-
កូវីដ១៩៖ ចក្រភពអង់គ្លេសចាក់វ៉ាក់សាំងលើពលរដ្ឋជិត១៤ម៉ឺននាក់ ក្នុងពេល៧ថ្ងៃ
មនុស្សជិត១៤ម៉ឺននាក់ត្រូវបានចាក់វ៉ាក់សាំងប្រឆាំងជំងឺកូវីដ១៩ នៅចក្រអង់គ្លេស ក្នុងពេល៧ថ្ងៃមកនេះ ជាតួលេខដំបូងដែលត្រូវបានបង្ហាញ ចេញផ្សាយដោយទីភ្នាក់ងារសារព័ត៌មាន The telegraph នាថ្ងៃទី១៦ ធ្នូនេះ។ រដ្ឋមន្ត្រីវ៉ាក់សាំង Nadhim Zahawi បាននិយាយថា មនុស្ស១៣៧៨៩៧នាក់បានទទួលការចាក់វ៉ាក់សាំង Pfizer/BioNTech រហូតមកដល់ពេលនេះ រួមមានទាំង ១០៨០០០នាក់នៅអង់គ្លេស, ៧៨៩៧នាក់ នៅ Wales និង ៤០០០នាក់នៅ Northern Ireland និង ១៨០០០នៅ Scotland ។ អង់គ្លេសគ្រោងនឹងចាក់វ៉ាក់សាំងកូវីដ១៩ ចំនួន៤០លានដូស ដោយរដ្ឋមន្ត្រីសុខាភិបាល Matt Hancock សង្ឃឹមថា មនុស្សរាប់លាននាក់អាចចាក់បាន នៅមុនថ្ងៃបុណ្យគ្រីស្មាក់។ របាយការណ៍នេះបានបង្ហាញ នៅមុនពេលកិច្ចប្រជុំលើកទី២ របស់រាជ\រដ្ឋាភិបាលអង់គ្លេស ទាំង៤តំបន់នេះ ដោយផ្តោតលើការបន្ថូរបន្ថយភាពរឹតត្បិតខ្លះ សម្រាប់ពិធីបុណ្យគ្រីស្មាក់៕
-
ធនាគារពិភពលោកព្យាការណ៍សេដ្ឋកិច្ចរបស់កម្ពុជា អាចនឹងងើបឡើងវិញ ប្រហែលជិត៤ភាគរយ ក្នុងឆ្នាំ២០២១ បន្ទាប់ពីរងប៉ះពាល់ពីជំងឺកូវីដ-១៩
យោងតាមសេចក្ដីប្រកាសព័ត៌មាន របស់ធនាគារពិភពលោក (World Bank) បង្ហាញនៅក្នុងរបាយការណ៍មួយ ឈ្មោះ Restrained Recovery ស្តីពី បច្ចុប្បន្នភាពសេដ្ឋកិច្ចកម្ពុជា បានសរសេរថា ស្របពេលដែលសេដ្ឋកិច្ចរបស់កម្ពុជា បន្តរងគ្រោះដោយសារឥទ្ធិពល នៃការរាតត្បាតជំងឺកូវីដ១៩ មានសញ្ញាជាច្រើនបង្ហាញថា សកម្មភាពសេដ្ឋកិច្ច កំពុងចាប់ផ្តើម កម្រើកឡើងវិញហើយ។ សេដ្ឋកិច្ចត្រូវបានព្យាករណ៍ថា នឹងធ្លាក់ចុះដក២ភាគរយ ក្នុងឆ្នាំ២០២០ ប៉ុន្តែត្រូវបានរំពឹងទុកថា នឹងងើបឡើងវិញ ហើយលូតលាស់ បានប្រហែលជិត៤ភាគរយ ក្នុងឆ្នាំ២០២១។ សេចក្ដីប្រកាសព័ត៌មាន របស់ World Bank បានឲ្យដឹងទៀតថា នៅពេលដែលមានការធូរស្រាលបន្តិច