-
ពលករខ្មែរមកពីប្រទេសថៃម្នាក់ទៀតត្រូវបានរកឃើញវិជ្ជមានវីរុសកូវីដ-១៩នៅថ្ងៃនេះ
យោងតាមសេចក្ដីប្រកាសរបស់ក្រសួងសុខាភិបាលនៅថ្ងៃទី១១មករាឆ្នាំ២០២១បានឲ្យដឹងថា នៅថ្ងៃទី១០មករា គេបានរកឃើញករណីវិជ្ជមានវីរុសកូវីដ-១៩ចំនួន១នាក់។ អ្នកឆ្លងថ្មីនោះ ជា ស្ត្រីជនជាតិខ្មែរ អាយុ២៨ឆ្នាំ មានអាយដ្ឋាននៅភូមិដំបូកខ្ពស់ ឃុំអូរដំបង២ ស្រុកសង្កែ ខេត្តបាត់ដំបង បានធ្វើដំណើរមកពីប្រទេសថៃ មកដល់ប្រទេសកម្ពុជានៅថ្ងៃទី៨មករាឆ្នាំ២០២១។ លទ្ធផលធ្វើតេស្តវត្ថុសំណាករបស់បុរសរូបនោះ ផ្ដល់ដោយវិទ្យាស្ថានប៉ាស្ទ័រកម្ពុជា បញ្ជាក់ថា វិជ្ជមានវីរុសកូវីដ-១៩។ ស្ត្រីរូបនោះ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។ ក្រសួងសុខាភិបាលក៏បានប្រកាសដែរថា នៅថ្ងៃនេះមានអ្នកជាសះស្បើយពីជំងឺកូវីដ-១៩ចំនួន៣នាក់ ក្នុងនោះ២នាក់ជាអ្នកដំណើរមកពីប្រទេសថៃស និងម្នាក់ទៀត ពាក់ពន្ធ័នឹងព្រឹត្តិការណ៍សហគមន៍២៨វិច្ឆិកា។ កម្ពុជាគិតមកដល់ថ្ងៃទី១១មករាឆ្នាំ២០២១នេះ មានអ្នកឆ្លងជំងឺកូវីដ-១៩ចំនួន ៣៩២នាក់ ក្នុងនោះបានជាសះស្បើយចំនួន៣៧៤នាក់ និងនៅសល់១៨នាក់កំពុងសម្រាកព្យាបាលនៅមន្ទីរពេទ្យ៕កឹម ទៀង
-
នៅថ្ងៃនេះមានករណីឆ្លងថ្មីជំងឺកូវីដ១៩ចំនួន៤នាក់ និងជាសះស្បើយចំនួន៦នាក់។ អ្នកឆ្លងថ្មីទាំង៤នាក់ ជាប្រជាពលរដ្ឋដែលចូលមកពីប្រទេសថៃ
-
អភិបាលខេត្តបាត់ដំបង ចុះពិនិត្យមើលស្ថានភាពពលករនៅតាមមណ្ឌលចត្តាឡីស័ក នៅក្នុងស្រុកសំពៅលូន ស្រុកភ្នំព្រឹក និងស្រុកកំរៀង
គិតត្រឹមថ្ងៃទី០៨ខែមករា ឆ្នាំ២០២១នេះ ខេត្តបាត់ដំបង ទទួលពលករដែលវិលត្រឡប់មកពីប្រទេសថៃ តាមបណ្តាច្រកនានា តាមព្រំដែនខ្មែរ-ថៃ ក្នុងភូមិសាស្ត្រ នៃ ស្រុកទាំង៣របស់ខេត្តបានធ្វើចត្តាឡីស័ក នៅតាមមណ្ឌលនានាក្នុងស្រុកសំពៅលូន ស្រុកភ្នំព្រឹនិងស្រុកកំរៀង មានពលករឆ្លងដែនពីថៃតាមច្រករបស់ខេត្តកើនជាង២ពាន់នាក់ហើយ ដោយគិតចាប់តាំងពីមានការផ្ទុះរីករាលដាលកូវីដ-19នៅក្នុងសហគមន៍របស់ខេត្តសាមុទសាខនកន្លងមក ហើយត្រូវបានអាជ្ញាធរមានសមត្ថកិច្ច និង មន្ត្រីសុខាភិបាល បានចុះប្រចាំការក្នុងការត្រួតពិនិត្យនូវសុខភាព និងដាក់ឲ្យធ្វើចត្តាឡីស័ក និងយកវត្ថុសំណាកពីបងប្អូនពលករទាំងនោះគ្រប់ៗគ្នា។ ក្នុងរបាយការណ៍រដ្ឋបាលខេត្តបាត់ដំបង បានបង្ហាញថា គិតត្រឹមថ្ងៃ៧ ខែមករា ឆ្នាំ២០២១ ក្នុងចំណោមពលករទាំងជាង២ពាន់នាក់ ត្រូវបានមន្ត្រីសុខាភិបាល ចុះយកវត្ថុសំណាកដើម្បីធ្វើតេស្តរកមេរោគកូវីដ-19 បានចំនួនជាង ១.