-
រាជរដ្ឋាភិបាល បើកកិច្ចប្រជុំបន្ទាន់ជាមួយដៃគូពាក់ព័ន្ធដើម្បីពិភាក្សាអំពីកិច្ចលទ្ធកម្មទិញវ៉ាក់សាំង និងកម្មវិធីចាក់វ៉ាក់សាំង បង្ការជំងឺកូវីដ-១៩នៅកម្ពុជា
ឯកឧត្តម វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ តំណាងឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានដឹកនាំកិច្ចប្រជុំបន្ទាន់តាមរយៈ Video Conference ដើម្បីពិភាក្សាអំពីគម្រោងលទ្ធកម្មទិញវ៉ាក់សាំងបង្ការជំងឺកូវីដ-១៩ និងកម្មវិធីចាក់វ៉ាក់សាំងបង្ការជំងឺកូវីដ-១៩ នៅកម្ពុជា នាព្រឹកថ្ងៃទី ១៧ ខែ ធ្នូ ឆ្នាំ ២០២០ នៅទីស្តីការក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពីសំណាក់ឯកឧត្តមរដ្ឋមន្រ្តីក្រសួងសុខាភិបាល, តំណាងក្រសួងការបរទេស និងសហប្រតិបត្តិការ អន្តរជាតិ, ដៃគូអភិវឌ្ឍន៍ពាក់ព័ន្ធនានា ទាំងពហុភាគី និងទាំងទ្វេភាគី ដែលរួមមាន៖ អង្គការសុខភាពពិភពលោក (WHO), អង្គការយូនីសេហ្វ (UNICEF), ធនាគារអភិវឌ្ឍន៍អាស៊ី (ADB), ធនាគារពិភពលោក (WB), សហភាពអឺរ៉ុបប្រចាំកម្ពុជា (EU), មូលនិធិសកល (GF), អង្គការ GAVI (The GAVI Alliance), COVAX Facility, ស្ថានទូតអូស្ត្រាលី, ចិន, ជប៉ុន,…
-
តំបន់ប្រតិបត្តិការសឹករងកណ្តាល បានឧបត្ថម្ភថវិកាចំនួន៤លានរៀល តាមរយៈរដ្ឋបាលខេត្តកណ្តាល ដើម្បីចូលរួមបរិច្ចាគជូនសម្ដេចតេជោ ក្នុងការទិញវ៉ាក់សាំងការពារជំងឺកូវីដ-១៩
ខេត្តកណ្ដាល៖ ឯកឧត្តម ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល និងកងកម្លាំងទាំងអស់ នៅព្រឹកថ្ងៃទី១៧ ខែធ្នូ ឆ្នាំ២០២០នេះ បានចូលរួមឧបត្ថម្ភជាថវិកាចំនួន៤លានរៀល តាមរយៈ រដ្ឋបាលខេត្តកណ្តាល ជូនសម្តេចតេជោ ហ៊ុន សែន ដើម្បីទិញវ៉ាក់សាំងការពារជម្ងឺកូវីដ-១៩ ជូនប្រជាពលរដ្ឋកម្ពុជា។ ឯកឧត្តម មេបញ្ជាការ បានមានប្រសាសន៍ ជម្រាបជូន ឯកឧត្តម អភិបាលខេត្តថា ថវិការទាំងអស់នេះ គឺជាការចូលរួមវិភាគទានពីកងកម្លាំងទាំងអស់ នៃតំបន់ប្រតិបត្តិការសឹករងកណ្តាល ដើម្បីចួមរួមចំណែកជាមួយនិងរាជរដ្ឋាភិបាល ក្នុងការទិញវ៉ាក់សាំងចាក់ជូនដល់ប្រជាពលរដ្ឋ ទៅតាមការអំពាវនាវរបស់សម្តេចអគ្គមហាសេនាបតីតេជោ ហ៊ុន សេន នៅក្នុងពិធីទទួលថវិកា ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានថ្លែងអំណគុណយ៉ាងជ្រាលជ្រៅបំផុត ចំពោះ ឯកឧត្តម មេបញ្ជាការ និងកងកម្លាំងទាមងអស់នៃតំបន់ប្រតិបត្តិការសឹករងកណ្តាល ដែលបាន រួមគ្នាបរិច្ចាគនូវធនធានផ្ទាល់ខ្លួន ដើម្បីចូលរួមជាមួយរាជរដ្ឋាភិបាល តាមរយៈរដ្ឋបាលខេត្តកណ្ដាល ក្នុងការទិញវ៉ាក់សាំងការពារជំងឺកូវីដ-១៩។ ឯកឧត្តម អភិបាលខេត្តបានបញ្ជាក់បន្តថា ទង្វើរនិងសកម្មភាពមនុស្សធម៌របស់ តំបន់ប្រតិបត្តិការសឹករងកណ្តាល គ្រប់ជាន់ថ្នាក់ នៅពេលនេះ គឺពិតជាសបញ្ជាក់ឱ្យឃើញពី…
-
ថ្ងៃនេះ! ថៃមានឆ្លងកូវីដ១៩ ចំនួន២០នាក់ថ្មីទៀត កើនដល់៤២៨១នាក់
ប្រទេសថៃមានករណីឆ្លងជំងឺកូវីដ១៩ ចំនួន២០ករណីថ្មីទៀត នាថ្ងៃព្រហស្បតិ៍ ទី១៧ ធ្នូ ២០២០នេះ សុទ្ធតែជាករណីរកឃើញ ក្រោយការធ្វើចត្តាឡីស័ករបស់ក្រុមអ្នកដំណើរពីក្រៅប្រទេស មានដូចជា ឥណ្ឌា អង់គ្លេស ស្វីស ស៊ុយអ៊ែត បារាំង អាល្លឺម៉ង់ គុយវ៉ែត ប៉ាគីស្ថាន អេមីរ៉ាត់ អារ៉ាប់រួម និងសហរដ្ឋអាមេរិក។ ពួកគេមកពី១០ប្រទេស ហើយចំនួនឆ្លងថ្មីនេះបានធ្វើឲ្យចំនួនឆ្លងសរុបនៅប្រទេសថៃកើនដល់៤២៨១នាក់ហើយ៕ ប្រភពពីបាងកកប៉ុស្តិ៍
-
ទីបំផុត! វៀតណាមចាក់វ៉ាក់សាំងកូវីដ១៩ ផលិតខ្លួនឯង លើមនុស្សហើយ ព្រឹកមិញ
វៀតណាមចាប់ផ្តើមចាក់វ៉ាក់សាំងប្រឆាំងកូវីដ១៩ ដែលខ្លួនផលិតទៅលើក្រុមអ្នកស្ម័គ្រចិត្តហើយ នាព្រឹកថ្ងៃព្រហស្បតិ៍ ទី១៧ ធ្នូ ២០២០ ជាវ៉ាក់សាំង Nanocovax ផលិតក្នុងប្រទេសវៀតណាម នេះបើតាមការចេញផ្សាយរបស់ទីភ្នាក់ងារសារព័ត៌មាន VN Express។ ប្រភពថា បុរស២នាក់ និងស្ត្រីម្នាក់ ក្នុងវ័យប្រមាណជាង២០ឆ្នាំ ដែលមិនត្រូវបានបង្ហាញអត្តសញ្ញាណ ត្រូវបានចាក់វ៉ាក់សាំងនេះ កាលពីវេលាម៉ោង៨ព្រឹកថ្ងៃទី ១៧ ខែ ធ្នូ ២០២០ នៅសកលវិទ្យាល័យវេជ្ជសាស្ត្រយោធា ក្នុងទីក្រុងហាណូយ។ អ្នកស្ម័គ្រចិត្តទាំង៣នាក់នេះមានស្ថានភាពសុខភាពធម្មតា ក្រោយចាក់វ៉ាក់សាំងបាន២ម៉ោង ប៉ុន្តែត្រូវត្រួតពិនិត្យតាមដាន រយៈពេល៧២ម៉ោង។ អ្នកទាំងបីនាក់ស្ថិតក្នុងចំណោមអ្នកស្ម័គ្រចិត្តច្រើនជាង២០០នាក់ ដែលបានចុះឈ្មោះស្ម័គ្រចិត្តទទួលយកការចាក់វ៉ាក់សាំងមកក្នុងខ្លួន ដោយវ៉ាក់សាំងនេះផលិតដោយវិទ្យាស្ថាន Nanogen Pharmaceutical Biotechnology JSC ៕
