-
គិតត្រឹមរសៀលថ្ងៃទី២៣ ខែកុម្ភៈ ឆ្នាំ២០២១ អាជ្ញាធរបានបិទទីតាំងសរុប ៤៧កន្លែង ដែលពាក់ព័ន្ធនឹងព្រឹត្តិការណ៍ ២០ កុម្ភៈ
-
លោកជំទាវ ឱ វណ្ណឌីន អះអាងថា ការរកឃើញមេរោគក្នុងសត្វប្រជៀវ មិនមែនជាមេរោគកូវីដ១៩ទេ ខណៈប្រធាន វិទ្យាស្ថានប៉ាស្ទ័រកម្ពុជា បញ្ជាក់ថា មេរោគក្នុងសត្វប្រជៀវ មិនមានលទ្ធភាពចម្លងចូលទៅមនុស្សបានទេ
ភ្នំពេញ៖ ថ្លែងក្នុងសន្និសីទសារព័ត៌មាន នៅព្រឹកថ្ងៃទី២៣ ខែកុម្ភៈ ឆ្នាំ២០២១ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអះអាងបញ្ជាក់ជាថ្មីថា ការរកឃើញមេរោគក្នុងសត្វប្រជៀវ មិនមែនជាមេរោគកូវីដ១៩ទេ តែជាបងប្អូនជីដូនមួយនឹងមេរោគកូវីដ១៩ បំប្លែងថ្មី។ បន្ថែមលើការពន្យល់បកស្រាយរបស់ប្រធានវិទ្យាស្ថានប៉ាស្ទ័រកម្ពុជា លោកជំទាវ ឱ វណ្ណឌីន បានបញ្ជាក់ថា អ្វីដែលគេសរសេរក្នុងអត្ថបទសិក្សារបស់គេនេះ បានបញ្ជាក់ថា វីរុស ដែលមាននៅក្នុងសត្វប្រជៀវនេះ វាមិនមែនជាវីរុសកូវីដ១៩ទេ។ វាជាបងប្អូនជីដូនមួយ និយាយឲ្យស្រួលយល់! វាជាបងប្អូនជីដូនមួយជាមួយនឹងវីរុស SAR Covi-2 តែវាមិនមែនជាវីរុសកូវីដ១៩ ទេ។ ទី២-អ្វីដែលគេរកឃើញ វាមានភាពខុសគ្នាស្រលះតែម្តង ត្រង់ស្បែកប្រូតេអ៊ីនរបស់វា ដែលវាមិនមានលទ្ធភាពក្នុងការចម្លងទៅមនុស្សនោះទេ។ មានន័យថា វាមានតែនៅក្នុងសត្វប្រជៀវនោះទេ ដែលវាក៏មិនមានលទ្ធភាពចម្លងមកមនុស្សដែរ ដោយសារតែអាស្បែកប្រូតេអ៊ីនរបស់វានោះឯង។ ទី៣-វីរុស ដែលគេរកឃើញក្នុងប្រជៀវនេះ ក៏មិនមែនជាវីរុសកូវីដ១៩ ដែលបំប្លែងថ្មីដែរ។ វាជាបងប្អូនជីដូនមួយរបស់ SAR Covid-2 តែវាមិនមែនជា SAR Covid-2 ទេ។ នៅក្នុងសន្និសីទសារព័ត៌មាននេះ ប្រធានវិទ្យាស្ថានប៉ាស្ទ័រកម្ពុជា លោកស្រីវេជ្ជបណ្ឌិត ឡូរ៉ង់…
-
សភាអាមេរិកអនុម័តលើកញ្ចប់ថវិកាជំនួយ១.៩ទ្រីលានដុល្លារ ដើម្បីដោះស្រាយវិបត្តិ Covid-19
