ត្បូងឃ្មុំ៖ ក្រសួងសុខាភិបាល នៅយប់ថ្ងៃទី០២ ខែមករា ឆ្នាំ២០២១  បានចេញសេចក្តីជូនដំណឹងបន្ទាន់អំពីករណីពលករមកពីប្រទេសថៃម្នាក់ ស្លាប់ដោយសារជំងឺគាំងបេះដូង ហើយរអិលដួលបោកក្បាលក្នុងបន្ទប់ទឹក ក្នុងពេលរូបគាត់ជាប់ធ្វើចត្តាឡីស័កនៅក្នុងវិទ្យាល័យ ត្បូងឃ្មុំ ក្នុងខេត្តត្បូងឃ្មុំ ។ ក្រសួងសុខាភិបាលបានបញ្ជាក់ថា បុរសដែលស្លាប់ដោយសារគាំងបេះដូង មានអាយុ៥២ឆ្នាំ រស់នៅភូមិមេលោង ឃុំមៀន ស្រុកអូរាំងឪ ខេត្តត្បូងឃ្មុំ ស្លាប់នៅវេលាម៉ោង៩៖១០ នាទី ព្រឹកថ្ងៃទី០២ ខែមករា ឆ្នាំ២០២១នេះ។ បុរសដែលបានស្លាប់រូបនេះបានត្រឡប់ពីធ្វើការនៅប្រទេសថៃវិញ នាថ្ងៃទី២៨ ខែធ្នូ ឆ្នាំ២០២០ ហើយក៏ត្រូវបន្តដាក់ឱ្យធ្វើចត្តាឡីស័កនៅខេត្តត្បូងឃ្មុំ ចាប់ពីថ្ងៃទី២៩ ខែធ្នូ ឆ្នាំ២០២០ មក។ ជាមួយគ្នានោះ ក្រុមការងារក៏បានយកសំណាករបស់គាត់ទៅពិនិត្យលើកទី១រួចរាល់ ហើយឃើញថា «អវិជ្ជមាន»។ ក្រោយពេលធ្វើកោសល្យវិច័យរួចរាល់ សពបុរសខាងលើត្រូវបានសមត្ថកិច្ចប្រគល់ជូនក្រុមគ្រួសារសព ដើម្បីធ្វើបុណ្យតាមប្រពៃណី៕

(ស្រុកពារាំង)៖ នៅថ្ងៃសុក្រ ទី០១ ខែមករា ឆ្នាំ២០២១ ក្រុមការងាររាជរដ្ឋាភិបាលចុះមូលដ្ឋានស្រុកពារាំង ខេត្តព្រៃវែង ដឹកនាំដោយឯកឧត្តម នាយឧត្ដមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ ជាប្រធានក្រុមការងារ អមដំណើរដោយឯកឧត្ដម អនុប្រធានក្រុមការងាររាជរដ្ឋាភិបាលចុះមូលដ្ខានស្រុកពារាំង លោកអភិបាលស្រុក លោកប្រធានការិយាល័យសុខាភិបាលស្រុក អញ្ជើញចុះសួរសុខទុក្ខ និងពិនិត្យមើលកន្លែងធ្វើចត្តាឡីស័ក ដាក់អោយនៅដាច់ដោយឡែក របស់បងប្អូនពលករ ដែលបានវិលត្រឡប់មកពីក្រៅប្រទេស នៅតាមបណ្តា ភូមិ ឃុំ ទូទាំងស្រុក។ ឆ្លៀតឱកាសនោះដែរ ឯកឧត្ដម ប្រធានក្រុមការងារ ក៏បានណែនាំ និងផ្តល់អនុសាសន៍ដូចខាងក្រោម៖ ណែនាំជុំវិញសភាពការណ៍ក្រោមការដឹកនាំរបស់សម្តេចតេជោ និងការណែនាំរបស់ក្រសួងសុខាភិបាល សំខាន់ការធ្វើចត្តាឡីស័កអោយបានត្រឹមត្រូវ និងគ្រប់១៤ថ្ងៃ។ ណែនាំទៅដល់ក្រុមការងារ និងអាជ្ញាធរមូលដ្ឋានគ្រប់លំដាប់ថ្នាក់ សូមអោយផ្សព្វផ្សាយនៅប្រសាសន៍របស់សម្តេចតេជោ កាលពីម្សិលមិញ ជុំវិញអំពីការនឹងនរកុំអោយរត់ចុះរត់ឡើងមកពីប្រទេសថៃ តែបើមកហើយ សូមអោយធ្វើចត្តាឡីស័កទៅតាមការកំណត់របស់សុខាភិបាលនៅតាមព្រំដែនកម្ពុជា-ថៃ អោយបានគ្រប់១៤ថ្ងៃ ចាំវិលត្រឡប់មកមូលដ្ឋានវិញ។ ជាមួយនោះដែរ ឯកឧត្ដម បានឧបត្ថម្ភថវិកាជូនបងប្អូនពលករ ចំនួន ៧០នាក់ ក្នុងម្នាក់ៗ ចំនួន១០០.០០០៛, អាជ្ញាធរឃុំ ៤.០០០.០០០៛, សាលាស្រុក…

