-
អ្នកជំនាញជំងឺឆ្លងអាមេរិកនិយាយថា សហរដ្ឋអាមេរិកនឹងបន្តជាសមាជិកភាពរបស់ WHO ហើយចូលរួមក្នុងកម្មវិធីវ៉ាក់សាំង COVAX ដើម្បីចែកចាយដល់ប្រទេសក្រីក្រ
អាមេរិក៖ សហរដ្ឋអាមេរិកស្ថិតក្រោមរដ្ឋបាលរបស់លោកប្រធានាធិបតី ចូ បៃដិន នឹងបង្កើនការចូលរួមជាមួយកម្មវិធីវ៉ាក់សាំង COVAX ដែលមានគោលបំណងចែកចាយវ៉ាក់សាំងអោយដល់ប្រទេសក្រីក្រ នេះបើតាមប្រធានទីប្រឹក្សាវេជ្ជសាស្ត្រអាមេរិកលោក អាន់តូនី ហ្វូស៊ី ប្រាប់ទៅកាន់កិច្ចប្រជុំរបស់អង្គការសុខភាពពិភពលោក WHO តាមរយៈវីដេអូមួយ ។ លោក ហ្វូស៊ី បន្តថា សហរដ្ឋអាមេរិកនឹងបន្តផ្តល់មូលនិធិដល់ទីភ្នាក់ងារសុខាភិបាលរបស់អង្គការសហប្រជាជាតិ ខណៈដែលប្រធានាធិបតីអាមេរិកលោក ចូ បៃដិន ងាកទៅរកកិច្ចសហប្រតិបត្តិការអន្តរជាតិកាន់តែខ្លាំង ក្នុងការប្រយុទ្ធប្រឆាំងនឹងជំងឺ Covid-19 តាមរយៈការចាប់ផ្តើមផែនការតំលៃ១.៩លានលានដុល្លារ ដើម្បីដោះស្រាយជំងឺរាតត្បាតនៅក្នុងស្រុកផងដែរ ។ លោក ហ្វូស៊ី បានប្រាប់ទៅកិច្ចប្រជុំរបស់ WHO តាមរយៈវីដេអូទៀតថា ស្ថិតក្រោមកាលៈទេសៈដ៏លំបាក អង្គការបានប្រមូលផ្តុំសហគមន៍វិទ្យាសាស្ត្រស្រាវជ្រាវ និងអភិវឌ្ឍន៍ ដើម្បីពន្លឿនការផលិតវ៉ាក់សាំង ការព្យាបាល និងការធ្វើរោគវិនិច្ឆ័យ ។ ទន្ទឹមគ្នា ប្រធានាធិបតីអាមេរិកថ្មីក៏កំពុងស្វះស្វែងចាក់វ៉ាក់សាំងការពារដល់មនុស្ស១០០លាននាក់ក្នុងរយៈពេល១០០ថ្ងៃ បង្កើនការប្រើប្រាស់ម៉ាស់ និងការធ្វើតេស្ត ពង្រីកកម្លាំងសុខភាពសាធារណៈ និងផ្តល់ជំនួយសង្គ្រោះបន្ទាន់បន្ថែមទៀតដល់អ្នកដែលកំពុងជួបការលំបាកពីការរឹតត្បិត ៕ប្រភព៖ Reuters
-
មនុស្ស០៥នាក់ស្លាប់ ក្នុងហេតុការណ៍អគ្គិភ័យឆាបឆេះរោងចក្រផលិតវ៉ាក់សាំង Covid-19 ធំជាងគេបំផុតរបស់ពិភពលោកក្នុងប្រទេសឥណ្ឌា