អាមេរិក៖ គណៈកម្មាធិការថវិកានៃសភាអាមេរិក នៅថ្ងៃចន្ទដើមសប្តាហ៍នេះ (ម៉ោងក្នុងតំបន់)បានអនុម័តលើច្បាប់ដែលមានទឹកប្រាក់ចំនួន១.៩ទ្រីលានដុល្លារ ក្នុងការផ្តល់ជំនួយសង្គ្រោះថ្មីពីវិបត្តិ Covid-19 ។ វិធានការណ៍ខាងលើនេះ បានអនុម័តលើសំឡេងឆ្នោតភាគច្រើន នៃគណបក្ស ដែលមាន១៩តទល់នឹង១៦សំឡេង ស្របពេលដែលចំនួនអ្នកស្លាប់ ដោយសារជំងឺ Covid-19 ទូទាំងសហរដ្ឋអាមេរិកបានកើនឡើងលើសកន្លះលាននាក់ បន្ទាប់ពីវីរុសដ៏កាចសាហាវមួយនេះ ឆ្លងរាតត្បាតមិនដល់រយៈពេលមួយឆ្នាំផង ។ សហរដ្ឋអាមេរិកបានកត់ត្រាពីចំនួនអ្នកឆ្លងកើនឡើងជាង២៨លានករណី និងស្លាប់ជាង៥០ម៉ឺន៥៤នាក់ គិតត្រឹមរសៀលថ្ងៃចន្ទម្សិលមិញ នេះបើតាមសារព័ត៌ មានរ៉យទ័រចេញផ្សាយនូវទិន្នន័យសរុបផ្នែកសុខាភិបាលសាធារណៈ បើទោះបី ជាករណីឆ្លងប្រចាំថ្ងៃ និងក្នុងមន្ទីរពេទ្យបានធ្លាក់ចុះដល់កម្រិតទាបបំផុត ចាប់តាំងពីថ្ងៃឈប់សម្រាក Thanksgiving និងថ្ងៃបុណ្យណូអែល ៕ ប្រភព៖ Reuters
-
ប្រមុខ WHO អំពាវនាវអោយប្រទេសអ្នកមានកុំទិញវ៉ាក់សាំងបន្ថែម ព្រោះអាចរាំងស្ទះដល់កិច្ចប្រឹងប្រែងចាក់វ៉ាក់សាំងក្នុងប្រទេសក្រីក្រ និងមានប្រាក់ចំណូលមធ្យម
បរទេស៖ ប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយ៉េសឹស បានស្នើដល់ប្រទេសអ្នកមានកុំបញ្ជាទិញវ៉ាក់សាំងបន្ថែមទៀត ដែលអាចរាំងស្ទះដល់កិច្ចខិតខំប្រឹងប្រែង ក្នុងការចាប់ផ្តើមចាក់វ៉ាក់សាំង Covid-19 នៅក្នុងប្រទេសក្រីក្រ និងមានប្រាក់ចំណូលមធ្យម ។ ប្រមុខអង្គការសុខភាពពិភពលោករូបនេះ បានគូសបញ្ជាក់ថា ប្រទេសដែលមានប្រាក់ចំណូលខ្ពស់មួយចំនួនកំពុងតែខិតជិតក្រុមហ៊ុនផលិត ដើម្បីទទួលបានវ៉ាក់សាំងបន្ថែម ដែលកំពុងធ្វើឲ្យប៉ះពាល់ដល់កិច្ចព្រមព្រៀងជាមួយកម្មវិធី COVAX ។ ហើយសូម្បីតែចំនួនទឹកប្រាក់ដែលត្រូវបានបម្រុងទុកសម្រាប់កម្មវិធី COVAX ក៏ត្រូវបានកាត់បន្ថយដែរដោយសារតែបញ្ហានេះ ។ ជាមួយគ្នានេះ លោក ថេដ្រូស បានអំពាវនាវដល់បណ្តាប្រទេសដែលមានប្រាក់ចំណូលខ្ពស់ ដើម្បីធ្វើឲ្យប្រាកដពីបញ្ហានេះ មុនពេលធ្វើការស្នើសុំពីក្រុមហ៊ុនផលិតវ៉ាក់សាំង និងប្រាកដថា ការទិញបន្ថែមរបស់ពួកគេនឹងមិនធ្វើឲ្យខូចដល់កិច្ចព្រមព្រៀងដែលធ្វើឡើងដោយកម្មវិធី COVAX នោះទេ ។ សូមជម្រាបថា គំនិតផ្តួចផ្តើមកម្មវិធីវ៉ាក់សាំង COVAX បានបញ្ចប់កិច្ចសន្យាជាមួយក្រុមហ៊ុនផលិតវ៉ាក់សាំង អាស្រ្តាហ្សេណេកា ក្រុមហ៊ុន បាយអូអិនធិច និងវិទ្យាស្ថាន សេរូម របស់ប្រទេសឥណ្ឌា ហើយគ្រោងនឹងចែកចាយវ៉ាក់សាំងចំនួន ៣៣៧លានដូសទៅកាន់ប្រទេសជាង ១៣០ គិតចាប់ពីចុងខែនេះ រហូតដល់ពាក់កណ្តាលឆ្នាំ២០២១ ៕ ប្រភព៖ Anadulu
