បន្ទាយមានជ័យ៖ យោងតាមអនុសាសន៍ណែនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងដោយមានការចង្អុលបង្ហាញពីឯកឧត្តមប៉ានសូរស័ក្តិរដ្ឋមន្ត្រីក្រសួងពាណិជ្ជកម្មនាព្រឹកថ្ងៃទី០៨ខែធ្នូឆ្នាំ២០២០នេះ មន្ត្រីនៃមន្ទីរពាណិជ្ជកម្មខេត្តបន្ទាយមានជ័យដឹកនាំដោយលោកប៊ុកឡាយជីប្រធានមន្ទីរពាណិជ្ជកម្មព្រមទាំងមន្ត្រីក្រោមឱវាទបានចុះធ្វើការណែនាំដល់បងប្អូនជាអាជីវករអ្នកលក់អ្នកទិញក្នុងទីផ្សារមួយចំនួនក្នុងក្រុងសិរីសោភ័ណស្តីពីវិធានការបង្កាប្រយុទ្ធប្រឆាំងជំងឺកូវីដ១៩នៅសហគមន៍ពាក់ព័ន្ធ នឹងព្រឹត្តិការណ៍សហគមន៍២៨វិច្ឆិកា និងដើម្បីចូលរួមចំណែកជាមួយរាជរដ្ឋាភិបាលកម្ពុជា និងតាមការណែនាំរួមនឹងវិធានការនានារបស់ក្រសួងសុខាភិបាលក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ១៩។ លោកប៊ុកឡាយជីប្រធានមន្ទីរពាណិជ្ជកម្មខេត្តបានឲ្យដឹងថា៖ យើងអាចភ្លេចជំងឺកូវីដ១៩បានប៉ុន្តែកូវីដ១៩នេះវាមិនភ្លេចយើងនោះឡើយ។ ដូចនេះការការពារទប់ស្កាត់ការរីករាលដាលឆ្លងជំងឺដ៏កាចសាហាវនេះវាមានសារៈសំខាន់ណាស់ព្រោះជំងឺនេះវាអាចឆ្លងពីមនុស្សម្នាក់ទៅមនុស្សម្នាក់បានយ៉ាងងាយបំផុតដូច្នេះសូមបងប្អូនទាំងអស់ត្រូវមានការប្រុងប្រយ័ត្នឲ្យបានខ្ពង់បំផុតដូចជាពាក់ម៉ាស់បាញ់អាល់កុលជែលលាងដៃ និងសាប៊ូគម្លាតពីគ្នាយ៉ាងតិច១,៥ម៉ែត្រជួបគ្នាត្រូវលេីកដៃសំពះឬលេីកដៃជាសញ្ញាជៀសវាងការចាប់ដៃគ្នា។ល។ លោកប៊ុកឡាយជីបានបញ្ជាក់បន្ថែមថា៖ មេរោគកូវីដ១៩នេះជាមេរោគដ៏កាចសាហាវវានៅតែបន្តវាយលុកយ៉ាងខ្លាំងនៅលើបណ្ដាប្រទេសជាច្រើនលេីពិភពលោកធ្វើឲ្យមនុស្សស្លាប់រាប់លាននាក់ និងអ្នកផ្ទុកជំងឺកូវីដ១៩រាប់រយលាននាក់ទូទាំងពិភពលោកតែជាភ័ព្វសំណាងសម្រាប់ប្រទេសកម្ពុជាយើងគឺគ្មានអ្នកស្លាប់នោះឡើយមានតែវិជ្ជមានមួយចំនួនតែប៉ុណ្ណោះ។ ជាចុងក្រោយលោក ប៊ុក ឡាយជី ក៏បានធ្វេីការអំពាវនាវដល់ប្រជាពលរដ្ឋទាំងអស់ត្រូវយកចិត្តទុកដាក់អនុវត្តន៍វិធានការណែនាំរបស់ប្រមុខរាជរដ្ឋាភិបាល និងក្រសួងសុខាភិបាលដើម្បីការពារខ្លួនយើងក្រុមគ្រួសារយើងនឹងសហគមន៍យើងមិនឲ្យឆ្លងជំងឺកូវីដ១៩នេះឡើយ៕ ដោយ៖ ឃិនគន្ធា

