ថ្នាក់ដឹកនាំសាខាកាកបាទក្រហមកម្ពុជាខេត្តសៀមរាប អំពាវនាវឲ្យប្រជាពលរដ្ឋ មានការអត់ធ្មត់ចូលរួមទាំងអស់គ្នា ប្រយុទ្ធប្រឆាំងការឆ្លងរាលដាលនៃជម្ងឺឆ្លងកូវីដ-១៩ ជាសោកនាដកម្មដំបូងនៃការផ្ទុះជម្ងឺផ្លូវដង្ហើមថ្មី គឺជាមេរៀនសម្រាប់ពិភពលោក ព្រោះតែមិនបានប្រយ័ត្នក្នុងការធ្វើដំណើរ ដែលជាមូលហេតុនៃការចម្លងរីករាលដាល ។ ការអប់រំស្តីពីការបង្កាទប់ស្កាត់ ការឆ្លងរីករាលដាលនៃវារុសកូវីដ-១៩ ពីមនុស្សម្នាក់ទៅមនុស្សម្នាក់  ពីមនុស្សម្នាក់ចូលទៅកាន់គ្រួសាររបស់ខ្លួន និងពីគ្រួសារមួយរីកសាយភាយទៅក្នុងសហគមន៍ បានក្លាយជាប្រធានបទយ៉ាងសំខាន់បំផុត ត្រូវបានដាក់បញ្ជូលទៅក្នុងបេសកកម្មមនុស្សធម៌ នៃចលនាកាកបាទក្រហមកម្ពុជា ។ នៅព្រឹកថ្ងៃទី ១៣ ខែមេសា ឆ្នាំ២០២០ លោកជំទាវ ទាង អេង ទៀសីហា អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌មួយចំនួន ជូនដល់មជ្ឈមណ្ឌលកុមារកំព្រាខេត្ត ស្ថិតនៅភូមិជ័យ សង្កាត់ទឹកវិល ក្រុង-ខេត្តសៀមរាប ដែលមានកុមារកំព្រាចំនួន៣៧នាក់ កំពុងស្នាក់នៅក្នុងមជ្ឈមណ្ឌលនេះផងដែរ ។ ក្នុងនាមតំណាងឲ្យឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមខេត្ត  លោកជំទាវ ទាង អេង ទៀសីហា ក៏បាននំាមកនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេចប្រធានតែងបានគិតគូរខ្ពស់បំផុតដល់បងប្រជាពលរដ្ឋរងគ្រោះ …

ភ្នំពេញ៖ សប្បុរសជននានា ក្រុមហ៊ុនឯកជន និងក្រុមអ្នកសារព័ត៌មានផង នាល្ងាចថ្ងៃទី១៣ខែមេសា ២០២០នេះ បានប្រគល់អំណោយមួយចំនួនមករដ្ឋបាលរាជធានីភ្នំពេញ ដើម្បីចូលរួមចំណែកក្នុងការទប់ស្កាត់ប្រយុទ្ធប្រឆាំងនឹងជំងឺកូវីដ-១៩ ខណៈដែលជំងឺនេះបាន និងកំពុងរីករាលដាលនៅលើសកលលោក ដោយក្នុងនោះព្រះរាជាណាចក្រកម្ពុជាក៏បាននឹងកំពុងរីករាលដាលនៃជម្ងឺនេះដែលនោះ។ អំណោយ ដែលទទួលដោយ ឯកឧត្តម ឃួង ស្រេង  អភិបាលនៃគណៈអភិបាលរាជធានីភ្នំពេញនាល្ងាចថ្ងៃទី ១៣មេសានេះ រួមមាន៖ ជែលលាងដៃ សាប៊ូលាងដៃ និងនំស្រួយលីលីចំនួន ១០០កេសផងដែរ។ ឯកឧត្តម ឃួង ស្រេង ក្នុងឱកាសនោះក៏បានថ្លែងអំណរគុណយ៉ាងជ្រាលជ្រៅ ចំពោះសប្បុរសជនទាំងអស់ ពិសេសក្រុមហ៊ុននំស្រួយលីលីដែលបានជួយឧបត្ថម្ភ មករដ្ឋបាលរាជធានីភ្នំពេញ ក្នុងការប្រយុទ្ធប្រឆាំងនឹងជម្ងឺកូវីដ-១៩នេះ ។   ចំពោះអំណោយទាំងនេះ រដ្ឋបាលរាជធានីភ្នំពេញ និងប្រគល់បន្តទៅឱ្យ មជ្ឈមណ្ឌលគរថ្លង់ភ្នំពេញថ្មីនូវសាប៊ូដុំ ៥កេស និងនំស្រួយលីលី ចំនួន១០០កេស៕

