-
ប្រមុខការបរទេសអាមេរិកត្រូវធ្វើចត្តាឡីស័ក បន្ទាប់ពីប៉ះពាល់ជាមួយអ្នកផ្ទុក Covid-19
អាមេរិក៖ រដ្ឋមន្រ្តីការបរទេសអាមេរិក លោក ម៉ៃ ប៉ុមប៉េអូ ត្រូវបានធ្វើចត្តាឡីស័ក ឬដាក់ខ្លួនអោយនៅដាច់ដោយឡែកពីគេ បន្ទាប់ពីបានប៉ះពាល់ជាមួយបុគ្គលដែលមានផ្ទុកជំងឺ COVID-19 នេះបើតាមក្រសួងការបរទេសអាមេរិក ដកស្រង់ចុះផ្សាយដោយសារព័ត៌មាន CGTN នៅថ្ងៃ១៧ ខែធ្នូ ឆ្នាំ២០២០ ។ ក្រសួងការបរទេសអាមេរិកបានបញ្ជាក់នៅក្នុងសេចក្តីថ្លែងការណ៍របស់ខ្លួនថា គិតមកទល់ពេលនេះ លោក ម៉ៃ ប៉ុមប៉េអូ ត្រូវបានធ្វើតេស្តអវិជ្ជមានជំងឺ Covid-19 ។ រដ្ឋមន្រ្តីការបរទេសអាមេរិករូបនេះ ត្រូវបានគេកំណត់អត្តសញ្ញាណថា មានទំនាក់ទំនងជាមួយអ្នកដែលមានផ្ទុកជំងឺ COVID-19 ម្នាក់ ។ ប៉ុន្តែសម្រាប់ហេតុផលភាពឯកជន យើងមិនបង្ហាញអត្តសញ្ញាណបុគ្គលម្នាក់នោះបានទេ ៕
-
បុគ្គលិកថែទាំសុខភាពម្នាក់ក្នុងរដ្ឋ Alaska មានប្រតិកម្មធ្ងន់ធ្ងរត្រូវបញ្ជូនទៅសង្គ្រោះបន្ទាន់ បន្ទាប់ពីចាក់វ៉ាក់សាំង Covid-19 របស់ Pfizer
អាមេរិក៖ បុគ្គលិកថែទាំសុខភាពម្នាក់ក្នុងរដ្ឋ អាឡាស់ស្កា ទទួលរងប្រតិកម្មធ្ងន់ ធ្ងរ ក្រោយពេលចាក់វ៉ាក់សាំងការពារ Covid-19 របស់ក្រុមហ៊ុន Pfizer នេះបើតាមសារព័ត៌មាន Fox News នៅថ្ងៃទី១៧ ខែធ្នូ ឆ្នាំ២០២០ ។ បុគ្គលិកថែទាំសុខភាពដែលត្រូវបានគេស្គាល់ថា ជាស្ត្រីវ័យកណ្តាលរូបនេះ មានប្រតិកម្មអាឡ័កស៊ី ដូចជាមុខឡើងក្រហម និងពិបាកដកដង្ហើមរយៈពេល១០នាទី បន្ទាប់ពីការចាក់វ៉ាក់សាំងលើកដំបូងរបស់ក្រុមហ៊ុន Pfizer នៅថ្ងៃពុធនេះ ។ ក្រោយមកនាងត្រូវបានគេបញ្ជូនទៅកាន់មន្ទីរពេទ្យ បាឡេត ដោយសារតែប្រតិ កម្មនេះ ។ ក្រុមមន្រ្តីបាននិយាយនៅក្នុងសន្និសីទសារព័ត៌មានមួយថា ស្ត្រីដែលគេមិនបង្ហាញឈ្មោះរូបនេះ បានទទួលរងនូវប្រតិកម្មអាឡ័កស៊ីអាណាហ្វីឡាក់ទិច ដែលតម្រូវអោយព្យាបាលក្នុងមន្ទីរពេទ្យ និង តាមដាន ហើយនឹងមិនទទួលការចាក់វ៉ាក់សាំងលើកទី២ទេ ខណៈនាងគ្មានប្រវត្តិអាឡ័កស៊ីពីមុនមកឡើយ ។ យ៉ាងណាមិញ មន្ត្រីសុខាភិបាលរដ្ឋ អាឡាស់ស្កា បាននិយាយថា នឹងមិនមានការផ្លាស់ប្តូរផែនការចែកចាយវ៉ាក់សាំងទេ បន្ទាប់ពីឧប្បត្តិហេតុនេះ ៕
-
អង្គការ WHO នឹងបញ្ជូនក្រុមអ្នកវិទ្យាសាស្ត្រទៅទីក្រុងវូហាន របស់ប្រទេសចិននៅខែមករាឆ្នាំក្រោយនេះ ដើម្បីស្វែងរកប្រភពដើមនៃវីរុសកូរ៉ូណា
ស្វីស៖ អ្នកជំនាញអន្តរជាតិមួយក្រុម ដឹកនាំដោយអង្គការសុខភាពពិភពលោក WHO នឹងធ្វើដំណើរទៅកាន់ប្រទេសចិន នៅសប្ដាហ៍ទី១ នៃខែមករា ឆ្នាំ២០២១ ខាងមុខនេះ ដើម្បីស៊ើបអង្កេតរកប្រភពដើមនៃវីរុសកូរ៉ូណា ដែលបង្កទៅជាជំងឺ COVID-19 នេះបើតាមសារព័ត៌មាន CNA នៅថ្ងៃទី១៧ ខែធ្នូ ឆ្នាំ២០២០ ។ ក្រុមអ្នកជំនាញអន្តរជាតិខាងលើមានសមាជិកពី១២ទៅ១៥នាក់ បានត្រៀមលក្ខណៈរួចរាល់ហើយ ក្នុងការធ្វើដំណើរទៅកាន់ទីក្រុងវូហាន ដើម្បីស៊ើបអង្កេត និងត្រួតពិនិត្យភស្ដុតាង ក្នុងនោះរួមមានសំណាកមនុស្ស និងសត្វ ដែលត្រូវបានប្រមូលដោយក្រុមអ្នកវិទ្យាសាស្ត្រចិន សំដៅចាប់ផ្ដើមការសិក្សាបឋមមួយរបស់ពួកគេ ។ សូមជម្រាបថា ចិនបានទទួលស្គាល់ និង រាយការណ៍ពីករណីឆ្លងដំបូង នៃវីរុសបង្កជំងឺផ្លូវដង្ហើមដ៏អាថ៌កំបាំងមួយ នៅឯផ្សារលក់គ្រឿងសមុទ្រមួយកន្លែងក្នុងទីក្រុងវូហាន ដែលក្រោយមកត្រូវបានអង្គការសុខភាពពិភពលោក WHO ដាក់ឈ្មោះអោយជាផ្លូវការថា COVID-19 ៕
-
ចិនទទួលបានវ៉ាក់សាំង Covid-19 ចំនួន១០០លានដូសពីក្រុមហ៊ុនផលិតឱសថ BioNTech ដើម្បីបង្កើនការផ្គត់ផ្គង់ក្នុងប្រទេសរបស់ខ្លួន
ចិន៖ ក្រុមហ៊ុនផលិតឱសថមួយរបស់ចិនទទួលបានវ៉ាក់សាំង Covid-19 ចំនួន១០០លានដូសពីក្រុមហ៊ុនអាមេរិក Pfizer និងដៃគូសហការ BioNTech របស់អាល្លឺម៉ង់ ខណៈចិនស្វែងរកការចាក់វ៉ាក់សាំងនៅក្រៅប្រទេសបន្ថែមលើវ៉ាក់សាំងដែលផលិតក្នុងស្រុក ដើម្បីធានាការចាក់គ្រប់គ្រាន់ នេះបើតាមសារព័ត៌មាន Bloomberg នៅថ្ងៃទី១៦ ខែធ្នូ ឆ្នាំ២០២០ ។ ក្រុមហ៊ុនឱសថ Shanghai Fosun ដែលកាលពីខែមីនា បានចុះកិច្ចព្រមព្រៀងជាមួយក្រុមហ៊ុនអាល្លឺម៉ង់ BioNTech ដើម្បីអភិវឌ្ឍ និងដាក់លក់វ៉ាក់សាំង mRNA នៅក្នុងប្រទេសចិននោះ នឹងធ្វើការទូទាត់ប្រាក់ជាមុនចំនួន២៥០លានអឺរ៉ូ ឬស្មើនឹង៣០០លានដុល្លារអាមេរិក សម្រាប់វ៉ាក់សាំង៥០លានដូសដំបូង ។ បន្ថែមលើនេះ ក្រុមហ៊ុនផលិតវ៉ាក់សាំងអាល្លឺម៉ង់មួយនេះ ក៏នឹងផ្គត់ផ្គង់ប្រមាណជាង១០០លានដូស សម្រាប់ប្រទេសចិននៅឆ្នាំ២០២១ ។ ប៉ុន្តែការផ្គត់ផ្គង់វ៉ាក់សាំងរបស់ក្រុមហ៊ុនអាល្លឺម៉ង់ BioNTech ដល់ប្រទេសចិន គឺមិនពាក់ព័ន្ធនឹងក្រុមហ៊ុនដៃគូ Pfizer ក្នុងកិច្ចព្រមព្រៀងនេះនោះទេ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៧៤លាននាក់ ក្នុងនោះស្លាប់ជាង១លាន៦៥ម៉ឺននាក់ និងជាសះស្បើយជាង៥២លាន៣៥ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៧៤លាន៥១ម៉ឺន៤ពាន់៧៤១ករណី ក្នុងនោះមានអ្នកជម្ងឺសរុបចំនួន១លាន៦៥ម៉ឺន៤ពាន់៣៤៤នាក់ស្លាប់ និង ជាសះស្បើយឡើងវិញសរុបចំនួន៥២លាន៣៥ម៉ឺន៤ពាន់២៨៥នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៧ ខែធ្នូ ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន១៧លាន៣៩ម៉ឺន២ពាន់៦១៨នាក់ ស្លាប់ចំនួន៣១ម៉ឺន៤ពាន់៥៧៧នាក់ និងជាសះស្បើយចំនួន១០លាន១៧ម៉ឺន៧៣៥នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៩លាន៩៥ម៉ឺន១ពាន់៧២នាក់ ស្លាប់ចំនួន១៤ម៉ឺន៤ពាន់៤៨៧នាក់ និងជាសះស្បើយ៩លាន៤៨ម៉ឺន៩ពាន់១៤៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៧លាន៤ម៉ឺន២ពាន់៦៩៥នាក់ ស្លាប់១៨ម៉ឺន៣ពាន់៨២២នាក់ និងជាសះស្បើយ៦លាន១៣ម៉ឺន២ពាន់៦៨៣នាក់ ៕
-
កូវីដ១៩៖ អាមេរិកបង្កើនល្បឿនចាក់វ៉ាក់សាំង ខណៈ ១ថ្ងៃ មានស្លាប់ជាង២៥០០នាក់ព្រោះជំងឺនេះ
សហរដ្ឋអាមេរិក នៅថ្ងៃព្រហស្បតិ៍ ទី១៧ ធ្នូ ២០២០នេះ បានពង្រីកយុទ្ធនាការចែកចាយវ៉ាក់សាំងប្រឆាំងវីរុសកូវីដ១៩ ទៅលើក្រុមវេជ្ជបណ្ឌិត និង គិលានុបដ្ឋាយិការ ជាក្រុមជួរមុខ ខណៈដែលជំងឺកូវីដ១៩បានសម្លាប់ពលរដ្ឋអាមេរិកច្រើនជាង២៥០០នាក់ ជាប្រចាំថ្ងៃ នេះបើតាមការចេញផ្សាយរបស់សារព័ត៌មាន CNA ។ ប្រភពថា បច្ចុប្បន្ននេះ វ៉ាក់សាំងដែលត្រូវចាក់ជូនពលរដ្ឋអាមេរិក រួមមានទាំង Pfizer Inc និង ដៃគូអាល្លឺម៉ង់ BioNTech SE ខណៈដែលការដឹកជញ្ជូនវ៉ាក់សាំងបន្តធ្វើដំណើរទៅកាន់មណ្ឌលផ្តល់វ៉ាក់សាំង ទូទាំងប្រទេស។ វ៉ាក់សាំងមួយទៀត របស់ក្រុមហ៊ុន Moderna Inc ដែលទើបទទួលបានការអនុម័តពីរដ្ឋបាលអាហារនិងឪសថអាមេរិកបន្ទាន់ នាសប្តាហ៍នេះ នឹងត្រូវប្រើប្រាស់ផងដែរ៕
-
មណ្ឌលសុខភាពជ្រោយចង្វារ ត្រូវបានក្រសួងសុខាភិបាល និងអាជ្ញាធររាជធានីភ្នំពេញជ្រើសរើស ជាកន្លែងសម្រាប់ ព្យាបាលអ្នកជំងឺ កូវីដ-១៩
