ក្រសួងសុខាភិបាល៖ យោងតាមសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃ១១វិច្ឆិកានេះ បានឲ្យដឹងថា គេបានរកឃើញករណីវិជ្ជមានវីរុសកូវីដ-១៩ម្នាក់បន្ថែមទៀតនៅថ្ងៃទី១០វិច្ឆិកាឆ្នាំ២០២០ ដែលនាំឲ្យចំនួនអ្នកឆ្លងសរុបកើនដល់៣០១នាក់។ ករណីឆ្លងថ្មីនោះ គឺជាស្ត្រីជនជាតិអាមេរិកកាំង មានអាយុ៣៥ឆ្នាំ ស្នាក់នៅសណ្ឋាគារមួយក្នុងរាជធានូភ្នំពេញ។ ស្ត្រីនោះបានធ្វើដំណើរមកពីសហរដ្ឋអាមេរិក បានបន្តជើងហោះហើរនៅប្រទេសកូរ៉េខាងត្បូង និងបានមកដល់ប្រទេសកម្ពុជានៅថ្ងៃទី៤វិច្ឆិកាឆ្នាំ២០២០។ ការរកឃើញករណីវិជ្ជមាននោះ គឺខណៈដែលគេធ្វើតេស្ដវត្ថុសសំណាកលើទី២របស់ពួកគាត់ នៅថ្ងៃទី៧នៃរយៈពេលធ្វើចត្តាឡីស័ករបស់ពួកគេរយៈពេល១៤ថ្ងៃ។ ជាលទ្ធផលដែលផ្ដល់ដោយមន្ទីរពេទ្យមិត្តភាពខ្មែរ-សូវៀត បានបញ្ជាក់ថា ស្ត្រីនោះមានវិជ្ជមានវីរុសកូវីដ-១៩ ហើយពួកគេត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ។ ក្រសួងសុខាភិបាលបានបញ្ជាក់ថា តាមជើងយន្តហោះជាមួយស្ត្រីខាងលើមានអ្នកដំណើរសរុប៦៦នាក់ ពេលមកដល់កម្ពុជា បានធ្វើតេស្ដលើកទី១ ដោយទទួទលបានលទ្ធផលអវិជ្ជមានវីរុសកូវីដ-១៩។ ប៉ុន្តែនៅថ្ងៃទី១០វិច្ឆិកា ការធ្វើតេស្តលើកទី២ បានរកឃើញវិជ្ជមានវីរុសកកូវីដ-១៩លើស្ត្រីជនជាតិអាមេរិកកាំងនោះ។ រីឯអ្នកដំណើរចំនួន៦៥នាក់ផ្សេងទៀត ដែលលទ្ធផលអវិជ្ជមានវីរុសកូវីដ-១៩ ពេលធ្វើតេស្តលើកទី១ ត្រូវបានដាក់ឲ្យធ្វើចត្តាឡីស័កនៅសណ្ឋាគារ៥កន្លែងនៅរាជធានីភ្នំពេញ នៅវិទ្យាល័យពោធិ៍ចិនតុង១៦នាក់ និងនៅស្ថានទូតអាមេរិកនារាជធានីភ្នំពេញចំនួន៣នាក់។ កម្ពុជាគិតមកដល់ថ្ងៃ១១វិច្ឆិកាឆ្នាំ២០២០មានអ្នកឆ្លងវីរុសកូវីដ-១៩សរុបចំនួន៣០១នាក់ ក្នុងនោះបានជាសះស្បើយចំនួន២៨៨នាក់ និងនៅសល់១៣នាក់កំពុងសម្រាកព្យាបាលនៅមន្ទីរពេទ្យ៕

