យោងតាមសេចក្ដីប្រកាសរបស់ក្រសួងសុខាភិបាលនៅថ្ងៃ២៧ មករា ឆ្នាំ២០២១ បានឲ្យដឹងថា អ្នកជាសះស្បើយទាំង១១នាក់នោះ គឺជាពលករដែលបានធ្វើដំណើរមកពីប្រទេសថៃ។ យោងតាមក្រសួងសុខាភិបាល គិតមកដល់ថ្ងៃ២៧មករាឆ្នាំ២០២១ មានអ្នកឆ្លងជំងឺកូវីដ-១៩ ចំនួន ៤៦០នាក់ ក្នុងនោះបានព្យាបាលជាសះស្បើយចំនួន៤២៣នាក់ និងនៅសល់៣៧នាក់កំពុងសម្រាកព្យាបាលនៅមន្ទីរពេទ្យ៕

ភ្នំពេញ៖ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ នាថ្ងៃទី២៦ ខែមករា ឆ្នាំ២០២១នេះ បានប្រកាសកាត់ប្រាក់បៀវត្សរយៈពេល ៧ខែ ចាប់ពីខែកុម្ភៈដល់ខែសីហា ជូនក្រសួងសុខាភិបាល ដើម្បីប្រយុទ្ធប្រឆាំងនឹងជំងឺកូវីដ១៩។ ការប្រកាសបរិច្ចាគនេះធ្វើឡើងភ្លាមៗបន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសបន្តកាត់បៀវត្សរយៈពេល ៧ខែទៀត ចាប់ពីខែកុម្ភៈដល់ខែសីហា ជូនទៅក្រសួងសុខាភិបាល ដើម្បីប្រយុទ្ធប្រឆាំងនឹងជំងឺកូវីដ១៩។ សម្តេចតេជោ ហ៊ុន សែន ក៏បានថ្លែងអំណរគុណចំពោះ សម្តេច ឯកឧត្តម លោកជំទាវ លោក លោកស្រី ទាំងស្ថាប័នស៊ីវិល និងកម្លាំងប្រដាប់អាវុធគ្រប់ប្រភេទ ដែលបានបរិច្ចាគដោយការកាត់បៀវត្សទាំងស្រុង ឬមួយផ្នែករយៈពេលខ្លី ឬវែងតាមការស្ម័គ្រចិត្តជួយដល់ការងារប្រយុទ្ធប្រឆាំងជំងឺកូវីដ១៩ ដែលបង្ហាញឱ្យឃើញនូវសាមគ្គីភាពក្នុងខឿនការពារសុខភាពរបស់ប្រជាជនកម្ពុជា៕

អាហ្វ្រិកខាងត្បូង៖ លោក សៃរិល រ៉ាម៉ាហ្វូសា ប្រធានាធិបតីអាហ្វ្រិកខាងត្បូង បានអំពាវនាវឱ្យប្រទេសអ្នកមានចៀសវាងការទិញវ៉ាក់សាំងស្តុកទុក ដែលគួរតែចែក វ៉ាក់សាំងកូវីដ-១៩នេះ ឱ្យបានស្មើៗគ្នា។ ប្រទេសអ្នកមានបានបញ្ជាទិញដោយកក់ប្រាក់ទុកមុន មានបរិមាណច្រើនណាស់ ដែលមានប្រទេសខ្លះ បានបញ្ជាទិញទុកដល់ ៤ដង់លើសពីសេចក្តីត្រូវការរបស់ពលរដ្ឋក្នុងប្រទេសខ្លួនទៅទៀត លោក រ៉ាម៉ាហ្វូសា ថ្លែងយ៉ាងដូច្នេះថា អាហ្វ្រិកខាងត្បូង មានអ្នកឆ្លងជំងឺកូវីដ-១៩ ចំនួនជាង ១ លាន ៤ សែននាក់ និងបាត់បង់ជីវិតជាង ៤ម៉ឺននាក់។ អាហ្វ្រិកខាងត្បូង បានសង្ឃឹមថានឹងទទួលបានវ៉ាក់សាំងកូវីដ-១៩ ចំនួន ១លាន ៥សែនដូស នៅក្នុងខែមករា និងខែកុម្ភៈ ដែលផលិតដោយក្រុមហ៊ុន Astra Ceneca៕

រដ្ឋមន្រ្តីក្រសួងសុខាភិបាល ណែនាំដល់អភិបាលរាជធានី-ខេត្ត ឱ្យពង្រឹងការអនុវត្តវិធានការការពារការចម្លងជំងឺកូវីដ១៩ នៅតាមពិធីបុណ្យផ្សេងៗ និងពិធីរៀបអាពាហ៍ពិពាហ៍។

យោងតាមទំព័រហ្វេសប៊ុកសម្ដេចតេជោ ហ៊ុន សែន នាយករដ្ឋមន្ត្រី នៅថ្ងៃ២៦មករាឆ្នាំ២០២១នេះ បានឲ្យដឹងថា ក្នុងឆ្នាំកន្លងមកសម្ដេចបានកាត់ប្រាក់បៀវត្សទាំងអស់ក្រោយការបង់ពន្ធលើបៀវត្សជូនរដ្ឋរយៈពេល៧ខែជូនទៅក្រសួងសុខាភិបាលដើម្បីចូលរួមជួយដល់ការប្រយុទ្ធប្រឆាំងកូវីដ ១៩ ។ សម្ដេចបានបន្តថា បៀវត្សរបស់សម្ដេច១០លានរៀលខែត្រូវបង់ពន្ធ៩១ម៉ឺនរៀលក្នុង១ខែ និងប្រគល់ជូនក្រសួងសុខាភិបាល៩លាន៩សែនរៀលក្នុង១ខែសរុប៧ខែចំនួន៦៣លាន៦សែន៣ម៉ឺន៩ពាន់រៀល។ សម្ដេចតេជោ បានបន្តថា អាស្រ័យដោយកូវីដ១៩បាននឹងកំពុងកើតមានបន្តនៅទូទាំងពិភពលោករាប់ទាំងកម្ពុជា ផង សម្ដេចប្រកាសបន្តកាត់បៀវត្សទាំងអស់ក្រោយការបង់ពន្ធរយះពេល៧ខែទៀតជូនទៅក្រសួងសុខាភិបាលដោយចាប់ពីខែកុម្ភះឆ្នាំ២០២១ ដល់ ខែសីហា ឆ្នាំ២០២១។ ជាមួយគ្នានោះ សម្ដេចតេជោ បានថ្លែងអំណរគុណចំពោះ សម្តេច ឯកឧត្តម លោកជំទាវ លោក លោកស្រីទាំងស្ថាបន័ស៊ីវិលនិងកម្លាំងប្រដាប់អាវុធគ្រប់ប្រភេទដែលបានបរិច្ចាគដោយការកាត់បៀវត្សទាំងស្រុងឬមួយផ្នែករយៈពេលខ្លីឬវែងតាមការស្ម័គ្រចិត្តជួយដល់ការងារប្រយុទ្ធប្រឆាំងកូវីដ១៩ ដែលបង្ហាញឲ្យឃើញនូវសាមគ្គីភាពក្នុងខឿនការពារសុខភាពរបស់ប្រជាជនកម្ពុជា៕កឹម ទៀង