-
លោក ដូណាល់ ត្រាំ ទទួលស្គាល់ថា រដ្ឋមន្ត្រីយុត្តិធម៌អាមេរិកបានសម្រេចចិត្តលាលែងពីតំណែង
អាមេរិក៖ ប្រធានាធិបតីអាមេរិកលោក ដូណាល់ ត្រាំ នៅថ្ងៃចន្ទនេះបញ្ជាក់ថា រដ្ឋមន្ត្រីយុត្តិធម៌អាមេរិក លោក William Barr នឹងលាលែងពីតំណែងនៅសប្ដាហ៍ក្រោយនេះ មុនពេលថ្ងៃបុណ្យណូអែល នេះបើតាមសារព័ត៌មាន CGTN នៅថ្ងៃទី១៥ ខែធ្នូ ឆ្នាំ២០២០ ។ តាមរយៈលិខិតមួយច្បាប់ផ្ញើទៅកាន់ប្រធានាធិបតីអាមេរិកលោក ដូណាល់ ត្រាំ លោក William Barr បាននិយាយថា រូបលោកនឹងលាលែងពីតំណែងជារដ្ឋមន្រ្តីយុត្តិធម៌អាមេរិកនៅថ្ងៃទី២៣ ខែធ្នូ ឆ្នាំ២០២០ ។ បើតាមលោក ដូណាល់ ត្រាំ អគ្គរដ្ឋអាជ្ញារង និងអនុរដ្ឋមន្ត្រីយុត្តិធម៌អាមេរិកលោក Jeff Rosen នឹងត្រូវឡើងកាន់តំណែងជារដ្ឋមន្ត្រីយុត្តិធម៌អាមេរិកស្ដីទី ក្រោយការចាកចេញរបស់លោក William Barr ៕
-
សហរដ្ឋអាមេរិកចាប់ផ្តើមយុទ្ធនាការចាក់វ៉ាក់សាំង Covid-19 ទ្រង់ទ្រាយធំក្នុងទីក្រុងញូយ៉ក
អាមេរិក៖ សហរដ្ឋអាមេរិក នៅថ្ងៃចន្ទនេះ ចាប់ផ្តើមចាក់វ៉ាក់សាំង COVID-19 ដំបូងរបស់ខ្លួនក្នុងទ្រង់ទ្រាយធំ ដោយចាប់ផ្តើមនៅទីក្រុងញូយ៉ក ខណៈចំនួនស្លាប់ដោយសារវីរុសដ៏កាចសាហាវមួយនេះកើនឡើងជិត៣០ម៉ឺននាក់ នេះបើតាមសារព័ត៌មាន CGTN នៅថ្ងៃទី១៥ ខែធ្នូ ឆ្នាំ២០២០ ។ ទីក្រុងញូវយ៉ក បានចាប់ផ្តើមចាក់វ៉ាក់សាំង Covid-19 ជូនបុគ្គលិកថែទាំសុខាភិបាលបស់ពួកគេក្នុងពេលផ្សាយផ្ទាល់ ដែលរៀបចំដោយរដ្ឋាភិបាលរដ្ឋលោក Andrew Andrewomo ។ សូមរំលឹកថា វ៉ាក់សាំង COVID-19 របស់ក្រុមហ៊ុន Pfizer-BioNTech រាប់លានដូស ត្រូវបានប្រមូលសម្រាប់ចែកចាយនៅទូទាំងប្រទេសកាលពីថ្ងៃអាទិត្យសប្តាហ៍មុននេះ បន្ទាប់ពីទទួលបានភ្លើងខៀវពីរដ្ឋបាលចំណីអាហារ និងឱសថអាមេរិក FDA ៕
-
ហ្វីលីពីនចង់បញ្ជាទិញវ៉ាក់សាំង COVID-19 ចំនួន២៥លានដូសពីក្រុមហ៊ុនចិន Sinovac
ហ្វីលីពីន៖ ហ្វីលីពីនចង់សម្រេចកិច្ចចរចាជាមួយក្រុមហ៊ុន Sinovac Biotech នៅក្នុងសប្តាហ៍នេះ ដើម្បីទិញវ៉ាក់សាំង COVID-19 ចំនួន២៥លានដូស ពីក្រុមហ៊ុនរបស់ចិនមួយនេះ ដោយត្រូវប្រគល់វ៉ាក់សាំងនៅខែមីនា ឆ្នាំ២០២១ខាងមុខ នេះបើតាមសារព័ត៌មានរ៉យទ័រនៅយប់ថ្ងៃទី១៤ ខែធ្នូ ឆ្នាំ២០២០ ។ ទន្ទឹមគ្នា