-
ចាប់ដំណើរការប្រើប្រព័ន្ធ QR Code ទប់ស្កាត់កូវីដ Stop Covid នៅតាមច្រកចេញ ចូលសាលារាជធានីភ្នំពេញហើយ
ភ្នំពេញ៖ នៅតាមច្រកចេញ ចូលសាលារាជធានីភ្នំពេញបានបំពាក់ប្រព័ន្ធ QR Code ទប់ស្កាត់កូវីដ Stop Covidហើយ ដោយចាប់ដំណើរការតាំងពីថ្ងៃទី២២ កុម្ភៈមកម្លេះ ដើម្បីបង្ការទប់ស្កាត់នូវការរីករាលដាលនៃជំងឺកូវីដ-១៩ ខណៈដែលជំងឺនេះបាននិងកំពុងរីករាលដាលដល់សហគមន៍ជាថ្មីម្ដងទៀតនោះ។ការបំពាក់នូវបច្ចេកវិទ្យាថ្មីនេះ អាចគ្រប់គ្រងទិន្នន័យបានយ៉ាងល្អប្រសើរចំពោះការរាតត្បាតនៃជំងឺកូវីដ-១៩។ជាក់ស្តែនៅព្រឹកថ្ងៃទី២៣កុម្ភៈនេះ ថ្នាក់ដឹកនាំ មន្ត្រីរដ្ឋបាលរាជធានីភ្នំពេញ និងភ្ញៀវ ដែលចូលសាលារាជធានី បានប្រើប្រាស់ QR Code ទប់ស្កាត់កូវីដ Stop Covidគ្រប់គ្នា ជាមួយនិងការវាស់កំដៅ បាញ់ លាងដៃនិងអាកុលផងដែរ។ ពាក់ព័ន្ធនឹងការបំពាក់ប្រព័ន្ធ QR Code ទប់ស្កាត់កូវីដ Stop Covidនេះ កាលពីថ្ងៃទី២១ កុម្ភៈកន្លងមកនេះ នៅក្នុងកិច្ចប្រជុំជាបន្ទាន់មួយ ជាមួយនិងក្រសួងក្រសួងប្រៃសណីយ៍ និងទូរគមនាគមន៍ និងរដ្ឋបាលរាជធានីភ្នំពេញ ឯកឧត្តម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ណែនាំទៅគ្រឹះស្ថានសាធារណៈនិងឯកជន ភោជនីយដ្ឋាន សណ្ឋាគារ និងរោងចក្រទាំងអស់នៅក្នុងរាជធានីភ្នំពេញ ត្រូវតែបំពាក់ប្រព័ន្ធ QR Code ទប់ស្កាត់កូវីដ Stop Covidនេះ ។ បច្ចេកវិទ្យាថ្មីនេះពិតជាមានសារៈសំខាន់ ព្រោះវាមានភាពងាយស្រួលក្នុងការតាមដាននិងស្វែងរកអ្នកដែលពាក់ព័ន្ធនឹងជំងឺកូវីដ-១៩…
-
ទីបំផុតសហរដ្ឋអាមេរិកក្លាយជាប្រទេសដំបូងគេ ដែលមានអ្នកស្លាប់ដោយសារជំងឺ Covid-19 កើនឡើងលើស៥០ម៉ឺននាក់
