សម្ដេចតេជោហ៊ុន សែន នៅថ្ងៃទី៤កុម្ភៈឆ្នាំ២០២១ បានចេញបញ្ជាឲ្យអាជ្ញាខេត្ត ជាពិសេសខេត្តជាប់ព្រំដែនជាមួយថៃ និងវៀតណាម ត្រូវរឹតបណ្ដឹងការឆ្លងដែនរបស់ប្រជាជន និងត្រូវធ្វើចត្តាឡីស័កឲ្យបានត្រឹមត្រូវគ្រាដែលប្រទេសទាំងពីនោះ មានសេចក្ដីរាយការណ៍អំពីការផ្ទុះរាលដាលខ្លាំងនៃជំងឺកូវីដ-១៩ទៅក្នុងសហគមន៍។ អាជ្ញាធរខេត្តឧត្តរមានជ័យ នៅព្រឹកថ្ងៃទី៥កុម្ភៈ ឆ្នាំ២០២១ បានបើកកិច្ចប្រជុំបន្ទាន់មួយ ក្នុងទិសដៅពង្រឹងទប់ស្កាត់ការរីករាលដាលជំងឺកូវីដ-១៩។ កិច្ចប្រជុំនេះស្ថិតក្រោមវត្តមាន លោក ប៉ែន កុសល្យ អភិបាលខេត្ត និងលោក ស៊ី ប្រាសិទ្ធ ប្រធានក្រុមប្រឹក្សាខេត្ត ដោយមានការចូលរួមពីប្រធានមន្ទីរ អង្គភាពពាក់ព័ន្ធ អភិបាលក្រុង ស្រុក ប្រធានស្នាក់ការត្រួតពិនិត្យច្រកព្រំដែននិងសមត្ថកិច្ចពាក់ព័ន្ធជាច្រើនអង្គភាពទៀត។ នៅក្នុងឱកាសនោះ លោក ប៉ែន កុសល្យ បានថ្លែងថា ដោយអនុវត្តតាមបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងទិសដៅទប់ស្កាត់ការរីករាលដាលនៃជំងឺកូវីដ១៩ លោកបានណែនាំដល់អភិបាលរងខេត្ត ទទួលបន្ទុកតាមក្រុងស្រុកនិមួយៗ ត្រូវសហការជាមួយកងកម្លាំងប្រដាប់អាវុធទាំង៣ និងមន្ទីរពាក់ព័ន្ធនានា យកចិត្តទុកដាក់តាមដាននៅតាមមណ្ឌលធ្វើចត្តាឡីស័កនៅច្រកទ្វារព្រំដែននានា ក្នុងទិសដៅមិនឲ្យនណាម្នាក់ឆ្លងកាត់ដោយ មិនបានត្រួតពិនិត្យនិងមិនបានធ្វើចត្តាឡីស័កនោះឡើយ។ លោកអភិបាលខេត្ត បានលើកឡើងដោយសុំការយោគយល់អធ្យាស្រ័យពីសិស្សានុសិស្ស ដែលរហូតមកដល់ថ្ងៃនេះមិនទាន់បានចូលរៀន ដោយសារសាលារៀនត្រូវបានយកទៅធ្វើជាមណ្ឌលធ្វើចត្តាឡីស័ក សម្រាប់បងប្អូនពលករដែលវិលត្រឡប់មកពីប្រទេសថៃ។ លោកបានបន្តថា ក្នុងខេត្តឧត្តរមានជ័យ ក្រៅពីយកសាលារៀនធ្វើជាមណ្ឌលធ្វើចត្តាឡីស័ក ពេលនេះខេត្តកំពុងរៀបចំតម្លើងតង់ចំនួន១០០ នៅក្នុងបរិវេណកីឡដ្ឋានខេត្ត…