ឥណ្ឌា៖ យ៉ាងហោចណាស់មានមនុស្ស០៥នាក់បានបាត់បង់ជីវិត បន្ទាប់ពីអគ្គិភ័យដ៏សន្ធោសន្ធៅមួយ បានឆាបឆេះរោងចក្រផលិតវ៉ាក់សាំង COVID-19 មួយកន្លែង ដែលធំជាងគេបំផុតរបស់ពិភពលោកនៅក្នុងប្រទេសឥណ្ឌា ។ ប្រភពបានអោយដឹងថា អគ្គិភ័យខាងលើនេះ បានឆាបឆេះនៅវិទ្យាស្ថានសេរ៉ូមឥណ្ឌា (SII) ដែលជាក្រុមហ៊ុនផលិតវ៉ាក់សាំងធំជាងគេបំផុតលើពិភពលោក និងជាទីដែលវ៉ាក់សាំងរាប់លានដូសរបស់ក្រុមហ៊ុន Oxford / AstraZeneca កំពុងផលិតនៅទីនោះ ។ ភ្លាមៗនោះ នៅមិនទាន់មានព័ត៌មានណាមួយបញ្ជាក់ពីគ្រោះថ្នាក់ និងមូលហេតុនៃអគ្គិភ័យនៅឡើយទេ ប៉ុន្តែគេជឿថា វាឆាបឆេះចេញពីអគារមួយ ដែលកំពុងសាងសង់ ហើយមិនមែនជាកន្លែងស្តុកវ៉ាក់សាំងទេ ៕ប្រភព៖ CNA
-
អ្នកឆ្លង COVID-19 នៅទូទាំងពិភពលោកកើនឡើងជាង៩៨លាននាក់ ក្នុងនោះស្លាប់ជាង២លាន១០ម៉ឺននាក់ និងជាសះស្បើយជាង៧០លាន៤៦ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩៨លាន៨ម៉ឺន៨ពាន់៧៣១ករណី ក្នុងនោះមានអ្នកជម្ងឺសរុបចំនួន២លាន១០ម៉ឺន៣៨៨នាក់ស្លាប់ និង ជាសះស្បើយឡើងវិញសរុបចំនួន៧០លាន៤៦ម៉ឺន៦ពាន់៩២៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២២ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៥លាន១៩ម៉ឺន៦ពាន់៨៦នាក់ ស្លាប់ចំនួន៤២ម៉ឺន២៨៥នាក់ និងជាសះស្បើយចំនួន១៥លាន១០ម៉ឺន៩៩១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៦២ម៉ឺន៦ពាន់២០០នាក់ ស្លាប់ចំនួន១៥ម៉ឺន៣ពាន់៦៧នាក់ និងជាសះស្បើយ១០លាន២៨ម៉ឺន២ពាន់៨៨៩នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន៦៩ម៉ឺន៩ពាន់៨១៤នាក់ ស្លាប់២១ម៉ឺន៤ពាន់២២៨នាក់ និងជាសះស្បើយ៧លាន៥៨ម៉ឺន៧៤១នាក់ ៕
-
រាជរដ្ឋាភិបាល ផ្តល់ជំនួយថវិកាបន្ថែមដល់ខេត្តប៉ៃលិន ១០០លានរៀល និងកោះកុង ៣០លានរៀល ដើម្បីរៀបចំធ្វើចត្តាឡីស័កដល់ពលករ
ភ្នំពេញ៖ នៅថ្ងៃទី២១ ខែមករា ឆ្នាំ២០២១ រាជរដ្ឋាភិបាល បានផ្តល់ជំនួយថវិកាបន្ថែមដល់ខេត្តប៉ៃលិន ចំនួន១០០លានរៀល និងខេត្តកោះកុង៣០លានរៀលទៀត ដើម្បីរៀបចំសម្រួលដល់ការធ្វើចត្តាឡីស័ករបស់ពលករខ្មែរ ដែលត្រឡប់មកពីប្រទេសថៃ។ បើតាម លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល ។ លោកជំទាវ ថា ថវិកាទាំងនេះ ត្រូវបានរៀបចំចាត់ចែងប្រគល់ជូនអភិបាល នៃគណៈអភិបាលខេត្តទាំងពីរ។ ការផ្តល់ជំនួយដល់បណ្តាខេត្តកម្ពុជា ដែលនៅជាប់ព្រំដែនថៃ បានធ្វើឡើងជាបន្តបន្ទាប់ ដើម្បីរៀបចំការធ្វើចត្តាឡីស័កសម្រាប់ពលករខ្មែរ ដែលត្រឡប់ពីប្រទេសថៃ ក្រោយពេលប្រទេសថៃ បានផ្ទុះឡើងនូវការឆ្លងជំងឺកូវីដ១៩ ក្នុងសហគមន៍យ៉ាងខ្លាំងក្លា ដែលផ្តើមចេញពីខេត្តសាមុតសាខន ប្រទេសថៃ។ កាលពីថ្ងៃទី១៤ ខែមករា ឆ្នាំ២០២១ កន្លងទៅ សម្តេចតេជោ ហ៊ុន សែន ទើបតែផ្តល់ថវិកា ៨០០លានរៀលទៀត សម្រាប់ខេត្តឧត្តរមានជ័យ និង២០០លានរៀលថែមទៀត សម្រាប់ខេត្តបាត់ដំបង ដើម្បីរៀបចំទីតាំងសម្រាប់ធ្វើចត្តាឡីស័កជូនពលករខ្មែរ ដែលត្រឡប់មកពីប្រទេសថៃនេះផងដែរ។ បើតាមក្រសួងសុខាភិបាល, រហូតដល់ពេលនេះ មានពលករខ្មែរមិនតិចជាង១,២ម៉ឺននាក់ បានត្រឡប់ពីប្រទេសថៃ ហើយត្រូវបានដាក់ឱ្យធ្វើចត្តាឡីស័ក នៅខេត្តជាប់ព្រំដែន ក្នុងប្រទេសកម្ពុជា៕
-
អ្នកឆ្លង COVID-19 នៅទូទាំងពិភពលោកកើនឡើងជាង៩៧លាននាក់ ក្នុងនោះស្លាប់ជាង២លាននាក់ និងជាសះស្បើយជិត៧០លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩៧លាន៣០ម៉ឺន៦ពាន់៥៣៦ករណី ក្នុងនោះមានអ្នកជម្ងឺសរុបចំនួន២លាន៨ម៉ឺន៣ពាន់២៥៧នាក់ស្លាប់ និង ជាសះស្បើយឡើងវិញសរុបចំនួន៦៩លាន៨៤ម៉ឺន៨ពាន់៦៣៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២១ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៤លាន៩៩ម៉ឺន៨ពាន់៩៧៥នាក់ ស្លាប់ចំនួន៤១ម៉ឺន៥ពាន់៨៩៤នាក់ និងជាសះស្បើយចំនួន១៤លាន៩៦ម៉ឺន៨ពាន់៧១៦នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៦១ម៉ឺន១ពាន់៧១៩នាក់ ស្លាប់ចំនួន១៥ម៉ឺន២ពាន់៩០៦នាក់ និងជាសះស្បើយ១០លាន២៦ម៉ឺន៥ពាន់១៦៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន៦៣ម៉ឺន៩ពាន់៨៦៨នាក់ ស្លាប់២១ម៉ឺន២ពាន់៨៩៣នាក់ និងជាសះស្បើយ៧លាន៥៦ម៉ឺន៤ពាន់៦២២នាក់ ៕
-
សម្ដេចទៀ បាញ់៖ កម្ពុជាយើងរកឃើញករណីវិជ្ជមានកូវីដ-១៩ ជាបន្ដបន្ទាប់ សូមពលរដ្ឋទាំងអស់ បន្តការអនុវត្តន៍ឱ្យបានម៉ឺងម៉ាត់ តាមការណែនាំរបស់ក្រសួងសុខាភិបាល
