ភ្នំពេញ៖ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បានបញ្ជាក់ឱ្យដឹងនៅថ្ងៃទី១៨ ខែកុម្ភៈ ឆ្នាំ២០២១ ថា សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានសម្រេចផ្តល់ជំនួយថវិកា ១៥០លានរៀល សម្ភារៈ និងស្បៀងបន្ថែមទៀត ដល់ខេត្តចំនួន៦ ដែលនៅជាប់ព្រំដែនកម្ពុជា-ថៃ ដើម្បីបន្តរៀបចំធ្វើចត្តាឡីស័កសម្រាប់ពលករ។ លោកជំទាវ យក់ សម្បត្តិ បន្តថា ខេត្តទាំង៦ ដែលទទួលបានថវិកា សម្ភារ និងស្បៀងនេះ រួមមាន៖ ១- ខេត្តបាត់ដំបង ទទួលបានទឹកសុទ្ធ១ពាន់កេស, ២- ខេត្តបន្ទាយមានជ័យ ទទួលបាន ឃីត១ពាន់, ៣- ខេត្តឧត្តរមានជ័យ ទទួលបាន ឃីត៥០០ និងទឹកសុទ្ធ៥០០កេស, ៤- ខេត្តកោះកុង ទទួលបានថវិកា៥០លានរៀល ឃីត១០០, ៥- ខេត្តពោធិសាត់ ទទួលបានថវិកា៥០លានរៀល និង៦- ខេត្តព្រះវិហារទទួលបានថវិកា៥០លានរៀល ។ លោកជំទាវ រដ្ឋលេខាធិការបានបន្ថែមថា ការផ្តល់ជំនួយដល់បណ្តាខេត្តកម្ពុជា ដែលនៅជាប់ព្រំដែនថៃ…

យោងតាមអនុក្រឹត្យថ្មីស្តីពីការធ្វើចត្តាឡីស័កដែលចេញនៅថ្ងៃទី១៨កុម្ភៈឆ្នាំ២០២១ បានសម្រេចបង្កើនការផាកពិន័យធ្ងន់ធ្ងរសម្រាប់អ្នកមិនអនុវត្តការធ្វើចត្តាឡីស័ក និងបានបញ្ចូលបន្ថែមពីការពិន័យចំពោះអ្នកផ្តើមគំនិត ដឹកនាំ ណែនាំ ញុះញង់ បញ្ចុះបញ្ចូល ឬជួយសម្រួលដោយចេតនាដល់អ្នកដំណើរ ឬការីនៃយានដឹកជញ្ជូនឱ្យគេចចេញពីការត្រួតពិនិត្យ ឬគេចវេះពីការអនុវត្តវិធានចត្តាឡីស័កផងដែរ។ មាត្រា៨ថ្មី នៃសអនុក្រឹត្យបានចែងថា អ្នកដំណើរ ឬការីនៃយានដឹកជញ្ជូន ដែលគេចវេះមិនឱ្យមន្ត្រីចត្តាឡីស័កធ្វើការត្រួតពិនិត្យ ឬមិនសហការជាមួយនឹងមន្ត្រីចត្តាឡីស័កក្នុងការអនុវត្តវិធានការសុខាភិបាល ឬមិនបំពេញតាមបែបបទ ដែលមានកំណត់ក្នុងអនុក្រឹត្យចុះថ្ងៃទី១៧ ខែកញ្ញា ឆ្នាំ២០១៥ ស្ដីពីវិធានការសុខាភិបាលដើម្បីទប់ស្កាត់ និងឆ្លើយតបការឆ្លងរាលដាលជាអន្តរជាតិនៃជំងឺនៅតាមច្រកចេញចូល ត្រូវទទួលពិន័យអន្តរការណ៍ជាប្រាក់ពី ១លានរៀល ទៅ ៥លានរៀល និងតម្រូវឱ្យអនុវត្តវិធានការសុខាភិបាល។ មាត្រា៨ថ្មីនោះ បានចែងទៀតថា