-
រដ្ឋបាលខេត្តព្រះសីហនុបិទទ្វារកាស៊ីណូ ឆាង ឆឹងអ៊ីឡឹឆឺង ជាបណ្តោះអាសន្ន ដើម្បីទប់ស្កាត់ការឆ្លងរាលដាលនៃជំងឺកូវីដ១៩
រដ្ឋបាលខេត្តព្រះសីហនុ នាថ្ងៃទី២៦ ខែកុម្ភៈ នេះ បានធ្វើការផ្អាកកាស៊ីណូ ឆាង ឆឹងអ៊ីឡឹឆឺង ជាបណ្តោះអាសន្ន ដើម្បីចាត់វិធានការចត្តាឡីស័ក និងទប់ស្កាត់ការឆ្លងរាលដាលនៃជំងឺកូវីដ១៩ចូលក្នុងសហគមន៍។ លិខិតរបស់រដ្ឋបាលខេត្តព្រះសីហនុ បានបញ្ជាក់ថា ក្រុមឆ្លើយតបបន្ទាន់នៃមន្ទីរសុខាភិបាលខេត្ត បានរកឃើញបុរសជនជាតិចិនម្នាក់ឈ្មោះ HANG GANG អាយុ ៣៩ ឆ្នាំ បានមកកម្សាន្តនៅទីនេះ មានវិជ្ជមានកូវីដ១៩។ កាស៊ីណូ ឆាង ឆឹងអ៊ីឡឹឆឺង មានទីតាំងនៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ។ មន្រ្តីសុខាភិបាននឹងបន្តចុះយកសំណាកពីភ្ញៀវ ដែលចូលមកកម្សាន្ត និងបុគ្គលិកនៅក្នុងសណ្ដាគារនេះ ដើម្បីរកវីរុសកូវីដ១៩ជាបន្តទៀតុ៕
-
អង្គភាពក្រោមចំណុះ ក្រសួងមហាផ្ទៃ ចំនួន១៨ អាចចូលរួមចាក់វ៉ាក់សាំងកូវីដ១៩ តាមគោលការណ៍ ស្ម័គ្រចិត្ត
ភ្នំពេញ៖ នៅថ្ងៃទី២៦ ខែកុម្ភៈ ឆ្នាំ២០២១ ក្រសួងមហាផ្ទៃ បានចេញលិខិតមួយប្រាប់ដល់ អង្គភាពក្រោមចំណុះ របស់ខ្លួនចំនួន ១៨អង្គភាព ឱ្យចាត់មន្រ្តីចូលរួមចាក់វ៉ាក់សាំងកូវីដ១៩ តាមគោលការណ៍ស្ម័គ្រចិត្ត។ ការជូនដំណឹងអំពីការចាក់វ៉ាក់សាំងកូវីដ១៩ ដល់ថ្នាក់ដឹកនាំ មន្រ្តីនគរបាលជាតិ និងមន្រ្តីរាជការស៊ីវិលចំណុះ ក្រសួងមហាផ្ទៃនេះ ធ្វើឡើងបន្ទាប់ពីមានចំណាដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីថ្ងៃទី២២ ខែកុម្ភៈ ឆ្នាំ២០២១។ លិខិតក្រសួងមហាផ្ទៃ ចុះហត្ថលេខាដោយ លោកសន្តិបណ្ឌិត ម៉ៅ ប៊ុនណារិន រដ្ឋលេខាធិការក្រសួងនេះ បានបញ្ជាក់ថា ដើម្បីឱ្យយុទ្ធនាការចាក់វ៉ាក់សាំងកូវីដ១៩ ជូនថ្នាក់ដឹកនាំ និងមន្រ្តីរាជការ បម្រើការងារនៅទីស្តីការក្រសួងមហាផ្ទៃ ប្រព្រឹត្តទៅបានរលូន ប្រកបដោយប្រសិទ្ធភាព