ភ្នំពេញ៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានសរសេរលើទំព័រហ្វេសប៊ុកផ្លូវការរបស់សម្ដែច នៅព្រឹកថ្ងៃទី២១ ខែមករា ឆ្នាំ២០២១ ថា ថ្មីៗនេះ យើងបានរកឃើញករណីវិជ្ជមានកូវីដ-១៩ ជាបន្ដបន្ទាប់ ក្នុងចំណោមអ្នកដំណើរចូលមកពីក្រៅប្រទេស ជាពិសេស បងប្អូនពលករខ្មែរយេីង ដែលទើបត្រឡប់ពីប្រទេសជិតខាងមកកាន់កម្ពុជាវិញ។ សម្ដេចពិជ័យសេនា បានសូមឱ្យបងប្អូនប្រជាពលរដ្ឋទាំងអស់ បន្តការប្រុងប្រយ័ត្នខ្ពស់ និងអនុវត្តឱ្យបានម៉ឺងម៉ាត់ តាមការណែនាំរបស់ក្រសួងសុខាភិបាល ដើម្បីរួមគ្នា ការពារការចម្លងមេរោគដ៏កាចសាហាវនេះ។ សូមបញ្ជាក់ថា នៅថ្ងៃ២១ មករា ឆ្នាំ២០២១ ក្រសួងសុខាភិបាល បានប្រកាសពីការរកឃើញករណីវិជ្ជមានកូវីដ-១៩ថ្មី ចំនួន៥នាក់ ដែលក្នុងនោះ ៤នាក់ជាពលករមកពីប្រទេសថៃ និងម្នាក់ទៀតជាពលរដ្ឋខ្មែរ ធ្វើដំណើរមកពីសហរដ្ឋអាមេរិក ហើយថ្ងៃនេះ ក៏មានអ្នកជាសះស្បើយចំនួន៤នាក់ផងដែរ។ គិតមកដល់ថ្ងៃទី២១ មករានេះ កម្ពុជា មានករណីឆ្លងជំងឺកូវីដ-១៩ ចំនួន ៤៥៣នាក់ ក្នុងនោះបានព្យាបាលជាសះស្បើយចំនួន ៣៩៦នាក់ និងនៅសល់ ៥៧នាក់ កំពុងសម្រាកព្យាបាលនៅមន្ទីរពេទ្យ ៕ ដោយ វណ្ណលុក
-
តំបន់ប្រតិបត្តិការសឹករងឧត្តរមានជ័យ បន្តសហការជាមួយ កម្លាំងចម្រុះ មន្ត្រីជំនាញ អាជ្ញាធរមូលដ្ឋាន និងការពារទីតាំងបរិវេណមណ្ឌលចត្តាឡីស័កពលករខ្មែរ
ឧត្តមសេនីយ៍ទោ តន់ ញាន មេបញ្ជាការតំបន់ប្រតិបត្តិការសឹករងឧត្តរមានជ័យ នៅថ្ងៃទី២០ ខែមករា ឆ្នាំ២០២១ បានចាត់តាំងកម្លាំងកងទ័ពប្រមាណជាង៥០នាក់ បន្តចុះសហការជាមួយផ្នែកទំនាក់ទំនងព្រំដែនកម្ពុជាប្រចាំច្រកអូរស្មាច់ និងកងពលតូចដឹកជញ្ជូនលេខ៩៩ ព្រមទាំងកម្លាំងចម្រុះ និងអាជ្ញាធរមូលដ្ឋាន ក្នុងការចុះការពារ និងរៀបចំសម្អាតទីតាំងថ្មី សម្រាប់ធ្វើចត្តាឡីស័ក ដល់បងប្អូនប្រជាពលករ ត្រឡប់មកពីប្រទេសថៃ។ ជាមួយគ្នានេះដែរ កម្លាំងមួយផ្នែករបស់តំបន់ប្រតិបត្តិការសឹករងឧត្តរមានជ័យ បានសការជាមួយនឹងកងពលតូចដឹកជញ្ជូនលេខ៩៩ ធ្វើការដឹកជញ្ជូនប្រជាពលករខ្មែរ ដែលត្រឡប់មកពីប្រទេសថៃ តាមច្រកអន្តរជាតិអូរស្មាច់ មកកាន់ទីតាំងធ្វើចត្តាឡីស័ក ក្នុងខេត្តឧត្តរមានជ័យ និងមួយផ្នែក សហការជាមួយផ្នែកទំនាក់ទំនងព្រំដែនកម្ពុជា