ជនណាដែលផ្តើមគំនិត ដឹកនាំ ណែនាំ ញុះញង់ បញ្ចុះបញ្ចូល ឬជួយសម្រួលដោយ ចេតនាដល់អ្នកដំណើរឬការីនៃយានដឹកជញ្ជូន ឱ្យគេចចេញពីការត្រួតពិនិត្យ ឬគេចេះពីការអនុវត្ត វិធានការចត្តាឡីស័ក ត្រូវទទួលពិន័យអន្តរការណ៍ជាប្រាក់ពី ១០លានរៀល ទៅ ៥០លានរៀល។ ការពិន័យអន្តរការណ៍ជាសមត្ថកិច្ចរបស់ក្រសួងសុខាភិបាល។ អនុត្រឹត្យបានចែងទៀតថា ក្នុងករណីជនល្មើសមិនព្រមបង់ប្រាក់ពិន័យអន្តរការណ៍ ក្នុងរយៈពេល ៣០ថ្ងៃគិតចាប់ពីថ្ងៃទទួលបានសេចក្ដីសម្រេចស្ដីពីការពិន័យអន្តរការណ៍ មន្ត្រីក្រសួងសុខាភិបាលដែលមាននីតិសម្បទាជានគរបាលយុត្តិធម៌ ត្រូវកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីជាធរមាន។ ទម្រង់បែបបទនៃបង្កាន់ដៃពិន័យ និងការគ្រប់គ្រងប្រាក់ដែលបានមកពីការពិន័យអន្តរការណ៍ ត្រូវកំណត់ដោយប្រកាសអន្តរក្រសួងរបស់រដ្ឋមន្ត្រីក្រសួងសុខាភិបាល និងរដ្ឋមន្ត្រីក្រសួងសេដ្ឋកិច្ច…

យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី១៨កុម្ភៈឆ្នាំ២០២១នេះបានឲ្យដឹងថា អ្នកឆ្លងថ្មីទាំង៤នាក់នោះមាន បុរសជនជាតិឥណ្ឌូនេស៊ីអាយុ១៨ឆ្នាំ ជាអ្នកដំណើរមកពីប្រទេសឥណ្ឌូនេស៊ី បានបន្តជើងហោះហើរនៅប្រទេសសឹង្ហបុរី ហើយបានមកដល់ប្រទេសកម្ពុជានៅថ្ងៃទី១៦កុម្ភៈ។ ទី២ស្ត្រីជនជាតិឥណ្ឌូនេស៊ីអាយុ១៨ឆ្នាំ ជាអ្នកដំណើរមកពីប្រទេសឥណ្ឌូនេស៊ី បានបន្តជើងហោះហើរនៅប្រទេសសឹង្ហបុរី ហើយបានមកដល់ប្រទេសកម្ពុជានៅថ្ងៃទី១៦កុម្ភៈ។ ទី៣ស្ត្រីជនជាតិចិន អាយុ៣១ឆ្នាំ ជាអ្នកដំណើរមកពីប្រទេសចិន បានបន្តជើងយន្តហោះនៅប្រទេសកូរ៉េខាងត្បូង និងបានមកដល់ប្រទេសកម្ពុជានៅថ្ងៃទី៧កុម្ភៈឆ្នាំ២០២១ និងទី៤ បុរសជនជាតិស្វីសអាយុ៦២ឆ្នាំ ជាអ្នកធ្វើដំណើរមកពីប្រទេសស្វីស ហើយបានបន្តជើងហោះហើរនៅប្រទេសសិង្ហបុរី និងមកដល់ប្រទេសកម្ពុជានៅថ្ងៃទី៤កុម្ភៈ។ នៅថ្ងៃនេះ ក្រសួងសុខាភិបាលបានប្រកាសដែរថា មិនមានអ្នកជាសះស្បើយពីជំងឺកូវីដ-១៩នោះឡើយ។ កម្ពុជាគិតមកដល់ថ្ងៃទី១៨កុម្ភៈឆ្នាំ២០២១ មានអ្នកឆ្លងជំងឺកូវីដ-១៩ចំនួន៤៨៤នាក់ ក្នុងនោះបានព្យាបាលជាសះស្បើយចំនួន៤៧០នាក់ និងនៅសល់១៣នាក់កំពុងសម្រាកព្យាបាលនៅមន្ទីរពេទ្យ៕