នៅក្នុងវិធានការរក្សាសុវត្ថិភាពសង្គម សកម្មភាពសេដ្ឋកិច្ចក្នុងស្រុក កំពុងតែវិលទៅរកប្រក្រតីភាពបន្តិចម្តងៗវិញ។ អន្តរាគមន៍ក្នុងកម្រិត ដែលមិនធ្លាប់មានរបស់រដ្ឋាភិបាល បានជួយមួយផ្នែកក្នុងការទ្រទ្រង់ ដល់ផ្នែកទទួលទានប្រើប្រាស់ ឲ្យនៅស្ថិតស្ថេរ ហើយអតិផរណា ក៏ស្ថិតនៅក្រោមការគ្រប់គ្រងជាប់ផងដែរ។ យោងតាមរបាយការណ៍នោះ លំហូរនៃការវិនិយោគផ្ទាល់ពីបរទេស ទៅក្នុងគម្រោងក្រៅឧស្សាហកម្មកាត់ដេរ និងទៅក្នុងវិស័យកសិកម្មនៅតែបន្តកើនឡើង ទំនងជាដោយសារភាពទាក់ទាញរបស់កិច្ចព្រមព្រៀងពាណិជ្ជកម្មសេរី ដែលកម្ពុជាកំពុងធ្វើជាមួយប្រទេសនានាក្នុងតំបន់។ របាយការណ៍បញ្ជាក់ថា ទោះបីជាការនាំចេញសរុប នៃផលិតផលកមន្តសាល បានរងការប៉ះទង្គិចពីការរាតត្បាតជំងឺនោះ ក៏ដោយ ក៏កំណើននៅតែបន្តមាន ក្នុងការនាំចេញផលិតផលរោងចក្រដទៃទៀត…
-
អ្នកជាសះស្បើយពីជំងឺកូវីដ-១៩ចំនួន៧នាក់ ត្រូវបានអនុញ្ញាតឲ្យចេញពីមន្ទីរពេទ្យហើយ
យោងតាមមន្ទីរពេទ្យមិត្តភាពខ្មែរ-សូវៀត បានឲ្យដឹងថា អ្នកជំងឺ Covid-19 ចំនួន៧នាក់ ក្នុងនោះអ្នកពាក់ព័ន្ធនឹងព្រឹត្តិការណ៍សហគមន៍ ២៨ វិច្ឆិកា ចំនួន៥ នាក់ និងអ្នកដំណើចូលមកកម្ពុជាចំនួន ២ នាក់ ដែលបានមកព្យាបាលក្នុងមន្ទីរពេទ្យមិត្តភាពខ្មែរ-សូវៀត ហើយបានជាសះស្បើយត្រូវបានអនុញ្ញាតឱ្យចេញពីមន្ទីរពេទ្យ នាព្រឹកថ្ងៃទី១៦ធ្នូ ឆ្នាំ២០២០។ ជាមួយគ្នានោះ ប្រធានមន្ទីរពេទ្យមិត្តភាពខ្មែរ-សូវៀត លោកសាស្រ្តាចា្យ ងី ម៉េង បានថ្លែងអំណរគុណចំពោះក្រុមគ្រូពេទ្យជួរមុខទាំងអស់ និងសហការីដែលខិតខំប្រឹងប្រែងអស់ពីកម្លាំងកាយចិត្ត ក្នុងការពិនិត្យ និងព្យាបាលអ្នកជំងឺ Covid-19 បានជាសះស្បើយពីជំងឺដ៏កាចសាហាវនោះ ។ ជាមួយគ្នានោះ លោកប្រធានមន្ទីរពេទ្យបានអំពាវនាវឲ្យប្រជាពលរដ្ឋបង្កើនការយកចិត្តទុកដាក់ និងប្រុងប្រយ័ត្នខ្ពស់ក្នុងការការពារបង្ការការឆ្លងជំងឺ Covid-19 ។ យោងតាមក្រសួងសុខាភិបាលនៅថ្ងៃ១៥ធ្នូឆ្នាំ២០២០មានអ្នកជាសះស្បើយពីជំងឺកូវីដ-១៩ចំនួន៧នាក់។ អ្នកជាសះស្បើយទាំង៧នាក់មាន៥នាក់ជាអ្នកពាក់ព័ន្ធនឹងព្រឹត្តិការណ៍សហគមន៍ ២៨ វិច្ឆិកា ក្នុងនោះមាន កុមារជនជាតិខ្មែរ អាយុ១២ឆ្នាំ មានអាសយដ្ឋាននៅបុរីប៉េងហួត ផ្លូវ៦០ម៉ែត្រ រាជធានីភ្នំពេញ ទី២ បុរសជនជាតិខ្មែរ អាយុ៣៦ឆ្នាំ មានអាសយដ្ឋាននៅបុរីប៉េងហួត ផ្លូវ៦០ម៉ែត្រ រាជធានីភ្នំពេញ អាអ្នកបើកបរឲ្យអគ្គនាយកពន្ធនាគារក្រសួងមហាផ្ទៃ, ទី៣ បុរសជនជាតិខ្មែរអាយុ៣០ឆ្នាំ មានអាសយដ្ឋាននៅសង្កាត់និរោធ ខណ្ឌច្បារអំពៅ…
-
វ៉ាក់សាំង Covid-19 របស់ក្រុមហ៊ុនផលិតឱសថកូរ៉េខាងត្បូង Celltrion ទទួលបានការអនុម័តអោយប្រើប្រាស់ក្នុងករណីពិសេស
កូរ៉េខាងត្បូង៖ អាជ្ញាធរសុខាភិបាលកូរ៉េខាងត្បូង នៅថ្ងៃអង្គារនេះនិយាយថា គ្រូពេទ្យអាចគ្រប់គ្រងការព្យាបាលដោយប្រើវ៉ាក់សាំង Covid-19 របស់ក្រុមហ៊ុនផលិតឱសថ សែលទ្រីអន (Celltrion) ដល់អ្នកជំងឺ ដែលមានស្ថានភាពគ្រោះថ្នាក់ដល់អាយុជីវិត នេះបើតាមសារព័ត៌មានរ៉យទ័រនៅថ្ងៃទី១៦ ខែធ្នូ ឆ្នាំ២០២០ ។ អ្នកនាំពាក្យក្រុមហ៊ុន សែលទ្រីអន បញ្ជាក់ថា ក្រុមហ៊ុនរបស់ខ្លួនកំពុងធ្វើការសាកល្បងព្យាបាលដំណាក់កាលទី២ និងទី៣ សម្រាប់វ៉ាក់សាំង CT-P59 ហើយគ្រោងនឹងស្វែងរកការយល់ព្រមអោយប្រើប្រាស់បន្ទាន់ សម្រាប់ការព្យាបាលមុនដំណាច់ឆ្នាំ២០២០នេះ ។ បើតាមមន្ត្រីទីភ្នាក់ងារទប់ស្កាត់ និងការពារជំងឺកូរ៉េខាងត្បូងលោក Kwon Jun-wook បាននិយាយនៅក្នុងសន្និសីទកាសែតមួយនៅថ្ងៃអង្គារនេះថា ការព្យាបាលត្រូវបានគេរំពឹងថា នឹងត្រូវផ្តល់ជូនអ្នកជំងឺដំបូងក្នុងពេលឆាប់ៗនេះហើយ ៕
-
តម្លៃប្រេងឥន្ធនៈយន្តហោះងើបឡើងវិញ ក្រោយមានតម្រូវការដឹកជញ្ជូនតាមផ្លូវអាកាស និងចរាចរណ៍នៃអ្នកធ្វើដំណើរក៏ចាប់ផ្តើមមានជាបណ្តើរៗ