៨០០នាក់ ហើយក្នុងនោះ អ្នកបានបញ្ចប់ក្នុងការធ្វើចត្តាឡីស័កនិងអនុញ្ញាតឲ្យត្រឡប់ទៅផ្ទះវិញ មានចំនួនសរុប ៣៣២នាក់ហើយ ខណៈពលករឆ្លងកូវីដ-19 នៅខេត្តបាត់ដំបង រកឃើញវិជ្ជមានចំនួន៨នាក់ និងកំពុងសម្រាកព្យាបាល នៅក្នុងមន្ទីរពេទ្យខេត្ត។ ដោយឡែក អ្នកបន្តឆ្លងដែនវិលត្រឡប់ពីថៃ តាមច្រកជាប់ខេត្តបាត់ដំបងនៅថ្ងៃទី៧ខែមករាមកនេះមានចំនួនសរុប ១៦៦នាក់ ។ សូមបញ្ជាក់ផងដែរ ក្នុងការចុះពិនិត្យមើលពីស្ថានភាពពលករដែលបានវិលត្រឡប់ពីប្រទេសថៃនិងកំពុងតែដាក់ឲ្យធ្វើចត្តាឡីស័កនៅតាមមណ្ឌលនានាដែលកំណត់ដោយរដ្ឋបាលខេត្ត នៅតាមបណ្តាស្រុកជាប់ព្រំដែនទាំង៣ខាងលើ ក្មុងនោះឯកឧត្តម ងួន រតនៈ អភិបាលខេត្តបាត់ដំបង និងប្រតិភូអមដំណើរ ក៏បានចុះពិនិត្យមើលទីកន្លែងចុងភៅដាំស្លជូនបងប្អូនពលករដែលកំពុងសម្រាកនៅក្នុងមណ្ឌលធ្វើចត្តាឡីស័ក…
-
អ្នកឆ្លង COVID-19 នៅទូទាំងពិភពលោកកើនឡើងជាង៨៩លាននាក់ ក្នុងនោះស្លាប់ជាង១លាន៩២ម៉ឺននាក់ និងជាសះស្បើយជាង៦៤លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៨៩លាន៣៥ម៉ឺន៨ពាន់៩៨៦ករណី ក្នុងនោះមានអ្នកជម្ងឺសរុបចំនួន១លាន៩២ម៉ឺន២ពាន់១៥៦នាក់ស្លាប់ និង ជាសះស្បើយឡើងវិញសរុបចំនួន៦៤លាន១ម៉ឺន៥២៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៩ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២២លាន៤៥ម៉ឺន៦ពាន់៩០២នាក់ ស្លាប់ចំនួន៣៧ម៉ឺន៨ពាន់១៤៩នាក់ និងជាសះស្បើយចំនួន១៣លាន២៥ម៉ឺន៩ពាន់៩៤៩នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៤៣ម៉ឺន២ពាន់៥២៦នាក់ ស្លាប់ចំនួន១៥ម៉ឺន៨៣៥នាក់ និងជាសះស្បើយ១០លាន៥ម៉ឺន៦ពាន់៦៥១នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៨លាន១ម៉ឺន៥ពាន់៩២០នាក់ ស្លាប់២០ម៉ឺន១ពាន់៥៤២នាក់ និងជាសះស្បើយ៧លាន១១ម៉ឺន៤ពាន់៤៧៤នាក់ ៕
-
ថ្ងៃនេះក្រសួងសុខាភិបាលរកឃើញករណីឆ្លងជំងឺកូវីដ-១៩ ថ្មីម្នាក់ និងជាសះស្បើយចំនួន៣នាក់
-
មន្រ្តីជាន់ខ្ពស់ WHO បញ្ជាក់ថា បណ្តាប្រទេសក្រីក្របំផុត នឹងទទួលបានវ៉ាក់សាំង Covid-19 នៅចន្លោះចុងខែមករា និងពាក់កណ្តាលខែកុម្ភៈឆ្នាំនេះ