និងមានសណ្តាប់ធ្នាប់របៀបរៀបរយល្អ ធានាបាននូវវិធានការដែលកំណត់ដោយក្រសួងសុខាភិបាល ក្រសួងមហាផ្ទៃ ស្នើអង្គភាពទាំង១៨ ចូលរួម និងចាត់ចែងមន្រ្តីរាជការក្រោមឱវាទដែលចំណុះទីស្តីការក្រសួងមហាផ្ទៃ ឱ្យចូលរួមចាក់វ៉ាក់សាំង ផ្អែកតាមគោលការណ៍ស្ម័គ្រចិត្ត នៅមន្ទីរពេទ្យ ថ្ងៃទី១៦ ឧសភា ចាប់ពីថ្ងៃទី០៤ ខែមីនា ឆ្នាំ២០២១ រៀងរាល់ម៉ោងធ្វើការ៕
-
អាជ្ញាធរខណ្ឌឬស្សីកែវ ចុះបិទទីតាំងស្នាក់នៅរបស់ប្រជាពលរដ្ឋ២កន្លែងសង្កាត់ទួលសង្កែទី២ ក្រោយរកឃើញមនុស្ស២នាក់ឆ្លងមេរោគកូវីដ១៩
ភ្នំពេញ៖ បេីតាមការឲ្យដឹងពីអាជ្ញាធរខណ្ឌឬស្សីកែវ នៅថ្ងៃទី២៦ ខែកុម្ភៈ ឆ្នាំ ២០២១នេះ លោក ជា ពិសី អភិបាលខណ្ឌឬស្សីកែវ និងជាសមាជិកក្រុមលេខាសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានសហការជាមួយមន្រ្តីសុខាភិបាល នៅរសៀលថ្ងៃទី២៥ ខែកុម្ភៈ ឆ្នាំ២០២១នេះ ចុះបិទទីតាំងស្នាក់នៅរបស់ប្រជាពលរដ្ឋ២កន្លែងជាបណ្ដោះអាសន្ន ដោយមិនអនុញ្ញាឲ្យ មានការចេញចូលជាសាធារណៈឡើយ ក្រោយរកឃើញអ្នកមានវិជ្ជមានមេរោគកូវីដ១៩ (ខ្មែរ+ចិន) ចំនួន០២នាក់ ស្ថិតនៅសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។ ជាមួយគ្នានោះ លោក ជា ពិសី បានបញ្ជាក់ថា ការរកឃើញអ្នកមានវិជ្ជមានមេរោគកូវីដ១៩ ចំនួន០២នាក់នេះ គឺកើតលើបុរសជនជាតិខ្មែរម្នាក់អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២ និងម្នាក់ទៀតជាបុរសជនជាតិចិន អាយុ៣៦ឆ្នាំ រស់នៅអគារ secret garden camko ប្លុកកាំកូស៊ីធី ភូមិគង្គាផុស សង្កាត់ទួលសង្កែទី២ ហើយបុរសជនជាតិចិន និងខ្មែរទាំង២នាក់ ត្រូវបានបញ្ជូនទៅព្យាបាលនៅមណ្ឌលចត្តាឡីស័កព្រែកព្នៅហើយ៕ដោយ៖ ភារ៉ា និងប៊ុនធី
-
អភិបាលរាជធានីភ្នំពេញ និងអភិបាលរងទទួលការចាក់វ៉ាក់សាំងការពារកូវីដ-១៩លើកទី២ ជាមួយនឹងសុខភាពរឹងមាំ មិនមានបញ្ហាអ្វីទេ
ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញរួមជាមួយ ឯកឧត្តម មាន ចាន់យ៉ាដា ឯកឧត្តម ហួត ហៃនិងឯកឧត្តម នួន ផារ័ត្ន អភិបាលរងរាជធានីភ្នំពេញនាព្រឹកថ្ងៃទី២៦ កុម្ភៈនេះ បានអញ្ជើញទៅមន្ទីរពេទ្យកាល់ម៉ែត្រដើម្បី ចាក់វ៉ាក់សាំងកូវីដ-១៩ (Sinopharm Beijing Institute of Biological Products) លើកទី២ដែលជាជំនួយផ្តល់ដោយសាធារណរដ្ឋប្រជាមានិតចិន ជាលើកទី២ ហើយ។ គួរបញ្ជាក់ថា ៖កាលពីថ្ងៃទី១០កុម្ភៈកន្លងមកនេះ ឯកឧត្តម ឃួង ស្រេង ឯកឧត្តមហ៊ុនម៉ាណែត ឯកឧត្តម ហ៊ុន ម៉ានិតកូនប្រុសរបស់សម្ដេចអគ្គមហាសេនាបតីតេជោហ៊ុនសែន ឯកឧត្តម មាន ចាន់យ៉ាដា ឯកឧត្តម ហួត ហៃនិងឯកឧត្តម នួន ផារ័ត្ន អភិបាលរងរាជធានីភ្នំពេញ និងឥស្សរជនមួយចំនួនទៀតបានចាក់វ៉ាក់សាំងការពារជំងឺកូវីដ-១៩នេះ នៅមន្ទីរពេទ្យកាលម៉ែត ទៅតាមការរៀបចំរបស់ក្រសួងសុខាភិបាល ហើយបើគិតមកដល់ពេលនេះ ឯកឧត្តម ឃួង ស្រេង បានចាក់វ៉ាក់សាំងកូវីដ-១៩ មានរយៈពេលកន្លះខែហើយ ប៉ុន្តែវ៉ាក់សាំងកូវីដ-១៩មិនបានធ្វើឲ្យឯឧមានបញ្ហាអ្វីនោះទេ ឯឧ…
-
សេចក្តីសម្រេចស្តីពី ការបង្កើតអនុគណៈកម្មការគ្រប់គ្រងសន្តិសុខ និងសណ្តាប់ធ្នាប់នៅតាមគោលដៅ និងតំបន់ចត្តាឡីស័កដើម្បីប្រយុទ្ធនឹងជំងឺកូវីដ-១៩
-
លោក ចូ បៃដិន និយាយថា សហរដ្ឋអាមេរិកនឹងបើកយុទ្ធនាការអប់រំទ្រង់ទ្រាយធំដល់ប្រជាជនអាមេរិកអំពីវ៉ាក់សាំងបង្ការ Covid-19
អាមេរិក៖ ប្រធានាធិបតីអាមេរិកលោក ចូ បៃដិន នៅថ្ងៃព្រហស្បតិ៍នេះនិយាយថា រដ្ឋបាលរបស់លោកមានផែនការបើកយុទ្ធនាការមួយ ដើម្បីអប់រំប្រជាពលរដ្ឋអាមេរិកអំពីវ៉ាក់សាំងការពារវីរុសកូរ៉ូណា នៅក្នុងអំឡុងពេលមួយនៃឆ្នាំ២០២១នេះ ខណៈដែលការផ្គត់ផ្គង់វ៉ាក់សាំងបានកើនលើសតម្រូវការ ពីព្រោះតែការស្ទាក់ស្ទើរក្នុងការចាក់វ៉ាក់សាំង ។ ប្រធានាធិបតីអាមេរិករូបនេះ បានគូសបញ្ជាក់ថា យើងនឹងបើកយុទ្ធនាការក្នុងទ្រង់ទ្រាយធំមួយ ដើម្បីអប់រំប្រជាជនអំពីវ៉ាក់សាំង…. ពួកគេ (វ៉ាក់សាំង) ពិតជាមានសុវត្ថិភាព និងប្រសិទ្ធភាព ហើយថា យើងនឹងប្រមូលផ្តុំអ្នកដឹកនាំគ្រប់ផ្នែកនៃសង្គមរបស់យើង ដើម្បីអប់រំ និងលើកទឹកចិត្តជនជាតិអាមេរិកទាំងអស់អោយចាក់វ៉ាក់សាំង ។ គួរបញ្ជាក់ផងដែរថា សហរដ្ឋអាមេរិកបានចាក់វ៉ាក់សាំងការពារជំងឺ COVID-19 ប្រមាណ៦៦លាន៤៦ម៉ឺន៤ពាន់៩៤៧ដូសជូនដល់ប្រជាជនរបស់ខ្លួន គិតត្រឹមព្រឹកថ្ងៃពុធសប្តាហ៍នេះ (ម៉ោងក្នុងតំបន់) នៅក្នុងចំណោមវ៉ាក់សាំងដែលបានចែកចាយសរុប៨៨លាន៦៦ម៉ឺន៩ពាន់៣៥ដូស ហើយវ៉ាក់សាំងទាំងអស់ខាងលើនេះ គឺជាសុទ្ធតែជាផលិតផលរបស់ក្រុមហ៊ុន ម៉ូឌែណា និង ភីហ្វីហ្សឺ-បាយអូអិនធិច ៕ ប្រភព៖ AFP
-
កូរ៉េខាងត្បូងចាប់ផ្តើមយុទ្ធនាការចាក់វ៉ាក់សាំងបង្ការ Covid-19 ក្នុងទ្រង់ទ្រាយធំទូទាំងប្រទេស
កូរ៉េខាងត្បូង៖ រដ្ឋាភិបាលកូរ៉េខាងត្បូងនៅថ្ងៃសុក្រនេះ បានបើកយុទ្ធនាការចាក់វ៉ាក់សាំង COVID-19 ក្នុងលក្ខណៈទ្រង់ទ្រាយធំរបស់ខ្លួនទូទាំងប្រទេស ដោយចាប់ផ្តើមពីអ្នកជំងឺ និងបុគ្គលិកសុខាភិបាលដែលមានអាយុក្រោម៦៥ឆ្នាំនៅតាមមន្ទីរពេទ្យ និងមណ្ឌលថែទាំសុខភាព ។ យុទ្ធនាការចាក់វ៉ាក់សាំងឥតគិតថ្លៃនេះ បានចាប់ផ្តើមពីម៉ោង៩ព្រឹកថ្ងៃសុក្រនេះ (ម៉ោងក្នុងតំបន់)នៅទូទាំងប្រទេសកូរ៉េខាងត្បូង ។ ប្រជាជន និងបុគ្គលិកជាង៥,២៦០នាក់នៅក្នុងមជ្ឈមណ្ឌលថែទាំ ដែលរួមមានមជ្ឈមណ្ឌលថែទាំផ្នែកចិត្តសាស្រ្ត និងមជ្ឈមណ្ឌលស្តារនីតិសម្បទាចំនួន២១៣កន្លែង នឹងទទួលបានការចាក់វ៉ាក់សាំង COVID-19 សម្រាប់ដូសដំបូងរបស់ពួកគេ ដោយប្រើប្រាស់វ៉ាក់សាំងរបស់ក្រុមហ៊ុនផលិតឱសថអង់គ្លេស AstraZeneca និងសាកលវិទ្យាល័យ Oxford ។ រីឯប្រជាជន និងបុគ្គលិកនៅក្នុងមជ្ឈមណ្ឌលថែទាំរយៈពេលវែងចំនួន ២៩២កន្លែងទៀតក៏នឹងទទួលបានការចាក់វ៉ាក់សាំងនេះផងដែរ ។ សូមជម្រាបថា កូរ៉េខាងត្បូងនឹងចាក់វ៉ាក់សាំង