ភ្នំពេញ៖ នារីកោសខ្យល់ចំនួនបួននាក់ ក្នុងចំណោមប្រាំនាក់ដែលបានកោសខ្យល់ឲ្យភរិយាលោក ឆែម សាវុធ អគ្គនាយកពន្ធនាគារនៃក្រសួងមហាផ្ទៃ ត្រូវបានក្រសួងសុខាភិបាលនាំទៅយកសំណាកទៅធ្វើតេស្តនៅមណ្ឌលសុខភាពចាក់អង្រែ ខណ្ឌមានជ័យរាជធានីភ្នំពេញ កាលពីព្រឹកថ្ងៃទី៣ ខែធ្នូ ឆ្នាំ២០២០។ ចំណែកនារីម្នាក់ទៀតបានធ្វើដំណើរទៅស្រុកកំណើត ដោយមន្ត្រីក្រសួងសុខាភិបាល និងអាជ្ញាធរកំពុងតែធ្វើការទំនាក់ទំនង។ នារីកោសខ្យល់ទាំងប្រាំនាក់គឺបម្រើការនៅហាងកោសខ្យល់ស្ថិតនៅផ្លូវ២០០៤ ភូមិត្រពាំងល្វាសង្កាត់កាកាបទី១ខណ្ឌពោធិ៍សែនជ័យរាជធានីភ្នំពេញ។ លោកប៉ាងលីដាអភិបាលរងខណ្ឌពោធិ៍សែនជ័យបានឲ្យដឹងថាៈ តាមការណែនាំរបស់លោកមានចាន់យ៉ាដាអភិបាលរងរាជធានីភ្នំពេញបានឲ្យទៅយកនារីកោសខ្យល់ទាំងប្រាំនាក់ នៅខណ្ឌពោធិ៍សែនជ័យធ្លាប់បានទៅកោសខ្យល់ឱ្យភរិយាលោកឆែមសាវុធអគ្គនាយកពន្ធនាគារនៃក្រសួងមហាផ្ទៃហេតុនេះបានជាមន្ត្រីសុខាភិបាលរាជធានីភ្នំពេញ និងសាលាខណ្ឌពោធិ៍សែនជ័យចុះទៅយកគឺយកបានមនុស្សប្រាំនាក់ក្នុងនោះមានក្មេងម្នាក់ និងនារីម្នាក់ទៀតបានធ្វើដំណើរទៅស្រុក។ លោកបានបញ្ជាក់ថាៈនារីទាំងបួននាក់ និងកូនក្មេងម្នាក់គឺបានដឹកទៅយកសំណាកនៅមណ្ឌលសុខភាពចាក់អង្រែខណ្ឌមានជ័យប៉ុន្តែមកដល់ល្ងាចនេះគឺនៅមិនទាន់ទទួលបានលទ្ធផលនៅឡើយទេ៕ ដោយ៖ សីហា

ភ្នំពេញ៖ ថ្លែងក្នុងឱកាសចែកអំណោយមនុស្សធម៌របស់អនុសាខាកាកបាទក្រហមខណ្ឌចំការមន ជូនប្រជាពលរដ្ឋ ខ្វះខាត ២០គ្រួសារ ដែលរស់នៅក្នុងសង្កាត់បឹងត្របែក នៅព្រឹកថ្ងៃសុក្រ ទី០៤ ខែធ្នូ ឆ្នាំ២០២០ ដោយមានការចូលរួម ពីលោក ព្រុំ សំខាន់ ប្រធានកិត្តិយសអនុសាខាកាកបាទក្រហមកម្ពុជាខណ្ឌចំការមន មន្ត្រីនៃរដ្ឋបាលខណ្ឌ សង្កាត់បឹង ត្របែក ផងដែរនោះ លោក ថេង សុថុល ប្រធានអនុសាខាកាកបាទក្រហមកម្ពុជាខណ្ឌចំការមន បានអំពាវនាវដល់ ប្រជាពលរដ្ឋទាំងអស់ ចូលរួមថែរក្សាអនាម័យ ដោយត្រូវលាងដៃជាមួយ សាប៊ូ អាល់កុល ជែល ត្រូវពាក់ម៉ាសអោយ បានជាប់ជាប្រចាំ និងត្រូវរក្សាគម្លាតយ៉ាងតិច ១.៥០ម៉ែត្រពីគ្នា តាមការ ណែនាំរបស់ក្រសួងសុខាភិបាល ។ លោក ថេង សុថុល ក៏បានសំណូមពរឱ្យបងប្អូនប្រជាពលរដ្ឋទាំងអស់ បន្តអនុវត្តឱ្យបានហ្មត់ចត់ តាមវិធានសុខាភិបាល និងការណែនាំរបស់សម្តេចតេជោ ហ៊ុន សែន នាយករដ្ឋ មន្ត្រីកម្ពុជា ដើម្បីការពារការរីករាលដាលជំងឺកូវីដ-១៩ នៅក្នុង សហគមន៍ ក្រោយព្រឹត្តិការណ៍ ២៨ វិច្ឆិកា ។…

