អាមេរិក​៖​ ​ម​ន្រ្តី​សេតវិមាន​ ​នៅ​ថ្ងៃចន្ទ​នេះ​និយាយ​ថា​ ​ប្រធានាធិបតី​អាមេរិក​ ​លោក​ ដូ​ណា​ល់ ​ត្រាំ​ ​មាន​ឆន្ទៈ​ចាក់​វ៉ាក់សាំង​ ​Co​v​i​d​-19 ​ផ្សាយ​តាម​កញ្ចក់ទូរទស្សន៍​ដែរ​ ​ប៉ុន្តែ​គាត់​ប្រហែលជា​មិនមែន​ជា​បេក្ខជន​ល្អ​​​ជាងគេ​ទេ​ ​ពីព្រោះ​គាត់​បាន​យកឈ្នះ​ជំងឺ​នេះ​រួច​ទៅ​ហើយ​ ​នេះ​បើ​តាម​សារ​ព័ត៌មាន​អង់គ្លេស​ ​Daily​ ​Mail​ ​នៅ​ថ្ងៃ​ទី​០​៨​ ​ខែ​ធ្នូ​ ​ឆ្នាំ​២​០​២​០​ ​។​ មន្ត្រី​ម្នាក់​ក្នុងលក្ខខណ្ឌមិនបញ្ជាក់អត្តសញ្ញាណបាន​ប្រាប់​ក្រុម​អ្នក​យក​ព័ត៌មាន​ថា​ ​គាត់​ (​លោក​ ​ត្រាំ​) ​បាន​បង្ហាញ​នូវ​ឆន្ទៈ​.. ​ខ្ញុំ​គិតថា​ ​មាន​សំណួរ​បើកចំហ​ ​ថា​តើ​គាត់​នឹង​ក្លាយ​ជា​មនុស្សម្នាក់​ ​ក្នុងចំណោម​អ្នក​ដែល​ចាក់​វ៉ាក់សាំង​តាម​ទូរទស្សន៍​ដែរ​ឬក៏​អត់​… ​ហើយ​នោះ​គ្រាន់តែ​ជា​តម្រូវ​ការ​ ​ដើម្បី​បំពេញ​បំណង​អ្នក​ដែល​ចង់បាន​ប៉ុណ្ណោះ​ ​។​ ការ​លើកឡើង​ខាងលើ​នេះ​របស់​ម​ន្រ្តី​សេតវិមាន​ ​បាន​កើតមានឡើង​បន្ទាប់ពី​អតីត​ប្រធានាធិបតី​អាមេរិក​ចំនួន​០​៣​រូប​ ​គឺ​លោក​ ​Bill​ C​lint​on ​លោក​ ​G​e​or​g​e​ ​W​. ​Bush​ ​និង​លោក​ B​a​rack​ Ob​am​a​ ​បាន​និយាយ​ថា​ ​ពួក​លោក​នឹង​ទទួលយក​ការ​ចាក់​វ៉ាក់សាំង​ ​ហើយ​ចាក់​វា​ផ្សាយ​តាម​ទូរទស្សន៍​ ​ក្នុង​គោលបំណង​កសាង​ទំនុក​ចិត្ត​ដល់​សាធារណៈ​ជន​ ​៕

​កាណាដា​៖​ ​កាណាដា​នឹង​ចាប់ផ្តើម​ទទួល​ដូ​ស​ដំបូង​នៃ​វ៉ាក់សាំង​ ​CO​V​I​D​-19 ​របស់​ក្រុមហ៊ុន​ឱសថ​អាមេរិក​ ​ភី​ហ្វីហ្សឺ ​នៅមុន​ដំណាច់ខែ​ធ្នូ​ឆ្នាំនេះ​ ​ឆាប់​ជាង​ការ​រំពឹង​ទុក​ ​ហើយ​វ៉ាក់សាំង​រាប់​លាន​ដូ​ស​បន្ថែម​ទៀត​ ​នឹង​មកដល់​នៅដើម​ឆ្នាំ​២​០​២​១​ខាងមុខ​ ​នេះ​បើ​តាម​ក្រុម​មន្ត្រី​កាណាដា​ ​ដកស្រង់​ចុះផ្សាយ​ដោយសារ​ព័ត៌មាន​រ៉​យ​ទ​័​រ​នៅ​ថ្ងៃ​ទី​០​៨​ ​ខែ​ធ្នូ​ ​ឆ្នាំ​២​០​២​០​ ​។​ ថ្លែង​នៅ​ក្នុង​ស​ន្និសិ​ទ​សារ​ព័ត៌មាន​ខ្លី​មួយ​ ​នាយករដ្ឋមន្ត្រី​កាណាដា​លោក​ ចាស្ទី​ន​ ​ទ្រូ​ដូ ​និយាយ​ថា​ ​វា​គឺជា​ឆ្នាំ​ដ៏​លំបាក​ ​ហើយ​យើង​មិនទាន់​រួចផុត​ពី​វិបត្តិ​នេះ​នៅឡើយ​ទេ​ ​ប៉ុន្តែ​ឥឡូវនេះ​ ​វ៉ាក់សាំង​នឹង​មកដល់​នា​ពេល​ឆាប់ៗ​ខាងមុខ​ ​។​ ​ចំពោះ​វ៉ាក់សាំង​ដំណាក់កាល​ដំបូង​ ​នឹង​ត្រូវ​បញ្ជូន​ទៅកាន់​ទីតាំង​ចំនួន​១​៤​កន្លែង​ ​ហើយ​ត្រូវ​ផ្តល់​អាទិភាព​ទៅ​ឲ្យ​បុគ្គលិក​សុខាភិបាល​ ​មនុស្សចាស់​ជរា​ ​និង​ពលរដ្ឋ​នៅ​តាម​តំបន់​ស្រយាល​នៃ​សហគមន៍​ជនជាតិ​ដើម​ភាគតិច​ ​។​ សូម​ជម្រាប​ថា​ ​ប្រទេស​កាណាដា​ក៏បាន​រំពឹង​ផង​ដែរ​ថា​ ​នឹង​ទទួល​បាន​វ៉ាក់សាំង​ ​CO​V​I​D​-19 ​សរុប​ចំនួន​ ​៦​លាន​ដូ​ស​ពី​ក្រុមហ៊ុន​ ​ភី​ហ្វីហ្សឺ ​និង​ ម៉ូឌែ​ណា​ ​នៅ​ត្រឹម​ចុងខែ​មីនា​ ​ឆ្នាំ​២​០​២​១​ខាងមុខនេះ​ ​៕

ប្រេស៊ីល​៖​ ​អភិបាល​រដ្ឋ​សៅ​ ប៉ូ​ឡូ​ ​លោក​ ​ចៅ​ ដូរៀ ​នៅ​ថ្ងៃចន្ទ​នេះ​និយាយ​ថា​ ​រដ្ឋ​របស់​លោក​នឹង​ចាប់ផ្តើម​យុទ្ធនាការ​ចាក់​វ៉ាក់សាំង​ការពារ​ ​Co​v​i​d​-19 ​ទ្រង់ទ្រាយ​ធំ​នៅ​អំឡុង​ខែ​មករា​ ​ឆ្នាំ​២​០​២​១​ខាងមុខនេះ​ ​បើ​ទោះបីជា​ផែនការ​នេះ​ ​អាច​នឹង​ត្រូវ​បាន​រារាំង​ពីសំណាក់​ប្រធានាធិបតី​ប្រេស៊ីល​លោក​ ហ្ស៊ែ​រ​ ​បូល​សូ​ណា​រ៉ូ ​ក៏ដោយ​ ​នេះ​បើ​តាម​សារ​ព័ត៌មាន​ CN​A​ ​នៅ​ថ្ងៃ​ទី​០​៨​ ​ខែ​ធ្នូ​ ​ឆ្នាំ​២​០​២​០​ ​។​ អភិបាល​រដ្ឋ​សៅ​ ប៉ូ​ឡូ​ ​លោក​ ​ចៅ​ ដូរៀ ​បាន​និយាយ​ថា​ ​ការ​ចាក់​ថ្នាំបង្ការរោគ​ក្នុង​ទ្រង់ទ្រាយ​ធំ​ដោយ​ប្រើ​វ៉ាក់សាំង​ កូរ៉ូ​ណា​វ៉ា​ក់ (​Corona​V​a​c) ​ដែល​ផលិត​ ​និង​អភិវឌ្ឍ​ដោយ​ប្រទេស​ចិន​ ​នឹង​ចាប់ផ្តើម​ធ្វើឡើង​ជាមួយ​ក្រុម​បុគ្គិ​ល​ពេទ្យ​ ​មនុស្ស​មាន​វ័យ​ចំណាស់​ ​និង​ក្រុម​មនុស្ស​ស្ម័គ្រចិត្ត​នៅ​ថ្ងៃ​ទី​២​៥​ ​ខែ​មករា​ ​ឆ្នាំ​២​០​២​១​ខាងមុខនេះ​ ​។​ សូម​បញ្ជាក់​ថា​ ​វ៉ាក់សាំង​ កូរ៉ូ​ណា​វ៉ា​ក់ ​របស់​ចិន​ត្រូវ​បាន​ដាក់បញ្ចូល​ទៅ​ក្នុង​សមរភូមិ​នយោបាយ​រវាង​លោក​ ហ្ស៊ែ​រ​ ​បូល​សូ​ណា​រ៉ូ ​និង​ ​លោក​ ​ចៅ​ ដូរៀ ​ដែល​ជា​គូប្រជែង​កំពូល​ ​សម្រាប់​ការប្រកួតប្រជែង​តំណែង​ពី​ប្រធានាធិបតី​ស្តាំនិយម​ ​នៅ​ក្នុង​ការបោះឆ្នោត​របស់​ប្រទេស​ប្រេស៊ីល​នៅ​ឆ្នាំ​ ​២​០​២​២​ ​ខាងមុខនេះ​ ​៕

កូរ៉េ​ខាងត្បូង​៖​ ​រដ្ឋ​ម​ន្រ្តី​សុខាភិបាល​កូរ៉េ​ខាងត្បូង​ ​លោក​ ​ផាក​ នុ​ង​ហ៊ូ​ ​បាន​និយាយ​នៅ​ក្នុង​សន្និសីទ​សារ​ព័ត៌មាន​ថា​ ​រដ្ឋាភិបាល​បាន​រៀបចំ​ទិញ​វ៉ាក់សាំង​ ​CO​V​I​D​-19 ​ចំនួន​២​០​លាន​ដូ​ស​ពី​ក្រុមហ៊ុន​ផលិត​ឱសថ​អង់គ្លេស​ ​អា​ស្រ្តាហ្សេណេ​កា​, ​ក្រុមហ៊ុន​អាមេរិក​ ​ភី​ហ្វីហ្សឺ ​និង​ ម៉ូឌែ​ណា​ ​ព្រមទាំង​ចំនួន​០​៤​លាន​ដូ​ស​ទៀត​ពី​ក្រុមហ៊ុន​ Jo​h​n​son​ & Jo​h​n​son​’s ​ដែល​អាច​ផ្ដល់​ជូន​គ្រប់គ្រាន់​សម្រាប់​មនុស្ស​រហូតដល់​ ​៣​៤​លាន​នាក់​ ​នេះ​បើ​តាម​សារ​ព័ត៌មាន​រ៉​យ​ទ​័​រ​នៅ​ថ្ងៃ​ទី​០​៨​ ​ខែ​ធ្នូ​ ​ឆ្នាំ​២​០​២​០​ ​។​ រដ្ឋ​ម​ន្រ្តី​សុខាភិបាល​កូរ៉េ​ខាងត្បូង​រូប​នេះ​បញ្ជាក់​ទៀត​ថា​ ​ចំនួន​វ៉ាក់សាំង​ការពារ​ជំងឺ​ ​CO​V​I​D​-19 ​សម្រាប់​មនុស្ស​១​០​លាន​នាក់​ទៀត​ ​នឹង​ត្រូវ​បាន​ផ្តល់​ជូន​តាមរយៈ​គម្រោង​ផលិត​វ៉ាក់សាំង​ពិភពលោក​របស់​អង្គការសុខភាព​ពិភពលោក​ ​WHO​ ​មានឈ្មោះ​ថា​ កូ​វ៉ា​ក់ (​CO​V​A​X) ​។​ ចំពោះ​ដំណើរការ​​​ដឹកជញ្ជូន​វ៉ាក់សាំង​ ​CO​V​I​D​-19 ​នឹង​ចាប់ផ្តើម​មិន​យូរ​ជាង​ខែ​មីនា​ខាងមុខនេះ​ទេ​ ​ចំ​នែក​ឯ​ដំណើរការ​ចាក់​វ៉ាក់សាំង​វិញ​ ​ក៏​អាច​នឹង​ចាប់ផ្តើម​នៅ​ពាក់កណ្តាល​ឆ្នាំ​២​០​២​១​ផង​ដែរ​ ​៕