អន្តរជាតិ៖ ទីផ្សារប្រេងឥន្ធនៈយន្តហោះនៅលើពិភពលោក បានវិលត្រឡប់មកមានជីវិតឡើងវិញ ដោយសារតែមានតម្រូវការដឹកជញ្ជូនតាមផ្លូវអាកាសឡើងវិញ, ចរាចរណ៍នៃអ្នកធ្វើដំណើរមានជាបណ្តើរៗ ហើយរំពឹងថា វ៉ាក់សាំង COVID-19 នឹងជម្រុញឲ្យមានជើងហោះហើរអន្តរជាតិកាន់តែច្រើននៅក្នុងឆ្នាំ២០២១ នេះបើតាមសារព័ត៌មានរ៉យទ័រនាពេលថ្មីៗ ។ ការចម្រាញ់ប្រេងយកប្រាក់ចំណេញពីប្រេងឥន្ធនៈ មានការកើនឡើងក្នុងរយៈពេលជាច្រើនខែ នៅមជ្ឈមណ្ឌលពាណិជ្ជកម្មសំខាន់ៗទាំងអស់នៅក្នុងខែធ្នូនេះ ដោយមានក្តីរំពឹងថា នឹងមានតម្រូវការកាន់តែច្រើនសម្រាប់ឆ្នាំ២០២១ ជាមួយកម្រិតប្រាក់ចំណេញនៅសហរដ្ឋអាមេរិក និង អឺរ៉ុប ត្រូវបានគាំទ្រតាមរយៈការមានឡើងវិញ នៃទំហំការដឹកជញ្ជូនតាមផ្លូវអាកាស និង នៅតំបន់អាស៊ាន មានការគាំទ្រតាមរយៈមានការធ្វើដំណើរឡើងវិញ ។ ការចម្រាញ់ប្រេងយន្តហោះ នៅតំបន់អាស៊ី ដែលជាទីផ្សារប្រេងកំពូលរបស់ពិភពលោកនោះ បានកើនឡើង៥៨០ភាគរយ ហើយតម្លៃនាំចេញ បានកើនឡើង៤៥ភាគរយ ចាប់តាំងពីពាក់កណ្តាលខែកញ្ញា ទៅរកកម្រិតខ្ពស់បំផុតគិតចាប់តាំងពីខែមីនាមក ។ បើតាមការព្យាករណ៍របស់ក្រុមហ៊ុន Wood Mackenzie នៅសិង្ហបុរី ក្នុងត្រីមាសទី១ឆ្នាំ២០២១ តម្រូវការប្រេងឥន្ធនៈយន្តហោះនៅតំបន់អាស៊ាន នឹងមានចំនួន១.៤លានបារ៉ែលក្នុងមួយថ្ងៃ ៕
-
សហរដ្ឋអាមេរិកគ្រោងនឹងអនុម័តអោយប្រើវ៉ាក់សាំង Covid-19 របស់ក្រុមហ៊ុន Moderna នៅចុងសប្តាហ៍នេះ
អាមេរិក៖ សហរដ្ឋអាមេរិកនឹងបើកភ្លើងខៀវអោយប្រើវ៉ាក់សាំង Covid-19 របស់ក្រុមហ៊ុន Moderna នៅចុងសប្តាហ៍នេះ បន្ទាប់ពីរដ្ឋបាលចំណីអាហារ និងឱសថអាមេរិក FDA បានរកឃើញថា វ៉ាក់សាំងក្រុមហ៊ុននេះមានសុវត្ថិភាព និងប្រសិទ្ធភាពខ្ពស់រហូតដល់៩៥% នេះបើតាមសារព័ត៌មានរ៉យទ័រនៅថ្ងៃទី១៥ ខែធ្នូ ឆ្នាំ២០២០ ។ រដ្ឋបាលចំណីអាហារ និងឱសថអាមេរិក FDA បានចេញផ្សាយទិន្នន័យនៃវ៉ាក់សាំងរបស់ក្រុមហ៊ុន Moderna ខាងលើនេះ នៅមុនកិច្ចប្រជុំគណៈកម្មាធិការវ៉ាក់សាំង ដែលនឹងបើកការពិភាក្សាអំពីវានៅថ្ងៃសុក្រសប្តាហ៍នេះ (ម៉ោងក្នុងតំបន់ )ដើម្បីសម្រេចថាតើត្រូវអនុញ្ញាតអោយប្រើប្រាស់ឬយ៉ាងណា ។ ប្រសិនបើវ៉ាក់សាំងនេះ ត្រូវបានអនុម័តដោយរដ្ឋបាលចំណីអាហារ និងឱសថអាមេរិក FDA ពិតមែននោះ វានឹងក្លាយជាវ៉ាក់សាំង COVID-19 ទី២ហើយ ដែលត្រូវបានអនុញ្ញាតអោយប្រើប្រាស់នៅសហរដ្ឋអាមេរិក បន្ទាប់ពីវ៉ាក់សាំងរបស់ក្រុមហ៊ុន Pfizer/BioNTech ៕
-
នាយករដ្ឋមន្រ្តីអ៊ីស្រាអែលធ្វើចត្តាឡីស័កលើកទីបី បន្ទាប់ពីបានទាក់ទងជាមួយមនុស្សម្នាក់ដែលធ្វើតេស្តវិជ្ជមាន Covid-19
អ៊ីស្រាអែល៖ នាយករដ្ឋមន្រ្តីអ៊ីស្រាអែលលោក ប៊ិនចាមីន ណឺតាន់យ៉ាហ៊ូ កំពុង ធ្វើចត្តាឡីស័កជាថ្មីម្តងទៀត បន្ទាប់ពីបានទាក់ទងជាមួយមនុស្សម្នាក់ ដែលក្រោយមកបានធ្វើតេស្តវិជ្ជមាន Covid-19 នេះបើតាមការិយាល័យរបស់នាយករដ្ឋមន្ត្រីអ៊ីស្រាអែល ដកស្រង់ចុះផ្សាយដោយសារព័ត៌មាន RT នៅយប់ថ្ងៃទី១៥ ខែធ្នូ ឆ្នាំ២០២០ ។ លោក ណឺតាន់យ៉ាហ៊ូ ក៏បានធ្វើតេស្តអវិជ្ជមានចំនួន០២ដងរួចមកហើយផងដែរ កាលពីថ្ងៃអាទិត្យ និងថ្ងៃចន្ទសប្តាហ៍កន្លងទៅ ប៉ុន្តែយោងតាមការណែនាំស្តីពីមេរោគនេះ លោកត្រូវតែធ្វើចត្តាឡីស័ករហូតដល់ថ្ងៃសុក្រសប្តាហ៍នេះ ។ នេះជាលើកទី៣ហើយ ដែលលោក ណឺតាន់យ៉ាហ៊ូ បានធ្វើចត្តាឡីស័កដោយសារតែជំងឺCovid-19 ប៉ុន្តែរហូតមកទល់ពេលនេះ លោកមិនបានឆ្លងវីរុសនេះនោះទេ ។ គួរបញ្ជាក់ផងដែរថា នាយករដ្ឋមន្រ្តីអ៊ីស្រាអែលរូបនេះ នឹងធ្វើចត្តាឡីស័កហូតដល់ថ្ងៃសុក្រសប្តាហ៍នេះ បន្ទាប់ពីមានទំនាក់ទំនងជាមួយប្រធានតុលាការកំពូលរបស់គណបក្ស Likud លោក មីឆែល ក្លេណើ កាលពីសប្តាហ៍មុន ខណៈដែលលោក ក្លេណើ បានធ្វើតេស្តវិជ្ជមាន Covid-19 កាលពីថ្ងៃចន្ទដើមសប្តាហ៍នេះ ៕
-
