កាលពីថ្ងៃអង្គារ៍ ទី១៥ ខែធ្នូ កន្លងទៅថ្មីៗនេះ ក្នុងអំឡុងពេលថ្លែងសារពិសេសទាក់ទិននឹងបញ្ហាជំងឺកូវីដ-១៩ និងវាក់សាំងការពារកូវីដ សម្តេចតេជោ ហ៊ុន សែន ប្រមុខរាជរដ្ឋាបាល បានសម្រេចឲ្យបន្តការអនុវត្ត “កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩” ជុំទី៤ ចំនួន ៣ខែ បន្ថែមទៀត គឺសម្រាប់ ខែមករា ខែកុម្ភៈ និង ខែមីនា ឆ្នាំ២០២១។ សម្តេចតេជោនាយករដ្ឋមន្រ្តី បានសម្រេចបន្តផ្តល់ការឧបត្ថម្ភពីព្រោះដោយមើលឃើញថា កម្មវិធីនេះពិតជាកំពុងបានចូលរួមចំណែកក្នុងលើកស្ទួយ និងរក្សាលំនឹងជីវភាពរបស់បងប្អូនប្អូនប្រជាពលរដ្ឋ និងកូនក្មួយនៅក្នុងអំឡុងពេលដ៏លំបាកនេះ ហើយក៍ដោយសារតែជំងឺកូវីដ-១៩ នៅមិនទាន់ទៅណាឆ្ងាយពីយើងនៅឡើយ។ ចាប់តាំងពីការចាប់ផ្តើមបើកប្រាក់ឧបត្ថម្ភលើកដំបូងមក ការធ្វើបច្ចុប្បន្នភាពគ្រួសារក្រីក្រដើម្បីទទួលបានប្រាក់ឧបត្ថម្ភនេះគឺពិតជាមានសារៈសំខាន់ខ្លាំងណាស់ ព្រោះសម្តេចតេជោចង់ផ្តល់សាច់ប្រាក់នេះឱ្យដល់ដៃគ្រួសារក្រីក្រ និងមានការលំបាកពិតប្រាកដ។ ការងារបច្ចុប្បន្នភាពគ្រួសារក្រីក្រនេះ ត្រូវពឹងផ្អែកស្ទើរតែទាំងស្រុងលើអាជ្ញាធរមូលដ្ឋាន ជាពិសេស មេភូមិ និងក្រុមប្រឹក្សាឃុំ-សង្កាត់ ដូច្នេះហើយ សម្តេចតេជោ ហ៊ុន សែន នាយករដ្ឋមន្រ្តី បានចេញបទបញ្ជាជាថ្មីម្តងទៀតដល់អាជ្ញាធរមូលដ្ឋាន និងអ្នកពាក់ព័ន្ធទាំងអស់ ត្រូវខិតខំបំពេញការងារនេះឱ្យបានត្រឹមត្រូវ ច្បាស់លាស់ មានតម្លាភាព គណនេយ្យភាព និង ប្រកាន់ខ្ជាប់នូវយុត្តិធម៌បំផុត ហើយត្រូវចៀសវាងឱ្យខានតែបាននូវការយោគយល់ និងឃុបឃិតគ្នា…

ក្រសួងសុខាភិបាលប្រកាសថាមានអ្នកជាសះស្បើយពីជំងឺកូវីដ-១៩ចំនួន២នាក់នៅថ្ងៃនេះ និងមិនមានករណីឆ្លងថ្មីឡើយ។

លោក ហាក់ ម៉ុងហួត អភិបាលស្រុកតាំងគោក ខេត្តកំពង់ធំ បានចុះទៅសួរសុខទុក្ខប្រជាពលរដ្ឋចំនួន៥នាក់ ដែលកំពុងធ្វេីចត្តាឡីស័កយ៉ាងត្រឹមត្រូវ នៅវិទ្យាល័យ ជា សុីម កំពង់ថ្ម ក្រោយវិលត្រលប់មកពីធ្វេីការ នៅប្រទេសថៃ ។ ការធ្វេីចត្តាឡីស័ករបស់ប្រជាពលរដ្ឋ និងការយកចិត្តទុកដាក់ពីមន្រ្តីមូលដ្ឋាន គឺជាការអនុវត្តតាមប្រសាសន៍ណែនាំរបស់សម្ដេចតេជោ ហ៊ុន សែន ដែលតែងតែដាស់តឿនដល់ក្រសួង ស្ថាប័ន ឱ្យតាមដានជាប់ជានិច្ច ចំពោះសុខមាលភាពរបស់ប្រជាពលរដ្ឋ ពិសេសក្នុងដំណាក់កាល នៃការរីករាលដាលជំងឺកូវីដ-១៩ ក្នុង សហគមន៍នេះ ។តាមការឱ្យដឹងពីលោក ហាក់ ម៉ុងហួត មកដល់ពេលនេះ ប្រជាពលរដ្ឋទាំង៥នាក់ខាងលើ មាន សុខភាពល្អធម្មតាទេ ហើយមន្ត្រីសុខាភិបាលក៏តែងយកចិត្តទុកដាក់តាមដានជាប្រចាំផងដែរ ។ លោកអភិបាលស្រុក បានដាស់តឿនបន្ថែម ដល់ប្រជាពលរដ្ឋខាងលើនេះឱ្យយកចិត្តទុកដាក់តាមដានពីសុខភាពរបស់ខ្លួន និងត្រូវប្រកាន់នូវអនាម័យ តាមការណែនាំរបស់ក្រសួងសុខាភិបាល ពិសេស មិនត្រូវទាក់ទងដោយផ្ទាល់ជាមួយអ្នកណាម្នាក់ឡើយ ។ លោកបានបញ្ជាក់ប្រាប់ប្រជាពលរដ្ឋ ដដែលនោះថា ការអនុវត្តខ្ជាប់ខ្ជួនរបស់ពួកគេ គឺជាការចូលរួមដ៏សំខាន់ក្នុងការទប់ស្កាត់ការឆ្លងរីករាលដាល ជំងឺកូវីដ-១៩ ។ ជាមួយនឹងការចុះសួរសុខទុក្ខនេះ លោកអភិបាលស្រុក ហាក់ ម៉ុងហួត ក៏បាននាំយក…

សមាជិក សមាជិកា និងក្រុមជំនួយការ នៃក្រុមការងារយុវជនគណបក្សប្រជាជនកម្ពុជាថ្នាក់កណ្ដាល (យ.គ.ក.) រួមជាមួយក្រុមការងារយុវជន នៅតាមបណ្ដាទ្វីប និងប្រទេស និងប្រជាពលរដ្ឋខ្មែររស់នៅក្រៅប្រទេស បានស្មគ្រ័ចិត្តបរិច្ចាគថវិកា ចំនួន៩៤លាន៣សសែន៧ម៉ឺន៨ពាន់៤៥៦រៀល និង៥១ម៉ឺន៧ពាន់៦៥៦ដុល្លាសហរដ្ឋអាមេរិក តាមរយៈលោក ហ៊ុន ម៉ាណែត ដើម្បីប្រគល់ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។ ការចូលរួមបរិច្ចាគនោះ បានធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។ សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហ៊ានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់៕កឹម ទៀង

ក្រុមហ៊ុន Leisure Asia Corporation បានផ្តល់សម្ភារបរិក្ខារប្រឆាំងមេរោគកូវីដ-១៩ ជូនក្រសួងទេសចរណ៍ក្រុមហ៊ុន Leisure Asia Corporation បានផ្តល់សម្ភារបរិក្ខារប្រឆាំងមេរោគកូវីដ-១៩ ជូនក្រសួងទេសចរណ៍ មានដូចជាទឹកសម្លាប់មេរោគម៉ាក Ebiodis ឧបករណ៍បាញ់ស្វ័យប្រវត្តិលើតុ និងឧបករណ៍បាញ់ស្វ័យប្រវត្តិព្យួរជញ្ចាំង ពីក្រុមហ៊ុន Leisure Asia Corporation សម្រាប់ប្រើប្រាស់តាមការចាំបាច់ ក្នុងការចូលរួមបង្ការ ទប់ស្កាត់មេរោគផ្សេងៗ ពិសេសនៅក្នុងដំណាក់កាលនៃការរីករាលដាលជំងឺកូវីដ-១៩ ។ ក្នុងជំនួបរវាងឯ ឧ ថោង ខុន រដ្ឋមមន្រ្តី ក្រសួង ទេសចរណ៍ ជាមួយលោកស្រី ហេង ពិសី អគ្គនាយិកា និងលោក Ivan Yanushkevich អ្នកជំនាញការផលិតកម្ម នៃក្រុមហ៊ុន Leisure Asia Corporation នាព្រឹកថ្ងៃទី២៣ ខែធ្នូ ឆ្នាំ២០២០ នៅទីស្ដីការក្រសួងទេសចរណ៍ ។ ឯ ឧ ថោង ខុន បានកោតសរសើរ ដល់ក្រុមហ៊ុន ដែលបានផលិតទឹកសម្លាប់មេរោគ…

