រុស្ស៊ី៖ អង្គការសហប្រជាជាតិ និងអង្គការសុខភាពពិភពលោក WHO ព្រមទាំងបណ្តាប្រទេស G20 បានសម្រេចផ្តួចផ្តើមកម្មវិធីរយៈពេលវែងមួយ ដើម្បីប្រយុទ្ធប្រឆាំងនឹងការគំរាមកំហែងរបស់ជំងឺ COVID-19 ជាមួយនឹងថវិកាចំនួន៧.៥ពាន់លានដុល្លារអាម៉េរិក នេះបើតាមរដ្ឋមន្ត្រីការបរទេសរុស្ស៊ីលោក ស៊ីហ្គៃ ឡាវរ៉ូវ នៅថ្ងៃទី៣០ ខែមេសា ឆ្នាំ២០២០ ។ ទន្ទឹមគ្នា ប្រមុខការទូតរុស្ស៊ីរូបនេះបានបន្ថែមថា កម្មវិធីខាងលើនេះ បានបង្កើតឡើង និងមានការគាំទ្រពីសំណាក់សហភាពអឺរ៉ុប និងប្រទេសអារ៉ាប៊ីសាអ៊ូឌីតក្នុងនាមជាប្រធាន G20 ហើយវាត្រូវបានគេរំពឹងថា នឹងមានរយៈពេលជាងមួយឆ្នាំ ខណៈទឹកប្រាក់ចំនួន៧.៥ពាន់លានដុល្លារអាម៉េរិកត្រូវបានប្រកាស ។ លោក ស៊ីហ្គៃ ឡាវរ៉ូវ បានបញ្ជាក់ទៀតថា រុស្ស៊ីអំពាវនាវឲ្យមានការខិតខំប្រឹងប្រែងរួមគ្នា ដើម្បីធ្វើសង្គ្រាមប្រឆាំងនឹងមេរោគ COVID-19 ហើយថា ឥឡូវនេះពិភពលោកកំពុងផ្តើមបង្ហាញពីទំនោរពហុភាគីបែបនេះហើយ លើកលែងតែប្រទេសមួយចំនួនប៉ុណ្ណោះ ដែលកំពុងបិទទ្វារព្យាយាមដោះស្រាយវិបត្តិនេះតែឯង ៕

បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន៣លាន២១ម៉ឺន៩ពាន់៤២៤ករណី ក្នុងនោះមានអ្នកជម្ងឺសរុបចំនួន២២ម៉ឺន៨ពាន់១៩៧នាក់ស្លាប់ និង ជាសះស្បើយឡើងវិញសរុបចំនួន១លាន២៩៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometer នៅព្រឹកថ្ងៃទី៣០ ខែមេសា ឆ្នាំ២០២០ ។ បច្ចុប្បន្នជម្ងឺ COVID-19 ដែលត្រូវបានអង្គការសុខភាពពិភពលោក WHO ប្រកាសចាត់ទុកជា «ជំងឺរាតត្បាតជាសកល» នោះ បានវាយលុកចូលដល់ប្រទេស និង ដែនដីសរុបចំនួន២១០ហើយនៅទូទាំងសកលលោក ពោលគឺវាបានរីកសាយភាយពាសពេញទ្វីបទាំងអស់លើភពផែនដី លើកលែងតែទ្វីបទឹកកកអង់តាក់ទិកមួយប៉ុណ្ណោះ ។ ខាងក្រោមនេះជាឈ្មោះ និងលេខរៀងនៃបណ្តាប្រទេសដែលមានចំនួនអ្នកស្លាប់ និង ឆ្លងជម្ងឺ COVID-19 ច្រើនជាងគេ៖ ១-សហរដ្ឋអាម៉េរិក ចំនួនអ្នកឆ្លងកើនឡើងដល់១លាន៦ម៉ឺន៤ពាន់១៩៤នាក់ ក្នុងនោះមានអ្នកជម្ងឺសរុប៦ម៉ឺន១ពាន់៦៥៦នាក់ស្លាប់ និងអ្នកជាសះស្បើយឡើងវិញសរុប១៤ម៉ឺន៧ពាន់៤១១នាក់ ។ ២-អេស្ប៉ាញ ចំនួនអ្នកឆ្លងកើនឡើងដល់២៣ម៉ឺន៦ពាន់៨៩៩នាក់ ក្នុងនោះមានអ្នកជម្ងឺសរុប២ម៉ឺន៤ពាន់២៧៥នាក់ស្លាប់ និងអ្នកជាសះស្បើយឡើងវិញសរុប១៣ម៉ឺន២ពាន់៩២៩នាក់ ។ ៣-អ៊ីតាលី ចំនួនអ្នកឆ្លងកើនឡើងដល់២០ម៉ឺន៣ពាន់៥៩១នាក់ ក្នុងនោះមានអ្នកជម្ងឺសរុប២ម៉ឺន៧ពាន់៦៨២នាក់ស្លាប់ និងអ្នកជាសះស្បើយឡើងវិញសរុប៧ម៉ឺន១ពាន់២៥២នាក់ ។ …

វៀតណាម៖ បណ្តាទីតាំងទេសចរណ៍សំខាន់ៗក្នុងប្រទេសវៀតណាមបើកដំណើរការឡើងវិញហើយ បន្ទាប់ពីបិទដោយសារតែបញ្ហាជំងឺកូវីដ១៩។ គិតត្រឹមថ្ងៃទី២៩ មេសា ករណីកូវីដ១៩នៅប្រទេសវៀតណាមមានចំនួន២៧០នាក់ដដែល ក្រោយរកមិនឃើញប៉ុន្មានថ្ងៃជាប់ៗគ្នា ហើយក្នុងចំណោមនេះ ក៏មានអ្នកជំងឺ២២២នាក់បានជាសះស្បើយ ត្រូវបានអនុញ្ញាតឲ្យចាកចេញពីមន្ទីរពេទ្យ។ មកទល់ពេលនេះ វៀតណាមពុំទាន់មានករណីស្លាប់ដោយសារតែជំងឺកូវីដ១៩នៅឡើយទេ។ ទីភ្នាក់ងារសារព័ត៌មាន Vietnamnews បានចេញផ្សាយនៅថ្ងៃទី៣០ មេសានេះថា តំបន់ទេសចរក្នុងខេត្ត Thanh Hoa ស្ថិតនៅភាគកណ្តាលនៃប្រទេស ពេលនេះ អាចទៅទស្សនាកម្សាន្តនៅតាមគោលដៅទេសចរនានា ក្នុងខេត្តបានវិញហើយ ដោយបានបើកទ្វារឡើងវិញ ចាប់តាំងពីចុងសប្តាហ៍។ យ៉ាងណាក៏ដោយ ក្រុមទេសចរមិនត្រូវបានអនុញ្ញាតឲ្យនៅជួបជុំគ្នា លើសពីចំនួន១០នាក់ទេ ហើយត្រូវតែគោរពតាមវិធានការទប់ស្កាត់ជំងឺរាតត្បាត និងច្បាប់គម្លាតសង្គម។ ជាមួយគ្នាដែរ សាលារៀននៅទីក្រុងហូជីមីញ និង ហាណូយត្រូវបានរំពឹងថា នឹងបើកដំណើរការថ្នាក់រៀនឡើងវិញ ចាប់ពីថ្ងៃទី៤ ឧសភា ២០២០៕

សៀមរាប៖ នៅព្រឹកថ្ងៃទី២៩ ខែមេសា ឆ្នាំ២០២០នេះ គណៈកម្មការប្រយុទ្ធនឹងជំងឺកូវីដ-១៩ ខេត្ត នៃរដ្ឋបាលខេត្តសៀមរាប បើកកិច្ចប្រជុំមួយ ស្តីពីវឌ្ឍនភាពស្ថានភាពទូទៅ លើវិធានការការពារ ការបង្ការ ទប់ស្កាត់ នៃជំងឺកូវីដ-១៩ ក្រោមអធិបតីភាព លោក ពិន ប្រាកដ អភិបាលរងខេត្ត និងជាអនុប្រធានគណៈកម្មការ ដោយមានការចួលរួម ពីសំណាក់ឯកឧត្តម លោក លោកស្រី ជាសមាជិក សមាជិកា