យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី៣ធ្នូនេះ គេបានរកឃើញករណីវិជ្ចមានវីរុសកូវីដ-១៩លើមនុស្ស២នាក់។ ក្នុងចំណោមនោះមានស្ត្រីខ្មែរម្នាក់អាយុ២១ឆ្នាំ មានអាសយដ្ឋាននៅសង្កាត់វាលស្បូវ រាជធានីភ្នំពេញ ខណ្ឌច្បារអំពៅ រាជធានីភ្នំពេញ ត្រូវ ជាបុគ្គលិកធនាគារកាធេយូណាយធីត រាជធានីភ្នំពេញ។ ក្រសួងសុខាភិបាលបានបញ្ជាក់ថា ដោយទទួលបានការអនុញ្ញាតពីសម្ដេចតេជោហ៊ុន សែន នាយករដ្ឋមន្ត្រី និងដោយសារធនាគារកាធេយូណាយធីត នៅផ្លូវសម្ដេចប៉ាន ខណ្ឌដូនពេញ រាជធានីភ្នំពេញ មាបុគ្គលិកច្រើនដែលកំពុងបម្រើការនៅទីនោះ ក្រសួងបានផ្អាកដំណើរការធនាគារកាធេ ជាបណ្ដោះអាសន្ន ក្នុងរយៈពេល១៤ថ្ងៃ ដោយគិតចាប់ពីថ្ងៃទី៣ធ្នូឆ្នាំ២០២០តទៅ ដើម្បីឲ្យក្រុមការងារក្រសួងសុខាភិបាល ចុះយកវត្ថុសំណាកបុគ្គលិកទាំងអស់ និងតម្រូវឲ្យបុគ្គលិកទាំងអស់ ត្រូវធ្វើចត្តាឡីស័ករយៈពេល១៤ថ្ងៃ៕ដោយ៖ កឹម ទៀង

ក្រសួងសុខាភិបាល៖ យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅព្រឹកថ្ងៃទី៣ធ្នូនេះ បានឲ្យដឹងថា នៅថ្ងៃទី២ធ្នូឆ្នាំ២០២០ មានករណីវិជ្ជមានវីរុសកូវីដ-១៩ថ្មីចំនួន២នាក់ និងមិនមានករណីជាសះស្បើយឡើយ។ អ្នកឆ្លងថ្មីទាំងពីរនាក់នោះ គឺទីមួយស្ត្រីខ្មែរអាយុ២៣ឆ្នាំ មានអសយដ្ឋាននៅសង្កាត់វាលស្បូវ រាជធានីភ្នំពេញ ខណ្ឌច្បារអំពៅ រាជធានីភ្នំពេញ មានស្វាមីជាអនុប្រធាននាយកដ្ឋានពន្ធនាគារនៃក្រសួងមហាផ្ទៃ ដែលវិជ្ជមានវីរុសកូវីដ-១៩ និងម្នាក់ទៀត ជាស្ត្រីខ្មែរអាយុ២១ឆ្នាំ នអសយដ្ឋាននៅសង្កាត់វាលស្បូវ រាជធានីភ្នំពេញ ខណ្ឌច្បារអំពៅ រាជធានីភ្នំពេញ ត្រូវជាប្អូនបង្កើតរបស់ស្ត្រីខាងលើ ហើយនាងជាបុគ្គលិកធនាគារកាធេយូណាយធីត រាជធានីភ្នំពេញ។ លទ្ធផលលើវត្ថុសំណាករបស់ស្ត្រីទាំង២នាក់ ផ្ដល់ដោយវិទ្យាស្ថានប៉ាសស្ទ័រកម្ពុជា រាជធានីភ្នំពេញ គឺវិជ្ជមានវីរុសកូវីដ-១៩ ហើយពួកគេត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។ យោងតាមរបាយការណ៍របស់ក្រសួងសុខាភិបាល គិតមកដល់ព្រឹកថ្ងៃទី៣ធ្នូឆ្នាំ២០២០ កម្ពុជាមានអ្នកឆ្លងជំងឺកូវីដ-១៩សរុប៣៣១នាក់ ក្នុងនោះបានព្យាបាលជាសះស្បើយចំនួន៣០៤នាក់ និងនៅសល់២៧នាក់កំពុងសម្រាកព្យាបាលនៅមន្ទីរពេទ្យ៕

ក្រសួងសុខាភិបាល៖​ យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃទី២ធ្នូនេះ បានឲ្យដឹងថា គេបានរកឃើញករណីវិជ្ជមានវីរុសកូវីដ-១៩ ចំនួន៣នាក់ទៀត ប៉ុន្តែជាអ្នកដំណើរមកពីក្រៅប្រទេស ដោយមិនពាក់ព័ន្ធនឹងព្រឹត្តិការណ៍សហគមន៍ថ្ងៃទី២៨វិច្ឆិកាឡើយ និងមិនមានករណីជាសះស្បើយនោះទេ នៅថ្ងៃទី១ធ្នូឆ្នាំ២០២០។ អ្នកឆ្លងថ្មីទាំង៣នាក់នោះ មានបុរសជនជាតិខ្មែរអាយុ២៦ឆ្នាំ មានអសយដ្ឋាននៅស្រុក ដងទង់ខេត្តកំពត និងម្នាក់ទៀតជាបុរសជនជាតិខ្មែរ អាយុ៤៦ឆ្នាំ មានអសយដ្ឋាននៅខេត្តកណ្ដាល។ អ្នកទាំង២ ជាអ្នកដំណើរមកពីប្រទេសជប៉ុន បានបន្តជើងហោះហើរនៅប្រទេសកូរ៉េខាងត្បូង និងបានមកដល់ប្រទេសកម្ពុជានៅថ្ងៃទី១៨វិច្ឆិកាឆ្នាំ២០២០។ ពួកគេទាំងពីនាក់ពេលធ្វើតេស្តលើកទី១អវិជ្ជមានវីរុសកូវីដ-១៩ ប៉ុន្តែលទ្ធផលតេស្ដលើកទី២នៅថ្ងៃទី១៣នៃការធ្វើចត្តាឡីស័ករបស់ពួកគេ គឺទទួលបានវិជ្ជមានវីរុសកូវីដ-១៩ ដែលផ្ដល់ដោយវិទ្យាស្ថានប៉ាស្ទ័រកម្ពុជា។ ពួកគេត្រូវបាដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។ ចំណែកអ្នកឆ្លងថ្មីម្នាក់ទៀត គឺស្ត្រីជនជាតិខ្មែរអាយុ៣៥ឆ្នាំ មានអសយដ្ឋាននៅស្រុកទឹកឈូ ខេត្តកំពត ជាអ្នកដំណើរមកពីប្រទេសចិន មកដល់ប្រទេសកម្ពុជានៅថ្ងៃ១៨វិច្ឆិកាឆ្នាំ២០២០ ដែលលទ្ធផលធ្វើតេស្តវត្ថុសំណាកលើកទី២ថ្ងៃទី១៣នៃការធ្វើចត្តាឡីស័ករបស់គាត់ គឺទទួលបានវិជ្ជមានវីរុសកូវីដ-១៩ ដែលផ្ដល់ដោយវិទ្យាស្ថានប៉ាស្ទ័រកម្ពុជា។ ស្ត្រីនោះ ត្រូវបានដាក់ឲ្យសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ។ គិតត្រឹមព្រឹកថ្ងៃទី២ធ្នូឆ្នាំ២០២០ កម្ពុជាមានអ្នកឆ្លងជំងឺកូវីដ-១៩សរុបចំនួន៣២៩នាក់ ក្នុងនោះបានជាសះស្បើយចំនួន៣០៤នាក់ និងនៅសល់២៥នាក់កំពុងសម្រាកព្យាបាលនៅមន្ទីរពេទ្យ៕ ដោយ៖ កឹម ទៀង

