នៅពេលថ្មីនេះ ប្រទេសថៃបានផ្ទុះការឆ្លងជំងឺកូវីដ-១៩ ជាង៥៧០ករណី នៅក្នុងសហគមន៍ខេត្តសមុទ្រប្រាកានរបស់ថៃ ដែលនាំឲ្យមានបារម្ភចំពោះប្រជាពលរដ្ឋថៃ និងពលករបរទេសដែលទៅធ្វើការនៅប្រទេសថៃផងដែរ។ ដោយគោរពតាមប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី បញ្ជាការដ្ឋានកងទ័ពជើងគោកបានបញ្ជូនរថយន្ត៣០គ្រឿងជាជំហានទី១ និងបម្រុងជាច្រើនគ្រឿងទៀតដើម្បីត្រៀមអន្តរាគមន៍ដឹកពលករខ្មែរដែលអាចវិលត្រឡប់មកពីប្រទេសថៃតាមច្រកប៉ោយប៉ែត ដោយប្រើប្រាស់កម្លាំង និងរថយន្តរបស់អង្គភាពកងពលតូចដឹកជញ្ជូនលេខ៩០។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នាល្ងាចថ្ងៃទី២០ ខែធ្នូ ឆ្នាំ២០២០នេះ បានផ្ញើសារជាសម្លេងជូនជនរួមជាតិ អំពីស្ថានភាព និងការផ្ទុះឡើងនូវការឆ្លងជម្ងឺកូវីដ-១៩ នៅក្នុងប្រទេសថៃ រួមទាំងបានណែនាំដល់ប្រជាពលរដ្ឋ និងមន្រ្តីរាជការ ដើម្បីទប់ស្កាត់បង្ការជម្ងឺកូវីដ-១៩ ដោយក្នុងខ្លឹមសារនោះ សម្តេចបានឲ្យកងទ័ពចេញរថយន្តទៅដឹកជញ្ជូនប្រជាពលរដ្ឋដោយត្រៀមទទួលបទបញ្ជាពីអគ្គបញ្ជាការកងយោធពលខេមរភូមិន្ទ និងមេបញ្ជាការកងទ័ពជើងគោក ត្រូវចេញទៅទាំងយប់ ទៅកាន់២ច្រក ដែលបានត្រៀមបម្រុងទុក សម្រាប់ច្រកអូស្មាច់ និងច្រកប៉ោយប៉ែត ដោយមិនអនុញ្ញាតិឲ្យបងប្អូនប្រជាពលរដ្ឋចូលមកកម្ពុជា ធ្វើដំណើរដោយរថយន្តតាក់ស៊ី និងធ្វើដំណើរបែកខ្ញែក ដែលខ្វះការគ្រប់គ្រង នាំទៅដល់ហានិភ័យ ឆ្លងចូលសហគមន៍។ សូមបញ្ជាក់ផងដែរថា ក្រសួងការពារជាតិក៏បានបញ្ជាឲ្យកងពលតូចដឹកជញ្ជូនលេខ៩៩ បញ្ចេញរថយន្តចំនួន៤៥គ្រឿង ដើម្បីត្រៀមអន្តរាគមន៍ដឹកពលករខ្មែរដែលអាចវិលត្រឡប់មកពីប្រទេសថៃនៅទិសច្រកដូង និងច្រកអូស្មាច់ ផងដែរ។ គួរកត់សំគាល់ថា រថយន្តកងទ័ពដែលត្រូវបានប្រើប្រាស់នៅពេលនេះ ក៏មានផងដែរនូវរថយន្តថ្មីៗ ដែលសម្តេចតេជោបានទិញពីប្រទេសចិនចំនួន២៩០គ្រឿងកន្លងទៅ ហើយរថយន្តថ្មីៗទាំងនោះ នឹងក្លាយជាមធ្យោបាយដ៏សំខាន់ និងមានប្រសិទ្ធភាពបំផុតក្នុងការចុះប្រតិបត្តិការដឹកជញ្ជូនប្រជាពលរដ្ឋខ្មែរនៅខណៈពេលនេះ៕កឹម…

សេចក្តីណែនាំរបស់ក្រសួងសុខាភិបាល ស្តីពីវិធានការការពារក្នុងអំឡុងពេលឆ្លងឆ្នាំសាកល ថ្មី និងសម្រាប់ឆ្នាំ២០២១។

