ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញនិងមន្ដ្រីក្រោមឱវាទ រួមជាមួយឯកឧត្តមឧត្តមសេនីយ៍ឯក ស ថេត អគ្គស្នងការរង និងស្នងការនគរបាលរាជធានីភ្នំពេញ នៅព្រឹកថ្ងៃទី១៣ ខែវិច្ឆិកា ឆ្នាំ២០២០នេះ ដឹកនាំមន្រ្តី និងសមត្ថកិច្ច បន្តចុះចែកម៉ាស ដែលជា អំណោយរបស់សម្ដេចតេជោ ហ៊ុន សែន នានាយក រដ្ឋមន្ដ្រី នៃកម្ពុជា ជូនប្រជាពលរដ្ឋទូទៅ នៅតាមទីសាធារណៈ តំបន់ស្ដុបផ្សារដើមគរ ដើម្បីចូលរួមបង្ការ និងទប់ស្កាត់ការឆ្លងជំងឺកូវីដ-១៩។ ក្រៅពីការដឹកនាំមន្ដ្រីចុះចែកម៉ាសដោយផ្ទាល់ នៅតាមគោលដៅអនុវត្តច្បាប់ចរាចរណ៍ហើយនោះ ឯឧអភិបាលរាជធានីភ្នំពេញ ក៏បានបែកចែកឲ្យ អាជ្ញាធរខណ្ឌ ព្រមទាំងមន្រ្តីពាក់ព័ន្ធ បន្ដធ្វើពិធី ចុះចែកម៉ាសនៅតាមទីសាធារណៈក្នុងរាជធានីភ្នំពេញ ជារៀងរាល់ថ្ងៃផង ។ នៅក្នុងឱកាសនោះ ឯកឧត្តម ឃួង ស្រេង ក៏បានណែនាំ និងក្រើនរំលឹកឲ្យប្រជាពលរដ្ឋអំពីការ ឆ្លង នៃជំងឺកូវីដ-១៩ផងដែរ ដោយត្រូវឲ្យប្រជាពលរដ្ឋធ្វើអនាម័យជាប្រចាំ តាមរយៈការឧស្សាហ៍លាងដៃជា មួយទឹកអាល់កុល ឬជែល និងពាក់នៅទីកន្លែងដែលចាំបាច់ ព្រមទាំងរក្សាគម្លាតសុវត្ថិភាព ផងដែរ។ ថ្ងៃនេះជាថ្ងៃទី២ ដែលស្នងការដ្ឋាននគរបាលរាជធានីភ្នំពេញ…

ក្រសួងសុខាភិបាល៖ យោងតាមក្រសួងសុខាភិបាលនៅថ្ងៃ១៣ វិច្ឆិកានេះ បានឲ្យដឹងថា នៅថ្ងៃទី១២វិច្ឆិកាឆ្នាំ២០២០ ការធ្វើតេស្ដអ្នកពាក់ព័ន្ធក្នុងព្រឹត្តិការណ៍ថ្ងៃទី៣ វិច្ឆិកា មានចំនួនសរុប៥៦នាក់ ដោយទទួលបានលទ្ធផលអវិជ្ជមានវីរុសកូវីដ-១៩ទាំងអស់។ ក្រសួងសុខាភិបាលបានបន្តថា គិតចាប់ពីថ្ងៃសទី៤ ដល់ថ្ងៃទី១២វិច្ឆិកាឆ្នាំ២០២០ ការធ្វើតេស្ដអ្នកប៉ះពាល់ក្នុងព្រឹត្តិការណ៍ថ្ងៃទី៣វិច្ឆិកា មានចំនួនសរុប២ពាន់៥៥៣វត្ថុសំណាក ដោយរួមទាំងអ្នកធ្វើតេស្តលើកទី១មានចំនួន១ពាន់៧៣៤នាក់ និងលើកទី២ ចំនួន៨១៩នាក់ ដែលទទួលបានលទ្ធផលពីវិទ្យាស្ថានប៉ាស្ទ័រកម្ពុជា អ្នកវិជ្ជមានវីរុសកូវីដ-១៩ មានមនុស្សចំនួន៤នាក់ប៉ុណ្ណោះ គឺឯកឧត្តមសួស យ៉ារ៉ា ជាតំណាងរាស្ត្រ, លោក ស ចិត្រា នៅក្រសួងកសិកម្ម, ឯកអគ្គរដ្ឋទូតហុងគ្រីប្រចាំកម្ពុជា និងវៀតណាម និងម្នាក់ទៀតជាអង្គរក្សការពារផ្ទាល់ក្នុងព្រឹត្តិការថ្ងៃទី៣វិច្ឆិកានោះ ដែលរកឃើញវិជ្ជមានវីរុសកូវីដ-១៩។ អ្នកទាំង៤នាក់ ត្រូវដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ក្រសួងសុខាភិបាលបានក្រៀនរំលឹកឲ្យអ្នកដែលពាក់ព័ន្ធក្នុងព្រឹត្តិការណ៍ថ្ងៃ៣វិច្ឆិកាទាំងអស់ដែលមានលទ្ធផលតេស្ដលើកទី១ និងលើកទី២អវិជ្ជមានវីរុសកូវីដ-១៩ ត្រូវបន្តធ្វើចត្តាឡីស័កចំនួន១៤ថ្ងៃនៅតាមគេហដ្ឋានឲ្យបានត្រឹមត្រូវ និងនៅសណ្ឋាគាររ៉េស៊ីដង់សុខាភ្នំពេញ តាមការណែនាំរបស់សម្ដេចតេជោហ៊ុន សែន នាយករដ្ឋមន្ត្រី និងរបស់ក្រសួងសុខាភិបាលឲ្យបបានហ្មត់ចត់ជាទីបំផុត ហើយកុំដើរចេញក្រៅផ្ទះ ឬពីសណ្ឋាគារ ក្នុងអំឡុងពបេលធ្វើចត្តាឡីស័កនោះឲ្យសោះ ដើម្បីទប់ស្កាត់ការចម្លងវីរុសដ៏កាចសាហាវនោះពីម្នាក់ទៅម្នាក់ និងចូលក្នុងសហគមន៍។ កម្ពុជាគិតមកដល់ព្រឹកថ្ងៃទី១៣ វិច្ឆិកាឆ្នាំ២០២០នេះ មានអ្នកឆ្លងជំងឺកូវីដ-១៩ សរុប៣០១នាក់ ក្នុងនោះបានជាសះស្បើយចំនួន២៨៩នាក់ និងនៅសល់១២នាក់កំពុងសម្រាកព្យាបាលនៅមន្ទីរពេទ្យ៕ដោយ កឹម ទៀង koem…

ក្រសួងសុខាភិបាល៖ យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃ១៣ វិច្ឆិកានេះ បានឲ្យដឹងថា នៅថ្ងៃ១២វិច្ឆិកា មានអ្នកជាសះស្បើយពីជំងឺកូវីដ-១៩ម្នាក់ ដែលនាំឲ្យអ្នកជំងឺ ដែលកំពុងសម្រាកព្យាបាលនៅមន្ទីរពេទ្យ នៅសល់តែ១២នាក់ប៉ុណ្ណោះ។ អ្នកជាសះស្បើយនោះ ជាស្ត្រីជនជាតិបារាំងអាយុ២៣ឆ្នាំ មានអសយដ្ឋាននៅសណ្ឋាគារមួយក្នុងរាជធានីភ្នំពេញ។ គាត់បានធ្វើដំណើរមកពីប្រទេសបារាំង ដោយឆ្លងកាត់ប្រទេសសឹង្ហបុរី ហើយបានមកដល់ប្រទេសកម្ពុជានៅថ្ងៃ២៥តុលាឆ្នាំ២០២០។ ក្រសួងសុខាភិបាលបានបញ្ជាក់ថា ការជាសះស្បើយរបស់ស្ដ្រីជនជាតិ បារាំងនោះ តាមារយៈការទទួលបានាលទ្ធផលនៃតេស្តអវិជ្ជមានចំនួន២ដង ហើយគាត់ត្រូវបានអនុញ្ញាតឲ្យចេញពីមន្ទីរពេទ្យមិត្តភាពខ្មែរ-សូវៀត។ កម្ពុជាគិតមកដល់ថ្ងៃ១៣វិច្ឆិកាឆ្នាំ២០២០មានអ្នកឆ្លងវីរុសកូវីដ-១៩សរុបចំនួន៣០១នាក់ ក្នុងនោះបានជាសះស្បើយចំនួន២៨៩នាក់ និងនៅសល់១២នាក់កំពុងសម្រាកព្យាបាលនៅមន្ទីរពេទ្យ៕ដោយ កឹម ទៀង koem Tieng