នៃគណៈកម្មការប្រយុទ្ធនឹងជំងឺកូវីដ-១៩ ខេត្តសៀមរាប ។ លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្តសៀមរាប បានឲ្យដឹងថា ស្ថានភាពជំងឺកូវីដ-១៩ នៅខេត្តសៀមរាប លទ្ធផលធ្វើតេស្តជនសង្ស័យរកជំងឺកូវីដ-១៩ បានចំនួន ២៩១ករណី មានស្រីចំនួន៩៦នាក់ ក្នុងនោះអវិជ្ជមានចំនួន ២៨៤នាក់ ស្រីមានចំនួន ៩៥នាក់ និងវិជ្ជមានចំនួន០៧ករណី ស្រីមានចំនួន០១នាក់ រួមមានជនជាតិខែ្មរចំនួន០៥នាក់ ស្រីមានចំនួន០១នាក់  និង ជនជាតិឥណ្ឌូនេស៊ីចំនួន ០២នាក់ ប៉ុន្តែមកទល់ពេលនេះ អុ្នកជំងឺកូវីដ-១៩ បានព្យាបាលជាសះស្បើយទំាងអស់ហើយ…

សហរដ្ឋអាម៉េរិក៖ ប្រធានាធិបតីអាម៉េរិកលោក ដូណាល់ ត្រាំ នៅថ្ងៃអង្គារ៍នេះ បានថ្លែងពីការព្យាករណ៍វិជ្ជមានមួយ ចំពោះការងើបឡើងវិញនៃសេដ្ឋកិច្ចក្នុងត្រីមាសទី៣ ដោយលោកនិយាយថា សហរដ្ឋអាម៉េរិកត្រៀមខ្លួនរួចរាល់ហើយ ដើម្បីបើកដំណើរការឡើងវិញ នេះបើតាមសារព័ត៌មាន CGTN នៅថ្ងៃ២៩ ខែមេសា ឆ្នាំ២០២០ ។ ថ្លែងក្នុងសន្និសីទកាសែតមួយនៅឯសេតវិមាន លោក ដូណាល់ ត្រាំ បានបញ្ជាក់យ៉ាងដូច្នេះថា នៅត្រីមាសទី៣ អ្វីៗនឹងប្រសើរឡើង ហើយប្រហែលជាកាន់តែប្រសើរឡើង បន្ទាប់មកនៅត្រីមាសទី៤ នឹងកាន់តែអស្ចារ្យ ហើយនៅឆ្នាំ២០២១ នឹងរឹតតែអស្ចារ្យណាស់ ។ ទន្ទឹមគ្នា លោក ដូណាល់ ត្រាំ ក៏បានព្រមានសាជាថ្មី អំពីគ្រោះថ្នាក់ដែលបណ្តាលមកពីការរាតត្បាតនៃមេរោគ COVID-19 នៅក្នុងសេចក្តីសង្ខេបស៊ើបការណ៍សម្ងាត់នៅក្នុងខែមករា និងខែកុម្ភៈខាងមុខនេះផងដែរ ។ សូមបញ្ជាក់ថា នៅទូទាំងសហរដ្ឋអាម៉េរិក ចំនួនអ្នកឆ្លងជម្ងឺ COVID-19 កើនឡើងដល់១លាន៣ម៉ឺន៥ពាន់៧៦៥នាក់ ក្នុងនោះមានអ្នកជម្ងឺសរុប៥ម៉ឺន៩ពាន់២៦៦នាក់ស្លាប់ និងអ្នកជាសះស្បើយឡើងវិញសរុប១៤ម៉ឺន២ពាន់២៣៨នាក់ នេះបើតាមគេហទំព័រអន្តរជាតិ Worldometer នៅព្រឹកថ្ងៃទី២៩ ខែមេសា ឆ្នាំ២០២០…