ប៉ៃលិន៖ លោកជំទាវបណ្ឌិត បាន ស្រីមុំ ប្រធានគណ:កម្មាធិការសាខាកាកបាទក្រហមកម្ពុជាខេត្តប៉ៃលិន កាលពីថ្ងៃទី១២ ខែមេសា ឆ្នាំ២០២០ រួមនឹងក្រុមការងារ និងអាជ្ញាធរមូលដ្ឋានភូមិឃុំ បានបន្តចុះសួរសុខទុក្ខ និងផ្តល់អំណោយជាគ្រឿងឧបភោគបរិភោគដល់ប្រជាពលរដ្ឋ ចាស់ជរាមានជីវភាពខ្វះខាតក្នុងភូមិកោះកែវ ឃុំសាលាក្រៅ ស្រុកសាលាក្រៅ ខេត្តប៉ៃលិន ដើម្បីសម្រួលការលំបាកតាមសហគន៍ដែលរងផលប៉ះពាល់ពីវិបត្តិនៃការរីករាលដាលជំងឺកូវីដ១៩។ ក្នុងឱកាសនោះលោកជំទាវ បាននាំបណ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន នាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនចំពោះប្រជាពលរដ្ឋទាំងអស់ក្នុងខេត្តប៉ៃលិន ដោយជានិច្ចកាលសម្តេចតែងតែគិតគូរពីសុខទុក្ខ និងជីភាពរស់នៅរបស់ប្រជាពលរដ្ឋទាំងអស់នៅទូទាំងប្រទេស ដោយអំឡុងពេលនេះ រាជរដ្ឋាភិបាល បានយកចិត្តទុក្ខដាក់ខ្ពស់បំផុតចំពោះសុខាមាលភាពប្រជាពលរដ្ឋទូទាំងប្រទេស ដោយបានដាក់ចេញវិធាននានាជាច្រើន ដើម្បីប្រយុទ្ធប្រឆាំង បង្ការទប់ស្កាត់ការរីករាលដាលនៃជំងឺកូវីដ១៩ ធ្វើយ៉ាងណាកុំឱ្យជំងឺនេះ មានការរីករាលដាលដល់សហគមន៍។ ឆ្លៀតក្នុងឱកាសនោះដែរ លោកជំទាវ បានធ្វើការផ្សព្វផ្សាយអប់រំ ពីជំងឺឆ្លងកូវីដ១៩ ដែលជាជំងឺដ៏កាចសាហាវកំពុងរីករាលដាលជាសកលពាសពេញពិភពលោក ដោយលោកជំទាវអំពាវនាវឱ្យប្រជាពលរដ្ឋទាំងអស់ មានការប្រុងប្រយ័ត្នខ្ពស់ ការរស់នៅត្រូវមានអនាម័យ ស្តាប់ព័ត៌មានពិត និងការណែនាំរបស់ក្រសួងសុខាភិបាល និងចូលរួមអនុវត្តន៍វិធានការចាំបាច់នានារបស់រាជរដ្ឋាភិបាល ដោយបើគ្មានការចាំបាច់សូមស្នាក់នៅក្នុងផ្ទះ ហាមមានការជួបជុំប្រមូលផ្តុំគ្នា…