-
វៀតណាមចាប់ផ្តើមការធ្វើតេស្តចាក់វ៉ាក់សាំង Covid-19 ដែលផលិតក្នុងស្រុកទៅលើមនុស្ស
វៀតណាម៖ ប្រទេសវៀតណាម នៅថ្ងៃព្រហស្បតិ៍នេះ បានចាប់ផ្តើមការសាកល្បងចាក់វ៉ាក់សាំងការពារជំងឺ Covid-19 ដែលមានឈ្មោះថា Nanocovax ផលិតដោយក្រុមហ៊ុនវៀតណាមផ្ទាល់ ទៅលើមនុស្សចំនួន០៣នាក់ នេះបើតាមសារព័ត៌មាន VNExpress នៅថ្ងៃទី១៧ ខែធ្នូ ឆ្នាំ២០២០ ។ បុរស០២នាក់ និងស្ត្រីម្នាក់ត្រូវបានចាក់វ៉ាក់សាំងនៅដំណាក់កាលទី១នេះ នៅម៉ោង០៨ព្រឹកថ្ងៃព្រហស្បតិ៍នេះ នៅឯសកលវិទ្យាល័យពេទ្យយោធាវៀតណាមក្នុងទីក្រុងហាណូយ ដោយពួកគេមានសុខភាពនឹងនរទេ បន្ទាប់ពីការចាក់វ៉ាក់សាំងបានពីរម៉ោង ហើយពួកគេនឹងត្រូវបានអ្នកជំនាញការតាមដានសុខភាពពេញ៧២ម៉ោង ។ អ្នកទាំង៣នេះ ត្រូវបានជ្រើសចេញពីអ្នកស្ម័គ្រចិត្តជាង២០០នាក់ ដែលបានចុះឈ្មោះសុំចូលចាក់សាកល្បងវ៉ាក់សាំងផលិតដោយក្រុមហ៊ុន Nanogen Pharmaceutical Biotechnology JSC សហការជាមួយបណ្ឌិតសភាវេជ្ជសាស្ត្រយោធាវៀតណាម ។ សូមជម្រាបថា ការចាក់សាកល្បងនៅថ្ងៃព្រហស្បតិ៍នេះ ជាផ្នែកនៃការធ្វើតេស្តវ៉ាក់សាំង Nanocovax ដំណាក់កាលទី១នៅវៀតណាម ដោយការសាកល្បងពិសោធន៍លើមនុស្ស ដើម្បីអោយដឹងពីប្រសិទ្ធភាព និងសុវត្ថិភាពថ្នាំ គឺវាទាមទារ០៣ដំណាក់កាល ។ មនុស្ស៥៧នាក់ទៀតក្នុងចំណោម៦០នាក់ដែលត្រូវបានជ្រើសរើសសំរាប់ការសាកល្បងដំណាក់កាលដំបូងនេះ នឹងត្រូវទទួលវ៉ាក់សាំងនៅ០៣ថ្ងៃបន្ទាប់ទៀត ៕
-
នាយករដ្ឋមន្រ្តីបារាំងបញ្ជាក់ថា ប្រជាជនបារាំងអាចនឹងចាក់វ៉ាក់សាំង Covid-19 របស់ក្រុមហ៊ុន Pfizer-BioNTech នៅចុងខែធ្នូ ឆ្នាំនេះ