សហរដ្ឋអាម៉េរិក៖ អនុប្រធានាធិបតីអាម៉េរិកលោក ម៉ៃ ផែន ប្រឈមនឹងការរិះគន់នៅថ្ងៃអង្គារ៍នេះជុំវិញរឿងមិនពាក់ម៉ាស់ការពារ អំឡុងពេលចុះទស្សនៈកិច្ចទីតាំងគី្លនិក Mayo នៅរដ្ឋ មីនណេសូតា នេះបើតាមសារព័ត៌មាន CGTN នៅថ្ងៃទី២៩ ខែមេសា ឆ្នាំ២០២០ ។ ខ្សែអាតិ៍វីដេអូមួយបានបង្ហាញពីលោក ផែន បានជួបពិភាក្សាជាមួយបុគ្គលិកគ្លីនិក Mayo ម្នាក់ដែលជាសះស្បើយវិញពីជម្ងឺ COVID-19 ហើយអ្នកគ្រប់គ្នាសុទ្ធតែពាក់ម៉ាស់ការពារនៅក្នុងបន្ទប់អ្នកជម្ងឺ លើកលែងតែលោក ម៉ៃ ផែន ប៉ុណ្ណោះ ។ ជាមួយគ្នានេះ លោក ផែន ក៏មិនបានពាក់ម៉ាស់ការពារផងដែរ ខណៈទៅទស្សនៈកិច្ចបន្ទប់ពិសោធន៍មួយ ដែលជាទីតាំងធ្វើតេស្តរកមេរោគ COVID-19 បើទោះ បីជាគ្លីនិកនេះ បានតម្រូវឱ្យមនុស្សគ្រប់គ្នាពាក់ម៉ាស់ការពារក៏ដោយនោះ ៕

រុស្ស៊ី៖ ប្រធានាធិបតីរុស្ស៊ីលោក វ៉្លាឌីមៀ ពូទីន បានប្រកាសនៅថ្ងៃអង្គារ៍នេះថា អំឡុងពេលផ្អាកធ្វើការនៅទូទាំងប្រទេស នឹងបន្តអូសបន្លាយពេលបន្ថែមទៀត រហូតដល់ថ្ងៃទី១១ ខែឧសភា ខាងមុខ ដោយយោងទៅតាមការរាតត្បាតខ្លាំងនៃវីរុសCOVID-19 នេះបើតាមសារព័ត៌មានCGTNនៅថ្ងៃទី២៩ ខែមេសា ឆ្នាំ២០២០។ បន្ថែមលើនេះ លោក ពូទីន ថែមទាំងបានព្រមានដែរថា ប្រទេសរុស្ស៊ីនៅមិនទាន់ឈានដល់ចំនុចកំពូលនៃការឆ្លងរាលដាលមេរោគ COVID-19 នៅឡើយទេ ដោយលោកបានសង្កត់ធ្ងន់ថា ការរឹតត្បិតអាចនឹងត្រូវបានដកចេញមួយជំហានៗ ដែលនឹងចាប់ផ្តើមពីថ្ងៃទី១២ ខែឧសភា ខាងមុខនេះ ។ ប៉ុន្តែទន្ទឹមគ្នានេះ ក៏មានការលើកលែងលើសេវាកម្មសំខាន់ៗមួយចំនួនផងដែរ ក្នុងនោះរួមមាន៖ រដ្ឋាភិបាល ឱសថស្ថាន និងហាងលក់ទំនិញជាដើម នៅតែបន្តបើកដំណើរធម្មតា ។ សូមបញ្ជាក់ថា នៅទូទាំងប្រទេសរុស្ស៊ី ចំនួនអ្នកឆ្លងជម្ងឺ COVID-19 កើនឡើងដល់៩ម៉ឺន៣ពាន់៥៥៨នាក់ ក្នុងនោះមានអ្នកជម្ងឺសរុប៨៦៧នាក់ស្លាប់ និងអ្នកជាសះស្បើយឡើងវិញសរុប៨ពាន់៤៥៦នាក់ នេះបើតាមគេហទំព័រអន្តរជាតិ Worldometer នៅថ្ងៃទី២៩ ខែមេសា ឆ្នាំ២០២០ ៕