យោងតាមអគ្គនាយកដ្ឋានអន្តោប្រវេសន៍ នៅវេលាម៉ោង១០ព្រឹក ថ្ងៃទី២៣ធ្នូ ឆ្នាំ២០២០ កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម បានចុះល្បាតក្នុងភូមិសាស្រ្តស្លាបស្តាំ ពិនិត្យឃើញពលរដ្ឋខ្មែរ ឆ្លងដែនចូលប្រទេសថៃដោយខុសច្បាប់ចំនួន២នាក់។ នគរបាលប៉ុស្តិ៍បានឲ្យដឹងថា ពលរដ្ឋខ្មែរទាំង២នាក់នោះ មាន ឈ្មោះ ស៊ឹម ទូច ភេទប្រុស អាយុ២៣ឆ្នាំ, និងម្នាក់ទៀតឈ្មោះ ផុន ប្រុស ភេទប្រុស អាយុ ២៦ឆ្នាំ រស់នៅភូមិត្របែក ឃុំត្របែក ស្រុកកំចាយមា ខេត្តព្រៃវែង។ ក្រោពីបានធ្វើការសាកសួរ អប់រំណែនាំរួច សមត្ថកិច្ចបានប្រគល់ជូនមន្រ្តីចត្តាឡីស័ក ប្រចាំមាត់ច្រក ដើម្បីអនុវត្តន៍នីតិវិធីបន្ត នូវវិធានការរបស់ក្រសួងសុខាភិបាលផងដែរ៕កឹម ទៀង

យោងតាមអគ្គនាយកដ្ឋានអន្តោប្រវេសន៍ គិតត្រឹមម៉ោង៣រសៀលថ្ងៃ២៣ធ្នូឆ្នាំ២០២០ ភាគីថៃនៅតែបន្តបិទច្រកទ្វារព្រំដែនអន្តរជាតិ ឆង ចម ខេត្តសុរិន្ទ ទល់មុខច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ ជាបណ្តោះអាសន្ន ដោយមិនអនុញ្ញាតឲ្យអ្នកដំណើរ គ្រប់សញ្ជាតិចេញ-ចូល ឆ្លងកាត់ឡើយ ដើម្បីបង្ការ និងទប់ស្កាត់ការរាតត្បាតនៃជំងឺឆ្លង កូវីដ-១៩។ ប៉ុន្តែភាគីថៃបានលើកលែង ទំនិញដែលទទួលបានការអនុញ្ញាត និងអ្នកបើកបររថយន្តដឹកទំនិញ ដែលទទួលបានការអនុញ្ញាត ព្រមទាំងបានការឆ្លងកាត់ត្រួតពិនិត្យ ដោយសមត្ថកិច្ចទាំងភាគី កម្ពុជា-ថៃ បានត្រឹមត្រូវ និងពលរដ្ឋខ្មែរ ឬពលរដ្ឋថៃ ដែលត្រូវវិលត្រឡប់ចូលប្រទេសរៀងៗខ្លួន។ នៅថ្ងៃនេះ ប្រជាពលរដ្ឋខ្មែរ ដែលបន្តវិលចូលប្រទេសវិញ តាមច្រកទ្វារព្រំដែនអន្តរជាតិអូរស្មាច់ ខេត្តឧត្តរមានជ័យ មានចំនួន៧៥នាក់ ស្រី៣៥នាក់ ដែលពួកគេជាពលករ។ ពលរដ្ឋខ្មែរទាំងនោះ ត្រូវបានអជ្ញាធរដឹកជញ្ជូនយកទៅធ្វើចត្តាឡីស័ក នៅសាលាវិទ្យាល័យ តេជោសែន សំរោង ក្រុងសំរោង ខេត្តឧត្តរមានជ័យ៕កឹម ទៀង