ភ្នំពេញ ៖ លោកខ្វៃ អាទិត្យា អគ្គនាយកស្ថានីយ៍វិទ្យុនិងទូរទស្សន៍អប្សា នាព្រឹកថ្ងៃទី១៧ ខែកុម្ភៈ ឆ្នាំ២០២១ បានដឹកនាំបុគ្គលិកនិងអ្នកយកព័ត៌មាន ចូលរួមដោយស្ម័គ្រចិត្តចាក់វាំងសាំងការពារជម្ងឺកូវីដ១៩ នៅមន្ទីរពេទ្យកុមារជាតិ រាជធានីភ្នំពេញ។ ក្នុងឱកាសដឹកនាំបុគ្គលិកស្ម័គ្រចិត្តទៅទទួលវ៉ាក់សាំងនាពេលនេះ លោកខ្វៃ អាទិត្យា បានថ្លែងអំណរគុណយ៉ាងជ្រាលជ្រៅចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបានផ្តល់អាទិភាពដល់ក្រុមអ្នកសារព័ត៌មាន ក្នុងការទទួលបានវ៉ាក់សាំងការពារជម្ងឺកូវីដ១៩លើកដំបូងនៅកម្ពុជា។ លោកអគ្គនាយក បានបញ្ជាក់បន្ថែមថា នេះជាការគិតគូរខ្ពស់របស់សម្តេចតេជោ ប្រមុខរាជរដ្ឋាភិបាលកម្ពុជា ចំពោះសុខុមាលភាពប្រជាជន ពិសេសបន្ទាប់ពីថ្នាក់ដឹកនាំកម្ពុជា កងទ័ព និងបុគ្គលិកសុខាភិបាល អ្នកសារព័ត៌មានក៏ជាជម្រើសអាទិភាពមួយក្នុងការទទួលបានវ៉ាក់សាំងការពារជំងឺកូវីដ១៩ ដំបូងគេនៅកម្ពុជា។ ជាមួយគ្នានេះ លោកអគ្គនាយក បានថ្លែងអំណរគុណផងដែរដល់ក្រុមគ្រូពេទ្យ និងបុគ្គលិកសុខាភិបាល ដែលបានយកចិត្តទុកដាក់ចំពោះការប្រយុទ្ធប្រឆាំងជំងឺកូវីដ១៩ និងបានសំណូមពរឱ្យប្រជាពលរដ្ឋមានការគិតគូរយកចិត្តទុកដាក់លើវិធានការការពារកុំឱ្យឆ្លងជំងឺកូវីដ១៩ តាមការណែនាំរបស់ក្រសួងសុខាភិបាល ដើម្បីចូលរួមជាមួយសង្គមកម្ពុជាមានសុខភាពល្អ មានការអភិវឌ្ឍជឿនលឿន និងការពារកុំឱ្យមានការឆ្លងជំងឺកូវីដ១៩។ នៅក្នុងឱកាសនោះ លោក ញឹប អង្គារ៍បុស្ស នាយកមន្ទីរពេទ្យកុមារជាតិ បានបញ្ជាក់ថា សូមអ្នកទទួលការចាក់វ៉ាក់សាំងទាំងអស់កុំមានការព្រួយបារម្ភ ព្រោះថាខាងក្រុមគ្រូពេទ្យយើង មុននឹងទទួលការចាក់គឺមានការពិនិត្យសុខភាព និងសួរនាំពីប្រវត្តិនិងជម្ងឺយ៉ាងច្បាស់លាស់ជាមុខ ដើម្បីជៀសវាងមានបញ្ហាមិនប្រក្រតីមួយកើតមានឡើង ហើយរហូតមកដល់ពេលនេះមិនទាន់មានអ្នកមកទទួលវ៉ាក់សាំង ដោយស្ម័គ្រចិត្តណាម្នាក់មានបញ្ហានោះទេ។ លោក…