-
កូវីដ១៩រាលដាលខ្លាំង វាំងថៃនិងទីតាំងរាជទ្រព្យផ្សេងៗទៀត បិទទ្វាររហូតដល់ថ្ងៃទី៣១ មករា
ការិយាយព្រះរាជវាំងថៃបានប្រកាស កាលពីថ្ងៃទី៤ មករា ២០២១ថា ដោយសារតែការរាតត្បាតជំងឺកូវីដ១៩ ព្រះរាជវាំងនិងទីតាំងរាជទ្រព្យផ្សេងៗទៀត នឹងត្រូវបិទមិនឲ្យសាធារណជនចូលទស្សនា រហូតដល់ថ្ងៃទី៣១ មករា ២០២១។ តំបន់ទាំងនោះរួមមាន វាំង Grand Palace និង ប្រាសាទ Temple of the Emerald Buddha, វិមានBang Pa-In Palace, វិមាន Bhubing Palace, គម្រោង Chang Hua Man, សារមន្ទីរវាយនភណ្ឌ Queen Sirikit, សារមន្ទីរជាតិ Arts of the Kingdom Museum និង រោងភាពយន្ត Sala Chalermkrung Royal Theatre៕ ប្រភពពី The Nation
-
លោក បូរីស ចនសុន ប្រាប់អោយប្រជាជនស្នាក់នៅផ្ទះ ខណៈអង់គ្លេសសម្រេចបិទប្រទេសរហូតដល់ពាក់កណ្តាលខែកុម្ភៈ ឆ្នាំ២០២១
អង់គ្លេស៖ នាយករដ្ឋមន្រ្តីអង់គ្លេសលោក បូរីស ចនសុន បានជំរុញអោយប្រជាជនស្នាក់នៅក្នុងផ្ទះ ស្របពេលដែលរូបលោកប្រកាសបិទប្រទេសសាជាថ្មីម្តងទៀត ពីរបីម៉ោងក្រោយរដ្ឋមន្រ្តីដំបូងរបស់ស្កុតឡែនបានប្រកាសបិទទ្វារប្រទេសផងដែរ នេះបើតាមសារព័ត៌មានរ៉យទ័រនៅថ្ងៃទី០៥ ខែមករា ឆ្នាំ២០២១ ។ នៅក្នុងសន្ទរកថាតាមកញ្ចក់ទូរទស្សន៍ លោក បូរីស ចនសុន បានបញ្ជាក់ថា មនុស្សគ្រប់រូបនៅប្រទេសអង់គ្លេស ត្រូវតែស្នាក់នៅក្នុងផ្ទះ លើកលែងតែហេតុផលដែលត្រូវបានអនុញ្ញាតប៉ុណ្ណោះ ក្នុងអំឡុងពេលនៃការបិទប្រទេសដោយសារជំងឺ Covid-19 ។ លោក ចនសុន បានសង្កត់ធ្ងន់ថា រាល់វិធានការថ្មីៗនៅក្នុងចក្រភពអង់គ្លេសនឹងមានរយៈពេលរហូតដល់ពាក់កណ្តាលខែកុម្ភៈ ឆ្នាំ២០២១ខាងមុខ ដោយសារតែការរីករាលដាលនៃវីរុស Covid-19 ទម្រង់ថ្មី ដែលកំពុងវាយប្រហារពាសពេញប្រទេស ។ នាយករដ្ឋមន្រ្តីអង់គ្លេសរូបនេះបានព្រមានថា ក្នុងរយៈពេលប៉ុន្មានសប្តាហ៍ខាងមុខនេះ នឹងក្លាយជាពេលវេលាពិបាកបំផុត ចំពេលមានករណីកើនឡើង និងចំនួនអ្នកជំងឺ ហើយថា អ្នកដែលស្ថិតក្នុងក្រុមអាទិភាពទាំងបួន នឹងត្រូវផ្តល់ជូននូវវ៉ាក់សាំងដំបូងគេនៅត្រឹមពាក់កណ្តាលខែក្រោយនេះ ៕
-
លោក ប្រាយុទ្ធ ចាន់អូចា បញ្ជាក់ថា ថៃនឹងបញ្ជាទិញវ៉ាក់សាំង Covid-19 ចំនួន៣៥លានដូសទៀត ហើយប្រជាជនថៃភាគច្រើនបំផុតនឹងទទួលបានវ៉ាក់សាំង
