-
លោក ចូ បៃដិន បង្ហាញកញ្ចប់ជំនួយសេដ្ឋកិច្ចថ្មីមួយ ដែលមានទំហំទឹកប្រាក់រហូតដល់១.៩ទ្រីលានដុល្លារ (Video)
បរទេស ៖ ប្រធានាធិបតីជាប់ឆ្នោតអាមេរិកលោក ចូ បៃដិន បានធ្វើការប្រកាសបង្ហាញពីផែនការកញ្ចប់ថវិកាជំនួយសេដ្ឋកិច្ចថ្មីមួយ ដែលមានទំហំរហូតទៅដល 1.9 ទ្រីលានដុល្លារ នេះបើតាមសារព័ត៌មានរ៉យទ័រនៅថ្ងៃទី១៥ ខែមករា ឆ្នាំ២០២១ ។ ប្រសិនបើសំណើដែលបានបញ្ជូនទៅសភានេះត្រូវបានអនុម័តនោះ វាក៏នឹងមានបញ្ចូលជាមួយនឹងកញ្ចប់ថវិកាសម្រាប់ចំណាយរបស់ពលរដ្ឋអាមេរិកប្រមាណជាង១ទ្រីលានដុល្លារផងដែរ ដែលវានឹងត្រូវប្រើប្រាស់ដោយការផ្តល់ជូនជាសាច់ប្រាក់ផ្ទាល់ដល់ពលរដ្ឋអាមេរិកទាំងអស់គឺ១.៤០០ដុល្លារក្នុងម្នាក់ ។ កញ្ចប់ជំនួយក៏ត្រូវបានគេដឹងដែរថា មានរួមទាំងកញ្ចប់ថវិកាសម្រាប់ប្រយុទ្ធប្រឆាំងនឹងវិរុសកូវីដប្រមាណ៤១៥ពាន់លានដុល្លារ ព្រមទាំងកញ្ចប់ជំនួយសម្រាប់អាជីវកម្មខ្នាតតូចប្រមាណ៤៤០ពាន់លានដុល្លារផងដែរ ។ លោក បៃដិន ក៏ធ្លាប់បានបញ្ជាក់អំពីផែនការរបស់លោក ដែលនឹងប្រើប្រាស់កញ្ចប់ប្រាក់ដល់ទៅ២០ពាន់លានដុល្លារ សម្រាប់តែការងារចាក់វ៉ាក់សាំងជូនពល រដ្ឋអាមេរិក និងមានទាំងការពន្លឿនការចាក់វ៉ាក់សាំងឲ្យបានលឿនបំផុតទាំងនៅក្នុងក្រុង និងនៅតាមទីជនបទ ខណៈដែលអាមេរិកបានទទួលស្គាល់វ៉ាក់សាំងចំនួនពីរហើយគិតមកទល់ពេលនេះ ប៉ុន្តែអ្នកជំនាញកំពុងអំពាវនាវឲ្យមានការបង្កើនល្បឿនការងារថែមទៀត ៕
-
សប្បុរសជនក្នុងក្រុងប៉ោយប៉ែត ឧបម្ថម្ភគ្រឿងឧបភោគ បរិភោគដល់កងកម្លាំងកំពុងបំពេញបេសកកម្ម ទប់ស្កាត់ការឆ្លងរីករាលដាលជំងឺកូវីដ-១៩
នៅ ថ្ងៃទី១៥មករា ឆ្នាំ២០២១ លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានថ្លែងអំណរគុណជូនចំពោះថ្នាក់ដឹកនាំខេត្តបន្ទាយមានជ័យ អភិបាលក្រុង អាជីវករ និងប្រជាពលរដ្ឋរួមទាំងសប្បុរសជននានាក្នុងក្រុងប៉ោយប៉ែត ដែលបានយកចិត្តទុកដាក់ដល់កងកម្លាំងកងពលតូចថ្មើរជើងលេខ៥១ និងកម្លាំងចម្រុះកំពុងឈរជើងបំពេញបេសកកម្ម ប្រតិបត្តិការការពារ ទប់ស្កាត់ការឆ្លងរីករាលដាលជំងឺកូវីដ-១៩ចូលសហគមន៍តាមបន្ទាត់ព្រំដែនកម្បុជា-ថៃ ក្នុងខេត្តបន្ទាយមានជ័យ។ គួរកត់សម្គាល់ថា អំណោយជាគ្រឿងឧបភោគបរិភោគ ថវិកា ទឹកបរិសុទ្ធ អាល់កុល ម៉ាស ជែល និងសម្ភារៈមួយចំនួន បានប្រគល់ជូនជាបន្តបន្ទាប់ពីសំណាក់ អាជ្ញាធរមូលដ្ឋាន អាជីវករ ប្រជាពលរដ្ឋ ដោយសេចក្តីរីករាយសាទរ ចំពោះកងកម្លាំងចម្រុះជួរមុខ ដែលបានខិតខំល្បាតទប់ស្កាត់ទាំងយប់ទាំងថ្ងៃ អស់ពីកម្លាំងកាយចិត្ត។ លោកឧត្តមសេនីយ៍ត្រី សឹង្ហ ទុំ បានបញ្ជាក់ថា អំណោយដែលទទួលបាន គឺចែកជូនទៅតាមបណ្តាគោលដៅឈរជើងនៅជួរមុខភ្លាមៗផងដែរ។ ក្នុងនាមលោកមេបញ្ជាការកងពល ជំនួសមុខឲ្យ នាយទាហាន នាយទាហានរង និងពលទាហាន សូមថ្លែងអំណរគុណជូនចំពោះអាជ្ញាធរមូលដ្ឋានគ្រប់លំដាប់ថ្នាក់ សប្បុរសជន ទាំងអស់ក្នុងស្មារតីរួមគ្នា សមរភូមិក្រោយគាំទ្រសមរភូមិមុខ ដើម្បីបុព្វជាតិមាតុភូមិ និងប្រជាជន៕កឹម ទៀង
-
ថៃបន្តរកឃើញអ្នកឆ្លងកូវីដ១៩ថ្មីៗចំនួន១៨៨ករណីថែមទៀត ក្នុងនោះ១៥៤ជាករណីឆ្លងក្នុងសហគមន៍ (Video)
ថៃ៖ រដ្ឋាភិបាលថៃបានរាយការណ៍នៅថ្ងៃសុក្រនេះ ពីការរកឃើញអ្នកឆ្លងកូវីដ១៩ថ្មីៗចំនួន១៨៨ករណីបន្ថែមទៀត ក្នុងនោះ១៥៤ជាករណីឆ្លងក្នុងសហគមន៍ និង៣៤ទៀតជាករណីនាំចូល ដែលសរុបនៅទូទាំងប្រទេសកើនឡើងដល់១ម៉ឺន១ពាន់៤៥០ករណីហើយ នេះបើតាមសារព័ត៌មានបាងកកប៉ុស្តិ៍នៅថ្ងៃទី១៥ ខែមករា ឆ្នាំ២០២១ ។ អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ថៃ លោកវេជ្ជបណ្ឌិត តាវីសីប វីសានុយោធីន បាននិយាយថា ៨១ករណីមានសុខភាពធម្មតា ហើយ៤៧ករណីរកឃើញនៅខេត្តសាមុត សាខន និង២៧ករណីក្នុងទីក្រុងបាងកក ។ ហើយករណីសកម្មបានរកឃើញលើមនុស្ស៧៣នាក់ ក្នុងនោះ៥២នាក់ជាកម្មករចំណាកស្រុកនៅខេត្តសាមុត សាខន ។ ដោយឡែកក្នុងចំណោមករណីឆ្លងនាំចូលទាំង ៣៤ គឺមាន២១ករណីរកឃើញលើអ្នកដំណើរដែលធ្វើចត្តាឡីស័ក ៦ករណីមកពីអាល្លឺម៉ង់ ៣ករណីមកពីតួកគី និងមួយករណីផ្សេងៗទៀតមកពីប៊ែលហ្ស៊ិក ឆេក អេហ្ស៊ីប ហុងគ្រី គុយវែត ប៉ាគីស្ថាន ហ្វីលីពីន រុស្ស៊ី ស្វីស ស៊ូដង់ អេមីរ៉ាត់អារ៉ាប់រួម និងសហរដ្ឋអាមេរិក ។ សូមជម្រាបថា គិតត្រឹមថ្ងៃទី១៥ ខែមករានេះ នៅទូទាំងប្រទេសថៃមានអ្នកឆ្លងសរុប១ម៉ឺន១ពាន់៤៥០ករណី ក្នុងនោះមានអ្នកស្លាប់៦៩នាក់ និងជាសះស្បើយឡើងវិញ៨ពាន់២៨៨នាក់ ៕