ប្រធានវ៉ាក់សាំងរបស់ហ្វីលីពីន លោក Carlito Galvez បានបញ្ជាក់ថា មន្ត្រីហ្វីលីពីនបានជួបជាមួយតំណាងក្រុមហ៊ុនផលិតឱសថចិន Sinovac កាលពីថ្ងៃសុក្រសប្តាហ៍កន្លងទៅ ហើយនឹងមានជំនួបមួយផ្សេងទៀតនៅសប្តាហ៍នេះ ដើម្បីសម្រេចកិច្ចព្រមព្រៀង ។ ដោយឡែកប្រធានាធិបតីហ្វីលីពីនលោក Rodrigo Duterte ដែលបានបន្តទំនាក់ទំនងយ៉ាងកក់ក្តៅជាមួយរដ្ឋាភិបាលចិន ចង់អោយប្រជាជនហ្វីលីពីនប្រមាណ១០៨លាននាក់នោះ ទទួលបានការចាក់វ៉ាក់សាំង COVID-19 ដោយទិញវ៉ាក់សាំងពីរុស្ស៊ី ឬក៏ចិន ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៧៣លាននាក់ ក្នុងនោះស្លាប់ជាង១លាន៦២ម៉ឺននាក់ និងជាសះស្បើយជាង៥១លាន៣១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧៣លាន១៨ម៉ឺន១៨៩ករណី ក្នុងនោះមានអ្នកជម្ងឺសរុបចំនួន១លាន៦២ម៉ឺន៧ពាន់៣៦៦នាក់ស្លាប់ និង ជាសះស្បើយឡើងវិញសរុបចំនួន៥១លាន៣១ម៉ឺន២២៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៥ ខែធ្នូ ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៦លាន៩៤ម៉ឺន១ពាន់៩៨៦នាក់ ស្លាប់ចំនួន៣០ម៉ឺន៨ពាន់៤២នាក់ និងជាសះស្បើយចំនួន៩លាន៨៦ម៉ឺន៩ពាន់៨៩៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៩០ម៉ឺន៦ពាន់៥០៧នាក់ ស្លាប់ចំនួន១៤ម៉ឺន៣ពាន់៧៤៦នាក់ និងជាសះស្បើយ៩លាន៤២ម៉ឺន១ពាន់៨៣២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៦លាន៩២ម៉ឺន៩ពាន់៤០៩នាក់ ស្លាប់១៨ម៉ឺន១ពាន់៩៤៥នាក់ និងជាសះស្បើយ៦លាន១ម៉ឺន៦ពាន់៨៥នាក់ ៕
-
ក្រសួងមហាផ្ទៃអនុញ្ញាតឲ្យមន្ត្រីដែលបានធ្វើចត្តាឡីស័ក និងបានធ្វើតេស្ដគ្រប់៣លើកហើយ អវិជ្ជមាន អាចចូលធ្វើការបាន
-
រកឃើញអ្នកឆ្លងជំងឺកូវីដ-១៩ថ្មី ចំនួន ៣នាក់បន្ថែមទៀត
-
ក្រសួងរកឃើញអ្នកឆ្លងកូវីដ១៩ថ្មី ៣នាក់ ម្នាក់ជាកូនអាយុ១ឆ្នាំ និង២នាក់ទៀត ជាករណីនាំចូល
ភ្នំពេញ៖ នៅព្រឹកថ្ងៃទី១៥ ខែធ្នូ ឆ្នាំ២០២០ ក្រសួងសុខាភិបាល បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងកូវីដ១៩ ថ្មីចំនួន ៣នាក់ថែមទៀត ដោយក្នុងនោះមានម្នាក់ជាកុមារា អាយុ១ឆ្នាំត្រូវជាកូនប្រុសរបស់អ្នកជំងឺម្នាក់ ដែលកំពុងសម្រាកព្យាបាលនៅមន្ទីរពេទ្យរុស្ស៊ី។ ចំណែកអ្នករកឃើញវិជ្ជមាន២នាក់ផ្សេងទៀតគឺជាអ្នកធ្វើដំណើរមកពីក្រៅប្រទេស។ ដោយឡែក ចំនួន ៣នាក់ ត្រូវបានក្រសួងសុខាភិបាល ប្រកាសថា ជាសះស្បើយអ្នកជំងឺពាក់ព័ន្ធព្រឹត្តិការណ៍ «សហគមន៍២៨វិច្ឆិកា» ។ អ្នកទាំង៣នាក់ដែលវិជ្ជមានកូវីដ១៩ រួមមាន៖ ១៖ កុមារាជនជាតិខ្មែរ អាយុ១ឆ្នាំ ស្នាក់នៅសង្កាត់និរោធ ខណ្ឌច្បារអំពៅ រាជធានីភ្នំពេញ គាត់ជាកូនប្រស់របស់ស្ត្រីជនជាតិខ្មែរ អាយុ៣០ឆ្នាំ ដែលវិជ្ជមានកូវីដ១៩ នៅថ្ងៃទី២៩ ខែវិច្ឆិកា ឆ្នាំ២០២០ ហើយកំពុងសម្រាកព្យាបាលនៅក្នុងមន្ទីរពេទ្យមិត្តភាពខ្មែរ-សូវៀត។ ២៖ ស្ត្រីជនជាតិខ្មែរ អាយុ៦៦ឆ្នាំ ស្នាក់នៅសណ្ឋាគារមួយកន្លែង ក្នុងរាជធានីភ្នំពេញ ជាអ្នកដំណើរមកពីអាមេរិក បន្តជើងហោះហើរនៅកូរ៉េខាងត្បូង មកដល់កម្ពុជានៅថ្ងៃទី១៣ ខែធ្នូ ឆ្នាំ២០២០។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ។ សូមគត់សម្គាល់ថា៖ អ្នកដំណើរតាមយន្តហោះជាមួយអ្នកជំងឺខាងលើ សរុបចំនួន ១០៥នាក់ ដែលនៅក្នុងនេះ មានស្ត្រីខាងលើផងដែរ។ រីឯអ្នកដំណើរចំនួន១០៤នាក់ ដែលមានលទ្ធផលអវិជ្ជមាន…
-
អគ្គលេខាធិការដ្ឋានរដ្ឋសភា ជូនដំណឹងឲ្យអ្នកដែលធ្វើចត្តឡីស័ករយៈពេល១៤ថ្ងៃត្រឹមត្រូវរួចហើយ ចូលចូលធ្វើការបាន
យោងតាមសេចក្ដីជូនដំណឹងរបស់អគ្គលេខាធិការដ្ឋានរដ្ឋសភានៅថ្ងៃ១៤ធ្នូឆ្នាំ២០២០នេះ បានឲ្យដឹងថា ក្រោយពីការប្រកាសរបស់ក្រសួងសុខាភិបាលអំពីលទ្ធផលនៃការធ្វើតេស្ដលើកទី៣ នៃព្រឹត្តិការណ៍សហគមន៍២៨វិច្ឆិកា គឺទទួលបានលទ្ធផលអវិជ្ជមាន។ អគ្គលេខាធិការដ្ឋានរដ្ឋសភា បានជូនដំណឹងដល់សមាជិក សមាជិការដ្ឋសភា ព្រមទាំងមន្ត្រីរាជការនៃអគ្គលេខាធិការដ្ឋានរដ្ឋសភា ដែលបានធ្វើតេស្ដលើកទី៣ និងធ្វើចត្តាឡីស័កគ្រប់១៤ថ្ងៃរួចហើយ អាចមកបំពេញការងារជាធម្មតាបាន ពុំមានការធ្វើតេស្ដលើកទី៤ទេ។ ជាមួយគ្នានោះ អគ្គលេខាធិការដ្ឋានរដ្ឋសភា បានណែនាំឲ្យអនុវត្តន៍ទៅតាមការណែនាំរបស់ក្រសួងសុខាភិបាលឲ្យបានត្រឹមត្រូវដូចជា ពាក់ម៉ាសជាប់ជានិច្ច, លាងដៃជាមួយសាប៊ូ និងទឹកស្អាតឬជាមួយអាកុល ឬទឹកជែលសម្រាប់លាងដៃឲ្យបានញឹកញាប់, មិនមានជួបជុំគ្នាកុះករច្រើនលើសពី២០នាក់ និងត្រូវរក្សាគម្លាតសុវត្ថិភាព ឲ្យលើសពីមួយម៉ែត្រកន្លះឡើងទៅជាដើម៕កឹម ទៀង
-