សហរដ្ឋអាម៉េរិក៖ លោកវេជ្ជបណ្ឌិត អាន់ថូនី ហ្វូស៊ី ដែលជាអ្នកជំនាញផ្នែកសុខភាពឈានមុខគេមួយរូបនៅសហរដ្ឋអាម៉េរិក ទទួលបន្ទុកកិច្ចការជម្ងឺ COVID-19 បានបញ្ជាក់ថា សហរដ្ឋអាម៉េរិកអាចជួយសង្គ្រោះអាយុជីវិតប្រជាជនបាន ប្រ សិនបើខ្លួនបានដាក់ចេញនូវវិធានការបញ្ឈប់ជម្ងឺរាតត្បាតសកលមួយនេះជាមុន នេះបើតាមសារព័ត៌មាន CGNT នៅថ្ងៃទី១៣ ខែមេសា ឆ្នាំ២០២០។ លោកវេជ្ជបណ្ឌិត អាន់ថូនី ហ្វូស៊ី បានប្រាប់ទូរទស្សន៍ CNN នៅថ្ងៃទី១២ ខែមេសានេះថា ប្រសិនបើយើងមានចំណាត់ការតាំងពីដើមទី បិទអ្វីៗទាំងអស់ វាប្រហែលជាមានភាពខុសគ្នាបន្តិចបន្តួច លោកថា ការធ្វើសេចក្តីសម្រេចចិត្តបែបនោះមានភាពស្មុគស្មាញ ។ យ៉ាងណាមិញ លោកវេជ្ជបណ្ឌិតក៏បានលើកឡើងដែរថា ផ្នែកខ្លះនៃសហរដ្ឋអាម៉េរិកអាចនឹងចាប់ផ្តើមវិលមករកសភាពដើមវិញ នៅដើមខែឧសភា ឆ្នាំ២០២០ខាងមុខនេះ។ សូមបញ្ជាក់ថា នៅទូទាំងសហរដ្ឋអាម៉េរិក ចំនួនសរុបនៃអ្នកឆ្លងជម្ងឺ COVID-19 កើនឡើងដល់៥៦ម៉ឺន៤៣៣នាក់ ក្នុងនោះមានអ្នកជម្ងឺសរុប២ម៉ឺន២ពាន់១១៥នាក់ស្លាប់ និងអ្នកជាសះស្បើយឡើងវិញសរុប៣ម៉ឺន២ពាន់៦៣៤នាក់ នេះបើតាមគេហទំព័រអន្តរជាតិ Worldometer នៅថ្ងៃទី១៣ ខែមេសា ឆ្នាំ២០២០៕

ឥណ្ឌា៖ នាយករដ្ឋមន្រ្តីឥណ្ឌាលោក ណារិនដ្រា ម៉ូឌី បានសម្រេចចិត្តពន្យាពេលបិទប្រទេសបន្ថែមទៀត រហូតដល់ចុងខែ មេសា ខាងមុខ ដើម្បីទប់ស្កាត់ការរីករាលដាលនៃជម្ងឺ COVID-19 នេះបើតាមសារព័ត៌មាន CGTN នៅថ្ងៃទី១៣ ខែមេសា ឆ្នាំ២០២០ ។ ការបិទប្រទេសឥណ្ឌារយៈពេល២១ថ្ងៃនាពេលបច្ចុប្បន្ននេះ នឹងត្រូវអស់សុពលភាពនៅថ្ងៃអង្គារ ទី១៤ ខែមេសា ខាងមុខ ប៉ុន្តែជាមួយនឹងចំនួនអ្នកស្លាប់កើនឡើងនោះ ប្រធានរដ្ឋជាច្រើនមកពីរដ្ឋ និងដែនដីចំនួន ២៩ របស់ប្រទេសឥណ្ឌាបាននឹងកំពុងដាក់សម្ពាធលើលោកនាយករដ្ឋមន្រ្តី ម៉ូឌី ដើម្បីបន្តការរឹតត្បិតចំពោះប្រជាជនចំនួន១.៣ពាន់លាននាក់។ សូមបញ្ជាក់ថា នៅទូទាំងប្រទេសឥណ្ឌា ចំនួនសរុបនៃអ្នកឆ្លងជម្ងឺ COVID-19 កើនឡើងដល់៩ពាន់២៤០នាក់ ក្នុងនោះមានអ្នកជម្ងឺសរុប៣៣១នាក់ស្លាប់ និងអ្នកជាសះស្បើយឡើងវិញសរុប១ពាន់៩៦នាក់ នេះបើតាមគេហទំព័រអន្តរជាតិ Worldometer នៅថ្ងៃទី១៣ ខែមេសា ឆ្នាំ២០២០៕

