ថ្នាក់ដឹកនាំនៃរដ្ឋបាលខេត្តបាត់ដំបង រួមនិងអាជ្ញាធររដ្ឋបាលក្រុងបាត់ដំបង អមដំណើរដោយឯកឧត្តមជាអភិបាលរងខេត្ត សមាជិក សមាជិកាក្រុមប្រឹក្សាខេត្ត បានចុះធ្វើការអប់រំណែនាំនិងបង្កើននូវការផ្សព្វផ្សាយពីការទប់ស្កាត់ ពីការឆ្លងនិងការចម្លងជំងឺកូវីដ-19និងបានចែកម៉ាស់នៅតាមផ្សារនានា។ជាពិសេស នៅផ្សារបឹងឈូក ក្រោមវត្តមានឯកឧត្តម ងួន រតនៈ អភិបាលខេត្តបាត់ដំបងនិងឯកឧត្តម អ៊ុយ រី ប្រធានក្រុមប្រឹក្សាខេត្ត នៅវេលារសៀលថ្ងៃទី០៧ខែវិច្ឆិកា២០២០។       តាមរយៈការចុះចែកម៉ាស់ និងការចុះអប់រំណែនាំធ្វើការផ្សព្វផ្សាយនូវវិធានក្នុងការរឹតបន្តឹងក្នុងការទប់ស្កាត់កុំឲ្យឆ្លងនិងការចម្លងមេរោគកូវីដ-19គឺ៖ជាវិធានក្មុងការឆ្លើយតប ទៅនិងការណែនាំពីក្រសួងសុខាភិបាល និងតបតាមការអំពាវនាវ របស់ រាជរដ្ឋាភិបាលកម្ពុជា។ ហើយខេត្តបាត់ដំបង ក៏ជាមុខសញ្ញាមួយ ដែលពាក់ព័ន្ធទៅនឹងព្រឹត្តិការណ៍ ២៨វិច្ឆិកា និងដើម្បីចូលរួមទប់ស្កាត់ កុំឲ្យរីករាលដាល់ នៃជំងឺដ៏កាច់សាហាវនេះ។           ព្រមជាមួយគ្នានោះ អាជ្ញាធរខេត្តបាត់ដំបង ក៏បានបង្កើននូវការអប់រំផ្សព្វផ្សាយ ក៏ដូចជា៖ ការចុះចែកម៉ាស់នៅតាមផ្សារក្នុងក្រុង និងទៅដល់អាជីវករដែលលក់ដូរក្នុងផ្សារនិងប្រជាពលរដ្ឋទូទៅមួយចំនួនផងដែរ ដើម្បីពាក់ម៉ាស់ឲ្យបានគ្រប់ៗគ្នា ។      ជាមួយគ្នានេះឯកឧត្តម ងួន រតនៈ អភិបាលខេត្តបាត់ដំបង ក៏បានអំពាវនាវដល់ប្រជាពលរដ្ឋទាំងអស់ ត្រូវតែចូលរួមអនុវត្តតាមការណែនាំរបស់រាជរដ្ឋាភិបាលនិងក្រសួងសុខាភិបាល ដើម្បីរួមគ្នាក្នុងការទប់ស្កាត់ជំងឺឆ្លងកូវីដ-19នេះ និងកុំឲ្យមានការចម្លងរីករាលដាលកាន់តែធ្ងន់ធ្ងរនៅក្នុងសហគមន៍។         កន្លងមកនេះ រដ្ឋបាលខេត្តបាត់ដំបង ក៏បានធ្វើការណែនាំ និងជំរុញទៅអាជ្ញាធរមូលដ្ឋានក្រុង-ស្រុកទាំងអស់ក្នុងខេត្តត្រូវតែបង្កើននូវការអប់រំនិងធ្វើការផ្សព្វផ្សាយពីជំងឺនេះ ឲ្យជ្រួតជ្រាប…