អាស៊ី៖ ប្រទេសចំនួន៨ លើកលែងវៀតណាម និងមីយ៉ាន់ម៉ា ក្នុងចំណោមប្រទេសអាស៊ានទាំង ១០ នឹងឃើញការធ្លាក់ចុះនូវផលិតផលក្នុងស្រុកសរុប GDP នៅក្នុងឆ្នាំ២០២០ នេះបើតាមទិន្នន័យដែលចងក្រងដោយក្រុមហ៊ុន Capital Economics ជាក្រុមហ៊ុនស្រាវជ្រាវម៉ាក្រូសេដ្ឋកិច្ចឯករាជ្យ និងត្រូវបានចុះផ្សាយដោយសារព័ត៌មាន Fidar-News នាពេលថ្មីៗ ។ ផលិតផលក្នុងស្រុកសរុប GDP របស់ប្រទេសសិង្ហបុរី បានធ្លាក់ចុះរួចទៅហើយ នៅត្រីមាសទី១នៃឆ្នាំនេះ ហើយប្រទេសថៃ ម៉ាឡេស៊ី និងហ្វីលីពីន នឹងឃើញមានការខាតបង់សេដ្ឋកិច្ចខ្លាំងបំផុតនៅឆ្នាំ ២០២០ នេះដូចគ្នាដែរ ។ ទិន្នន័យនេះបង្ហាញឲ្យឃើញពីការប្រែប្រួលយ៉ាងខ្លាំង នៃដំណើររីកចម្រើនរបស់ប្រទេសអាស៊ាន ដែលធ្លាប់មានសេដ្ឋកិច្ចរីកចម្រើនលឿនទាំងនេះ ដែលជាប្រទេសសំខាន់ចំពោះខ្សែសង្វាក់ផ្គត់ផ្គង់សាកលលោក ។ បើតាមការព្យាករណ៍របស់ក្រុមហ៊ុន Capital Economics ជាទូទៅ ផលិតផលក្នុងស្រុកសរុប GDP នឹងធ្លាក់ចុះប្រហែល១០ភាគរយនៅតំបន់អាស៊ីអាគ្នេយ៍នៅក្នុងឆ្នាំនេះ បើប្រៀបធៀបទៅនឹងការកើនឡើងជិត៥ភាគរយកាលពីឆ្នាំមុន ៕

សហរដ្ឋអាម៉េរិក៖ ក្រុមហ៊ុនស្ទង់មតិ Gallop មានមូលដ្ឋាននៅសហរដ្ឋអាម៉េរិកបានរកឃើញថា ៣០%នៃមនុស្សពេញវ័យនៅប្រទេសមហាអំណាចពិភពលោកនេះសរុប ២៥៦ លាននាក់ បានរាយការណ៍ថា ពួកគេបានបាត់បង់ការងារ ឬបានបាត់បង់ប្រាក់ចំណូល ដោយសារការរាតត្បាតនៃវីរុស COVID-19 នេះបើតាមសារព័ត៌មាន ABS-CBN News នាពេលថ្មីៗ ។ ១០ ភាគរយនៃពលរដ្ឋពេញវ័យនិយាយថា ពួកគេត្រូវបានគេបញ្ឈប់ពីការងារ ដោយ៨៥% នៃអ្នកទាំងនោះជឿថា ពួកគេនឹងទទួលបានការងាររបស់ពួកគេវិញ ហើយ ២៥% បានបាត់បង់ប្រាក់ចំណូលដោយត្រូវគេកាត់ម៉ោងធ្វើការ ។ ៤% នៃពលរដ្ឋដែលមានប្រាក់ចំណូលទាប បានបាត់បង់ការងារជាអចិន្ត្រៃយ៍ គឺច្រើនជាងចំនួន ២% ជាមធ្យមសម្រាប់មនុស្សពេញវ័យទាំងអស់ នេះបើតាមតួលេខរបស់ក្រុមហ៊ុនស្ទង់មតិ Gallop ។ សូមជម្រាបថា វិធានការបិទអាជីវកម្មនានារបស់សហរដ្ឋអាម៉េរិក បាននាំឲ្យមានពលរដ្ឋខ្លួន ២៦.៥លាន ដាក់ពាក្យសុំជំនួយរដ្ឋពេលបាត់បង់ការងារត្រឹមពាក់កណ្តាលខែមីនាមកនេះ ហើយរដ្ឋបាលលោក ដូណាល់ ត្រាំ បានព្យាករណ៍ថា អត្រាភាពអត់មានការងារធ្វើនឹងកើនឡើងដល់១៦ភាគរយ នៅខែមេសា ឆ្នាំ២០២០នេះ ៕ …