បារាំង៖ នាយរដ្ឋមន្រ្តីបារាំង លោក ហ្សង់ កាស្តិច នៅថ្ងៃពុធនេះថ្លែងថា ប្រជាជនបារាំងអាចនឹងចាប់ផ្តើមយុទ្ធនាការចាក់វ៉ាក់សាំង COVID-19 របស់ក្រុមហ៊ុនផលិតឱសថ Pfizer-BioNTech នៅសប្តាហ៍ចុងក្រោយនៃខែធ្នូនេះ បើសិនអាជ្ញាធរសហភាពអឺរ៉ុបអនុម័តឲ្យប្រើប្រាស់វ៉ាក់សាំងនេះនាសប្តាហ៍ក្រោយ នេះបើតាមសារព័ត៌មានរ៉យទ័រនៅថ្ងៃទី១៧ ខែធ្នូ ឆ្នាំ២០២០ ។ នាយរដ្ឋមន្រ្តីបារាំងរូបនេះ ធ្លាប់បានប្រាប់ទៅកាន់សភាបារាំងថា យុទ្ធនាការចាក់វ៉ាក់សាំង COVID-19 នៅប្រទេសអឺរ៉ុបមួយនេះ នឹងចាប់ផ្ដើមនៅខែមករា ឆ្នាំ២០២១ខាងមុខ ដោយក្រុមមនុស្សចាស់ជរា និងក្រុមមនុស្សងាយរងគ្រោះដទៃទៀត នឹងទទួលបានការចាក់វ៉ាក់សាំងនេះមុនគេ ។ ប្រទេសបារាំងក៏សង្ឃឹមដែរថា នឹងចាប់ផ្ដើមយុទ្ធនាការចាក់វ៉ាក់សាំង COVID-19 ដល់ប្រជាជនរបស់ខ្លួនប្រមាណ១លាននាក់នៅតាមមជ្ឈមណ្ឌលថែទាំ ក្នុងអំឡុងខែមករា និងខែកុម្ភៈឆ្នាំក្រោយនេះ បន្ទាប់មកប្រជាជនប្រមាណ១៤ទៅ១៥លាននាក់ទៀត គឺនៅចន្លោះខែមីនា និងខែមិថុនា ឆ្នាំ២០២១ ៕
-
នូវែលហ្សេឡង់នឹងបញ្ជាទិញវ៉ាក់សាំង Covid-19 ពីក្រុមហ៊ុន AstraZeneca និង Novavax ដើម្បីចាក់ជូនដល់ប្រជាជនខ្លួនគ្រប់គ្នា
នូវែលហ្សេឡង់៖ នាយករដ្ឋមន្រ្តីនូវែលហ្សេឡង់លោកស្រី ចាស៊ីនដា អាឌើន នៅថ្ងៃព្រហស្បតិ៍នេះថ្លែងថា រដ្ឋាភិបាលរបស់លោកស្រីនឹងទិញវ៉ាក់សាំង Covid-19 ពីក្រុមហ៊ុនផលិតឱសថអង់គ្លេស AstraZeneca និងក្រុមហ៊ុនអាមេរិក Novavax ដែលនេះមានន័យថា រាល់ពលរដ្ឋនូវែលហ្សេឡង់នឹងអាចត្រូវបានចាក់វ៉ាក់សាំងគ្រប់គ្នា នេះបើតាមសារព័ត៌មានស៊ីនហួរនៅថ្ងៃទី១៧ ខែធ្នូ ឆ្នាំ២០២០ ។ លោកស្រីបន្ថែមថា ឥឡូវនេះ យើងមានកិច្ចព្រមព្រៀងជាផ្លូវការជាមួយក្រុមហ៊ុនចំនួន០៤ ដែលគ្របដណ្តប់លើបច្ចេកវិទ្យាវ៉ាក់សាំងចំនួន០៣ប្រភេទផ្សេងៗគ្នា ហើយយើងបានទទួលចំនួនវ៉ាក់សាំងគ្រប់គ្រាន់ សម្រាប់ចាក់ប្រជាជនទាំងមូលរបស់យើង និងនៅតំបន់ប៉ាស៊ីហ្វិក ។ លោកស្រីបញ្ជាក់ទៀតថា ប្រសិនបើត្រូវបានបង្ហាញថា មានសុវត្ថិភាព និងប្រសិទ្ធភាពដោយនិយតករឱសថរបស់នូវែលសេឡង់នោះ ពួកគេនឹងផ្តល់ការចាក់វ៉ាក់សាំងដល់ប្រជាជនក្នុងទ្រង់ទ្រាយធំ និងប្រទេសជិតខាងនៅតំបន់ប៉ាស៊ីហ្វិករបស់យើង ។ នាយករដ្ឋមន្រ្តីនូវែលហ្សេឡង់រូបនេះបានសង្កត់ធ្ងន់ថា អាទិភាពដំបូងរបស់យើងគឺការចាក់វ៉ាក់សាំងដល់កម្មករនៅតាមព្រំដែន និងបុគ្គលិកចាំបាច់ដែលមានហានិភ័យខ្ពស់ក្នុងការឆ្លង Covid-19 ។ យើងរំពឹងថា វ៉ាក់សាំងនឹងត្រូវបញ្ជូនទៅឲ្យបុគ្គលិកជួរមុខរបស់យើងនៅត្រីមាសទី២ ឆ្នាំ២០២១ ខណៈការចាក់វ៉ាក់សាំងចំពោះមនុស្សទូទៅនឹងចាប់ផ្តើមនៅឆមាសទី២ ឆ្នាំ២០២១ ផងដែរ ៕