-
ពលករកម្ពុជា ដែលស្នាក់នៅនិង ធ្វើការនៅប្រទេសថៃ ត្រូវចៀសវាងចល័តពីកន្លែងមួយទៅកន្លែងមួយ
សង្កេតឃើញមានការឆ្លងកូវីដ-១៩ ក្នុងអំឡុងដែលបងប្អូនពលករនៅប្រទេសថៃ ធ្វើដំណើរវិលត្រឡប់មកវិញដោយ លួចលាក់ និងខុសពីបំរាមអាជ្ញាធរថៃ គណៈកម្មការផ្ដល់ភាពស្របច្បាប់ ដល់ពលករកម្ពុជាដែលកំពុងស្នាក់នៅ និង ធ្វើការនៅប្រទេសថៃបន្តទៀត និងចៀសវាងចល័តពីកន្លែងមួយទៅកន្លែងមួយ។ គណៈកម្មការបញ្ជាក់ថា ក្នុងអំឡុងពេលការរាតត្បាតជំងឺកូវីដ-១៩ អាជ្ញាធរថៃ និងមិនមានវិធានការច្បាប់ប្រឆាំង និងនិយោជក និងពលករបរទេស ដែលបានកំពុងធ្វើការ និងស្នាក់នៅមួយកន្លែងនោះទេ។ ផ្ទុយទៅវិញ បងប្អូនពលករដែល ចល័តពីកន្លែងមួយទៅកន្លែងមួយ ឬមានបំណងវិលត្រឡប់មកស្រុកកំណើតវិញ គឺប្រឈម និង ហានិភ័យខ្ពស់ពីការឃាត់ ខ្លួនដោយអាជ្ញាធរមានសមត្ថកិច្ចថៃ និងប្រឈមនិងលទ្ធភាពឆ្លងជំងឺកូវីដ-១៩ ខ្ពស់នៅក្នុងអំឡុងពេលធ្វើដំណើរវិល ត្រឡប់។ សូមបងប្អូនពលករដែលកំពុងស្នាក់នៅ និងធ្វើការនៅប្រទេសថៃមេត្តារក្សាភាពនិងនរ និង បន្តស្នាក់នៅមួយកន្លែងដោយ ពុំទាន់ចាំបាច់ឆ្លងដែនវិលត្រឡប់មកស្រុកកំណើតវិញនោះទេ។ សូមបងប្អូនពលករជឿទុកចិត្តលើសមត្ថភាព និង លទ្ធភាពទប់សាត់ និងព្យាបាលជំងឺកូវីដ-១៩ របស់អាជ្ញាធរថៃ។
-
អង់គ្លេសហាមឃាត់អ្នកធ្វើដំណើរមកពីទ្វីបអាមេរិកខាងត្បូង ក្រោយវីរុស COVID-19 ទម្រង់ថ្មីផ្ទុះឡើងនៅប្រេស៊ីល (Video)
អង់គ្លេស៖ រាល់ការធ្វើដំណើរមកពីប្រទេសនៅទី្វបអាមេរិកខាងត្បូងចូលមកចក្រភពអង់គ្លេស នឹងត្រូវបានហាមឃាត់គិតចាប់ពីថ្ងៃចន្ទតទៅ ហើយបានដាក់បញ្ចូលបន្ថែមប្រទេសចំនួន១៦ទៀតទៅក្នុងបញ្ជីទិសដៅហាមឃាត់ផងដែរ នេះបើតាមរដ្ឋមន្ត្រីក្រសួងដឹកជញ្ជូនអង់គ្លេស លោក Grant Shapps ចុះផ្សាយដោយសារព័ត៌មាន Daily Mail នៅថ្ងៃទី១៥ ខែមករា