ភ្នំពេញ៖ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំក្រសួងសុខាភិបាល បានបង្ហាញនិតីវិធីបច្ចេកទេស ដែលត្រូវអនុវត្ដមុននឹងចាក់វ៉ាក់សាំង បុគ្គលដែលចាក់ត្រូវចុះឈ្មោះជាមុន (តាមអនឡាញ ឬចុះដោយផ្ទាល់នៅមន្ទីរពេទ្យ​ដែលទទួលបន្ទុកចាក់វ៉ាក់សាំង បន្ទាប់មកត្រូវមានការពិនិត្យ និងសាកសួរព័ត៌មានសុខភាព ដើម្បីគ្រូពេទ្យកក់ត្រា ហើយម្ចាស់សាម៉ីខ្លួនដែលមកចាក់វ៉ាក់សំាង ត្រូវផ្ដិតមេដៃ ឬចុះហត្ថលេខា ទៅលើទម្រង់មួយដែលឯកភាពដោយស្ម័គ្រចិត្ដ ក្នុងការទទួលយកវ៉ាក់សាំងកូវីដ១៩។ បន្ទាប់មកបុគ្គលនោះ ត្រូវចូលទៅជួបគ្រូពេទ្យមួយទៀត ដែលទទួលបន្ទុកក្នុងការចាក់វ៉ា់ក់សាំង ក្រោយចាក់រួចមិនអនុញ្ញាតឱ្យវិលត្រលប់មកផ្ទះភ្លាមៗនោះទេ ត្រូវអង្គុយរង់ចាំ ក្នុងរយៈពេល៣០នាទី ដើម្បីឱ្យគ្រូពេទ្យ តាមដានសុខភាព តើមានប្រតិកម្មជាមួយវ៉ាក់សាំងដែលឬទេ? បើសភាពធម្មតា អាចត្រលប់មកផ្ទះបាន ដោយភ្ជាប់ជាមួយនឹងបណ្ណសម្រាប់ចាក់វ៉ាក់សំាង មានកក់ត្រាឈ្មោះវ៉ាក់សាំង និងថ្ងៃខែ ត្រូវចាក់លើកទី២ (ចន្លោះពី ១៤-២៨ថ្ងៃ បន្ទាប់ពីចាក់លើកទី១)។ ក្រោយចាក់វ៉ាក់សាំងរួចរាល់ ទើបគ្រប់ចំនួន២ដូសដោយជោគជ័យ ដែលធ្វើឱ្យសរីរាង្គយើងមានអង់ទីករ សម្រាប់ប្រឆាំងការពារ ជំងឺកូវីដ១៩។ ការថ្លែងដូច្នេះរបស់លោកជំទាវវេជ្ជបណ្ឌិត ក្នុងឱកាសផ្ដល់កិច្ចសម្ភាសពិសេសជូនអ្នកសារព័ត៌មាន ស្ដីពីការដាក់ប្រើប្រាស់វ៉ាក់សាំងកូវីដ១៩ នៅរសៀលថ្ងៃទី៨ ខែកុម្ភៈ ឆ្នាំ២០២១នេះ នាទីស្ដីការក្រសួងសុខាភិបាល។ លោកជំទាវវេជ្ជបណ្ឌិតបានថ្លែងបន្ដថា «ចំពោះបុគ្គលដែលមិនទាន់អាចចាក់វ៉ាក់សាំងបាន និងត្រូវមានការពិនិត្យសម្រេចដោយគ្រូពេទ្យ មានអាការៈដូចខាងក្រោម៖ ១៖ មានអាយុក្រោម ១៨ឆ្នាំ និង៦០ឆ្នាំឡើង២៖ មានអាការៈក្ដៅខ្លួន៣៖ មានជំងឺផ្លូវដង្ហើម…

ភ្នំពេញ៖ លោកកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា ថ្ងៃទី០៨ ខែកុម្ភៈ ឆ្នាំ២០២១ បានបរិច្ចាគប្រាក់ បៀវត្ស ចំនួន ០៦ខែ ចាប់ពីខែមីនា ដល់ខែសីហា ឆ្នាំ២០២១ ជូនក្រសួងសុខាភិបាល ដើម្បីចូលរួមប្រយុទ្ធប្រឆាំង នឹង ជំងឺកូវីដ១៩។ ការចូលរួមបរិច្ចាគប្រាក់បៀវត្សរបស់ប្រធានក្រុមមេធាវីរាជរដ្ឋាភិបាល បង្ហាញឲ្យឃើញនូវស្មារតីរួមសាមគ្គី និងរំលែកការ លំបាកជាមួយរាជរដ្ឋាភិបាលកម្ពុជា ក្នុងបេសកកម្មប្រយុទ្ធប្រឆាំងនឹងជំងឺកូវីដ-១៩ ដែលកំពុងរាតត្បាតនៅកម្ពុជា។ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃទី២៦ ខែមករា ឆ្នាំ២០២១ ប្រកាសកាត់ប្រាក់បៀវរត្សប្រចាំខែ របស់សម្តេចរយៈពេល ៧ខែ ស្មើនឹងជិត ៦៤លានរៀលទៀត ជូនក្រសួងសុខាភិបាល ដើម្បីប្រយុទ្ធប្រឆាំងនឹងជំងឺកូវីដ១៩។ ក្រោយការបរិច្ចាគរបស់សម្តេចតេជោ ហ៊ុន សែន មានថ្នាក់ក្រសួងស្ថាប័នជាតិ មន្ត្រីរាជការ និងកងកម្លាំងប្រដាប់អាវុធជា ច្រើនរូប បានចូលរួមចែករំលែកប្រាក់បៀវត្សជាមួយក្រសួងសុខាភិបាល ដើម្បីប្រតិបត្តិការប្រយុទ្ធប្រឆាំងនឹងជំងឺកូវីដ១៩។