-
ប្រធានាធិបតីជាប់ឆ្នោតសហរដ្ឋអាមេរិកនឹងចាក់វ៉ាក់សាំង Covid-19 នៅសប្តាហ៍ក្រោយនេះ ដើម្បីកសាងទំនុកចិត្តដល់ប្រជាជនរបស់ខ្លួន
អាមេរិក៖ ប្រធានាធិបតីជាប់ឆ្នោតអាមេរិកលោក ចូ បៃដិន នឹងចាក់វ៉ាក់សាំងការពារជំងឺ Covid-19 លើកដំបូងរបស់លោកនាសប្ដាហ៍ក្រោយនេះ ហើយគ្រោងនឹងបង្ហាញជាសាធារណៈតែម្តង ចំពេលដែលអាជ្ញាធរអាមេរិកកំពុងព្យាយាមកសាងទំនុកចិត្តសាធារណៈ សម្រាប់វិធានការដែលថា នឹងបញ្ឈប់វីរុសឆ្លងដ៏កាចសាហាវមួយនេះ នេះបើតាមសារព័ត៌មានរ៉យទ័រនៅថ្ងៃទី១៧ ខែធ្នូ ឆ្នាំ២០២០ ។ ថ្លែងនៅក្នុងវេទិការមួយនៅថ្ងៃពុធនេះ ក្នុងទីក្រុង វីលមីនតុន រដ្ឋ ដេឡាវែល លោក បៃដិន បាននិយាយដូច្នេះថា ខ្ញុំមិនចង់ចាក់វ៉ាក់សាំងមុនគេនោះទេ ប៉ុន្តែខ្ញុំចង់ធ្វើឲ្យប្រាកដថា យើងបង្ហាញដល់ប្រជាជនអាមេរិកថា វាមានសុវត្ថិភាពក្នុងការចាក់វ៉ាក់សាំង ហើយថា នៅពេលខ្ញុំធ្វើវា ខ្ញុំនឹងធ្វើជាសាធារណៈ ដូច្នេះអ្នកទាំងអស់គ្នាអាចធ្វើជាសាក្សីនៃការសំរេចបានរបស់ខ្ញុំ ។ សូមជម្រាបថា វ៉ាក់សាំងរបស់ក្រុមហ៊ុន Pfizer-BioNTech ត្រូវបានអនុញ្ញាតិដោយរដ្ឋបាលចំណីអាហារ និងឱសថអាមេរិក FDA សម្រាប់ប្រើជាបន្ទាន់កាលពីសប្តាហ៍មុន ខណៈ FDA ក៏កំពុងពិចារណាលើការអនុម័តឲ្យប្រើប្រាស់ជាបន្ទាន់សម្រាប់វ៉ាក់សាំងរបស់ក្រុមហ៊ុន Moderna នៅសប្តាហ៍នេះផងដែរ ៕
-
សមាគមគ្រឹះស្ថានឧត្តមសិក្សាកម្ពុជា ប្រកាសគាំទ្រការសម្រេចរបស់សម្ដេចតេជោ ហ៊ុន សែន ដែលកំណត់ឲ្យជាប់ជាស្ថាពរចំពោះសិស្សប្រឡងបាក់ឌុប និងថ្នាក់ទី៩
