-
កម្ពុជានៅថ្ងៃនេះមិនមានអ្នកឆ្លងជំងឺកូវីដ-១៩ថ្មីនោះទេ
ក្រសួងសុខាភិបាល៖ ក្រសួងសុខាភិបាល បានបញ្ជាក់ថា នៅថ្ងៃទី៤វិច្ឆិកាឆ្នាំ២០២០នេះ មិនមានអ្នកឆ្លងថ្មីជំងឺកូវីដ-១៩ឡើយ ហើយក៏មិនមានអ្នកជាសះស្បើយថ្មីដែរ។ គិតមកដល់ថ្ងៃទី៤ច្ឆិកា ឆ្នាំ២០២០នេះ កម្ពុជាមានអ្នកឆ្លងជំងឺកូវីដ-១៩ចំនួន២៩២នាក់ ក្នុងចំណោមនោះបានជាសះស្បើយចំនួន២៨៣នាក់ និងនៅសល់៩នាក់កំពុងសម្រាកព្យាបាលនៅមន្ទីរពេទ្យ៕
-
អ្នកឆ្លង COVID-19 នៅទូទាំងពិភពលោកកើនឡើងជិត៤៨លាននាក់ ក្នុងនោះស្លាប់ជាង១លាន២១ម៉ឺននាក់ និងជាសះស្បើយជាង៣៤លាន៣៥ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៧លាន៨៤ម៉ឺន៤ពាន់៨១១ករណី ក្នុងនោះមានអ្នកជំងឺសរុបចំនួន១លាន២២ម៉ឺន២២៤នាក់ស្លាប់ និង ជាសះស្បើយឡើងវិញសរុបចំនួន៣៤លាន៣៥ម៉ឺន២ពាន់៧១១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៤ ខែវិច្ឆិកា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៦៩ម៉ឺន២ពាន់៥២៨នាក់ ស្លាប់ចំនួន២៣ម៉ឺន៨ពាន់៦៤១នាក់ និងជាសះស្បើយចំនួន៦លាន២៣ម៉ឺន៦ពាន់១៧០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន៣១ម៉ឺន២ពាន់៩៤៧នាក់ ស្លាប់ចំនួន១២ម៉ឺន៣ពាន់៦៥០នាក់ និងជាសះស្បើយ៧លាន៦៥ម៉ឺន៤ពាន់៧៥៧នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៥៦ម៉ឺន៧ពាន់១២៦នាក់ ស្លាប់១៦ម៉ឺន៥៤៨នាក់ និងជាសះស្បើយ៥លាន២ម៉ឺន៨ពាន់២១៦នាក់ ៕
-
ទូតសិង្ហបុរីចប់អាណត្តិ ថា កម្ពុជា គឺជាប្រទេសដែលមានសុវត្ថិភាពបំផុត សម្រាប់ការរស់នៅ ជៀសផុតពីការឆ្លងជំងឺកូវីដ១៩
ភ្នំពេញ៖ ក្នុងឱកាសចូលជួបសម្ដែងការគួរសម និងជម្រាបសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី០៣ ខែតុលា ឆ្នាំ២០២០ នៅវិមានសន្តិភាព ឯកឧត្តម ម៉ាយឃើល តាន ឯកអគ្គរដ្ឋទូតសិង្ហបុរី ចប់អាណត្តិការទូតនៅកម្ពុជា បានមានប្រសាសន៍ថា ក្នុងដំណាក់កាលបេសកកម្មកាទូតរបស់ឯកឧត្តមនៅកម្ពុជានេះ ឯកឧត្តម បានជួបនូវបញ្ហាកូវីដ និងបានឃើញផ្ទាល់នូវតំណាក់កាលដែលពិភពលោកទាំងមូលជាពិសេស កម្ពុជាផងដែរ កំពុងតែជួបប្រទះបញ្ហាកូវីដ១៩ ប៉ុន្តែទោះជាយ៉ាងណាក៏ដោយ ឯកឧត្តម បានជម្រាបជូនសម្ដេចតេជោ ថា កម្ពុជា គឺជាប្រទេសដែលមានសុវត្ថិភាពបំផុត សម្រាប់ការរស់នៅ ជៀសផុតពីការឆ្លងជំងឺកូវីដ-១៩ ។ ឯកឧត្តម អ៊ាងសុផល្លែត ជំនួយការសម្ដេចតេជោ បានប្រាប់អ្នកសារពត៌មាននៅក្រោយជំនួបឱ្យដឹងថា ឯកឧត្តម ម៉ាយឃើល តាន់ បានជម្រាបជូនសម្ដេចតេជោនាយករដ្ឋមន្ត្រីថា ក្នុងរយៈពេល ៤ឆ្នាំកន្លះនៅកម្ពុជា ឯកឧត្តមពិតជាមានមោទនភាពណាស់ដែលបានធ្វើការយ៉ាងស្និទ្ធិជាមួយនឹងប្រជាជន មិត្តភ័ក្រ មន្ត្រីរាជការ ថ្នាក់ដឹកនាំ ជាពិសេសបានទទួលការគាំទ្រក៏ដូចជាសហការយ៉ាងល្អពីរាជរដ្ឋាភិបាល ដែលនាំឱ្យបេសកកម្មកាទូតរបស់ឯកឧត្តមនៅកម្ពុជា បានទទួលជោគជ័យយ៉ាងត្រចះត្រចង់ នោះគឺនាំមកនូវទំហំពាណិជ្ជកម្មរវាងប្រទេសទាំងពីរ ក៏ដូចជា វិនិយោគ ទេសចរណ៍ និងការអភិវឌ្ឍធនធានមនុស្ស ឲ្យបានឡើងខ្ពស់មួយកម្រិតទៀត…
-
កម្ពុជានៅថ្ងៃនេះមិនមានអ្នកឆ្លងជំងឺកូវីដ-១៩ថ្មីនោះទេ
ក្រសួងសុខាភិបាលនៅថ្ងៃទី៣ច្ឆិកានេះ បានបញ្ជាក់ថា នៅថ្ងៃទី៣វិច្ឆិកាឆ្នាំ២០២០នេះ មិនមានអ្នកឆ្លងថ្មីជំងឺកូវីដ-១៩ឡើយ ហើយក៏មិនមានអ្នកជាសះស្បើយថ្មីដែរ។ គិតមកដល់ថ្ងៃទី៣វិច្ឆិកាឆ្នាំ២០២០នេះ កម្ពុជាមានអ្នកឆ្លងជំងឺកូវីដ-១៩ចំនួន២៩២នាក់ ក្នុងចំណោមនោះបានជាសះស្បើយចំនួន២៨៣នាក់ និងនៅសល់៩នាក់កំពុងសម្រាកព្យាបាលនៅមន្ទីរពេទ្យ៕
-
លោក ដូណាល់ ត្រាំ គំរាមបណ្តេញវេជ្ជបណ្ឌិត ហ្វូស៊ី ពីការងារ នៅក្រោយថ្ងៃបោះឆ្នោតសហរដ្ឋអាមេរិក
អាមេរិក៖ ប្រធានាធិបតីអាមេរិកលោក ដូណាល់ ត្រាំ បញ្ជាក់ថា លោកនឹងបណ្តេញវេជ្ជបណ្ឌិត អាន់តូនី ហ្វូស៊ី ពីការងារនៅក្រោយថ្ងៃបោះឆ្នោតអាមេរិក ចំពេលដែលលោកកាន់តែមានជម្លោះខ្លាំងឡើងជាមួយអ្នកឯកទេសជំងឺឆ្លងកំពូលរបស់អាមេរិករូបនេះ នេះបើតាមសារព័ត៌មាន AP នៅថ្ងៃទី០២ ខែវិច្ឆិកា ឆ្នាំ២០២០ ។ ថ្លែងទៅកាន់ក្រុមអ្នកគាំទ្រលោកក្នុងទីក្រុង Opa-locka ក្នុងរដ្ឋ Florida នៅថ្ងៃចន្ទនេះ លោក ដូណាល់ ត្រាំ បានបង្ហាញពីអារម្មណ៍មិនសប្បាយចិត្តរបស់លោកដែលថា ករណីផ្ទុះឡើងនៃជំងឺកូវីដ១៩ ដែលនៅពេលនេះបានសម្លាប់ពលរដ្ឋអាមេរិកអស់ជាង២៣ម៉ឺន១ពាន់ហើយនោះ នៅតែជាព័ត៌មានដ៏សំខាន់នៅក្នុងប្រព័ន្ធផ្សព្វផ្សាយ ។ ក្រុមអ្នកគាំទ្រលោកនៅក្នុងពិធីនោះ ស្រែកបន្ទរនូវពាក្យថា «ដេញលោក ហ្វូស៊ី ចេញទៅ ។ លោក ត្រាំ បានឆ្លើយតបទៅអ្នកគាំទ្រលោកវិញថា កុំប្រាប់អ្នកដទៃ ទុកពេលឲ្យខ្ញុំបន្តិចរហូតដល់ក្រោយថ្ងៃបោះឆ្នោតសិន ហើយថា លោកអរគុណដល់អ្នកគាំទ្រលោកដែលបានផ្តល់យោបល់ឲ្យលោកធ្វើដូចនោះ ។ សូមបញ្ជាក់ថា លោកវេជ្ជបណ្ឌិត ហ្វូស៊ី ថ្មីៗនេះកាន់តែបានរិះគន់មិនសំចៃមាត់ដែលថា លោក ត្រាំ មិនបានស្តាប់យោបល់លោកទាក់ទងនឹងវិធីទប់ស្កាត់ជំងឺកូវីដ១៩ ដោយអ្នកជំនាញរូបនេះបញ្ជាក់ថា លោកមិនបាននិយាយជាមួយលោក ត្រាំ អស់រយៈពេលជាងមួយខែមកហើយ ៕
-
អ្នកឆ្លង COVID-19 នៅទូទាំងពិភពលោកកើនឡើងជាង៤៧លាននាក់ ក្នុងនោះស្លាប់ជាង១លាន២១ម៉ឺននាក់ និងជាសះស្បើយជាង៣៤លាន២ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៧លាន៣១ម៉ឺន៣ពាន់៤៨៨ករណី ក្នុងនោះមានអ្នកជម្ងឺសរុបចំនួន១លាន២១ម៉ឺន១ពាន់១៧នាក់ស្លាប់ និង ជាសះស្បើយឡើងវិញសរុបចំនួន៣៤លាន២ម៉ឺន៦ពាន់៧៩០នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៣ ខែវិច្ឆិកា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៥៦ម៉ឺន៧ពាន់៥៤៣នាក់ ស្លាប់ចំនួន២៣ម៉ឺន៦ពាន់៩៩៧នាក់ និងជាសះស្បើយចំនួន៦លាន១៧ម៉ឺន១ពាន់៤០២នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន២៦ម៉ឺន៦ពាន់៩១៤នាក់ ស្លាប់ចំនួន១២ម៉ឺន៣ពាន់១៣៩នាក់ និងជាសះស្បើយ៧លាន៦០ម៉ឺន១ពាន់៤២៩នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៥៥ម៉ឺន៤ពាន់២០៦នាក់ ស្លាប់១៦ម៉ឺន២៧២នាក់ និងជាសះស្បើយ៤លាន៩៨ម៉ឺន៩៤២នាក់ ៕
-
រដ្ឋមន្រ្តីអង់គ្លេសព្រមានថា អង់គ្លេសអាចនឹងត្រូវអូសបន្លាយពេលបិទខ្ទប់ប្រទេសបន្ថែមទៀត ដើម្បីទប់ស្កាត់ Covid-19