ភ្នំពេញ៖ ដើម្បីឱ្យដំណើរការនៃការរៀបចំនេះទីតាំងដែលត្រូវ ពិនិត្យយកសំណាកជាលើកទី២នៅទីតាំងពហុកីឡាដ្ឋានជាតិអូឡាំពិកនាថ្ងៃទី០៨ខែធ្នូស្អែកនេះ ដំណើរការបានល្អ មានលក្ខណៈងាយស្រួល នាល្ងាចថ្ងៃទី០៧ធ្នូនេះ ឯកឧត្តម ឃួង ស្រេងអភិបាលនៃគណៈអភិបាលរាជធានីភ្នំពេញបានចុះមកពិនិត្យទីតាំងនេះបន្ថែមទៀត ក្រោយពី បានរៀបចំដោយធ្វើរោងដាក់កៅអី បន្ទប់ដាក់គ្រឿងបរិក្ខារផ្សេងៗរួចហើយ។ឯកឧត្តម ឃួង ស្រេង ក្នុងឱកាសនោះ ក៏បានណែនាំដល់កងកម្លាំង ដូចជាមន្ត្រី ថ្នាក់ដឹកនាំរបស់រដ្ឋបាលរាជធានីភ្នំពេញទាំងអស់ ដែលត្រូវមកបំពេញការងារជាមួយមន្ត្រីរបស់ក្រសួងសុខាភិបាល នាថ្ងៃស្អែកនេះ ត្រូវប្រកាន់ភ្ជាប់នូវវិធានរបស់ក្រសួងសុខាភិបាល គឺត្រូវតែការពារខ្លួនឱ្យបានខ្ជាប់ខ្ជួនបំផុត ជៀសវាងការឆ្លងរាលដាលពីជំងឺកូវីដ-១៩ ដោយយើងមិនដឹងថា ប្រជាពលរដ្ឋជាង៣០០០នាក់ដែលមកពិនិត្យយកសំណាកលើកទី២នេះ ពួកគាត់មានវិជ្ជាមានកូវីដ-១៩ឬយ៉ាងណានោះទេអ្វីដែលសំខាន់ គឺយើងត្រូវតែប្រុងប្រយ័ត្នឲ្យបានខ្ពស់ទាំងអស់គ្នា។

ដោយសង្កេតឃើញថា ករណីរីករាលដាលនៃជំងឺ Covid-19 នៅលើសកលលោក និងនៅ ព្រះរាជាណាចក្រកម្ពុជា នៅតែរីករាលដាលឥតឈប់ឈរ ក៏ដូចជាការអនុវត្តតាមប្រសាសន៍ដ៏ខ្ពង់ខ្ពស់ របស់ម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង ប្រសាសន៍ដ៏ថ្លៃថ្លារបស់ ឯកឧត្តម សុខ លូ អភិបាល នៃគណអភិបាលខេត្តកំពង់ធំ ក៏ដូចជាសារអប់រំ របស់ក្រសួងសុខាភិបាលក្នុងការប្រយុទ្ធប្រឆាំង នៃការរីករាលដាលរបស់មេរោគ Covid-19 ។រដ្ឋបាលស្រុកតាំងគោក ក្រោមការបញ្ជាផ្ទាល់ពីអភិបាលស្រុកតាំងគោក បានបែងចែកជាពីរ ក្រុម ដើម្បីចុះធ្វើការផ្សព្វផ្សាយនិង ណែនាំដល់ម្ចាស់ភោជនីយដ្ឋាន កន្លែងកំសាន្ត ហាងផឹកស៊ីនានា អំពីវិធានការនៃការការពារជំងឺកូវីដ-១៩ របស់ក្រសួងសុខាភិបាល នៅតាមគោលដៅសំខាន់ៗ ក្នុងស្រុក តាំងគោក តាំងពីយប់ថ្ងៃអាទិត្យមកម្ល៉េះ ។លុះដល់ព្រឹកថ្ងៃទី៧ ខែធ្នូ ឆ្នាំ២០២០ លោក ហាក់ ម៉ុងហួត អភិបាល នៃគណៈអភិបាលស្រុកតាំងគោក និងសហការី បានធ្វើការផ្សព្វផ្សាយដល់អាជីវករនៅផ្សារតាំងគោកពីវិធាន ការនៃការការពារ និងការធ្វើអនាម័យខ្លួនប្រាណ ដើម្បីជៀសឆ្ងាយពីជំងឺឆ្លងកូវីដ១៩ ព្រមទាំងបានធ្វើការផ្សព្វផ្សាយពីផលប៉ះពាល់នៃជំងឺកូវីដ១៩ ទៅលើសេដ្ឋកិច្ចរបស់ប្រជាពលរដ្ឋ និងបងប្អូនអាជីវករប្រសិនបើធ្វើប្រទេសកើតមានអ្នកឆ្លងនៅសហគមន៍យើង ដូចជាការបិទផ្សារ…