COVID-19 សម្រាប់ដូសដំបូងជូនដល់ប្រជាជន និងបុគ្គលិកប្រមាណ៣៤ម៉ឺន៤ពាន់នាក់នៅក្នុងមជ្ឈមណ្ឌលថែទាំរយៈពេលវែង ដែលរួមមានមជ្ឈមណ្ឌលថែទាំផ្នែកចិត្តសាស្ត្រ និងមជ្ឈមណ្ឌលស្តារនីតិសម្បទា និងបុគ្គលិកពេទ្យជួរមុខចំនួន៥ម៉ឺន៥ពាន់នាក់ទៀតនៅក្នុងខែមីនា ឆ្នាំ២០២១នេះ ៕ ប្រភព៖ ស៊ីនហួរ
-
ជប៉ុនគ្រោងលុបចោលវិធានការប្រកាសអាសន្ននៅក្នុងតំបន់ប្រជុំកោះចំនួន០៥ ខណៈករណីឆ្លង Covid-19 ថយចុះ
ជប៉ុន៖ ប្រទេសជប៉ុននៅថ្ងៃសុក្រនេះបាននឹងកំពុងរៀបចំលុបចោលវិញ នូវវិធានការប្រកាសអាសន្ន ពាក់ព័ន្ធនឹងជំងឺ Covid-19 នៅក្នុងតំបន់ប្រជុំកោះចំនួន០៥ ជាទីដែលមានស្ថានភាពល្អប្រសើរហើយ នេះបើតាមប្រភពពីរដ្ឋាភិបាល ។ នាយករដ្ឋមន្រ្តីជប៉ុនលោក ស៊ូហ្គា យ៉ូស៊ីហ៊ីដេ ត្រូវបានគេរំពឹងថា នឹងលុបចោលវិញនូវវិធានការប្រកាសអាសន្ននៅតំបន់ប្រជុំកោះ អៃឈី, ហ្គីហ៊្វូ, អូសាកា, ក្យូតូ និងហ៊ីយ៉ូហ្គោ នៅដំណាចខែកុម្ភៈខាងមុខនេះ ខណៈស្ថានភាពក្នុងតំបន់ប្រជុំកោះ ហ្វូគូអូកា នៅតែស្ថិតក្រោមការត្រួតពិនិត្យឡើងវិញ ដោយសារតែបញ្ហាប្រព័ន្ធសុខាភិបាលក្នុងតំបន់នេះនៅទាន់នឹងននៅឡើយ នេះបើតាមប្រភពពីរដ្ឋាភិបាល ។ ផែនការខាងលើនេះបានកើតមានឡើងបន្ទាប់ពីអាជ្ញាធរនៅតាមតំបន់ជាច្រើនរបស់ប្រទេសជប៉ុន បានស្នើសុំរដ្ឋាភិបាលអោយដកការប្រកាសអាសន្នចេញជាបន្ទាន់ នៅមុនថ្ងៃទី០៧ ខែមីនាខាងមុខនេះ ខណៈករណីឆ្លងវីរុស COVID-19 ថ្មីៗបានធ្លាក់ចុះពីមួយថ្ងៃទៅមួយថ្ងៃ ៕ ប្រភព៖ ស៊ីនហួរ
-
នាយករដ្ឋមន្រ្តីថៃនឹងទទួលការចាក់វ៉ាក់សាំងបង្ការ Covid-19 របស់ក្រុមហ៊ុនAstraZeneca នៅថ្ងៃអាទិត្យសប្តាហ៍នេះ