ភ្នំពេញ៖ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីប្រយុទ្ធ នឹងជំងឺកូវីដ១៩ ថ្ងៃទី០៨ ខែកុម្ភៈ ឆ្នាំ២០២១ ចេញសេចក្តីប្រកាសព័ត៌មាន បញ្ជាក់ពីការរៀបចំការចាក់ វ៉ាក់សាំង Sinopharm របស់ចិន បង្ការជំងឺកូវីដ១៩ ជូនឥស្សរជនជាន់ខ្ពស់ ដែលមានអាយុចាប់ពី១៨ឆ្នាំ ដល់ ៥៩ឆ្នាំ ដោយស្ម័គ្រចិត្ត ចាប់ពីថ្ងៃទី១០ ខែកុម្ភៈ ឆ្នាំ២០២១តទៅ នៅទីតាំងមន្ទីរពេទ្យចំនួន៤។ រដ្ឋមន្ត្រីបញ្ជាក់ថា ការរៀបចំការចាក់វ៉ាក់សាំង គោរពតាមប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នាសន្និសីទសារព័ត៌មាន នៃពិធីប្រគល់ ទទួលអំណោយវ៉ាក់សាំង Sinopharm ពីរដ្ឋាភិបាល និងប្រជាជនចិត្ត កាលពីថ្ងៃទី០៧ ខែកុម្ភៈ ឆ្នាំ២០២១។ រដ្ឋមន្ត្រី បញ្ជាក់ទៀតថា ការចាក់វ៉ាក់សាំង នឹងប្រពឹត្តទៅចាប់ពីថ្ងៃទី១០ ខែកុម្ភៈ ឆ្នាំ២០២១ ទៅតាមទីតាំង ដូចខាងក្រោម៖ ១៖ មន្ទីរពេទ្យកាល់ម៉ែត (សាស្ត្រាចារ្យ គង់ សន្យា ០១២…

ភ្នំពេញ៖ សេចក្តីប្រកាសរបស់ក្រសួងសុខាភិបាល នៅព្រឹកថ្ងៃទី០៧ ខែកុម្ភៈ ឆ្នាំ២០២១ ថាបានរកឃើញអ្នកឆ្លងជំងឺកូវីដ១៩ ថ្មីចំនួន២នាក់ថែមទៀត ខណៈអ្នកជំងឺម្នាក់ ដែលជាពលករមកពីប្រទេសថៃ បានជាសះស្បើយ និងអនុញ្ញាតឲ្យចេញពីមន្ទីរពេទ្យ។ អ្នកឆ្លងជំងឺកូវីដ១៩ ដែលទើបរកឃើញថ្មីទាំង២នាក់រួមមាន៖ ១៖ ស្ត្រីជនជាតិខ្មែរ អាយុ ៧៨ឆ្នាំ មានអាសយដ្ឋានស្នាក់នៅសង្កាត់បឹងសាឡាង ខណ្ឌទួលគោក រាជធានីភ្នំពេញជាអ្នក ធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង មកដល់កម្ពុជានៅថ្ងៃទី២៤ ខែមករាឆ្នាំ២០២១។ លទ្ធផលធ្វើតេស្តវត្ថុសំណាកលើកទី០២ របស់ស្ត្រីរូបនេះ ផ្តល់ដោយវិទ្យាស្ថានជាតិសុខភាពសាធារណៈ នៃក្រសួងសុខាភិបាល គឺវិជ្ជមានវីរុសកូវីដ-១៩ ហើយបច្ចុប្បន្នអ្នកជំងឺត្រូវបានដាក់ឱ្យ សម្រាកព្យាបាលនៅមជ្ឈមណ្ឌលជាតិ កម្ចាត់រោគរបេង និងហង់សិន រាជធានីភ្នំពេញ។ អ្នកដំណើរតាមយន្តហោះជាមួយអ្នកជំងឺខាងលើ សរុបមានចំនួន៩៧នាក់ ដែលនៅក្នុងចំនួននេះមាន បុគ្គលខាងលើនេះផងដែរ។ រីឯ អ្នកដំណើរចំនួន ៩៦នាក់ ដែលមានលទ្ធផលតេស្តអវិជ្ជមានវីរុសកូវីដ-១៩ នោះ ត្រូវបានដាក់ឱ្យធ្វើចត្តាឡីស័កចំនួន ១៤ថ្ងៃ នៅសណ្ឋាគារ មួយចំនួនក្នុងរាជធានីភ្នំពេញ និងស្ថានទូតអាមេរិកចំនួន០១នាក់។ ២៖ ស្ត្រីជនជាតិខ្មែរ អាយុ ៤៣ឆ្នាំ មានអាសយដ្ឋានស្នាក់នៅសង្កាត់ផ្សារដើមគរ ខណ្ឌទួលគោក រាជធានីភ្នំពេញ…