ភ្នំពេញ៖ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាលខណ្ឌដោយមានការចូលរួមពីអភិបាលរងខណ្ឌ នាយក-នាយករងរដ្ឋបាលខណ្ឌ ប្រធាន-អនុប្រធានការិយាល័យខណ្ឌ មន្ត្រីខណ្ឌ និងសង្កាត់ផ្សារដើមថ្កូវ ហើយដោយមានការចូលរួមពីលោក ចំរើន សុខលីម ប្រធានគណកម្មការផ្សារទួលទំពូងផងដែរនោះ បានចុះចែកម៉ាសរបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ជូនដល់ប្រជាពលរដ្ឋក្រីក្ររស់នៅក្នុងសហគមន៍រុងរឿង ក្នុងសង្កាត់ផ្សារដើមថ្កូវ និងចែកជូនដល់អាជីវករលក់ដូរនៅក្នុងផ្សារទួលទំពូង ដែលស្ថិតនៅក្នុងខណ្ឌចំការមន រាជធានីភ្នំពេញ នៅព្រឹកថ្ងៃទី១២ ខែវិច្ឆិកា ឆ្នាំ២០២០ ។ លោក ថេង សុថុល បានថ្លែងថា ការចុះចែកម៉ាសនេះ បានធ្វើឡើងបន្ទាប់ពីមានការបញ្ជាពីសម្ដេចតេជោ ហ៊ុន សែន ឲ្យក្រសួងសុខាភិបាលបញ្ចេញម៉ាស់ក្រណាត់ចំនួន ២លានម៉ាស ដើម្បីចែកជូនដល់ប្រជាពលរដ្ឋនៅក្នុងរាជធានីភ្នំពេញ ។ នេះគឺជាប្រភេទម៉ាសសាច់ ក្រណាត់ ដែលអាចបោកទឹកបាន និងប្រើប្រាស់បានយូរ ហើយការចែកជូននេះ ប្រជាពលរដ្ឋម្នាក់ ទទួលបានម៉ាស២ សំរាប់ពាក់ផ្លាស់ប្តូរ ។ នៅក្នុងឱកាសចុះចែកម៉ាសជូនប្រជាពលរដ្ឋក្រីក្រក្នុងសហគមន៍រុងរឿង នៃសង្កាត់ផ្សារដើមថ្កូវ លោកអភិបាលខណ្ឌ បានក្រើនរំលឹក និងអំពាវនាវដល់បងប្អូនប្រជាពលរដ្ឋទាំងអស់ បន្តការសម្អាតអនាម័យបរិស្ថាន ដែលខ្លួនរស់នៅ…

ភ្នំពេញ៖ ម៉ាសចំនួន៣ម៉ឺនបន្ទះ ដែលជាអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលបានផ្តល់ជូនតាមរយៈសាលារាជធានីភ្នំពេញ ត្រូវបានរដ្ឋបាលខណ្ឌច្បារអំពៅ ដឹកនាំដោយលោក ចេង មុនីរ៉ា អភិបាលខណ្ឌ យកទៅចែកជូនប្រជាពលរដ្ឋក្រីក្រ ដែលកំពុងរស់នៅតាមបណ្តាសហគមន៍នានាទូទាំងខណ្ឌ នៅព្រឹកថ្ងៃទី១២ ខែវិច្ឆិកា ឆ្នាំ២០២០ ។ លោក ចេង មុនីរ៉ា បានឱ្យដឹងថា៖ ម៉ាសចំនួន៣ម៉ឺនបន្ទះនេះ គឺជាចំនួនបឋម បើចែកប្រជាពលរដ្ឋក្នុងសហគមន៍ក្រីក្រមិនគ្រប់ទេ សាលារាជធានីភ្នំពេញ នឹងបន្តផ្តល់ជូនទៀត។ នេះគឺជាប្រភេទម៉ាសសាច់ក្រណាត់ ដែលអាចបោកទឹកបាន និងប្រើប្រាស់បានយូរ ហើយការចែកជូននេះ ប្រជាពលរដ្ឋម្នាក់ ទទួលបានម៉ាស២ សំរាប់ពាក់ផ្លាស់ប្តូរ។ លោកអភិលខណ្ឌ បានបន្តថា៖ ការផ្តល់ជូនម៉ាស់ដល់ប្រជាពលរដ្ឋក្រីក្រនាពេលកន្លងមក ក៍ដូចជាក្នុងពេលនេះ គឺជាការយកចិត្តទុកដាក់គិតគូរពីសុខទុក្ខ ប្រជាពលរដ្ឋ ជាពិសេស ប្រជាពលរដ្ឋក្រីក្រ ពីសម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា លើការទប់ស្កាត់មិនអោយឆ្លងមេរោគកូវីត១៩ មកលើប្រជាពលរដ្ឋកម្ពុជា។ ឆ្លៀតនៅក្នុងឱកាស ចែកជូនម៉ាស់នេះ, លោក ចេង មុនីរ៉ា ក៏បានណែនាំដល់ប្រជាពលរដ្ឋទាំងអស់…