ក្រសួងសុខាភិបាល៖ រដ្ឋមន្ត្រីក្រសួងការបរទេស និងពាណិជ្ជកម្មហុងគ្រី បានបំពេញទស្សនកិច្ចនៅកម្ពុជានៅថ្ងៃទី៣ វិច្ឆិកាឆ្នាំ២០២០ ហើយលោកត្រូវបានប្រទេសថៃរកឃើញថា មានផ្ទុកវីរុសកូវីដ-១៩ នៅថ្ងៃសទី៤ វិច្ឆិកាឆ្នាំ២០២០ នៅពេលដែលលោកបន្តបំពេញទស្សនកិច្ចនៅប្រទេសថៃ។ ក្រសួងសុខាភិបាលនៅថ្ងៃទី១០ វិច្ឆិកានេះបានបញ្ជាក់ថា ការធ្វើតេស្ដអ្នកប៉ះពាល់ជាមួយលោករដ្ឋមន្ត្រីក្រសួងការបរទេស និងពាណិជ្ជកម្មហុងគ្រី នៅថ្ងៃទី៩វិច្ឆិកាឆ្នាំ២០២០ មានចំនួន១ពាន់១៦៦នាក់ ដែលរួមទាំងអ្នកធ្វើតេស្ដលើកទី១ និងអ្នកធ្វើតេស្ដលើកទី២ ដែលទទួលបានលទ្ធផលពីវិទ្យាស្ថានប៉ាស្ទ័រកម្ពុជាចំនួន១ពាន់១៤៣នាក់។ ក្នុងចំណោមនោះ អ្នកវិជ្ជមានវីរុសកូវីដ-១៩ មានចំនួន៣នាក់ គឺឯកឧត្តមសួស យ៉ារ៉ា ជាតំណាងរាស្ត្រ, លោក ស ចិត្រា នៅក្រសួងកសិកម្ម និងឯកអគ្គរដ្ឋទូតហុងគ្រីប្រចាំកម្ពុជា និងវៀតណាម។ អ្នកទាំង៣នាក់ ត្រូវដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ចំណែកអ្នកអវិជ្ជមានវីរុសកូវីដ-១៩ មានចំនួន១ពាន់១៤០នាក់។ ជាមួយគ្នានោះ ក្រសួងសុខាភិបាលបានបញ្ជាក់ថា នៅថ្ងៃ២៣នាក់ទៀត ដែលនឹងត្រូវវិភាគបន្តដោយវិទ្យាស្ថានប៉ាស្ទ័រកម្ពុជានៅថ្ងៃទី១០វិច្ឆិកាឆ្នាំ២០២០។ ក្រសួងសុខាភិបាលបានឲ្យដឹងថា បើគិតទាំងបុរសជាអង្គរក្សផ្ទាល់គណៈប្រតិភូហុងគ្រី ដែលរកឃើញថា វិជ្ជមានវីរុសកូវីដ-១៩ នៅថ្ងៃទី៧វិច្ឆិកាឆ្នាំ២០២០ ចំនួនសរុបអ្នកវិជ្ជមានក្នុងព្រឹត្តិការណ៍៣វិច្ឆិកា គឺមានចំនួន៤នាក់។ ក្រសួងសុខាភិបាលបានក្រៀនរំលឹកឲ្យអ្នកដែលប៉ះពាល់ក្នុងព្រឹត្តិការណ៍ថ្ងៃ៣វិច្ឆិកាទាំងអស់ដែលមានលទ្ធផលតេស្ដលើកទី១ និងលើកទី២អវិជ្ជមានវីរុសកូវីដ-១៩ ត្រូវបន្តធ្វើចត្តាឡីស័កចំនួន១៤ថ្ងៃនៅតាមគេហដ្ឋានឲ្យបានត្រឹមត្រូវ និងនៅសណ្ឋាគាររ៉េស៊ីដង់សុខាភ្នំពេញ តាមការណែនាំរបស់សម្ដេចតេជោហ៊ុន សែន នាយករដ្ឋមន្ត្រី និងរបស់ក្រសួងសុខាភិបាលឲ្យបបានហ្មត់ចត់ជាទីបំផុត ហើយកុំដើរចេញក្រៅផ្ទះ…