ដើម្បីអនុវត្តន៍តាមបទបញ្ជាដ៏ម៉ឺងម៉ាត់ របស់សម្តេចតេជោ ហ៊ុន សែន នាយករដ្ឋមន្ត្រី នាយប់ថ្ងៃទី៤កុម្ភៈ ឆ្នាំ២០២១ កម្លាំងវរសេនាតូចនគរបាលការពារព្រំដែនគោកលេខ៦០៩ កម្លាំងប៉ុស្តិ៍នគរបាលការពារព្រំដែន កម្លាំងប៉ុស្តិ៍នគរបាលរដ្ឋបាល នៃស្នងការដ្ឋាននគរបាលខេត្តស្វាយរៀង សហការជាមួយកម្លាំងយោធាការពារព្រំដែន កម្លាំងកងរាជអាវុធហត្ថ បានពង្រឹងបន្ថែមការត្រួតពិនិត្យ តាមច្រកចេញ-ចូលព្រំដែន ទៅតាមភូមិសាស្ត្រដែលខ្លួនគ្រប់គ្រង ពិសេសបានចេញល្បាត តាមភូមិសាស្ត្រជាប់ព្រំដែនជាមួយប្រទេសវៀតណាម ដើម្បីបង្ការ ទប់ស្កាត់ កុំឲ្យមានប្រជាពលរដ្ឋប្រទេសទាំងសងខាង លួចឆ្លងដែនចេញចូលសំដៅទប់ស្កាត់ការឆ្លងរាលដាលនៃជំងឺកូវីដ-១៩ ហើយបើមានការចាំបាច់ត្រូវឆ្លងចូលមក ត្រូវតែបង្ខំឲ្យធ្វើចត្តាឡីស័កជាដាច់ខាត៕កឹម ទៀង

  ឯកឧត្តម ងួន រតនៈ អភិបាលខេត្តបាត់ដំបងរួមនិងឯកឧត្តមជាថ្នាក់ដឹកនាំក្រុមការងារ ជាទីប្រឹក្សារាជរដ្ឋាភិបាល និងឯកឧត្តមស្នងការនគរបាលខេត្ត រួមនិងអាជ្ញាធរស្រុកនិងតំណាងអង្គភាពនៃកងកម្លាំងទាំង៣ តាមបន្ទាត់ព្រំដែនខ្មែ-ថៃ ក្នុងភូមិសាស្ត្រនៃស្រុកកំរៀង ខេត្តបាត់ដំបង បានចុះត្រួតពិនិត្យមើល ស្ថានភាពទីតាំងរៀបចំមណ្ឌលចត្តាឡីស័កថ្មីបន្ថែមមួយកន្លែងទៀតដើម្បីត្រៀមទុកជាមុននៅពេលបងប្អូនពលករខ្មែរវិលត្រឡប់មកកាន់ស្រុកកំណើតក្នុងរដូវបុណ្យទាននិងពិធីបុណ្យចូលឆ្នាំថ្មីប្រពៃណីខ្មែរ កាន់តែខិតជិតចូលមកដល់។       ការចុះពិនិត្យមើលទីតាំងថ្មីដើម្បីធ្វើជាមណ្ឌលចត្តាឡីស័ក ក្នុងការរៀបចំទីកន្លែង ឲ្យបងប្អូនទាំងនោះបានស្នាក់នៅ រយៈពេល១៤ថ្ងៃ ដើម្បីត្រួតពិនិត្យសុខភាពពីក្រុមគ្រូពេទ្យប្រចាំការនៅទីនោះ និងដើម្បីធ្វើតេស្តយកវត្ថុសំណាក ពីបងប្អូនទាំងនោះ ដើម្បីពិនិត្យមើលមេរោគកូវីដ-19 មុននិងឲ្យវិលត្រឡប់ទៅកាន់ស្រុកកំណើតខ្លួនវិញ ខណៈដែលនៅដើមខែកុម្ភៈឆ្នាំ២០២១នេះ អត្រាកំណើន នៃពលករឆ្លងដែនពីប្រទេសថៃ នៅតាមច្រកព្រំដែន ជាប់ខេត្តបាត់ដំបង មានកំណើនកើនច្រើនខុសធម្មតា ដែលបញ្ហានេះ ត្រូវបានអាជ្ញាធរខេត្តនិងមន្ត្រីជំនាញពាក់ព័ន្ធ បានត្រៀមរៀបចំនូវមណ្ឌលចត្តាឡីស័កបន្ថែម នៅតាមស្រុកជាប់ព្រំដែន ខណៈក្នុងរដូវនេះ សម្បូរទៅដោយពិធីបុណ្យទាន់ផ្សេងៗ។       ក្នុងឱកាសចុះពិនិត្យទីតាំងដែលត្រូវរៀបចំធ្វើមណ្ឌលចត្តាឡីស័ក នៅស្រុកកំរៀង កាលពីពេលថ្មីៗកន្លងទៅនេះ ឯកឧត្តម ខេង សុមេធ អគ្គស្នងការរងនគរបាលជាតិ ប្រចាំទិសភូមិភាគទី៤ និងទី៥ បានមានប្រសាសន៍ថា៖ មណ្ឌលចត្តាឡីស័កដែលត្រៀមរៀបចំថ្មីនេះ គឺ៖សម្រាប់ត្រៀមបង្ការជាមុន នៅពេលដែលមណ្ឌលចត្តាឡីស័កមានស្រាប់មានចំនួនកើនពេញ។អាជ្ញាធរត្រូវបញ្ជូនពលករដែលទើបត្រឡប់មកពីថៃឲ្យមកកាន់កន្លែងថ្មី។ហើយនៅពេលកន្លែងចាស់មានពលករធ្វើចត្តាឡីស័កគ្រប់កំណត់១៤ថ្ងៃ ដែលអនុញ្ញាតឲ្យវិលត្រឡប់ទៅផ្ទះបាន។គឺអាចផ្ទេរបងប្អូនទាំងនោះពីមណ្ឌលថ្មី បញ្ជូនទៅមណ្ឌលចាស់ ជាបន្តបន្ទាប់វិញ។       ក្នុងការចុះពិនិត្យមើលនូវទីតាំងថ្មីគ្រោងរៀបចំនោះឯកឧត្តម…