អង់គ្លេស៖ សមាជិកគណៈរដ្ឋមន្រ្តីជាន់ខ្ពស់មួយរូបរបស់អង់គ្លេស នៅថ្ងៃអាទិត្យនេះនិយាយថា ការបិទខ្ទប់ប្រទេសរយៈពេលមួយខែនៅចក្រភពអង់គ្លេស ដែលត្រូវបានប្រកាសដោយលោកនាយករដ្ឋមន្រ្តី បូរីស ចនសុន កាលពីចុងសប្តាហ៍មុននេះ អាចនឹងត្រូវអូសបន្លាយពេលបន្ថែមទៀត ខណៈអង់គ្លេសកំពុងជួបរលកទី២នៃការចម្លងជម្ងឺ Covid-19 នេះបើតាមសារព័ត៌មានរ៉យទ័រនៅថ្ងៃទី០២ ខែវិច្ឆិកា ឆ្នាំ២០២០ ។ បន្ទាប់ពីការប្រឆាំងនឹងការបិទខ្ទប់ប្រទេសជាថ្មីអស់រយៈពេលជាច្រើនខែកន្លងមកនេះ នាយករដ្ឋមន្រ្តីអង់គ្លេសលោក បូរីស ចនសុន ទើបតែបានប្រកាសកាលពីថ្ងៃសៅរ៍សប្តាហ៍មុនថា ការរឹតត្បិតថ្មីនៅទូទាំងប្រទេសអង់គ្លេស នឹងចាប់ផ្តើមអនុវត្ត គិតចាប់ពីពាក់កណ្តាលអធ្រាត្រថ្ងៃព្រហស្បតិ៍សប្តាហ៍នេះ ហើយបន្តរហូតដល់ថ្ងៃទី០២ ខែធ្នូ ឆ្នាំ២០២០ខាងមុខ ។ ការសម្រេចដាក់ចេញវិធានការបិទប្រទេសជាថ្មីម្តងទៀតបែបនេះ ធ្វើឡើងស្របពេលដែលចំនួនករណីឆ្លងសរុបនៃ COVID-19 នៅទូទាំងអង់គ្លេស បានកើនលើសពី១លាននាក់ ។ ដោយឡែក ដើម្បីឲ្យអ្វីៗវិលទៅរកសភាពដូចដើមវិញ ប្រទេសជាច្រើនដូចជាអង់គ្លេស ចិន រុស្ស៉ី និងសហរដ្ឋអាមេរិក កំពុងតែខិតខំប្រឹងប្រែងអភិវឌ្ឍវ៉ាក់សាំង COVID-19 ឲ្យបានជោគជ័យ ៕
-
អ្នកឆ្លង COVID-19 នៅទូទាំងពិភពលោកកើនឡើងជិត៤៧លាននាក់ ក្នុងនោះស្លាប់ជាង១លាន២០ម៉ឺននាក់ និងជាសះស្បើយជាង៣៣លាន៧សែននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៦លាន៨០ម៉ឺន៤ពាន់៧៤៥ករណី ក្នុងនោះមានអ្នកជម្ងឺសរុបចំនួន១លាន២០ម៉ឺន៥ពាន់៤៦នាក់ស្លាប់ និង ជាសះស្បើយឡើងវិញសរុបចំនួន៣៣លាន៧៤ម៉ឺន៩ពាន់២៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០២ ខែវិច្ឆិកា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៤៧ម៉ឺន៣ពាន់៩១១នាក់ ស្លាប់ចំនួន២៣ម៉ឺន៦ពាន់៤៧១នាក់ និងជាសះស្បើយចំនួន៦លាន១០ម៉ឺន៣ពាន់៦០៥នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន២២ម៉ឺន៩ពាន់៣២២នាក់ ស្លាប់ចំនួន១២ម៉ឺន២ពាន់៦៤២នាក់ និងជាសះស្បើយ៧លាន៥៤ម៉ឺន២ពាន់៩០៥នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៥៤ម៉ឺន៥ពាន់៧០៥នាក់ ស្លាប់១៦ម៉ឺន១០៤នាក់ និងជាសះស្បើយ៤លាន៩៨ម៉ឺន៩៤២នាក់ ៕
-