ថៃ៖ នាយករដ្ឋមន្រ្តីថៃលោក ប្រាយុទ្ធ ចាន់អូចា នៅថ្ងៃចន្ទនេះថ្លែងថា រដ្ឋាភិបាលកំពុងស្វះស្វែងបញ្ជាទិញវ៉ាក់សាំង Covid-19 ចំនួន៣៥លានដូសបន្ថែមទៀត នាំអោយចំនួនត្រូវទិញឡើងដល់៦៣លានដូស នេះបើតាមសារព័ត៌មានបាងកកប៉ុស្តិ៍នៅថ្ងៃទី០៥ ខែមករា ឆ្នាំ២០២១ ។ លោក ប្រាយុទ្ធ បន្តថា ខ្ញុំបានបញ្ជាទិញ៣៥លានដូសទៀត និងប្រជាជនថៃភាគច្រើនបំផុតត្រូវរំពឹងថា នឹងទទួលបានវ៉ាក់សាំង ប៉ុន្តែលោកមិនបានបញ្ជាក់ប្រាប់ថាតើវ៉ាក់សាំងបន្ថែមនេះបានមកពីណាទេ តែបានថា រដ្ឋាភិបាលចាំបាច់ត្រូវធានាថា ពួកវាមានសុវត្ថិភាព មិនបង្កផលប៉ះពាល់ក្រោយចាក់ និងស្របតាមស្តង់ដាកំណត់ដោយរដ្ឋបាលចំណីអាហារ និងឱសថជាតិ ។ នាយករដ្ឋមន្រ្តីថៃរូបនេះបញ្ជាក់ថា វ៉ាក់សាំងចំនួន០២លានដូសដំបូងនឹងមកដល់ប្រទេសថៃ ក្នុងរយៈពេល០៣ខែខាងមុខ ដោយរដ្ឋាភិបាលផ្តល់អាទិភាពសំរាប់អ្នកទទួលបានវាមុន ។ សូមជម្រាបថា បើតាមក្រសួងសុខាភិបាលថៃ វ៉ាក់សាំង Covid-19 របស់ក្រុមហ៊ុនចិន Sinovac Biotech ក្រុមដំបូងនឹងមកដល់នៅចុងខែក្រោយចំនួន០២សែនដូស ។ ហើយ០៨សែនដូសទៀតនឹងមកដល់នៅចុងខែមីនា និង១លានដូសចុងក្រោយនឹងមកដល់នៅខែមេសាខាងមុខនេះ ខណៈបុគ្គលិកវេជ្ជសាស្ត្រ និងអ្នកស្ម័គ្រចិត្តបំរើសេវាសុខភាពតាមភូមិនឹងត្រូវចាក់មុនគេ ៕
-
ចិនអះអាងថា ទីក្រុងប៉េកាំងនឹងបញ្ចប់ការចាក់វ៉ាក់សាំង COVID-19 សម្រាប់ជនងាយរងគ្រោះនៅមុនពិធីបុណ្យនិទាឃរដូវ
ចិន៖ ទីក្រុងប៉េកាំងនឹងបិទបញ្ចប់យុទ្ធនាការចាក់វ៉ាក់សាំង COVID-19 សម្រាប់ក្រុមជនងាយរងគ្រោះ នៅមុនពេលដែលបុណ្យនិទាឃរដូវ ដែលត្រូវនឹងថ្ងៃទី១២ ខែកុម្ភៈខាងមុខ នេះបើតាមការអះអាងរបស់អាជ្ញាធរមូលដ្ឋាន ចុះផ្សាយដោយ សារព័ត៌មានស៊ីនហួរ នៅយប់ថ្ងៃទី០៤ ខែមករា ឆ្នាំ២០២១ ។ គណៈកម្មការសុខាភិបាលក្រុងប៉េកាំង បាននិយាយថា នៅពេលដែលយុទ្ធនាការចាក់វ៉ាក់សាំងជុំនេះបិទបញ្ចប់ ប្រជាជនដែលសក្តិសមទាំងអស់នៅក្នុងទីក្រុង នឹងទទួលបានការវ៉ាក់សាំង COVID-19 ទាំងអស់គ្នា ខណៈដែលសកម្មភាពផលិតវ៉ាក់សាំង កំពុងតែបង្កើនសមត្ថិភាពផលិតរបស់ខ្លួនកាន់តែច្រើនឡើង ។ សូមជម្រាបថា ក្នុងរយៈពេល០២ថ្ងៃ ចាប់តាំងពីទីក្រុងប៉េកាំងបានចាប់ផ្តើមយុទ្ធ នាការចាក់វ៉ាក់សាំង ក្នុងចំណោមក្រុមមនុស្សដែលមានហានិភ័យខ្ពស់ កាលពីថ្ងៃទី០១ ខែមករាកន្លងទៅ មានប្រជាជនសរុបចំនួន៧ម៉ឺន៣ពាន់៥៣៧នាក់នៃតំបន់ចំនួន២២០កន្លែងនៅទូទាំងទីក្រុង បានទទួលការចាក់វ៉ាក់សាំង COVID-19 ដូសដំបូងរួចរាល់ហើយ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៨៦លាននាក់ ក្នុងនោះស្លាប់ជិត១លាន៨៦ម៉ឺននាក់ និងជាសះស្បើយជាង៦១លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៨៦លាន៩ម៉ឺន២ពាន់៥៦៦ករណី ក្នុងនោះមានអ្នកជម្ងឺសរុបចំនួន១លាន៨៥ម៉ឺន៩ពាន់៨១៣នាក់ស្លាប់ និង ជាសះស្បើយឡើងវិញសរុបចំនួន៦១លាន៤ម៉ឺន១ពាន់៩០២នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៥ ខែមករា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន២១លាន៣៥ម៉ឺន១ពាន់៧៨៧នាក់ ស្លាប់ចំនួន៣៦ម៉ឺន២ពាន់៩៧នាក់ និងជាសះស្បើយចំនួន១២លាន៧៣ម៉ឺន២ពាន់៨៣០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន១០លាន៣៥ម៉ឺន៧ពាន់៥៦៩នាក់ ស្លាប់ចំនួន១៤ម៉ឺន៩ពាន់៨៨៦នាក់ និងជាសះស្បើយ៩លាន៩៧ម៉ឺន៥ពាន់៣៤០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៧លាន៧៥ម៉ឺន៤ពាន់៥៦០នាក់ ស្លាប់១៩ម៉ឺន៦ពាន់៥៩១នាក់ និងជាសះស្បើយ៦លាន៨៧ម៉ឺន៥ពាន់២៣០នាក់ ៕
-
ថ្ងៃនេះមិនមានអ្នកឆ្លងជំងឺកូវីដ-១៩ថ្មីឡើយ ហើយក៏មិនមានអ្នកជាសះស្បើយដែរ
-
លោកជំទាវ បាន ស្រីមុំ អញ្ជើញចុះសំណេះសំណាល លើកទឹកចិត្តដល់ក្រុមគ្រូពេទ្យប្រឆាំងកូវីដ១៩ ដែលកំពុងបំពេញបេសកកម្មរបស់ខ្លួននៅមណ្ឌលចត្តាឡីស័កផ្ទះសំណាក់គ្រូបង្រៀន ក្នុងក្រុងប៉ៃលិន ខេត្តប៉ៃលន
ប៉ៃលិន ៖ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្រ្តមណ្ឌលប៉ៃលិន បានអញ្ជើញចុះសំណេះសំណាល លើកទឹកចិត្តដល់ក្រុមគ្រូពេទ្យប្រឆាំងកូវីដ១៩ ដែលកំពុងបំពេញបេសកកម្មរបស់ខ្លួននៅមណ្ឌលចត្តាឡីស័កផ្ទះសំណាក់គ្រូបង្រៀន ក្នុងក្រុងប៉ៃលិន ខេត្តប៉ៃលន ។ ក្នុងឱកាសនោះ លោកជំទាវអភិបាលខេត្ត និងឯកឧត្តមអ្នកតំណាងរាស្ត្រណ្ឌលខេត្តប៉ៃលិន បានផ្តាំផ្ញើដល់ក្រុមគ្រូពេទ្យទាំងអស់ឲ្យយកចិត្តទុកដាក់ក្នុងពិនិត្យព្យាបាលជូនបងប្អូនពលករដែលទើបនឹងឆ្លងដែនមកពីប្រទេសថៃ ព្រមទាំងធ្វើយ៉ាងណាឲ្យគោរពតាមគោលការណ៍របស់ក្រសួងសុខាភិបាល អ្នកដែលទើបនឹងមកពីក្រៅប្រទេសត្រូវនៅធ្វើចត្តាឡីស័ករយៈពេលចំនួន១៤ ចំពោះអ្នកដែលឆ្លងជំងឺគឺត្រូវនៅបន្តព្យាបាលរហូតជាសះស្បើយ ទើបអាចចេញពីមណ្ឌលចត្តាឡីស័កបាន ពីព្រោះកាលណាបើយើងធ្វេសប្រហែសនោះ គឺវាអាចមានការឆ្លងចូលដល់សហគមន៍គឺមានហានិភ័យខ្លាំងបំផុត។ លោកជំទាវអភិបាលខេត្ត និងឯកឧត្តមអ្នកតំណាងរាស្ត្រមណ្ឌលខេត្តប៉ៃលិន បានថ្លែងអំណរគុណដល់ក្រុមគ្រូពេទ្យទាំងអស់ចំពោះការលះបង់ដ៏ធំធេងសម្រាប់ការចូលរួមប្រឆាំងនឹងជំងឺកូវីដ-១៩ និងលើកទឹកចិត្តដល់គ្រូពេទ្យឲ្យថែរក្សាការងារសុខភាព និងសុវត្ថិភាពខ្លួនឯងជាមុន មុននឹងចូលព្យាបាលជូនអ្នកជំងឺ ហើយយើងយើងនឹងឆ្លងផុតគ្រាដ៏លំបាកនេះជាមួយគ្នា ។ ជាមួយគ្នានេះ នៅយប់ថ្ងៃទី៣ ខែមករា ឆ្នាំ២០២១ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្រ្តមណ្ឌលប៉ៃលិន បានអញ្ជើញចុះពិនិត្យស្ថានភាពនៅតាមមណ្ឌលចត្តាឡីស័កផ្ទះសំណាក់ភ្នំយ៉ាត និងផ្ទះសំណាក់កូឡា និងបានផ្តាំផ្ញើរដល់ក្រុមគ្រូពេទ្យឱ្យយកចិត្តទុកដាក់បំពេញការងារក្នុងស្មារតីទទួលខុសត្រូវខ្ពស់បំផុត ។ ក្នុងឱកាសនោះ លោកជំទាវក៏បានពិភាក្សាការងារជាមួយលោកស្នងការ មេប៉េអឹម ប្រធានមន្ទីរសុខាភិបាល និងក្រុមការងារ…
-
ថៃមានអ្នកឆ្លង COVID-19 ម្នាក់ទៀតស្លាប់ និងរកឃើញអ្នកឆ្លងថ្មីៗ៧៤៥នាក់ក្នុងនោះ៧០៩នាក់ជាករណីឆ្លងក្នុងសហគមន៍
ថៃ៖ ប្រទេសថៃនៅថ្ងៃចន្ទនេះបានកត់ត្រាពីអ្នកឆ្លង COVID-19 ថ្មីៗចំនួន៧៤៥ករណីទៀត ក្នុងនោះ៧០៩នាក់ជាករណីឆ្លងក្នុងសហគមន៍ រួមជាមួយករណីស្លាប់ថ្មីម្នាក់ផងដែរ នេះបើតាមសារព័ត៌មានបាងកកប៉ុស្តិ៍នៅថ្ងៃទី០៤ ខែមករា ឆ្នាំ២០២១ ។ អាជ្ញាធរប្រយុទ្ធប្រឆាំងជំងឺ COVID-19 របស់រដ្ឋាភិបាលថៃបញ្ជាក់ថា ភាគច្រើននៃករណីឆ្លងថ្មីៗខាងលើនេះ គឺត្រូវបានរកឃើញនៅក្នុងខេត្ត សាមុត សាខន ដែលស្ថិតនៅភាគនិរតីនៃទីក្រុងបាងកក និង ជាកន្លែងដែលការរាតត្បាតរលកទី ២ បានចាប់ផ្តើមផ្ទុះឡើងកាលពីអំឡុងខែធ្នូ ឆ្នាំ២០២០ បន្ទាប់ពីគ្រប់គ្រងស្ថានការណ៍បានយ៉ាងល្អ ចាប់តាំងពីពាក់កណ្តាលឆ្នាំមុន ។ សូមជម្រាបថា បន្ទាប់ពីការបូកបន្ថែមករណីថ្មីៗខាងលើនេះ ករណីឆ្លងសរុបនៃជងឺ COVID-19 នៅទូទាំងប្រទេសថៃ បានកើនឡើងដល់៨ពាន់៤៣៩ករណី ក្នុងនោះមនុស្សស្លាប់មាន៦៥នាក់ និងជាសះស្បើយឡើងវិញ៤ពាន់៣៥០នាក់ ៕