ថ្ងៃទី៤ ខែកុម្ភ: ឆ្នាំ២០២១ មានករណីវិជ្ជមានវីរុសកូវីដ-១៩ ថ្មី ចំនួន ០៣នាក់ និងមានអ្នកជាសះស្បេីយចំនួន ០១នាក់។

យោងតាមលិខិតអនុញ្ញាតដែលចុះហត្ថលេខាដោយរដ្ឋមន្ត្រីក្រសួងសុខាភិបាលលោកសាស្ត្រាចារ្យម៉ម ប៊ុនហេង ដែលជាប្រធានគណៈកម្មការអន្តរក្រសួងប្រយុទ្ធនឹងជំងឺកូវីដ-១៩ នៅថ្ងៃទី៤កុម្ភៈឆ្នាំ២០២១ បានបញ្ជាក់ថា ក្រសួងសុខាភិបាលនៃព្រះរាជាណាចក្រកម្ពុជា អនុញ្ញាតឱ្យប្រើប្រាស់នូវវ៉ាក់សាំង Sinopharm COVID-19 ដែលផលិតដោយវិទ្យាស្ថាន Beijing Institute of Biological Products Co., Ltd នៃសាធារណរដ្ឋប្រជាមានិតចិន ក្នុងលក្ខខណ្ឌនៃការប្រើប្រាស់ជាបន្ទាន់ (Emergency Use Authorization) ដោយអនុវត្តតាមពិធីសារស្តីពីយុទ្ធនាការចាក់វ៉ាក់សាំងកូវីដ-១៩ របស់រាជរដ្ឋាភិបាល។ ការចេញលិខិតអនុញ្ញាតនោះ ត្រូវគេឃើញធ្វើឡើងបន្ទាប់ពីព័ត៌មានបញ្ជាក់ថា វ៉ាក់សាំងការពារជំងឺកូវីដ-១៩ ដែលជាជំនួយរបស់ចិនឈ្មោះ Sinopharm គ្រោងនឹងបញ្ជូនមកដល់ប្រទេសកម្ពុជានៅថ្ងៃសទី៧កុម្ភៈឆ្នាំ២០២១ ចំនួន៦០ម៉ឺនដូស៕កឹម ទៀង

ក្រសួងសុខាភិបាលអំពាវនាវឱ្យប្រជាពលរដ្ឋបង្កើនការប្រុងប្រយ័ត្ន និងចូលរួមទប់ស្កាត់ការនាំចូលវីរុសកូវីដ១៩ តាមច្រកព្រំដែនកម្ពុជា-វៀតណាម ។