អ្នកឆ្លង COVID-19 នៅទូទាំងពិភពលោកកើនឡើងជិត៤៦លាននាក់ ក្នុងនោះស្លាប់ជាង១លាន១៩ម៉ឺននាក់ និងជាសះស្បើយជាង៣៣លាន២សែននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៤៥លាន៩០ម៉ឺន៦០២ករណី ក្នុងនោះមានអ្នកជម្ងឺសរុបចំនួន១លាន១៩ម៉ឺន៣ពាន់៧៦៣នាក់ស្លាប់ និង ជាសះស្បើយឡើងវិញសរុបចំនួន៣៣លាន២៤ម៉ឺន៩ពាន់៨០៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី៣១ ខែតុលា ឆ្នាំ២០២០ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៩លាន៣១ម៉ឺន៦ពាន់២៩៧នាក់ ស្លាប់ចំនួន២៣ម៉ឺន៥ពាន់១៥៩នាក់ និងជាសះស្បើយចំនួន៦លាន២ម៉ឺន៤ពាន់៥១២នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៨លាន១៣ម៉ឺន៦ពាន់១៦៦នាក់ ស្លាប់ចំនួន១២ម៉ឺន១ពាន់៦៨១នាក់ និងជាសះស្បើយ៧លាន៤៣ម៉ឺន៩១១នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន ៥លាន៥១ម៉ឺន៩ពាន់៥២៨នាក់ ស្លាប់១៥ម៉ឺន៩ពាន់៥៦២នាក់ និងជាសះស្បើយ៤លាន៩៦ម៉ឺន៦ពាន់២៦៤នាក់ ៕
-
សហរដ្ឋអាមេរិកបំបែកកំណត់ត្រាថ្មី ក្រោយទើបរកឃើញអ្នកឆ្លង Covid-19 ច្រើនជាង៩ម៉ឺននាក់លើកដំបូងក្នុងពេលមួយថ្ងៃ
អាមេរិក៖ សហរដ្ឋអាមេរិក នៅថ្ងៃព្រហស្បតិ៍នេះ បានកត់ត្រាពីចំនួនអ្នកឆ្លងជម្ងឺ Covid-19 ថ្មីៗរហូតដល់៩ម៉ឺននាក់លើកដំបូងក្នុងរយៈពេល២៤ម៉ោងប៉ុណ្ណោះ នេះបើតាមរបាយការណ៍សរុបរបស់សាកលវិទ្យាល័យ Johns Hopkins ចេញផ្សាយដោយសារព័ត៌មានរ៉យទ័រនៅថ្ងៃទី៣០ ខែតុលា ឆ្នាំ២០២០ ។ ប្រទេសមហាអំណាចពិភពលោកមួយនេះ បានមើលឃើញពីការកើនឡើងយ៉ាងគំហុកនៃករណីឆ្លងជម្ងឺ Covid-19 ចាប់តាំងពីពាក់កណ្តាលខែតុលាកន្លងមកនេះ តួយ៉ាងគិតត្រឹមម៉ោង៨និង៣០នាទីយប់ថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) អាជ្ញាធរសុខាភិបាលអាមេរិកបានរកឃើញអ្នកឆ្លងថ្មីៗរហូតដល់៩ម៉ឺន១ពាន់២៩៥នាក់ក្នុងពេលតែមួយថ្ងៃប៉ុណ្ណោះ ។ សូមបញ្ជាក់ថា នៅទូទាំងសហរដ្ឋអាមេរិកមានអ្នកឆ្លងជម្ងឺ Covid-19 សរុបកើនឡើងដល់៩លាន២១ម៉ឺន២ពាន់៧៦៧នាក់ ស្លាប់ចំនួន២៣ម៉ឺន៤ពាន់១៧៧នាក់ និងជាសះស្បើយចំនួន៥លាន៩៨ម៉ឺន៣ពាន់៣៤៥នាក់ នេះបើតាមគេហទំព័រអន្តរជាតិ Worldometers នៅថ្ងៃទី៣០ ខែតុលា ឆ្នាំ២០២០ ៕