វ៉ាក់សាំង Covid-19 ដំបូងរបស់ក្រុមហ៊ុន Pfizer/BioNTech ដឹកជញ្ជូនតាមយន្តហោះទៅដល់កាណាដា
កាណាដា៖ នាយករដ្ឋមន្រ្តីកាណាដាលោក ចាស្ទីន ទ្រូដូ ថ្លែងថា វ៉ាក់សាំងប្រឆាំង Covid-19 ក្រុមដំបូងបានដឹកជញ្ជូនតាមយន្តហោះមកដល់ទឹកដីកាណាដាហើយ នៅថ្ងៃអាទិត្យសប្តាហ៍មុននេះ ខណៈប្រជាជនកាណាដាមួយចំនួនត្រូវបានរំពឹងថា នឹងទទួលបានការចាក់វ៉ាក់សាំងនៅថ្ងៃចន្ទនេះតែម្តង នេះបើតាមសារព័ត៌មានរ៉យទ័រនៅថ្ងៃទី១៤ ខែធ្នូ ឆ្នាំ២០២០ ។ ជាមួយគ្នានេះ កាណាដា និង សហរដ្ឋអាមេរិក ក្លាយជាប្រទេសលោកខាងលិចដំបូងបង្អស់ បន្ទាប់ពីអង់គ្លេសដែលបានចាប់ផ្តើមការចាក់វ៉ាក់សាំង Covid-19 របស់ក្រុមហ៊ុន Pfizer/BioNTech ។ វ៉ាក់សាំងក្រុមដំបូងចំនួន៣ម៉ឺនដូសខាងលើនេះ នឹងត្រូវដាក់ប្រើប្រាស់ទៅកាន់១៤កន្លែងទូទាំងប្រទេសកាណាដា ។ អ្នកដែលងាយរងគ្រោះបំផុត រួមទាំងមនុស្សចាស់ជរានៅក្នុងមណ្ឌលថែទាំ និងបុគ្គលិកថែទាំសុខភាព នឹងក្លាយជាមនុស្សដំបូងគេដែលនឹងត្រូវចាក់វ៉ាក់សាំងនេះ ៕
-
នាយករដ្ឋមន្ត្រីស្វាស៊ីឡង់លោក អាំប្រូស ដ្លាមីនីស្លាប់ដោយសារ Covid-19 នៅក្នុងមន្ទីរពេទ្យអាហ្វ្រិកខាងត្បូង
ស្វាស៊ីឡង់៖ នាយករដ្ឋមន្ត្រីស្វាស៊ីឡង់លោក អាំប្រូស ដ្លាមីនី បានទទួលមរណភាពនៅក្នុងអាយុ៥២ឆ្នាំ បន្ទាប់ពីលោកបានធ្វើតេស្តវិជ្ជមាន COVID-19 អស់រយៈពេល០២សប្តាហ៍ និងត្រូវបានបញ្ជូនទៅសម្រាកព្យាបាលនៅឯមន្ទីរពេទ្យធំមួយ ក្នុងប្រទេសជិតខាងខ្លួន គឺអាហ្វ្រិកខាងត្បូង នេះបើតាមសារព័ត៌មានរ៉យទ័រនៅថ្ងៃទី១៤ ខែធ្នូ ឆ្នាំ២០២០ ។ ស្របពេលជាមួយគ្នានេះដែរ ឧបនាយករដ្ឋមន្ត្រីស្វាស៊ីឡង់ លោក ធឹមបា ម៉ាស៊ូគូ បានបញ្ជាក់នៅក្នុងសេចក្តីថ្លែងការណ៍មួយថា ព្រះមហាក្សត្ររបស់យើង បានត្រាស់បង្គាប់ឲ្យរូបខ្ញុំជម្រាបជូនដំណឹងក៏ក្រៀមក្រំបំផុត ទៅកាន់ប្រជាជាតិរបស់យើងថា លោកនាយករដ្ឋមន្ត្រី អាំប្រូស ដ្លាមីនី បានទទួលមរណភាពហើយ ។ សូមជម្រាបផងដែរថា លោក អាំប្រូស ដ្លាមីនី ត្រូវបានគេប្រកាសកាលពីពាក់កណ្តាលខែវិច្ឆិកាកន្លងទៅថា រូបលោកត្រូវបានធ្វើតេស្តវិជ្ជមាន Covid-19 ប៉ុន្តែលោកមានសុខភាពល្អធម្មតា ។ លោក ដ្លាមីនី គឺអ្នកជំនួញ ប៉ុន្តែក៏អ្នកនយោបាយមួយរូបផងនោះ ត្រូវបានតែងតាំងជានាយករដ្ឋមន្រ្តីស្វាស៊ីឡង់កាលពីខែតុលា ឆ្នាំ២០១៨ ៕