ប្រចាំការការពារនៅច្រកថ្មដូន និងច្រកជប់គគីរ ការពារក្រែងមានករណីបងប្អូនពលករលួចឆ្លងដែនដោយខុសច្បាប់ ឬមិនព្រមចូលរួមធ្វើចត្តាឡីស័ក។ មេបញ្ជាការតំបន់ប្រតិបត្តិការសឹករងឧត្តរមានជ័យ ក៏បានដាក់បទបញ្ជាឲ្យកម្លាំងទ័ព២៧នាក់ ប្រចាំការ ការពារនៅជុំវិញទីតាំងមណ្ឌល ដើម្បីបង្កើនសុវត្ថិភាព និងរបៀបរៀបរយ ចំពោះមណ្ឌលចត្តាឡីស័កពលករខ្មែរ។គួរបញ្ជាក់ថា ចាប់តាំងពីថ្ងៃទី១៩ ខែធ្នូ ឆ្នាំ២០២០ ដល់ថ្ងៃទី២០ ខែមករា ឆ្នាំ២០២១ មានបងប្អូនប្រជាពលរដ្ឋសរុបចំនួន៤,៧០៨នាក់ ក្នុងនោះស្រីចំនួន២,០៩៥នាក់ ដែលបានឆ្លងដែនពីប្រទេសថៃមកដល់ទឹកដីកម្ពុជា តាមច្រកអន្តរជាតិអូរស្មាច់ ហើយកងកម្លាំងទាំង៣ប្រភេទ និងក្រុមការងារពាក់ព័ន្ធទាំងអស់ បានសម្របសម្រួល ដោយដឹកជញ្ជូនពួកគាត់មកកាន់ទីតាំងធ្វើចត្តាឡីស័កទាំង៧ ដែលបានកំណត់ទុក។ ដោយឡែក មានបងប្អូនពលករចំនួន៤៦៨នាក់…
-
ក្រសួងសុខាភិបាល រកឃើញអ្នកឆ្លងកូវីដ១៩ថ្មី ចំនួន០៥នាក់ថែមទៀត
ភ្នំពេញ៖ ក្រសួងសុខាភិបាល ថ្ងៃទី២១ ខែមករា ឆ្នាំ២០២១ ចេញសេចក្តីប្រកាសព័ត៌មាន បញ្ជាក់ពីការរកឃើញ អ្នកឆ្លងជំងឺកូវីដ១៩ថ្មី ចំនួន០៥នាក់ថែមទៀត ខណៈអ្នកជំងឺ០៤នាក់ ព្យាបាលជាសះស្បើយ និងត្រូវបានអនុញ្ញាត ឲ្យចេញពីមន្ទីរពេទ្យ។ អ្នកឆ្លងជំងឺកូវីដ១៩ ថ្មីទាំង០៥នាក់ ៖ ១៖ ស្ត្រីជនជាតិខ្មែរ អាយុ៤០ឆ្នាំ មានអាសយដ្ឋានស្នាក់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦ ខែមករា ឆ្នាំ ២០២១។ ២៖ ស្ត្រីជនជាតិខ្មែរ អាយុ ៣៦ឆ្នាំ មានអាសយដ្ឋានស្នាក់នៅភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦ ខែមករា ឆ្នាំ ២០២១។ ៣៖ ស្ត្រីជនជាតិខ្មែរ អាយុ៤០ឆ្នាំ មានអាសយដ្ឋានស្នាក់នៅភូមិចំបក់ ឃុំក្រួស ស្រុកស្វាយជ្រុំ ខេត្តស្វាយរៀង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី០៦ ខែមករា ឆ្នាំ២០២១។ ៤៖ ស្ត្រីជនជាតិខ្មែរ អាយុ…
-
ថ្ងៃនេះ! ថៃឆ្លងកូវីដ១៩ក្នុងស្រុកត្រឹម៥១នាក់ ធ្លាក់មកខ្ទង់២លើកដំបូង តាំងពីចុងខែធ្នូ