-
សេចក្តីជូនដំណឹង ស្តីពី កម្មវិធីអាហាររូបករណ៍ថ្នាក់បរិញ្ញាបត្រសម្រាប់អនាគតអ្នកដឹកនាំវ័យក្មេងពិភពលោកផ្នែកបរិស្ថាន
-
ឯកឧត្តម អ៊ុច បូររិទ្ធ អំណោយមនុស្សធម៌ម៉ាស និងសម្ភារបរិក្ខាពេទ្យ គឺជាសក្ខីភាពនៃមនោសញ្ចេតនាដ៏ជ្រាលជ្រៅ និងសាមគ្គីមិត្តភាពស្និទ្ឋស្នាលរវាងប្រជាជនកម្ពុជា និងនេប៉ាល់
ឯកឧត្តម អ៊ុច បូររិទ្ធ រដ្ឋមន្រ្តីប្រតិភូអមនាយករដ្ឋមន្រ្តី តំណាងសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រាប់ ឯកឧត្តម រាយដេអេស ធ្រីបភើស៉ី រដ្ឋមន្ត្រីសុខាភិបាលនេប៉ាល់ថា អំណោយមនុស្សធម៌នៅក្នុងឱកាសនេះ គឺជាសក្ខីភាពនៃមនោសញ្ចេតនាដ៏ជ្រាលជ្រៅ និងសាមគ្គីមិត្តភាពស្និទ្ឋស្នាលរវាងប្រជាជនកម្ពុជា និងប្រជាជននេប៉ាល់។ ឯកត្តមឧ អ៊ុច បូររិទ្ធ ថ្លែងបែបនេះក្នុងឱកាសប្រគល់អំណោយរបស់រាជរដ្ឋាភិបាលកម្ពុជា ជូនរដ្ឋាភិបាល និងប្រជាជនប្រទេសនេប៉ាល់ នៅថ្ងៃទី៤ ខែធ្នូ ឆ្នាំ២០២០។ តំណាងសម្តេចតេជោ ហ៊ុន សែន បានបញ្ជាក់យ៉ាងដូច្នេះថា៖ «រាជរដ្ឋាភិបាលកម្ពុជា នៅតែប្តេជ្ញាយ៉ាងមុតមាំក្នុងការធ្វើការយ៉ាងជិតស្និទ្ធជាមួយនេប៉ាល់ និងសហគមន៍អន្តរជាតិ ដើម្បីជំនៈលើការរាតត្បាតនៃជំងឺកូវីដ-១៩ និងផលប៉ះពាល់ដ៏មានសក្តានុពលយូរអង្វែងមកលើជីវភាពរស់នៅរបស់ប្រជាជន»។ ឯកឧត្តម បន្តថា អំណោយមនុស្សធម៌នៅក្នុងឱកាសនេះ គឺជាសក្ខីភាពនៃមនោសញ្ចេតនាដ៏ជ្រាលជ្រៅ និងសាមគ្គីមិត្តភាពស្និទ្ឋស្នាលរវាងប្រជាជនកម្ពុជា និងប្រជាជននេប៉ាល់ ក្នុងអំឡុងពេលដ៏លំបាកនៃវិបត្តិសុខភាពពិភពលោក។ ការរាតត្បាតនៃជំងឺកូវីដ-១៩ បានធ្វើឲ្យប៉ះពាល់យ៉ាងធ្ងន់ធ្ងរដល់គ្រប់ទិដ្ឋភាពនៃជិវិតរបស់មនុស្ស ដោយបាននាំមកនូវបញ្ហាប្រឈមជាច្រើន មិនត្រឹមតែសុវត្ថិភាពសុខភាពសាធារណៈប៉ុណ្ណោះទេ ប៉ុន្តែថែមទាំងធ្វើឲ្យខូចខាតយ៉ាងខ្លាំង ដល់ខ្សែសង្វាក់ផ្គត់ផ្គង់ និងការចល័តរបស់ប្រជាជន ដែលជាហេតុធ្វើឱ្យសេដ្ឋកិច្ចគ្រប់ប្រទេសនៅជុំវិញពិភពលោកធ្លាក់ចុះ។ នៅក្នុងបរិបទនេះ ការឆ្លើយតបជាសមូហភាព និងសាមគ្គីភាព នៅក្នុងក្របខ័ណ្ឌទ្វេភាគី និងពហុភាគី…