អ្នកឆ្លង COVID-19 នៅទូទាំងពិភពលោកកើនឡើងជិត៧៤លាននាក់ ក្នុងនោះស្លាប់ជាង១លាន៦៤ម៉ឺននាក់ និងជាសះស្បើយជិត៥២លាននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧៣លាន៧៨ម៉ឺន៩ពាន់៤៤ករណី ក្នុងនោះមានអ្នកជម្ងឺសរុបចំនួន១លាន៦៤ម៉ឺន៦១១នាក់ស្លាប់ និង ជាសះស្បើយឡើងវិញសរុបចំនួន៥១លាន៧៩ម៉ឺន៨ពាន់៣៩១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៦ ខែធ្នូ ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៧លាន១៤ម៉ឺន២ពាន់២០៧នាក់ ស្លាប់ចំនួន៣១ម៉ឺន១ពាន់៥៤នាក់ និងជាសះស្បើយចំនួន១០លាន៣ពាន់៣២៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៩៣ម៉ឺន២ពាន់៩០៨នាក់ ស្លាប់ចំនួន១៤ម៉ឺន៤ពាន់១៣០នាក់ និងជាសះស្បើយ៩លាន៤៥ម៉ឺន៥ពាន់៧៩៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៦លាន៩៧ម៉ឺន៤ពាន់២៥៨នាក់ ស្លាប់១៨ម៉ឺន២ពាន់៨៥៤នាក់ និងជាសះស្បើយ៦លាន៦ម៉ឺន៧ពាន់៨៦២នាក់ ៕
-
អ្នកដែលបានចូលហាងកាហ្វេ ឈ្មោះ ( hidden coffee ) ដែលមានទីតាំងផ្លូវលេខ១២៥ ផ្លូវ ២០០២ សង្កាត់ទឹកថ្លា ត្រូវទៅធ្វើតេស្ត ជាបន្ទាន់
ក្រសួងសុខាភិបាល៖ ពាក់ព័ន្ធព្រឹត្តិការណ៍សហគមន៍ ២៨ វិច្ឆិកា នៅថ្ងៃទី ១៦ ខែធ្នូ ឆ្នាំ ២០២០នេះ ក្រសួងសុខាភិបាលប្រកាសថា ដោយសារមានបុរសអ្នកជំងឺកូវីដ-១៩ម្នាក់ ធ្លាប់អង្គុយក្នុងហាងកាហ្វេឈ្មោះ (hidden coffee ) ដូច្នេះ ក្រសួងសុខាភិបាល អំពាវនាវដល់ប្រជាពលរដ្ឋដែលធ្លាប់ចូលអង្គុយពិសារក្នុងហាងកាហ្វេ ឈ្មោះ ( hidden coffee ) ដែលមានទីតាំងផ្លូវលេខ ១២៥ ផ្លូវ ២០០២ សង្កាត់ទឹកថ្លា ខណ្ឌសែនសុខ រាជធានីភ្នំពេញ វេលាម៉ោង ១៥និង៣០នាទី កាលពីថ្ងៃទី ៤ ខែធ្នូ ឆ្នាំ ២០២០ កន្លងមកនេះ ត្រូវប្រញាប់ទៅធ្វើតេស្ត នៅវិទ្យាស្ថានជាតិសុខភាពសាធារណៈ រៀងរាល់ម៉ោងធ្វើការ។ ក្រសួងក៏បានអំពាវនាវឲ្យអ្នកទាំងនោះ ត្រូវធ្វើចត្តាឡីស័កនៅតាមផ្ទះ ឲ្យគ្រប់ចំនួន ១៤ថ្ងៃ តាមការណែនាំរបស់ក្រសួងសុខាភិបាល ហើយត្រូវតាមដានសុខភាពផ្ទាល់ខ្លួន ឲ្យបានហ្មត់ចត់ជាទីបំផុត ៕កឹម ទៀង
-
ថ្ងៃនេះអ្នកជំងឺកូវីដ-១៩ ចំនួន៧នាក់ បានជាសះស្បើយ និងមិនមានអ្នកឆ្លងថ្មីនោះទេ