ឆ្នាំ២០២១ ។ លោក Grant Shapps បាននិយាយថា លោកបាននិងកំពុងចាត់វិធានការបន្ទាន់ នៅក្នុងកិច្ចខិតខំប្រឹងប្រែង ដើម្បីទប់ស្កាត់វីរុស COVID-19 ទម្រង់ថ្មីចូលមកកាន់ចក្រភពអង់គ្លេស ។ រដ្ឋមន្ត្រីក្រសួងដឹកជញ្ជូនអង់គ្លេសរូបនេះ វិធានការខាងលើ គឺមានភាពធំជាងការរំពឹងទុកទៅទៀត បើទោះបីជាជនជាតិអង់គ្លេស និងអៀរឡង់មិនត្រូវបានបិទមិនឲ្យឆ្លងកាត់រកគ្នាក្តី ប៉ុន្តែត្រូវតែរស់នៅដាច់ដោយឡែកពីគេរយៈពេល១០ថ្ងៃជាមុនសិន នៅពេលឆ្លងកាត់ព្រំដែន ។ សូមជម្រាបផងដែរថា អង់គ្លេសបានហាមឃាត់គ្រប់អ្នកធ្វើដំណើរទាំងអស់ ដែលមកពីប្រទេសនៅទ្វីបអាមេរិកខាងត្បូង ដើម្បីទប់ស្កាត់នឹងវីរុស COVID-19 ទម្រង់ថ្មី ដែលគេរកឃើញក្នុងប្រទេសប្រេស៊ីល ស្របពេលមានការព្រួយបារម្ភថា វីរុសនេះ អាចធន់នឹងវ៉ាក់សាំង ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៩៣លាននាក់ ក្នុងនោះស្លាប់ជាង២លាននាក់ និងជាសះស្បើយជិត៦៧លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៩៣លាន៥៣ម៉ឺន២ពាន់៥១៧ករណី ក្នុងនោះមានអ្នកជម្ងឺសរុបចំនួន២លាន២ពាន់៣៩២នាក់ស្លាប់ និង ជាសះស្បើយឡើងវិញសរុបចំនួន៦៦លាន៨១ម៉ឺន២ពាន់៣០៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៥ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២៣លាន៨៤ម៉ឺន៨ពាន់៤១០នាក់ ស្លាប់ចំនួន៣៩ម៉ឺន៧ពាន់៩៩៤នាក់ និងជាសះស្បើយចំនួន១៤លាន១១ម៉ឺន២ពាន់១១៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៥២ម៉ឺន៨ពាន់៥០៨នាក់ ស្លាប់ចំនួន១៥ម៉ឺន១ពាន់៩៥៤នាក់ និងជាសះស្បើយ១០លាន១៦ម៉ឺន២ពាន់៨២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន៣២ម៉ឺន៦ពាន់១១៥នាក់ ស្លាប់២០ម៉ឺន៧ពាន់១៦០នាក់ និងជាសះស្បើយ៧លាន៣៣ម៉ឺន៩ពាន់៧០៣នាក់ ៕
-
រដ្ឋមន្រ្តីសុខាភិបាល ចុះរៀបចំដំណើរការ ទីស្នាក់ការប្រចាំការថ្នាក់តំបន់