សៀមរាប៖ អ្នកពាក់ព័ន្ធដោយប្រយោល និងជិតស្និត ស្ថិតក្នុងព្រឹត្ដិការណ៍សហគមន៍២៨វិច្ឆិកា ដែលមានមនុស្សជិត៤០០នាក់ ត្រូវបានយកសំណាកធ្វើតេស្ដរកមេរោគកូវីដ-១៩ នៅក្នុងមណ្ឌលចត្ដាឡីសក្ដិខេត្ដសៀមរាប។ លោក ពិន ប្រាកដ អភិបាលរងខេត្ដសៀមរាប ទទួលបន្ទុកវិស័យសុខាភិបាល បានអោយដឹងនៅថ្ងៃទី០១ ខែធ្នូឆ្នាំ២០២០នេះថា ចាប់ពីថ្ងៃទី២៩ ខែវិច្ឆិកា ដល់ថ្ងៃទី០១ ខែធ្ន ឆ្នាំ២០២០នេះ មានប្រជាពលរដ្ឋចំនួនជិត៤០០នាក់ បានចូលរួមយកសំណាកធ្វើតេសរកមេរោគកូវីដ-១៩ នៅក្នុងមណ្ឌលចត្ដាឡីសក្ដិសាលាអនុវត្ដគរុកោសល្យ និងវិក្រិតិការខេត្ដ ដែលក្នុងនោះ ក៏មានអ្នកពាក់ព័ន្ធនៃព្រឹត្ដិការណ៍សហគមន៍២៨វិច្ឆិកាផងដែរ ។ លោកបានបន្ដថា មន្ដ្រីជំនាញសុខាភិបាលបានប្រមូលយកសំណាកអ្នកពាក់ព័ន្ធរួមមានប្រជាពលរដ្ឋក្នុងខេត្ត, នៅក្នុងមន្ទីរឃុំឃាំង(ពន្ធធនាគារ)ខេត្ដសៀមរាប និងនៅតំបន់ពាក់ព័ន្ធក្នុងបុរីសៀងណាំផងដែរ។ លោកបានបន្ដថា ក្រោយយកសំណាកធ្វើតេស្ដចំនួនជិត៤០០នាក់នោះ មានចំនួន១៩២នាក់អវិជ្ជមាន ដែលបានធ្វើតេសនៅថ្ងៃទី២៩ខែវិច្ឆិកា ។ លោកបានបន្ដថា មនុស្សដែលបានដាក់នៅក្នុងមណ្ឌលគរុកោសល្ស និងវិក្រិតិការខេត្ដសៀមរាបនេះ ត្រូវបានផ្ដល់អាហារឲ្យចំនួន៣ពេល និងមានប្រព័ន្ធអ៊ីធ័រណែតឲ្យប្រើដោយមិនគិតថ្លៃផងដែរ។ លោក ពិន ប្រាកដ ក៏បាន អំពាវដល់ប្រជាពលរដ្ឋកុំឲ្យមានការបំផុសព័ត៌មាន ដែលមិនពិត តាមបណ្ដាញសង្គម ពាក់ព័ន្ធនឹងការឆ្លងមេរោគកូវីដ១៩នេះផងដែរ ដើម្បីកុំឲ្យមានការភ័នច្រឡំ។ បើតាមមន្ដ្រីនៃមន្ទីរសុខាភិបាលខេត្ដសៀមរាប បានឲ្យដឹងថា ចាប់ពីក្រោយសហគមន៍ថ្ងៃព្រឹត្ដិការណ៍២៨វិច្ឆកា មកដល់ម៉ោង៣រសៀលលថ្ងៃទី០១ខែធ្នូឆ្នាំ២២០២០នេះ អ្នកពាក់ព័ន្ធដោយផ្ទាល់ និងប្រយោល…