គណៈកម្មការផ្តល់ភាពស្របច្បាប់ដល់ពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ ជូនចំពោះបងប្អូនពលករកម្ពុជាដែលកំពុងស្នាក់នៅ និងធ្វើការនៅប្រទេសថៃ។

មនុស្ស១២នាក់រកឃើញថាឆ្លងជំងឺកូវីដ១៩ នៅថ្ងៃដំណាច់ឆ្នាំ២០២០។ ក្រសួងសុខាភិបាលនៅថ្ងៃទី១មករានេះបានបញ្ជាក់ថា នៅថ្៣១ធ្នូឆ្នាំ២០២០ គេបានរកឃើញអ្នកឆ្លងជំងឺកូវីដ១៩ ចំនួន១២នាក់ ដែលពួកគេជាអ្នកដំណើរមកពីប្រទេសថៃ។

ភ្នំពេញ៖ តាមរយៈសារសំឡេងបន្ទាន់ជូនជនរួមជាតិ បន្ទាប់ពីរកឃើញករណីឆ្លងកូវីដ-១៩ នាំចូលពីប្រទេសថៃ មកប្រទេសកម្ពុជា សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា បានចេញសារបន្ទាន់មួយ នៅយប់ថ្ងៃទី៣១ ខែធ្នូ ឆ្នាំ២០២០ ដោយសារបញ្ជាមិនឲ្យដឹកពលករមកពីប្រទេសថៃ ចេញមកធ្វើចត្ដាឡីស័ក្ដនៅតាមបណ្ដាខេត្តផ្សេងៗនោះទេ ពោល គឺត្រូវធ្វើនៅខេត្តដែលជាប់ព្រំដែននោះតែម្ដង ។ សម្ដេចតេជោ ហ៊ុន សែន បានបញ្ជាក់ថា ដើម្បីទប់ស្កាត់ការឆ្លងរីករាលដាលជំងឺកូវីដ-១៩ ចូលសហគមន៍ក្នុងប្រទេសកម្ពុជា ជាថ្មីម្ដងទៀត បន្ទាប់ពីក្រសួងសុខាភិបាល រកឃើញថា មនុស្សប្រមាណជិត១០នាក់ហើយ បានឆ្លងជំងឺកូវីដ-១៩ ចេញពីប្រទេសថៃ។ តាមរយៈសារសំឡេងបន្ទាន់ សម្ដេចតេជោ ហ៊ុន សែន បានមានប្រសាសន៍ថា ផ្នែកដឹកជញ្ជូន ត្រូវផ្អាកការដឹកជញ្ជូនបងប្អូន ដែលមកពីប្រទេសថៃ ហើយត្រូវពង្រឹងសមត្ថភាព នៃការធ្វើចត្តាឡីស័ក្ដនៅតាមច្រកព្រំដែន ដែលយើងបានកំណត់ទីតាំង ហើយត្រូវយកសំណាកនៅទីនោះ ធ្វើចត្តាឡីស័ក្ដនៅទីនោះ ក្នុងរយៈពេល១៤ថ្ងៃ។ សម្ដេចតេជោ នាយករដ្ឋមន្ដ្រី បានសង្កត់ធ្ងន់ថា ក្រសួងសុខាភិបាល ត្រូវបន្ថែមនូវសម្ភារ ថវិកា ដើម្បីធ្វើចត្តាឡីស័ក្ដ និងការយកសំណាក ដើម្បីធ្វើតេស្ដដោយបន្ថែមក្រុមគ្រូពេទ្យទៅកាន់ទីនោះ ប្រសិនបើមានការចាំបាច់។ ដូច្នេះអ្វីដែលសម្ដេចចង់បញ្ជាក់នៅទីនេះ…

ក្នុងទំព័រហ្វេសប៊ុកនារសៀលថ្ងៃ៣១ធ្នូឆ្នាំ២០២០ សម្ដេចតេជោ បានសរសេរថា នៅក្នុងឱកាសចូលឆ្នាំសកល ២០២១ នេះ សម្ដេច និងភរិយា សូមប្រគេនពរដល់ព្រះសង្ឃគ្រប់ព្រះអង្គ និងជូនពរជនរួមជាតិទាំងក្នុងនិងប្រទេស ជួបតែសេចក្តីសុខ សេចក្តីចម្រើន សុភមង្គលជាមួយនឹងពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ ទន្ទឹមនឹងនោះដែរ សម្ដេចតេជោបានអំពាវនាវដល់ប្រជាពលរដ្ឋបន្តយកចិត្តទុកដាក់ការពារកុំអោយឆ្លងកូវីដ-១៩ ដោយ ឧស្សាហ៍ដុសលាងសម្អាតដៃជាមួយសាប៊ូ ជឹល ទឹកអាល់កុល ពាក់ម៉ាស និងរក្សាគម្លាតសុវត្ថិភាព ជាពិសេសត្រូវអនុវត្តអោយបានខ្ជាប់ខ្ជួនត្រឹមត្រូវតាមការណែនាំរបស់ក្រសួងសុខាភិបាល។ នៅក្នុងឱកាសចូលឆ្នាំសកលនេះផងដែរ សម្ដេចតោជោ ក៏បានជូនពរប្រជាពលរដ្ឋឲ្យមានសុខសុវត្ថិភាពក្នុងការធ្វើដំណើរទៅកំសាន្តជិតឆ្ងាយនៅទូទាំងប្រទេស៕