បាត់ដំបង៖ លោកសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល ថ្ងៃទី១៥ ខែមករា ឆ្នាំ២០២១ បានដឹកនាំក្រុមការងារបច្ចេកទេស នៃក្រសួងសុខាភិបាល ចុះរៀបចំដំណើរការទីស្នាក់ការប្រចាំការថ្នាក់តំបន់ ក្នុងទីរួមខេត្តបាត់ដំបង។ ទីស្នាក់ការ ជាទីតាំងសម្រាប់ពិភាក្សាចែករំលែកបទពិសោធន៍ ក្នុងការព្យាបាល ថែទាំអ្នកជំងឺកូវីដ១៩ និងការគ្រប់គ្រង សុខភាពអ្នកធ្វើចត្តាឡីស័កក្នុងខេត្តបាត់ដំបង បន្ទាយមានជ័យ សៀមរាប ឧត្តរមានជ័យ និងប៉ៃលិន ដោយមានការ សម្របសម្រួលពីក្រុមមន្ត្រីបច្ចេកទេសពីក្រសួងសុខាភិបាល និងមន្ទីរពេទ្យមិត្តភាពកម្ពុជា-សូវៀត។ ទីស្នាក់ការថ្នាក់តំបន់ នឹងមានរៀបចំកិច្ចប្រជុំទៀងទាត់តាមរយៈប្រព័ន្ធ Zoom ដើម្បីលោកគ្រូអ្នកគ្រូពេទ្យ ក្នុង ខេត្តបាត់ដំបង បន្ទាយមានជ័យ សៀមរាប ឧត្តរមានជ័យ និងប៉ៃលិន ត្រៀមខ្លួនរួចជាស្រេចក្នុងការឆ្លើយតប បន្ទាន់បើសិនជាមាន អ្នកជំងឺដែលមានហានិភ័យខ្ពស់ ជាយថាហេតុ ។ ទីស្នាក់ការ ដឹកនាំដោយ រដ្ឋលេខាធិការក្រសួងសុខាភិបាលមួយរូប និង ក្រុមគ្រូពេទ្យជំនាញមកពីមន្ទីរពេទ្យ មិត្តភាព-កម្ពុជាសូវៀត ប្តូរវេនប្រចាំការជាប្រចាំ និងចុះអន្តារាគមន៍ក្នុងករណីចាំបាច់។
-
ថ្ងៃនេះក្រសួងសុខាភិបាលរកឃើញករណីឆ្លងជំងឺកូវីដ-១៩ថ្មីចំនួន១៥នាក់
-
ពលករខ្មែរ មកពីប្រទេសថៃ ១៥ នាក់ទៀតឆ្លងជំងឺកូវីដ១៩
ភ្នំពេញ៖ ក្រសួងសុខាភិបាល ថ្ងៃទី១៥ ខែមករា ឆ្នាំ២០២១ ចេញសេចក្តីប្រកាសព័ត៌មានបញ្ជាក់ ពីការរកឃើញពលករខ្មែរ ទើបត្រឡប់មកពីប្រទេសថៃចំនួន ១៥នាក់ថែមទៀត ឆ្លងជំងឺកូវីដ១៩ ខណៈអ្នកជំងឺ៤នាក់ត្រូវបានព្យាបាលជាសះស្បើយ និងអនុញ្ញាតឲ្យចេញពីមន្ទីរពេទ្យ។ ពលករខ្មែរទាំង១៥នាក់ ដែលរកឃើញវិជ្ជមានវីរុសកូវីដ-១៩ ថ្មី៖ ១៖ បុរសជនជាតិខ្មែរ អាយុ ២៩ឆ្នាំ មានអាសយដ្ឋានស្នាក់នៅឃុំជ្រៃ ស្រុកថ្មគោល ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៣ ខែមករា ឆ្នាំ២០២១។ ២៖ បុរសជនជាតិខ្មែរ អាយុ ៣៤ឆ្នាំ មានអាសយដ្ឋានស្នាក់នៅឃុំបឹងរាំង ស្រុកកម្រៀង ខេត្តបាត់ដំបង បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៣ ខែមករា ឆ្នាំ២០២១។ ៣៖ បុរសជនជាតិខ្មែរ អាយុ ២៨ឆ្នាំ មានអាសយដ្ឋានស្នាក់នៅឃុំសំរោង ស្រុកសំរោង ខេត្តតាកែវ បានធ្វើដំណើរមកពីប្រទេសថៃ មកដល់កម្ពុជានៅថ្ងៃទី១៣ ខែមករា ឆ្នាំ២០២១។ ៤៖ ស្ត្រីជនជាតិខ្មែរអាយុ ៣៥ឆ្នាំ មានអាសយដ្ឋានស្នាក់នៅឃុំតាសែន ស្រុកកម្រៀង ខេត្តបាត់ដំបង បានធ្វើដំណើរមកពីប្រទេសថៃ…
-
មេបញ្ជាការកងពលតូចថ្មើរជើងលេខ៥១ ចុះត្រួតពិនិត្យកម្លាំងអន្តរាគមន៍ សហការទប់ស្កាត់ការឆ្លងរីករាលដាលកូវីដ-១៩ តាមព្រំដែនខេត្តបន្ទាយមានជ័យ
នៅថ្ងៃទី១៤មករា ឆ្នាំ២០២១ លោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ បានចុះត្រួតពិនិត្យកម្លាំងអន្តរាគមន៍តាមបណ្តាគោលដៅ ឈរជើងតាមបន្ទាត់ព្រំដែនកម្ពុជា-ថៃ សហការជាមួយកម្លាំងចម្រុះ និងអាជ្ញាធរមូលដ្ឋាន ដើម្បីទប់ស្កាត់ការឆ្លងរីករាលដាលឆ្លងជំងឺកូវីដ-១៩ ចូលសហគមន៍។ ក្នុងឱកាសនោះដែរ លោកមេបញ្ជាការ បានដាក់បទបញ្ជា ដល់កងកម្លាំង គ្រប់បណ្តាគោលដៅ ត្រូវយកចិត្ដទុកដាក់ ល្បាត ត្រួតពិនិត្យ ២៤ម៉ោងលើ២៤ម៉ោង មិនឲ្យមានប្រជាពលរដ្ឋឆ្លងដែនចូលមកមិនបានធ្វើចត្តាឡីស័កដាច់ខាតគ្រប់បណ្តាគោលដៅដែលបានកំណត់ដាច់ខាត។ លោកមេបញ្ជាការកងពល បានពាំនាំនូវការផ្តាំផ្ញើសួរសុខទុក្ខពីសំណាក់ លោក ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ដល់កងកម្លាំងជួរមុខដែលកំពុងបំពេញបេសកកម្មប្រតិបត្តិការ សហការជាមួយកម្លាំងចម្រុះទប់ស្កាត់ ការពារការឆ្លងរីករាលដាលជំងឺកូវីដ-១៩ ចូលសហគមន៍ ពិសេសលោកអំពាវនាវឲ្យកងទ័ពត្រូវពាក់អាវរងារដែលជាអំណោយរបស់សម្តចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ឲ្យបានគ្រប់ៗគ្នាដើម្បីការពារសុខ ដើម្បីការងារពីជំងឺ គ្រាដែលអាកាសធាតុចុះត្រជាក់ខ្លាំង។ លោកមេបញ្ជាការកងពលតូចថ្មើរជើងលេខ៥១ ក៏បានថ្លែងអំណរគុណចំពោះថ្នាក់ដឹកនាំ អាជីវករ និងប្រជាពលរដ្ឋ នៅជិតព្រំដែន ដែលតែងតែយកចិត្តទុកដាក់និងលើកទឹកចិត្ត ដល់កងកម្លាំង បាននាំយកនូវគ្រឿងឧបភោគបរិភោគ ម៉ាស អាល់កុល និងជែល សម្រាប់កងកម្លាំងកំពុងប្រតិបត្តិការ…