អាមេរិក៖ សហរដ្ឋអាមេរិក នៅថ្ងៃចន្ទដើមសប្តាហ៍នេះ មានចំនួនអ្នកស្លាប់ដោយ សារ Covid-19 បានកើនឡើងលើស៥០ម៉ឺននាក់ហើយ ក្រោយវីរុសដ៏កាចសាហាវមួយនេះ ឆ្លងរាតត្បាតមិនដល់រយៈពេលមួយឆ្នាំផង ខណៈតួលេខនេះធ្វើឲ្យ សហរដ្ឋអាមេរិកក្លាយជាប្រទេសដំបូងគេ ដែលមានអ្នកស្លាប់ដោយសារជំងឺនេះ លើសកន្លះលាននាក់ ។ សហរដ្ឋអាមេរិកបានកត់ត្រាពីចំនួនអ្នកឆ្លងកើនឡើងជាង២៨លានករណី និងស្លាប់ជាង៥០ម៉ឺន៥៤នាក់ គិតត្រឹមរសៀលថ្ងៃចន្ទម្សិលមិញ នេះបើតាមសារព័ត៌មានរ៉យទ័រចេញផ្សាយនូវទិន្នន័យសរុបផ្នែកសុខាភិបាលសាធារណៈ ទោះបី ជាករណីឆ្លងប្រចាំថ្ងៃ និងមន្ទីរពេទ្យបានធ្លាក់ចុះដល់កម្រិតទាបបំផុត ចាប់តាំងពីថ្ងៃឈប់សម្រាក Thanksgiving និងថ្ងៃបុណ្យណូអែល ។ អ្នកតាមដានរបស់សាកលវិទ្យាល័យ Johns Hopkins បានបញ្ជាក់ថា សហរដ្ឋអាមេរិកបានរកឃើញថា ប្រទេសខ្លួនមានករណីឆ្លងជំងឺ Covid-19 ច្រើនជាង២៨លានករណី ចាប់តាំងពីវីរុសនេះត្រូវបានរកឃើញដំបូងនៅក្នុងប្រទេសចិន កាលពីខែធ្នូ ឆ្នាំ២០១៩ ។ សេចក្តីរាយការណ៍ដំបូងនៃការស្លាប់ដោយសារ Covid-19 នៅសហរដ្ឋអាមេរិក គឺជាអ្នករស់នៅរដ្ឋ វ៉ាស៊ីនតោន ក្នុងវ័យ៥០ឆ្នាំ កាលពីថ្ងៃទី២៩ ខែកុម្ភៈ ឆ្នាំ២០២០ ដែលជាហេតុជំរុញអោយរដ្ឋនេះប្រកាសអាសន្ន ៕ ប្រភព៖ Reuters
-
លោក ប្រាយុទ្ធ ចាន់អូចា ប្រកាសថា លោកត្រៀមខ្លួនរួចរាល់ហើយ ដើម្បីស្ថិតក្នុងចំណោមមនុស្សដំបូងគេដែលនឹងត្រូវចាក់វ៉ាក់សាំង Sinovac របស់ចិន
ថៃ៖ នាយករដ្ឋមន្រ្តីថៃលោក ប្រាយុទ្ធ ចាន់អូចា នៅថ្ងៃចន្ទនេះប្រកាសថា រូបលោកត្រៀមខ្លួនរួចរាល់ហើយ ដើម្បីស្ថិតក្នុងចំណោមមនុស្សដំបូងគេ ដែលនឹងត្រូវទទួលបានការចាក់វ៉ាក់សាំង COVID-19 របស់ក្រុមហ៊ុនផលិតឱសថចិន Sinovac ដើម្បីបង្កើនទំនុកចិត្តពីសាធារណៈជន ។ ឆ្លើយតបទៅនឹងសំណួររបស់អ្នកសារព័ត៌មាន ពាក់ព័ន្ធនឹងការចាក់វ៉ាក់សាំងនោះ លោក ប្រាយុទ្ធ ចាន់អូចា បាននិយាយថា ខ្ញុំនឹងធ្វើវាប្រសិនបើខ្ញុំអាច… ហើយខ្ញុំបានត្រៀមខ្លួនរួចរាល់ហើយដើម្បីទទួលការចាក់វ៉ាក់សាំង ។ បើតាមលោក ប្រាយុទ្ធ វ៉ាក់សាំង Sinovac ជំហានដំបូងគ្រោងនឹងមកដល់ប្រទេសថៃ នៅថ្ងៃពុធសប្តាហ៍នេះ ខណៈជំហានទី២គ្រោងនឹងមកដល់នៅខែក្រោយ ហើយជំហានទី៣ នឹងមកដល់នៅខេមេសាខាងមុខ ។ អគ្គនាយកនៃនាយកដ្ឋានប្រយុទ្ធនឹងជំងឺឆ្លងថៃ លោក Obas Kankawenphung បានឲ្យដឹងថា