អភិបាល ខេត្ត កណ្ដាល បាន ចុះស្រាវជ្រាវរកអ្នក ពាក់ព័ន្ធនឹងក្រុមគ្រួសាររបស់លោកស្រី អៀម ធីតា ដែលមានលទ្ធផលវិជ្ជមានវីរុសកូវីដ-១៩ ដែលមានជាប់ពាក់ព័ន្ធនឹងព្រឹត្តិការណ៍សហគមន៍ ២៨ វិច្ចិកា នៅមណ្ឌលចត្តាឡីស័ក ស្រុកកណ្តាល ស្ទឹង។ យោងរបាយការណ៍របស់ក្រុមគ្រូពេទ្យ អ្នក ពាក់ព័ន្ធដោយផ្ទាល់មានចំនួន០៧នាក់ និងដោយប្រយោលចំនួន៣៧នាក់ ពួកគាត់បានទៅធ្វេីតេស្តរកមេរោគកូវីដ-១៩ នៅមន្ទីរពេទ្យបង្អែកជ័យជំនះ ក្រុងតាខ្មៅ និងបានធ្វើចត្តាឡីស័កនៅតាមមណ្ឌលចត្តាឡីស័កដែលរដ្ឋបាលខេត្តបាន រៀបចំ បានយ៉ាងត្រឹមត្រូវតាមវិធានរបស់ក្រសួងសុខាភិបាល រួចហើយ។ ចំពោះទីកន្លែងដែលជាប់ពាក់ព័ន្ធ ក្រុមគ្រូពេទ្យបានបាញ់ថ្នាំសំលាប់មេរោគ និងបានធ្វើការអប់រំណែនាំដល់ប្រជាពលរដ្ឋចូលរួមសហការជាមួយអាជ្ញាធរ និងក្រុមគ្រូពេទ្យ បើបានដឹងខ្លួនថាមានជាប់ពាក់ព័ន្ធ សូមទៅធ្វើតេស្ត និងមិនត្រូវមានការ ភ័យខ្លាចជ្រុល ឬជ្រួលច្របល់ឡើយ។ លោកគង់ សោភ័ណ បានបញ្ជាឱ្យអាជ្ញាធរផ្អាកដំណើរការផ្សារបឹងខ្យាង និងវត្តវិហារត្រាញ់ ជាបណ្តោះអាសន្ន ដើម្បីធានាថាបងប្អូនប្រជាពលរដ្ឋទាំងអស់មិនមានឆ្លងជំងឺកូវីដ-១៩ និងសូមអធ្យាស្រ័យចំពោះបងប្អូន ប្រជាពលរដ្ឋ និងអាជីវករទាំងអស់ សូមចូលរួមអនុវត្តតាមការណែនាំរបស់ក្រសួងសុខាភិបាល ទើបសហគមន៍របស់យើងគ្មានជំងឺឆ្លងជាពិសេស ជំងឺកូវីដ-១៩។ ដោយ / គ្រី សម្បត្តិ

សប្បុរសជនអាចចូលរួមបរិច្ចាគថវិកាជាមួយសម្តេចតេជោ ហ៊ុន សែន ដើម្បីទិញវ៉ាក់សាំងការពារជំងឺកូវីដ១៩ តាមបណ្តាញទាក់ទង និងធនាគាររួមមាន៖ ១៖ តាមរយៈលោក សេង ទៀង រដ្ឋលេខាធិការទីស្តីការគណរដ្ឋមន្ត្រី ដែលមានលេខទូរស័ព្វ 012 961971 ប្រចាំការទទួលនៅទីស្តីការគណៈរដ្ឋមន្ត្រីទី២៖ ធានាគារ ABA លេខគណនេយ្យ (001249176) Tep Sothyទី៣៖ ធនាគារឯកទេសវីង ប្រាក់រៀលគណនីលេខ 9992, ប្រាក់ដុល្លារគណនីលេខ 9991ទី៤៖ ធនាគារអេស៉ីលីដា ប្រាក់រៀលគណនី 00010556999989, ប្រាក់ដុល្លារគណនីលេខ 00010556999999ទី៥៖ ធនាគារវឌ្ឍន : គណនីប្រាក់រៀលគឺ 050.01.66.099999.7, ប្រាក់ដុល្លារគឺ 050.02.66.009999.7ទី៦៖ ធនាគារកាណាឌីយ៉ា គណនីប្រាក់រៀលគឺ 0010005261568, ប្រាក់ដុល្លារគឺ 0010005261557 ។

ភ្នំពេញ ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោកជំទាវ បរិច្ចាគថវិកាចំនួន២ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដើម្បីទិញវ៉ាក់សាំងកូវីដ-១៩ សម្រាប់ចាក់ជូនប្រជាពលរដ្ឋដោយឥតគិតថ្លៃ។ ការចូលរួមបរិច្ចាគនេះ បានធ្វើឡើងបន្ទាប់ពីសម្តេចតេជោ ហ៊ុន សែន ប្រកាសពីការត្រៀមថវិកាទិញវ៉ាក់សាំងកូវីដ-១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។ សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ប្រជាពលរដ្ឋប្រមាណ ៥០ម៉ឺននាក់៕ ដោយ / គ្រី សម្បត្តិ