៍ និងទូរគមនាគមន៍ បង្ហាញវីដេអូស្ពត ស្តីពី ការស្កេន QR Code ប្រើប្រាស់ប្រព័ន្ធបច្ចេកវិទ្យាទប់ស្កាត់ជំងឺកូវីដ១៩ បើតាមការបញ្ជាក់របស់ឯកឧត្តម ជា វ៉ាន់ដេតការស្កេន QR Codeបន្តកើនឡើងយ៉ាងខ្លាំង រហូតដល់ជាង៥ម៉ឺនទីតាំង មានអ្នកប្រើប្រាស់ជាង៣០ម៉ឺននាក់បន្ទាប់ពីគណៈកម្មការអន្តរ​ក្រសួងប្រយុទ្ធនឹងជំងឺកូវីដ-១៩ ប្រកាសដាក់ឲ្យប្រើប្រាស់ប្រព័ន្ធ QR Code «ទប់ស្កាត់កូវីដ Stop Covid» មានគ្រឹះស្ថានសាធារណៈនិងឯកជន ភោជនីយដ្ឋាន សណ្ឋាគារ និងរោងចក្រជាដើមចំនួន៥២ ១២៧ទីតាំង បានចុះឈ្មោះបង្កើត QR Code សម្រាប់ប្រើប្រាស់ ហើយប្រជាពលរដ្ឋបានប្រើប្រាស់រហូតដល់ ៣១៤ ៦២៣ នាក់ ហើយបើគិតចំនួន Checked In វិញមាន ១ ០១៨ ៨៥៨ ដង គិតត្រឹមម៉ោង៥៖០០នាទី រសៀលថ្ងៃទី២៤ ខែកុម្ភៈ ឆ្នាំ២០២១។ នេះបើតាមការបញ្ជាក់របស់លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ។ ការចុះឈ្មោះប្រើប្រាស់យ៉ាងច្រើនក្នុងរយៈពេលដ៏ខ្លីនេះ បញ្ជាក់ពីការគាំទ្រ…

ភ្នំពេញ៖ បើយោងតាមលិខិតរបស់ក្រសួងអប់រំ នៅល្ងាចថ្ងៃទី២៤ ខែកុម្ភៈ ឆ្នាំ២០២១នេះបញ្ជាក់ថា គ្រឹះស្ថានសិក្សាសាធារណៈ និងឯកជនត្រូវបានផ្អាក ជាបណ្តោះអាសន្នរយៈពេល២សប្តាហ៍ នៅក្រុងព្រះសីហនុ និងស្រុកស្ទឹងហាវ  ការផ្អាកនេះដើម្បីចៀសវាងការឆ្លងជំងឺកូវីដ១៩ ចូលក្នុងសាលារៀន និងរីករាលដាល ក្នុងសហគមន៍ទ្រង់ទ្រាយធំ ព្រមទាំងយោងតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ ក្រសួងអប់រំ បានណែនាំដល់គ្រឹះស្ថានសិក្សាទាំងអស់ ត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក។ ក្រសួងបានប្រាប់ទៅមន្ទីរអប់រំ យុវជន និងកីឡា ខេត្តព្រះសីហនុ ត្រូវផ្សព្វផ្សាយឱ្យបានទូលំទូលាយដល់គ្រប់ ការិយាល័យអប់រំ យុវជន និងកីឡា នៃរដ្ឋបាលក្រុង ស្រុក គណៈគ្រប់គ្រងគ្រឹះស្ថានសិក្សាគ្រប់កម្រិត បុគ្គលិកអប់រំ មាតាបិតា អ្នកអាណាព្យាបាលគ្រប់រូប និងសូមចូលរួមសហការអនុវត្តប្រកបដោយស្មារតីទទួលខុសត្រូវខ្ពស់។ សូមបញ្ជាក់ថា កាលពីយប់ថ្ងៃទី២២ ខែកុម្ភៈ ឆ្នាំ២០២១ ក្រសួងអប់រំ យុវជន និងកីឡា ក៏បានសម្រេចផ្អាក ដំណើរការ គ្រឹះស្ថានសិក្សាសាធារណៈ និងឯកជនជាបណ្តោះអាសន្ន រយៈពេល ២សប្តាហ៍ នៅរាជធានីភ្នំពេញ និងខេត្តកណ្តាល ផងដែរដោយសារជំងឺកូវីដ១៩ ដែលកំពុងរីករាលដាលនេះ៕

កំពង់ឆ្នាំង៖ ក្រុមការងារអាជ្ញាធរខេត្តកំពង់ឆ្នាំង បានចេញដំណើរតាមសាឡាងទាំងយប់ថ្ងៃទី២៣ខែកុម្ភ:ឆ្នាំ២០២១ដើម្បីទៅយកមនុស្សចំនួន១០នាក់ មកពីស្រុកកំពង់លែង៣គ្រួសារ ចំនួន ៨នាក់ និងស្រុកបរិបូណ៌ចំនួន ២នាក់ ដើម្បីយកមកធ្វើចត្តាឡីស័កឲ្យបានត្រឹមត្រូវ ក្រោយពីពួកគាត់បានចាកចេញពីទីក្រុងភ្នំពេញក្នុងព្រឹត្តិការណ៍ ២០កុម្ភះ ពាក់ព័ន្ធទៅនឹងទីកន្លែងដែលមានករណីផ្ទុះកូវីដ-១៩ ។ លោក ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានបញ្ជាក់អោយដឹងថា ករណីនាំយកអ្នកទាំង១០ នាក់ទៅធ្វើចត្តាឡីស័ក គឺនៅឯមណ្ឌលស្រុកទឹកផុស ហើយក្រុមគ្រូពេទ្យកំពុងធ្វើតេស្ត ពីព្រោះពួកគាត់ទាំងនោះមានពាក់ព័ន្ធជាមួយនឹងទីតាំងហេតុការណ៍ ២០កុម្ភៈ នៅឯទីក្រុងភ្នំពេញ ដោយពួកគាត់បានធ្វើដំណើរចាកចេញមកកាន់ខេត្តកំពង់ឆ្នាំងទៅលំនៅដ្ឋានរបស់ខ្លួនវិញ។ ក្រោយពីយកសំណាកបញ្ជូនទៅក្រុងភ្នំពេញ លទ្ធផលនឹងរង់ចាំបន្តទៀត ប៉ុន្តែបច្ចុប្បន្ននេះគឺមិនទាន់បញ្ជាក់បានថាគាត់វិជ្ជមានឬអវិជ្ជមានកូវីដ-១៩ នោះទេដោយគ្រាន់តែគាត់មានពាក់ព័ន្ធនឹងទីតាំងខាងលើ។ លោកប្រាក់ វ៉ុន ប្រធានមន្ទីរសុខាភិបាលខេត្ត ក៏បានអំពាវនាវចំពោះអ្នកដែលពាក់ព័ន្ធទៅនឹងទីទាំង ៤៦កន្លែង សូមមកពិនិត្យសំណាក់ និងធ្វើចតាឡីស័កឲ្យបានត្រឹមត្រូវ និងត្រូវអនុវត្តតាមការណែនាំរបស់ក្រសួងសុខាភិបាលឲ្យបានម៉ត់ចត់បំផុត៕ សុខគឹមសៀន