ស្វីស៖ ប្រធានផ្នែកវ៉ាក់សាំងរបស់អង្គការសុខភាពពិភពលោក WHO លោកស្រី ខេត អូប្រាយអ៊ែន បញ្ជាក់ថា COVAX ដែលជាគម្រោងអន្តរជាតិស្តីពីការទិញ និងចែកចាយវ៉ាក់សាំង COVID-19 សម្រាប់ប្រទេសកំពុងអភិវឌ្ឍនោះ សម្រេចបានកិច្ចព្រមព្រៀងទិញវ៉ាក់សាំងចំនួន២ពាន់លានដូស ហើយដូសដំបូងក្នុងចំណោមនោះ នឹងចាប់ផ្តើមចែកចាយក្នុងរយៈពេលប៉ុន្មានសប្តាហ៍ទៀត នេះបើតាមសារព័ត៌មាន AFP នៅថ្ងៃទី០៨ ខែមករា ឆ្នាំ២០២១ ។ ប្រធានផ្នែកវ៉ាក់សាំងរបស់ WHO រូបនេះបន្ថែមថា វ៉ាក់សាំង COVID-19 ដែលគម្រោង COVAX ទិញបាននោះ នឹងត្រូវចាប់ផ្តើមចែកចាយនៅចន្លោះចុងខែមករា និងពាក់កណ្តាលខែកុម្ភៈ ឆ្នាំ២០២១ខាងមុខនេះហើយ ។ លោកស្រី ខេត អូប្រាយអ៊ែន បានអះអាងទៀតថា សកម្មភាពនេះជាមធ្យោបាយដែលបណ្តាប្រទេសក្រីក្រនៅតំបន់អាហ្រ្វិក និងអាស៊ីខាងត្បូង ក៏ដូចជាប្រទេសដទៃទៀតនៅជុំវិញពិភពលោកដែលចូលរួមក្នុងគម្រោងនេះ ដែលមិនសូវមានលទ្ធភាព ដើម្បីទិញដោយខ្លួនឯងផ្ទាល់អាចទទួលបានវ៉ាក់សាំង COVID-19 ៕
-
នាយករដ្ឋមន្ត្រីសិង្ហបុរីទទួលការចាក់វ៉ាក់សាំង Covid-19 (Video)
សង្ហិបុរី៖ នាយករដ្ឋមន្ត្រីសិង្ហបុរី លោក លី សៀនឡុង បានទទួលការចាក់វ៉ាក់សាំងប្រឆាំងជំងឺកូវីដ១៩ នៅថ្ងៃសុក្រនេះ ជាវ៉ាក់សាំងរបស់ក្រុមហ៊ុនអាមេរិក និងអាល្លឺម៉ង់ ភីហ្វីហ្សឺ-បាយអូអិនធិច នេះបើតាមសារព័ត៌មាន CNA នៅថ្ងៃទី០៨ ខែមករា ឆ្នាំ២០២១ ។ លោក លី សៀនឡុង បានក្លាយជាសមាជិកគណៈរដ្ឋមន្ត្រីដំបូងរបស់សិង្ហបុរី ដែលទទួលការចាក់វ៉ាក់សាំង ដោយលោកបានទទួលវ៉ាក់សាំង ក្នុងយុទ្ធនាការផ្តល់វ៉ាក់សាំងដល់បុគ្គលិកសុខាភិបាល ។ លោក លី បាននិយាយថា លោករីករាយក្នុងការឃើញពីការចាប់ផ្តើមផ្តល់វ៉ាក់សាំងដល់មន្ត្រីសុខាភិបាលជួរមុខនេះ ។ ដូច្នេះ ខ្ញុំឆ្លៀតឳកាសនេះ ចាក់ខ្លួនឯងដែរ ហើយពេលនេះ ខ្ញុំចាក់រួចហើយ ៣០នាទីក្រោយមក ពុំមានអ្វីមិនស្រួលសម្រាប់ខ្ញុំទេ ។ នាយករដ្ឋមន្ត្រីសិង្ហបុរីរូបនេះបន្ថែមទៀតថា លោកនឹងចាក់ម្តងទៀតប្រមាណ៣សប្តាហ៍ក្រោយ ហើយថា ពុំមានការឈឺចាប់ទេ តែមានសារៈសំខាន់ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៨៨លាននាក់ ក្នុងនោះស្លាប់ជាង១លាន៩០ម៉ឺននាក់ និងជាសះស្បើយជាង៦៣លាន៦១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៨៨លាន៤៩ម៉ឺន៩ពាន់៨៦៣ករណី ក្នុងនោះមានអ្នកជម្ងឺសរុបចំនួន១លាន៩០ម៉ឺន៦ពាន់៦៩៣នាក់ស្លាប់ និង ជាសះស្បើយឡើងវិញសរុបចំនួន៦៣លាន៦១ម៉ឺន៦៨៦នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៨ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២២លាន១៣ម៉ឺន២ពាន់៤៥នាក់ ស្លាប់ចំនួន៣៧ម៉ឺន៤ពាន់១២៤នាក់ និងជាសះស្បើយចំនួន១៣លាន១៤ម៉ឺន៣ពាន់៣១៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៤១ម៉ឺន៤ពាន់៤៤នាក់ ស្លាប់ចំនួន១៥ម៉ឺន៦០៦នាក់ និងជាសះស្បើយ១០លាន៣ម៉ឺន៦ពាន់៧២២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៧លាន៩៦ម៉ឺន១ពាន់៦៧៣នាក់ ស្លាប់២០ម៉ឺន៤៩៨នាក់ និងជាសះស្បើយ៧លាន៩ម៉ឺន៦ពាន់៩៣១នាក់ ៕
-
សម្ដេចពិជ័យសេនា ទៀ បាញ់ ៖ បើទោះជាព្រឹត្តិការណ៍សហគមន៍ ២៨វិច្ឆិកា ត្រូវបានបិទបញ្ចប់ តែការគំរាមកំហែងដោយសារជំងឺកូវីដ-១៩នៅមានកម្រិតខ្ពស់
ភ្នំពេញ៖ តាមរយៈទំព័រហ្វេសប៊ុកផ្លូវការនៅព្រឹកថ្ងៃទី០៨ ខែមករា ឆ្នាំ២០២១ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានលើកឡើងថា បើទោះជាព្រឹត្តិការណ៍សហគមន៍ ២៨វិច្ឆិកា ត្រូវបានបិទបញ្ចប់ តែការគំរាមកំហែងនៅមានកម្រិតខ្ពស់ ជាពិសេស បន្ទាប់ពីយើងបានរកឃើញករណីវិជ្ជមានកូវីដ-១៩ លើប្រជាពលរដ្ឋដែលចូលមកពីប្រទេសថៃ។ សម្ដេចពិជ័យសេនា បានអំពាវនាវឱ្យបងប្អូនទាំងអស់គ្នា បន្តចៀសវាងការជួបជុំដែលមានមនុស្សច្រើន ត្រូវពាក់ម៉ាស់ឱ្យបានត្រឹមត្រូវ ឧស្សាហ៍លាងសម្អាតដៃជាមួយសាប៊ូឬអាល់កុល បន្តរក្សាគម្លាតឆ្ងាយពីគ្នា និងអនុវត្តឱ្ន៍យបានម៉ឺងម៉ាត់នូវរាល់វិធានការនានា ដែលក្រសួងសុខាភិបាលបានណែនាំ ៕កឹម ទៀង
-
ពលករខ្មែរមកពីប្រទេសថៃ១នាក់ទៀតត្រូវបានរកឃើញវិជ្ជមានវីរុសកូវីដ-១៩នៅថ្ងៃនេះ
យោងតាមសេចក្ដីប្រកាសរបស់ក្រសួងសុខាភិបាលនៅថ្ងៃទី៨មករាឆ្នាំ២០២១បានឲ្យដឹងថា នៅថ្ងៃទី៧មករា គេបានរកឃើញករណីវិជ្ជមានវីរុសកូវីដ-១៩ចំនួន១នាក់។ អ្នកឆ្លងថ្មីនោះ ជាស្រ្តីជនជាតិ ខ្មែរអាយុ៣៣ឆ្នាំ មានអាសយដ្ឋាននៅភូមិស្ពានកណ្ដាល ឃុំបវេល ស្រុកបវេល ខេត្តបាត់ដំបង បានធ្វើដំណើរមកពីប្រទេសថៃមកដល់ប្រទេសកម្ពុជានៅថ្ងៃទី៥មករាឆ្នាំ២០២១ លទ្ធផលធ្វើតេស្តវត្ថុសំណាករបស់បុរសរូបនោះ ផ្ដល់ដោយវិទ្យាស្ថានប៉ាស្ទ័រកម្ពុជា បញ្ជាក់ថា វិជ្ជមានវីរុសកូវីដ-១៩។ ស្ត្រីរូបនោះ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។ កម្ពុជាគិតមកដល់ថ្ងៃទី៨មករាឆ្នាំ២០២១នេះ មានអ្នកឆ្លងជំងឺកូវីដ-១៩ចំនួន ៣៨៦នាក់ ក្នុងនោះបានជាសះស្បើយចំនួន៣៦២នាក់ និងនៅសល់២៤នាក់កំពុងសម្រាកព្យាបាលនៅមន្ទីរពេទ្យ៕