យោងតាមលិខិតរបស់ធានាគារជាតិនៃកម្ពុជា កាលពីថ្ងៃទី៧ធ្នូឆ្នាំ២០២០ បានថ្លែងអំណរគុណចំពោះសមាគមមីក្រូហិរញ្ញវត្ថុដែលបានរៀបចំការរៃអង្គាសមូលនិធិពីគ្រឹះស្ថានមីក្រូហិរញ្ញវត្ថុដែលជាសមាជិក និងមិនទាន់ជាសមាជិក ក្នុងការចូលរួមចំណែកក្នុងសកម្មភាពមនុស្សធម៌ តាមរយៈការផ្ដល់វិភាគទានថវិកា ដោយស្ម័គ្រចិត្តចំនួន ៥២លានរៀល និង ១ម៉ឺន៤ពាន់៧៦៩ដុល្លារអាមេរិក ដើម្បីជួយសម្រួលទុក្ខលំបាកប្រជាជនរងគ្រោះ ដោយសារការរីករាលដាលនៃកូវីដ-១៩ និង ទឹកជំនន់ នៅក្នុងខែតុលាឆ្នាំ២០២០។ ធនាគារជាតិនៃកម្ពុជា បានចាត់ទុកសកម្មភាពមនុស្សធម៌នោះ គឺជាវប្បធម៌របស់ខ្មែរ និងជាគំរូល្អមួយសម្រាប់គ្រឹះស្ថានធនាគារ និងហិរញ្ញវត្ថុនៅកម្ពុជា។ ជាមួយគ្នានោះដែរ នៅថ្ងៃទី៩ធ្នូនេះ សមាគមមីក្រូហិរញ្ញវត្ថុកម្ពុជា បានថ្លែងអំណរគុណដល់គ្រឹះស្ថានហិរញ្ញវត្ថុ ទាំងជាសមាជិក និងមិនទាន់ជាសមាជិក ដែលបានចូលរួមចំណែកជួយដល់ប្រជាជនកម្ពុជាដែលរងផល់ប៉ះពាល់ដោយសារទឹកជំនន់។ គ្រឹះស្ថានហិរញ្ញវត្ថុចំនួន ៤៧ ស្ថានប័ន បន្ថែមលើគ្រឹះស្ថានទាំង៤៧ខាងលើនោះ សមាជិកសមាគមជាច្រើនផ្សេងទៀត ក៏បានចូលរួមដោយផ្ទាល់តាមស្ថាប័នរៀងៗខ្លួន ជាមួយនឹងរាជរដ្ឋាភិបាលកម្ពុជាក្នុងការជួយដល់ប្រជាជនដែលរងផលប៉ះពាល់ដោយសារទឹកជំនន់ផងដែរ៕កឹម ទៀង

កណ្តាល៖ នៅថ្ងៃទី០៩ ធ្នូ ឆ្នាំ២០២០នេះ ក្រសួងសុខា ភិបាល បាន ផ្អាកដំណើរការផ្សារបឹងខ្យាង និងវត្តវិហារ ត្រាញ់ ក្នុងស្រុកកណ្តាលស្ទឹង ខេត្តកណ្តាល ជាបណ្តោះអាសន្ន គឺដើម្បីធានាថាបងប្អូនប្រជាពលរដ្ឋទាំងអស់មិនមានឆ្លងជំងឺកូវីដ–១៩ និងសូមអធ្យាស្រ័យចំពោះបងប្អូនប្រជាពលរដ្ឋ និងអាជីវករទាំងអស់ ព្រោះដើម្បីធ្វើការស្រាវជ្រាវរកអ្នកពាក់ព័ន្ធនឹងក្រុមគ្រួសាររបស់លោកស្រីអៀម ធីតា ដែលមានលទ្ធផលវិជ្ជមានវីរុសកូវីដ–១៩ ដែលមានជាប់ពាក់ព័ន្ធនឹងព្រឹត្តិការណ៍សហគមន៍២៨ វិច្ចិកា- រស់នៅសង្កាត់បឹងទំពន់ ខណ្ឌមានជ័យ រាជធានីភ្នំពេញ ហើយបានទៅលេងម្ដាយ នៅស្រុកកណ្ដាលស្ទឹងនោះ។ យោងតាមរបាយការណ៍របស់ក្រុមគ្រូពេទ្យ អ្នកពាក់ព័ន្ធដោយផ្ទាល់មានចំនួន០៧នាក់ និងដោយប្រយោលចំនួន ៣៧នាក់ពួកគាត់បានទៅធ្វេីតេស្តរកមេរោគកូវីដ–១៩ នៅមន្ទីរពេទ្យបង្អែកជ័យជំនះ ក្រុងតាខ្មៅ និងបានធ្វើចត្តាឡីស័កនៅតាមមណ្ឌលចត្តាឡីស័កដែលរដ្ឋបាលខេត្តបាន រៀបចំ បានយ៉ាងត្រឹមត្រូវតាមវិធាន របស់ក្រសួងសុខា ភិបាល រួចហើយ៕ ដោយ / គ្រី សម្បត្តិ