កូរ៉េខាងត្បូង៖ ប្រធានាធិបតីកូរ៉េខាងត្បូងលោក មូន ជែអ៊ីន បានណែនាំដល់ក្រុមសេដ្ឋកិច្ចរបស់លោក ឲ្យរៀបចំផែនការលើវិធានការពិសេស ឱ្យបានទាន់ពេលវេលា ដើម្បីការពារការងារនៅក្នុងវិស័យឯកជន នេះបើតាមសារព័ត៌មានយ៉ុនហាប់នៅថ្ងៃទី១៣ ខែមេសា ឆ្នាំ២០២០។ ការកត់សម្គាល់បែបនេះរបស់លោក មូន ជែអ៊ីន ត្រូវបានធ្វើឡើងចំពេលដែលកូរ៉េខាងត្បូងបានប្រកាសពីការរកឃើញករណីឆ្លងជម្ងឺ COVID-19 ត្រឹម២៥នាក់ថ្មីប៉ុណ្ណោះ ដែលជាអត្រាទាបថែមមួយកម្រិតទៀត ប៉ុន្តែក៏មានអ្នកជំងឺ០៣នាក់ថ្មីទៀតបានស្លាប់ផងដែរ នេះបើតាមសារព័ត៌មានស៊ីនហួរ នៅថ្ងៃទី១៣ ខែមេសា ឆ្នាំ២០២០ ។ បើគិតចាប់តាំងពីថ្ងៃទី០៣ ខែមករា មកនេះ កូរ៉េខាងត្បូងបានធ្វើតេស្តរកវីរុស COVID-19 លើមនុស្សលើសពី៥១ម៉ឺន៨ពាន់នាក់ ក្នុងនោះ៤៩ម៉ឺន៤ពាន់៨១៥នាក់ទទួលបានលទ្ធផល «អវិជ្ជមាន» ខណៈមនុស្ស១ម៉ឺន៣ពាន់៣៩១នាក់កំពុងបន្តស្ថិតក្រោមការពិនិត្យរកជម្ងឺផ្លូវដង្ហើមថ្មីនេះ ។ សូមជម្រាបថា នៅទូទាំងប្រទេសកូរ៉េខាងត្បូង ចំនួនសរុបនៃអ្នកឆ្លងជម្ងឺ COVID-19 កើនឡើងដល់១ម៉ឺន៥៣៧នាក់ ក្នុងនោះមានអ្នកជម្ងឺសរុប២១៧នាក់ស្លាប់ និងអ្នកជាសះស្បើយឡើងវិញសរុប៧ពាន់៤៤៧នាក់ នេះបើតាមគេហទំព័រអន្តរជាតិ Worldometer នៅថ្ងៃទី១៣ ខែមេសា ឆ្នាំ២០២០៕

កូរ៉េខាងត្បូង៖ បន្ទាប់ពីមេដឹកនាំកំពូលកូរ៉េខាងជើង លោក គីម ជុងអ៊ុន ដឹកនាំកិច្ចប្រជុំការិយាល័យនយោបាយនៃគណបក្សពលករ មួយថ្ងៃក្រោយមកសភាកូរ៉េខាងជើងបានបើកកិច្ចប្រជុំមួយផ្សេងទៀត ក្នុងគោលបំណងរឹតបន្តឹងការទប់ស្កាត់ជម្ងឺរាតត្បាតសកល COVID-19 នេះបើតាមសារព័ត៌មាន CGTN នៅថ្ងៃទី១៣ ខែមេសា ឆ្នាំ២០២០។ បើតាមប្រព័ន្ធផ្សព្វផ្សាយរដ្ឋកូរ៉េខាងជើង KCNA វិធានការប្រកាសភាពអាសន្នប្រឆាំងជម្ងឺ COVID-19 នឹងត្រូវបន្តអនុវត្តន៍ និង រឹតបន្តឹងកាន់តែខ្លាំង ដោយផ្ដោតជាសំខាន់លើអាយុជីវិត និងសុវត្ថិភាពប្រជាជនរបស់កូរ៉េខាងជើង។ សូមបញ្ជាក់ថា កូរ៉េខាងជើងបានធ្វើតេស្ដលើប្រជាជនប្រមាណ៧០០នាក់ និងបានដាក់មនុស្សច្រើនជាង៥០០នាក់ឱ្យនៅដាច់ដោយឡែកពីគេ ខណៈប្រទេសមួយនេះនៅពុំទាន់រាយការណ៍ពីករណីឆ្លង និងស្លាប់ដោយសារជម្ងឺ COVID-19 នៅឡើយទេ នេះបើតាមរបាយការណ៍របស់អង្គការសុខភាពពិភពលោក WHO៕