ថៃ៖ នាយករដ្ឋមន្រ្តីថៃ លោក ប្រាយុទ្ធ ចាន់អូចា នៅថ្ងៃអាទិត្យនេះ នឹងទទួលការចាក់វ៉ាក់សាំង COVID-19 ដូសដំបូងរបស់ក្រុមហ៊ុនផលិតឱសថអង់គ្លេស អាស្រ្តាហ្សេណេកា ខណៈឧបនាយករដ្ឋមន្រ្តី និងជារដ្ឋមន្រ្តីសុខាភិបាលថៃ លោក អនុធីន ឆានវីរៈគុល នឹងទទួលការចាក់វ៉ាក់សាំងរបស់ក្រុមហ៊ុនផលិតឱសថចិន ស៊ីនណូវ៉ាក់ ។ ប្រធានអនុគណៈកម្មាធិការរដ្ឋាភិបាលថៃ ទទួលបន្ទុកផ្នែកគ្រប់ គ្រងវ៉ាក់សាំងបង្ការ COVID-19 លោកវេជ្ជបណ្ឌិត សុផុន មេកថុន បាននិយាយថា លោក ប្រាយុទ្ធ និងលោក អនុធីន នឹងចាក់វ៉ាក់សាំងបង្ការ COVID-19 នៅឯវិទ្យាស្ថានបង្ការជំងឺឆ្លង ផាមរ៉ាស្នារ៉ាឌូរ៉ា នៅថ្ងៃអាទិត្យនេះ ក្រោយនាយកដ្ឋានវិទ្យាសាស្ត្រវេជ្ជសាស្រ្ត បានអនុម័តលើការចេញវិញ្ញាបនប័ត្របញ្ជាក់ពីប្រសិទ្ធភាពវ៉ាក់សាំងនេះ ។ ស្របពេលជាមួយគ្នានោះដែរ លោកវេជ្ជបណ្ឌិត សុផុន មេកថុន បានបន្ថែមទៀតថា ការចាក់វ៉ាក់សាំងបង្ការ COVID-19 ជូនដល់ក្រុមមនុស្សអាទិភាពផ្សេងៗទៀត ដែលស្ថិតនៅក្នុងបណ្ដាខេត្តគោលដៅមួយចំនួន នឹងចាប់ផ្តើមនៅថ្ងៃចន្ទសប្ដាហ៍ក្រោយនេះ ៕ ប្រភព៖ Bangkok Post
-
គណៈបញ្ជាការឯកភាព ខណ្ឌមានជ័យ បន្តចុះពិនិត្យទីបញ្ជាការស្រាល នៅទីតាំងខុនដូ L សង្កាត់បឹងទំពន់ទី ២ បុរីប៉េងហួត ៦០ ម៉ែត្រ និង មណ្ឌលចត្តាឡីស័ក សង្កាត់ចាក់អង្រែក្រោម
ភ្នំពេញ ៖ គណ:បញ្ជាការឯកភាព ខណ្ឌមានជ័យ បានបន្តដឹកនាំកងកម្លាំងទាំង ២ប្រភេទ មានកម្លាំង អធិការនគរបាល ខណ្ឌមានជ័យ និង បញ្ជាការដ្ឋានអាវុធហត្ថខណ្ឌមានជ័យ ចុះពិនិត្យ និង ប្រចាំការ ទីបញ្ជាការស្រាល នៅទីតាំងខុនដូ L បឹងទំពន់ បុរីប៉េងហួត ៦០ម៉ែត្រ និង មណ្ឌលចត្តាឡីស័ក ចាក់អង្រែ ខណ្ឌមានជ័យ រាជធានីភ្នំពេញ នាព្រឹក ថ្ងៃ ព្រហស្បតិ៍ ១៥កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ២៦ ខែ កុម្ភៈ ឆ្នាំ២០២១ ដើម្បីរក្សាអោយបាននូវ សុវត្ថិភាព ជូនបងប្អូនប្រជាពលរដ្ឋ ដែរកំពុងធ្វើចត្តាឡីស័ក អោយបានត្រឹមត្រូវ និង តាមវិធានការសុខាភិបាល ។ ត្រូវអនុវត្តន៍អោយបាននូវ វិធានការ ៣ កុំ ៣ ការពារ អោយភ្ជាប់ខ្លួនជានិច្ច ទើបយើងអាចឈ្នះ កូវីដ-១៩…