រដ្ឋបាលគ្រប់គ្រងស្ថានភាពជំងឺកូវីដ១៩នៅប្រទេសថៃ ហៅកាត់ថា CCSA នៅថ្ងៃពុធ ទី២០ មករា ២០២១នេះបានរាយការណ៍ពីករណីវិជ្ជមានកូវីដ១៩ ចំនួន៥៩នាក់ ក្នុងនោះ មាន៨នាក់ នាំចូលពីក្រៅ ៥១នាក់គឺជាការឆ្លងក្នុងសហគមន៍។ ជាការកត់សម្គាល់ ចំនួនឆ្លងថ្មីត្រឹម៥៩នាក់នេះ គឺជាលើកដំបូងហើយ ដែលចំនួនឆ្លងបានធ្លាក់ចុះមកក្រោម១០០នាក់ ឬ មកខ្ទង់២ ចាប់តាំងពីផ្ទុះក្នុងសហគមន៍ទ្រង់ទ្រាយធំជាថ្មី នៅខែសាមុត សាខន កាលពីខែធ្នូ ២០២០។ យ៉ាងណាក៏ដោយ នៅថ្ងៃនេះ ថៃក៏បានប្រកាសពីស្លាប់ម្នាក់ទៀតព្រោះជំងឺកូវីដ១៩ដែរ ដោយមកដល់ពេលនេះ មាន៧១នាក់៕ ប្រភពពី The Nation
-
លោក ប្រាយុទ្ធ ចាន់អូចា និយាយថា មានតែមន្ទីរពេទ្យរដ្ឋទេ ដែលត្រូវបានអនុញ្ញាតអោយប្រើវ៉ាក់សាំង Covid-19 ដែលនាំចូល (Video)
ថៃ៖ នាយករដ្ឋមន្រ្តីថៃលោក ប្រាយុទ្ធ ចាន់អូចា នៅថ្ងៃអង្គារនេះនិយាយថា រដ្ឋាភិបាលនឹងអនុញ្ញាតអោយមន្ទីរពេទ្យរដ្ឋប្រើប្រាស់វ៉ាក់សាំង Covid-19 ដែលនាំចូលក្នុងដំណាក់កាលដំបូងនៃកម្មវិធីចាក់វ៉ាក់សាំងប៉ុណ្ណោះ ។ លោក ប្រាយុទ្ធ បន្តថា ប្រជាជនថៃនឹងទទួលបាននូវការចាក់វ៉ាក់សាំងពីមន្ទីរពេទ្យរដ្ឋ និងអង្គភាពសុខភាពសាធារណៈនៅក្នុងដំណាក់កាលដំបូង អំឡុងពេលដែលមន្ទីរពេទ្យឯកជននឹងមិនត្រូវបានអនុញ្ញាតអោយធ្វើដូច្នេះទេ ស្ថិតក្រោមហេតុផលសុវត្ថិភាពផ្នែកសុខាភិបាល ។ បន្ថែមលើនេះ លោក ប្រាយុទ្ធ ក៏បានអះអាងដែរថា មន្ទីរពេទ្យឯកជននឹងត្រូវបានអនុញ្ញាតអោយនាំចូលវ៉ាក់សាំង Covid-19 និង ចែកចាយវាបានសម្រាប់ការប្រើប្រាស់នាពេលអនាគត ។ លោក ប្រាយុទ្ធ បានសង្កត់ធ្ងន់ថា វ៉ាក់សាំងដែលនាំចូលទាំងអស់សម្រាប់ភ្នាក់ងាររដ្ឋាភិបាល ឬផ្នែកឯកជនត្រូវតែទទួលបានការអនុញ្ញាតជាមុន ពីអាជ្ញាធរសុខាភិបាលផលិតវ៉ាក់សាំងនៅក្នុងប្រទេស ព្រមទាំងរដ្ឋបាលចំណីអាហារ និង ឱសថរបស់ថៃ ។ សូមជម្រាបថា ថៃបានបញ្ជាទិញវ៉ាក់សាំងចំនួន៦៣លានដូស ហើយគ្រោងនឹងចាប់ផ្តើមចាក់វ៉ាក់សាំងនាខែក្រោយនេះ ។ វ៉ាក់សាំងដំបូងមានចំនួន២០ម៉ឺនដូស ដែលផលិតឡើងដោយក្រុមហ៊ុនចិន ស៊ីណូវ៉ាក់ បាយអូធិច ត្រូវបានរំពឹងថា នឹងដឹកមកដល់នៅក្នុងខែកុម្ភៈខាងមុខនេះ ៕