ក្រុមមនុស្សដំបូងដែលនឹងទទួលបានចាក់វ៉ាក់សាំងទាំងនេះ គឺរួមមានបុគ្គលិកពេទ្យដែលមានទំនាក់ទំនងជិតស្និតជាមួយអ្នកជំងឺ COVID-19 និងអ្នកដែលមានជំងឺរ៉ាំរ៉ៃមួយចំនួន ព្រមទាំងមនុស្សដែលមានអាយុលើសពី៦០ឆ្នាំ ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើង១១២លាន២៥ម៉ឺននាក់ ក្នុងនោះស្លាប់២លាន៤៨ម៉ឺននាក់ និងជាសះស្បើយ៨៧លាន៧៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១១២លាន២៥ម៉ឺន៩ពាន់៥៥៥ករណី ក្នុងនោះមានអ្នកជម្ងឺសរុបចំនួន២លាន៤៨ម៉ឺន៥ពាន់៣២៣នាក់ស្លាប់ និង ជាសះស្បើយឡើងវិញសរុបចំនួន៨៧លាន៧៨ម៉ឺន៤ពាន់៧៨៤នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៣ ខែកុម្ភៈ ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៨លាន៨២ម៉ឺន៦ពាន់៣០៧នាក់ ស្លាប់ចំនួន៥១ម៉ឺន២ពាន់៥៩០នាក់ និងជាសះស្បើយចំនួន១៩លាន១១ម៉ឺន៤ពាន់១៤០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១១លាន១ម៉ឺន៥ពាន់៨៦៣នាក់ ស្លាប់ចំនួន១៥ម៉ឺន៦ពាន់៤៩៨នាក់ និងជាសះស្បើយ១០លាន៧១ម៉ឺន៤៨៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ១០លាន១៩ម៉ឺន៧ពាន់៥៣១នាក់ ស្លាប់២៤ម៉ឺន៧ពាន់២៧៦នាក់ និងជាសះស្បើយ៩លាន១៣ម៉ឺន៩ពាន់២១៥នាក់ ៕ ប្រភព៖ worldometers
-
កម្ពុជារកឃើញអ្នកឆ្លងជំងឺកូវីដ-១៩ចំនួន២៥នាក់បន្ថែមទៀតនៅថ្ងៃនេះ ដែលនាំឲ្យអ្នកឆ្លងចូលសហគមន៍២០កុម្ភៈបានកើនឡើងដល់៩៩នាក់
យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃស២៣កុម្ភៈឆ្នាំ២០២១ បានឲ្យដឹងថា នៅថ្ងៃ២២កុម្ភៈ គេបានរកឃើញ មានករណីវិជ្ជមានវីរុសកូវីដ-១៩ ថ្មីចំនួន២៥នាក់ ក្នុងនោះ២៣នាក់ជាអ្នកឆ្លងពាក់ពន្ធ័ក្នុងព្រឹត្តិការណ៍សហគមន៍២០កុម្ភៈ និង២នាក់ទៀតជាអ្នកដំណើរមកពីក្រៅប្រទេស។ នៅថ្ងៃនេះមិនមានអ្នកជាសះស្បើយនោះទេ។ កម្ពុជាគិតមកដល់ថ្ងៃ២៣កុម្ភៈនេះ មានករណីឆ្លងជំងឺកូវីដ-១៩សរុប៥៩៣នាក់ ក្នុងនោះបានព្យាបាលជាសះស្បើយចំនួន៤៧៥ និងនៅសល់១១៦នាក់កំពុងសម្រាកព្យាបាលនៅមន្ទីរពេទ្យ។
-
ផ្សាយបន្តផ្ទាល់ សន្និសីទសារព័ត៍មាន របស់ក្រសួងសុខាភិបាល 23-02-2021