សម្ដេចតេជោ ហ៊ុន សែន កាលពីថ្ងៃ១៥ ធ្នូឆ្នាំ២០២០ សម្ដេចបានឲ្យសិស្សដែលត្រូវប្រឡងសញ្ញាបត្រមធ្យមសិក្សាទុតិយភូមិបាក់ឌុប និងសិស្សប្រឡងមធ្យមសិក្សាបឋមភូមិថ្នាក់ទី៩ ឲ្យជាប់ជាស្ថាពរ សម្រាប់ឆ្នាំសិក្សាឆ្នាំ២០១៩ ឆ្នាំ២០២០ ដោយសារវិបត្តិជំងឺកូវីដ-១៩។ យោងតាមសេចក្ដីថ្លែងការណ៍ នៅថ្ងៃ១៧ធ្នូឆ្នាំ២០២០ បានឲ្យដឹងថា របស់សមាគមគ្រឹះស្ថានឧត្តមសិក្សាកម្ពុជា ដែលមានសមាជិក១១៤គ្រឹះស្ថានសិក្សា បានប្រកាសគាំទ្រទាំងស្រុង និងប្ដេជ្ញាអនុវត្តន៍ឲ្យមានប្រសិទ្ធភាពតាមអនុសាសន៍របស់សម្ដេចតេជោ ហ៊ុន សែន នាយករដ្ឋមន្ត្រី និងសសេចក្ដីជូនដំណឹងរបស់ក្រសួងអប់រំ យុវជន និងកីឡា នៅថ្ងៃ១៦ធ្នូឆ្នាំ២០២០ ស្ដីពីលទ្ធផលនៃការប្រឡងសញ្ញាបត្រមធ្យមសិក្សាបឋមភូមិ និងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៩-២០២០ ដែលកំណត់ឲ្យជាប់ជាស្ថាពរ ចំពោះបេក្ខជនទាំងអស់ដែលបានចុះឈ្មោះប្រឡង ដោយគ្មានការកំណត់និទ្ទេស ដើម្បីផ្ដល់ឱកាសឲ្យសិស្សថ្នាក់ទី៩ បានបន្តការសិក្សានៅវិទ្យាល័យ និងបេក្ខជនប្រឡងសញ្ញាបត្រមធ្យមសិក្សាទុតិយភូមិ អាចជ្រើសសរើសជំនាញដែលខ្លួនពេញចិត្តសម្រាប់បន្តការសិក្សានៅថ្នាក់ឧត្តមសិក្សា ឬថ្នាក់វិជ្ជាជីវៈផ្សេងៗ។ ជាមួយគ្នានោះ សមាគមគ្រឹះស្ថានឧត្តមសិក្សាកម្ពុជា បានថ្លែងអំណរគុណ និងដឹងគុណដ៏ជ្រាលជ្រៅចំពោះដំណោះស្រាយជាតិប្រកបដោយបញ្ញាញាណ គំនិតច្នៃប្រឌិត និងនវានុវត្តន៍ប្រកបដោយការទទួលខុសត្រូវខ្ពស់របស់សម្ដេចតេជោនាយករដ្ឋមន្ត្រី៕កឹម ទៀង
-
គណៈបញ្ជាការឯកភាពខណ្ឌចំការមន បន្តចុះពិនិត្យស្ថានភាពប្រជាពលរដ្ឋ ដែលមកលេងនៅលើសួនច្បារមុខណាហ្គាវើលដ៍
ភ្នំពេញ៖ ដោយមានការណែនាំរបស់ឯកឧត្តមអភិបាល រាជធានីភ្នំពេញ និងលោកអភិបាលខណ្ឌចំការមនគណៈ បញ្ជាការឯកភាពខណ្ឌចំការមន ដឹកនាំដោយលោក ប៊ុន សុភ័ក្ត្រ អភិបាលរងខណ្ឌចំការមន បន្តចុះត្រួតពិនិត្យស្ថានភាពបងប្អូនប្រជាពលរដ្ឋដែលបានមកលេងនៅលើសួនច្បារមុខណាហ្គាវើល ដែលក្រុមហ៊ុន ណាហ្គាវេីល បានតុងតែងភ្លេីងលម្អនៅសួនច្បារ នៅយប់ថ្ងៃទី១៦ ខែធ្នូ ឆ្នាំ២០២០ ។ ជាមួយគ្នានេះដែរ លោក ប៊ុន សុភ័ក្ត្រ ក៏បានផ្សព្វផ្សាយក្នុងការបង្ការ និងទប់ស្កាត់ការរីករាលដាលមេរោគកូវីដ-១៩ នៅក្នុងសហគម តាមការណែនាំរបស់ក្រសួងសុខាភិបាល និងរដ្ឋបាលរាជធានីភ្នំពេញ ដល់បងប្អូនប្រជាពលរដ្ឋដែលបានអញ្ជេីញមកលេងនៅសួនច្បារ ណាហ្គាវេីលដ៍ ផងដែរ ៕ ដោយ វណ្ណលុក