ភ្នំពេញ៖ កាលរសៀលថ្ងៃព្រហស្បតិ៍ ទី០៣ ខែធ្នូ ឆ្នាំ២០២០ គណៈបញ្ជាការឯកភាពខណ្ឌចំការមន ដឹកនាំដោយលោក ថេង សុថុល អភិបាលខណ្ឌចំការមន ដោយមានការចូលរួមពីលោកអធិការនគរបាលខណ្ឌ, មេបញ្ជាការកងរាជអាវុធហត្ថខណ្ឌ, នាយក នាយករងរដ្ឋបាលខណ្ឌ, រដ្ឋបាលសង្កាត់ទន្លេបាសាក់ , នគរបាលប៉ុស្ដិ៍ទន្លេបាសាក់ និងមន្ត្រីរាជការនៃរដ្ឋបាលខណ្ឌចំការមន បន្តចុះចែកម៉ាសដែលជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ជូនបងប្អូនប្រជាពលរដ្ឋធ្វើដំណើរតាមដងវិថី គោលដៅតាមបណ្ដោយមហាវិថីព្រះសុធារស នៅមុខសកលវិទ្យាល័យ បៀលប្រាយ ក្នុងសង្កាត់ទន្លេបាសាក់ ដើម្បីចូលរួមបង្ការ និងទប់ស្កាត់ការឆ្លងជំងឺកូវីដ-១៩ ។ ការចុះចែកម៉ាសជូនប្រជាពលរដ្ឋនេះដែរ គឺធ្វើឡើងក្រោយពីទទួលបានការណែនាំពីឯកឧត្ដម ឃួង ស្រេង អភិបាលរាជធានីភ្នំពេញ ដល់រដ្ឋបាលខណ្ឌទាំងអស់ ត្រូវយកចិត្តទុកដាក់ និងប្រើប្រាស់គ្រប់យន្តការ ដើម្បីរួមគ្នាការពារ និងទប់ស្កាត់ជំងឺកូវីដ-១៩ ដោយចុះចែកម៉ាស់ និងផ្សព្វផ្សាយអំពីវិធានការការការពារ និងទប់ស្កាត់ជំងឺកូវីដ-១៩នៅតាមសហគមន៍។ ក្នុងឱកាសនេះ លោក ថេង សុថុល បានអំពាវនាវដល់ប្រជាពលរដ្ឋទាំងអស់ បន្តអនុវត្តន៍ឱ្យបានហ្មត់ចត់ តាមវិធានសុខាភិបាល និងការណែនាំរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា…

ក្រសួងសុខាភិបាល៖ បានរកឃើញអ្នកឆ្លងកូវីដ១៩ ថ្មីចំនួន៤នាក់បន្ថែមទៀត ដែលជាអ្នកពាក់ព័ន្ធនឹងព្រឹត្តិការណ៍ «សហគមន៍ ២៨វិច្ឆិកា»។ អ្នកវិជ្ជមានវីរុសកូវីដ-១៩ថ្មី ទាំង៤នាក់នោះរួមមាន៖ ១-បុរសជនជាតិខ្មែរអាយុ ៣៩ឆ្នាំ មានអាសយដ្ឋានស្នាក់នៅបូរី លឹម ឈាងហាក់ សង្កាត់វាលស្បូវខណ្ឌ ច្បារអំពៅ រាជធានីភ្នំពេញ ជាបុគ្គលិកនៅហាងលក់កុំព្យូទ័រ ឈ្មោះ ឌីម កុំព្យូទ័រ ផ្លូវព្រះសីហនុ រាជធានីភ្នំពេញ ដែលត្រូវជាបងថ្លៃជីដូនមួយរបស់បុរសអាយុ ២៣ឆ្នាំ ដែលបានរកឃើញមានវីរុសកូវីដ-១៩ នៅថ្ងៃទី២ធ្នូ ឆ្នាំ២០២០ កំពុងតែសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ២- ស្ត្រីជនជាតិខ្មែរអាយុ ៣២ឆ្នាំ ជាភរិយាបុរសអាយុ៣៩ឆ្នាំខាងលើ មានអាសយដ្ឋានស្នាក់នៅ បូរី លឹម ឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដែលត្រូវជាបងប្អូនជីដូនមួយ បុរសអាយុ ២៣ឆ្នាំ ដែលបានរកឃើញវីរុសកូវីដ-១៩ នៅថ្ងៃទី០២ ខែធ្នូ ឆ្នាំ២០២០។ ៣- កុមារាជនជាតិខ្មែរអាយុ ០៣ឆ្នាំ ត្រូវជាកូនប្រុស បុរសអាយុ ៣៩ឆ្នាំ និងស្ត្រីអាយុ៣២ឆ្នាំ ខាងលើ មានអាសយដ្ឋានស្នាក់នៅបូរី…