ភ្នំពេញ ៖ អភិបាលខណ្ឌច្បារអំពៅ លោក ចេង មុនីរ៉ា និងក្រុមគ្រួសារដុល្លារ បានប្រកាសបរិច្ចាកថវិកាចំនួន ២៥០០ដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។ ការចូលរួមបរិច្ចាគនេះ បានធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។ សូមបញ្ជាក់ថា សម្តេចតេជោ ហ៊ុន សែន កាលពីល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់៕ ដោយ ធី វាន់លុក

ក្នុងខណៈដែលថវិការបស់សប្បុរសជនចូលរួមសម្រាប់ទិញវ៉ាក់សាំងការពារកូវីដ-១៩ បានកើនដល់ប្រមាណជាង៣០លានដុល្លារអាម៉េរិកនោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា ស្មារតីសាមគ្គីភាព វប្បធម៌នៃការចែករំលែក ក្នុងការប្រយុទ្ធប្រឆាំងជាមួយកូវីដ-១៩ ក្នុងចំណោមប្រជាជនកម្ពុជាយើង មានធំធេងមហាសាល ដែលបានក្លាយជាខឿនការពារសុខភាពរបស់ប្រជាជនដ៏រឹងមាំ ។ នៅលើផេកផ្លូវការនៅថ្ងៃទី០៩ ខែធ្នូ ឆ្នាំ២០២០ សម្ដេចតេជោ ហ៊ុន សែន បានសរសរ ថា “បងប្អូនជនរួមជាតិជាទីគោរពស្រឡាញ់ ស្មារតីសាមគ្គីភាព វប្បធម៌នៃការចែករំលែកក្នុង ការ ប្រយុទ្ធប្រឆាំងជាមួយកូវីដ១៩ ក្នុងចំណោមប្រជាជនកម្ពុជាយើង មានធំធេងមហាសាល ដែលបានក្លាយជាខឿនការពារសុខភាពរបស់ប្រជាជនដ៏រឹងមាំ”។ សម្ដេចតេជោបន្តថា មកដល់ពេលនេះ ថវិកាដែលសប្បុរសជនចូលតាមតិច តាមច្រើន តាមសទ្ធាជ្រះថ្លា មានប្រមាណជាង៣០លានដុល្លារអាម៉េរិក។ សម្ដេចតេជោបានលើកឡើងថា ដោយមានសំណូមពរពីប្រជាជនយើង ខ្ញុំព្រះករុណាខ្ញុំ សុំបន្ថែមគណនី២ទៀត នៅធនាគារអេស៊ីលីដា និងភ្នាក់ងារវីង ដែលអាចផ្ទេរជាប្រាក់រៀល និងប្រាក់ដុល្លារដោយមិនមានការបង់សេវា។ សម្រាប់វីងចំពោះប្រាក់រៀលគឺ 9992 ប្រាក់ដុល្លារគឺ9991។ ចំពោះអេស៊ីលីដា ប្រាក់រៀលគឺ 00010556999989 ចំពោះប្រាក់ដុល្លារគឺ 00010556999999។ សម្ដេចតេជោនាយករដ្ឋមន្ត្រីគូសបញ្ជាក់ថា សូមជនរួមជាតិយើងដែលចង់ចូលរួមផ្ញើប្រាក់តាម រយៈលេខគណនីខាងលើនេះ…