ភ្នំពេញ៖ ក្រសួងសុខាភិបាល និងអាជ្ញាធររាជធានីភ្នំពេញបានសម្រេចជ្រើសរើសយកទីតាំងមណ្ឌលសុខភាព ជ្រោយចង្វារធ្វើជាកន្លែងចត្តាឡីស័ក និងព្យាបាលអ្នកឆ្លង កូវីដ-១៩។ ការសម្រេចជ្រើសរើសយកទីតាំងខាងលើនេះបានធ្វើឡើងកាលពីព្រឹកថ្ងៃទី១៦ ខែធ្នូឆ្នាំ២០២០ ខណៈ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ម៉ម ប៊ុនហេង រដ្ឋមន្រ្តីក្រសួងសុខាភិបាលចុះពិនិត្យទីតាំងមន្ទីរពេទ្យបង្អែកនៅ ក្នុង ខណ្ឌដូនពេញ និង មណ្ឌលសុខភាពជ្រោយ ចង្វា សម្រាប់ការពង្រីក កន្លែង ព្យាបាល អ្នកឆ្លងកូវីដ ១៩។ មន្ត្រីរដ្ឋបាលរាជធានីភ្នំពេញបានឲ្យដឹងថា ក្រោយពីឯកឧត្តមអភិបាលរាជធានីភ្នំពេញ និងឯកឧត្តមរដ្ឋមន្ត្រីក្រសួងសុខាភិបាលចុះពិនិត្យទីតាំងទាំងពីរខាងលើ ក្រុមការងារក៏បានសម្រេចជាគោលការណ៍ជ្រើសរើសយកទីតាំង មណ្ឌល សុខភាព ជ្រោយចង្វារ ធ្វើជាកន្លែងសាងសង់អាគារសម្រាប់ការធ្វើចត្តាឡីស័ក និងជាកន្លែងសម្រាប់ព្យាបាលអ្នកជំងឺកូវីដ-១៩ ដោយហេតុថា ទីតាំង នោះ មានទីធ្លាធំទូលាយអាចសាងសង់ជាអាគារសម្រាប់ធ្វើចត្តាឡីស័ក និងសាងសង់អាគារព្យាបាលអ្នកជំងឺកូវីដ-១៩។ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានណែនាំដល់អាជ្ញាធរ រាជធានី ខេត្ត និងក្រសួងសុខាភិបាល ដើម្បីជ្រើសរើសរកទីតាំង បន្ថែម ធ្វើជាកន្លែងសម្រាប់ធ្វើចត្តាឡីស័ក និងព្យាបាលជំងឺកូវីដ-១៩ ដោយសម្តេចបានបញ្ជាក់ថាព្រឹត្តិការណ៍សហគមន៍២៨វិច្ឆិកាមិនទាន់បានបញ្ចប់នៅ ឡើយទេ…
-
ក្រសួងសុខាភិបាលបន្តប្រកាសថា មិនមានករណីឆ្លងជំងឺកូវីដ១៩
-
ក្រសួងសុខាភិបាល ច្រានចោលព័ត៌មានដែលផ្សាយថា «កម្ពុជាបានបញ្ជាទិញវ៉ាក់សាំងកូវីដ១៩ ចំនួន១លានដូស ប៉ុន្តែមិនមែនជាផលិតផលចិន»
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នៅថ្ងៃទី១៦ ខែធ្នូ ឆ្នាំ២០២០នេះ បានចេញមកច្រានចោលព័ត៌មានមួយដែលមានខ្លឹមសារថា «កម្ពុជាបានបញ្ជាទិញវ៉ាក់សាំងកូវីដ១៩ ចំនួន១លានដូស ប៉ុន្តែមិនមែនជាផលិតផលចិន»។ ការចេញមកច្រានចោលព័ត៌មាននេះរបស់លោកជំទាវ ឱ វណ្ណឌីន ដោយសារព័ត៌មាននោះ សរសេរអត្ថបទព័ត៌មានខុសនឹងប្រសាសន៍សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្លែងនៅថ្ងៃទី១៥ ខែធ្នូ ឆ្នាំ២០២០។ ក្រសួងសុខាភិបាល បានចាត់ទុកថា អត្ថបទនោះធ្វើឲ្យមានការយល់ច្រឡំ និងបានស្នើឲ្យម្ចាស់អត្ថបទខាងលើ ធ្វើការកែតម្រូវជាបន្ទាន់ផងដែរ។ លោកជំទាវ ឱ វណ្ណឌីន បានលើកឡើងថា កម្ពុជាបានបញ្ជាទិញវ៉ាក់សាំងទៅមជ្ឈមណ្ឌលកូវ៉ាក់ (COVAX Facility) ចំនួន ១លានដូស បន្ថែមលើចំនួនវ៉ាក់សាំងដែលកម្ពុជា (ប្រសិនបើគ្មានការប្រែប្រួលទេនោះ) នឹងអាចទទូលបាន ២០% នៃចំនួនប្រជាជនកម្ពុជាសរុប (ដែលនឹងអាចទទួលបានជាបឋមក្នុងចំនួន ០៣% នៃ ២០% នៃចំនួនប្រជាជនកម្ពុជាសរុប ជាដំណាក់កាលៗ)។ លោកជំទាវបន្តថា វ៉ាក់សាំងដែលកម្ពុជានឹងទទួលបាន តម្រូវឲ្យមានការវាយតម្លៃគុណភាព និងប្រសិទ្ធិភាពជាមុនដោយអង្គការសុខភាពពិភពលោក ទើបមជ្ឈមណ្ឌលកូវ៉ាក់ ធ្វើការបែងចែកមកបណ្តាប្រទេសកំពុងអភិវឌ្ឍន៍ ដែលជាសមាជិករបស់មជ្ឈមណ្ឌលនេះ។…
-
លោកជំទាវ វេជ្ជបណ្ឌិត ឱ វណ្ណឌីន បញ្ជាក់ថា កុំរំពឹងលើវ៉ាក់សាំងកូវីដ-១៩ រហូតភ្លេចការពារខ្លួន
លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានអំពាវនាវទៅដល់ប្រជាពលរដ្ឋកម្ពុជា មិនត្រូវផ្តេកផ្តួលទៅលើវ៉ាក់សាំងកូវីដ-១៩ រហូតដល់ភ្លេចការពារខ្លួននោះឡើយ។ ក្រោយទទួលព័ត៌មានថា មានប្រទេសមួយចំនួនកំពុងតែចរាចរណ៍ និងប្រើប្រាស់វ៉ាក់សាំងប្រឆាំងជំងឺ COVID-19 បានធ្វើឲ្យប្រជាពលរដ្ឋមានការអបអរសាទរ និងទន្ទឹងរង់ចាំការមកដល់នៃវ៉ាក់សាំងប្រឆាំងជំងឺ COVID-19 នៅកម្ពុជា។ ជាពិសេសក្រោយពេលសម្ដេចតេជោ ហ៊ុន សែន នាយករដ្ឋមន្រ្តីកម្ពុជា ប្រកាសពីការទិញវ៉ាក់សាំងប្រឆាំងជំងឺ COVID-19 ចាក់ជូនប្រជាពលរដ្ឋដោយឥតគិតថ្លៃនោះ ធ្វើឱ្យប្រជាពលរដ្ឋជាច្រើនមានក្តីត្រេកអរ និងសាទរផងដែរ។ ទន្ទឹមនឹងដំណឹងល្អរបស់ពិភពលោកដែលមានរកឃើញវ៉ាក់សាំងប្រឆាំងជំងឺកូវីដ១៩ និងការរៀបចំផែនការទិញរបស់កម្ពុជានោះ លោកជំទាវ វេជ្ជបណ្ឌិត ឱ វណ្ណឌីន បានផ្ដាំផ្ញើទៅកាន់ប្រជាពលរដ្ឋគ្រប់រូបថា វ៉ាក់សាំងប្រឆាំងជំងឺ COVID-19 ជាផ្នែកមួយចូលរួមការពារប្រជាពលរដ្ឋពីជំងឺដ៏កាចសាហាវមួយនេះ។ ប៉ុន្តែនៅក្នុងពេលរង់ចាំការមកដល់វ៉ាក់សាំងដែលទទួលស្គាល់ដោយអង្គការសុខភាពពិភពលោក (WHO) ប្រជាពលរដ្ឋមិនត្រូវភ្លេចខ្លួនក្នុងការការពារខ្លួនដោយអនុវត្តន៍តាមវិធានការ៣ការពារ និង៣កុំ ដែលសម្ដេចតេជោនាយករដ្ឋមន្ត្រី បានថ្លែងប្រាប់នោះឡើយ។ លោកជំទាវ វេជ្ជបណ្ឌិតបន្តថា ទោះបីជាប្រជាពលរដ្ឋបានទទួលការចាក់វ៉ាក់សាំងហើយក្ដី ក៏មិនគួរបំភ្លេចចោលនូវវិធានការអនាម័យ និងគម្លាតសង្គមនោះឡើយ។ ព្រោះវីរុសអាចវិវឌ្ឍន៍បន្ថែមទៀត។ សូមបញ្ជាក់ដែរថា គិតត្រឹមថ្ងៃទី១៦ ខែធ្នូ ឆ្នាំ២០២០នេះ កម្ពុជារកឃើញអ្នកឆ្លងកូវីដ១៩ សរុបចំនួន ៣៦២នាក់…