ថ្ងៃនេះមានករីឆ្លងថ្មីវីរុសកូវីដ-១៩ ម្នាក់ ជាអ្នកដំណើរមកពីសហរដ្ឋអាមេរិក។

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នៅថ្ងៃទី២០ ខែធ្នូ ឆ្នាំ២០២០ តាមរយៈខ្សែអាត់សំឡេងមានរយៈពេល ២១នាទី និង ៣៥វិនាទី បានស្នើដល់ប្រជាពលរដ្ឋកម្ពុជាដែលកំពុងតែធ្វើការនៅប្រទេសថៃ សូមទុកចិត្ដចំពោះរាជរដ្ឋាភិបាលថៃក្នុងការគ្រប់គ្រងជំងឺកូវីដ១៩ ហើយមិនគួររត់ចេញពីប្រទេសថៃក្នុងពេលដែលថៃកំពុងជួបការលំបាកនាពេលនេះទេ ដែលមួយគឺជាការពារខ្លួនពីការឆ្លងជំងឺ និងមួយទៀត ចៀសវាងការវិលត្រឡប់ដែលអាចនឹងនាំចូលជំងឺមកកម្ពុជា ក្នុងករណីដែលមាន។ ជាងនេះសម្ដេចក៏ស្នើដល់ឪពុកម្ដាយ និងក្រុមគ្រួសារ ដែលមានសាច់ញាតិ ធ្វើការនៅប្រទេសថៃ សូមជួយលើកទឹកចិត្ដឲ្យពួកគាត់បន្ដនៅប្រទេសថៃមួយរយៈសិន។ ទន្ទឹមជាមួយគ្នានេះ សម្ដេចតេជោ ក៏ស្នើដល់ពលរដ្ឋកម្ពុជាដែលបម្រុងចូលទៅក្នុងប្រទេសថៃ សូមផ្អាកជាបណ្ដោះអាសន្នសិន ដើម្បីកុំឲ្យប្រឈមនឹងការឆ្លងជំងឺកូវីដ១៩។ យ៉ាងណានៅពេលនេះសម្ដេចតេជោ ហ៊ុន សែន កំពុងតែងពិភាក្សាជាមួយរដ្ឋមន្រ្ដីក្រសួងសុខាភិបាល និងក្រសួងការពារជាតិ ដើម្បីរៀបចំការធ្វើចត្ដាឡីស័កនៅព្រំដែនផ្ទាល់។ លើសពីនេះរដ្ឋាភិបាលនឹងបញ្ចេញរថយន្ដទ័ពដើម្បីដឹកពលរដ្ឋ ដែលធ្វើដំណើរមកពីថៃ ដោយមិនអនុញ្ញាត្ដឲ្យរថយន្ដតាក់ស៊ីដឹកពលរដ្ឋចូលកម្ពុជានោះទេ ដែលយន្ដការណ៍នេះធ្វើឡើងក្នុងបំណងគ្រប់គ្រងការបែកខ្ញែករបស់ពលរដ្ឋ៕ ដោយ វណ្ណលុក

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានឧបត្ថម្ភថវិកា៥០លានរៀល ក្នុង១ខេត្តផងដែរ ដើម្បីឱ្យខេត្តទាំងនោះរៀបចំដោះស្រាយបញ្ហាចំពោះមុខ ដើម្បីទប់ស្កាត់ការចម្លងមេរោគកូវីដ១៩ ពីប្រទេសថៃ។ ខេត្តទាំង៧ ដែលជាប់ព្រំដែនថៃនោះ រួមមានខេត្តបាត់ដំបង បន្ទាយមានជ័យ ប៉ៃលិន ព្រះវិហារ ឧត្តរមានជ័យ ពោធិ៍សាត់ និងកោះកុង។ ជាមួយនេះ សម្តេចតេជោ ហ៊ុន សែន បានដាក់បទបញ្ជាទៅអាជ្ញាធរខេត្តចំនួន៧ ដែលនៅជាប់ព្រំដែនកម្ពុជា-ថៃ ឱ្យពង្រឹងការធ្វើចត្តាឡីស័កសម្រាប់ពលករខ្មែរដែលត្រឡប់មកប្រទេសថៃ រយៈពេល១៤ថ្ងៃពេញ ដើម្បីទប់ស្កាត់ការចម្លងជំងឺកូវីដ១៩ ដែលកំពុងផ្ទុះឡើងយ៉ាងខ្លាំងក្លា ជាង៥០០ករណីក្នុង១ថ្ងៃ នៅខេត្តសាមុតសាខន ប្រទេសថៃ។ នេះបើតាមលោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល ។ លោកជំទាវ យក់ សម្បត្តិ បានបន្តថា តាមបទបញ្ជារបស់សម្តេចតេជោ ហ៊ុន សែន, រាល់ពលករទាំងអស់ ដែលត្រឡប់មកពីប្រទេសថៃ ពេលនេះត្រូវធ្វើចត្តាឡីស័ករយៈពេល១៤ថ្ងៃ ពេញពេលចូលមកកម្ពុជា ហើយសម្តេចតេជោ ហ៊ុន សែន បានជំរុញឱ្យអភិបាលខេត្តទាំង៧ ដែលនៅជាប់ព្រំដែនថៃ រឹតបន្តឹង…