ថៃ៖ តួលេខសរុបនៃអ្នកឆ្លងជម្ងឺ COVID-19 នៅទូទាំងប្រទេសថៃកើនឡើងដល់២ពាន់៥៧៩ករណី ក្រោយទើបរកឃើញអ្នកឆ្លងចំនួន២៨ករណីទៀត និងស្លាប់២នាក់ នេះបើតាមសារព័ត៌មានរ៉យទ័រដកស្រង់ប្រភពពីអាជ្ញាធរសុខាភិបាលថៃ នៅថ្ងៃទី១៣ ខែមេសា ឆ្នាំ២០២០នេះ ។ ប្រភពដដែលបានអោយដឹងថា ក្នុងចំណោមករណីឆ្លងថ្មីខាងលើនេះ ភាគច្រើនត្រូវបានរាយការណ៍នៅក្នុងរដ្ឋធានីបាងកក ដោយ១៨ករណីជាប់ពាក់ព័ន្ធនឹងករណីឆ្លងមុនៗ ៧ករណីមិនមានជាប់ពាក់ព័ន្ធនឹងករណីចាស់ និង៣ករណីទៀតរកឃើញនៅលើពលរដ្ឋថៃ៣នាក់ធ្លាប់ធ្វើដំណើរទៅកាន់ខេត្ត ស៊ូឡាវ៉ីស៊ី ភាគខាងត្បូងប្រទេសឥណ្ឌូណេស៊ី ដើម្បីចូលរួមក្នុងពិធីសាសនាមួយកាលពីខែមីនាកន្លងទៅ ។ សូមជម្រាបថា នៅទូទាំងប្រទេសថៃ ចំនួនសរុបនៃអ្នកឆ្លងជម្ងឺ COVID-19 កើនឡើងដល់២ពាន់៥៧៩នាក់ ក្នុងនោះមានអ្នកជម្ងឺសរុប៤០នាក់ស្លាប់ និងអ្នកជាសះស្បើយឡើងវិញសរុប១ពាន់២៨៨នាក់ នេះបើតាមគេហទំព័រអន្តរជាតិ Worldometer នៅថ្ងៃទី១៣ ខែមេសា ឆ្នាំ២០២០ ៕

ស្វាយរៀង៖ ក្រុមគ្រូពេទ្យស្ម័គ្រចិត្ត ហ៊ុន ម៉ានី សាខាខេត្តស្វាយរៀងចំនួន ៣៨នាក់ ដឹកនាំដោយលោកវេជ្ជបណ្ឌឹត កែរ រដ្ឋា អនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត  និងជាប្រធានមន្ទីរសុខាភិបាលខេត្តស្វាយរៀង នៅរសៀលថ្ងៃទី១២ខែមេសាឆ្នាំ២០២០ដោយ សហការ ជាមួយ ក្រុម ប្រឹក្សា សង្កាត់ស្វាយរៀង និងមេភូមិព្រមទាំងមានការ ចូលរួមពីក្រុមយុវជន ស.ស.យ.ក ក្រុងស្វាយរៀង ៧នាក់បានចុះផ្សព្វផ្សាយអប់រអប់រំផ្តល់ ចំណេះដឹង ស្តីពីវិធានការការពារ  ទប់ស្កាត់ប្រយុទ្ធ ប្រឆាំង និងជម្ងឺ COVID-19 ចែកខិត្តប័ណ្ណ និងចែកម៉ាស់២៥០ដល់ ប្រជាពលរដ្ឋ នៅក្នុងភូមិស្វាយរៀង និងភូមិ កៀនសាំងនៅក្នុងសង្កាត់ស្វាយរៀង ក្រុងស្វាយរៀង ចំនួន១៨៥ខ្នងផ្ទះ។ លោកវេជ្ជបណ្ឌិត កែរ រដ្ឋា បានបញ្ជាក់ថា ជំងឺកូវីដ១៩ ជាជំងឺកាចសហាវ នាបច្ចុប្បន្នបង្កឲ្យមនុស្សគ្រប់ស្រទាប់ទទួលរងជំងឺ និងឈឺស្លាប់ បើគ្មានទទួលសេវាព្យាបាលទាន់ពេលវេលា ដូចនេះដើម្បីបញ្ជៀសជំងឺ បងប្អូនត្រូវឧស្សហ៍លាងដៃនឹងសាប៊ូ ឲ្យបានញឹកញាប់។ លើសពីនោះទៀត ពេលប្រាស្រ័យទំនាក់ទំនង ត្រូវពាក់ម៉ាស ឬក្រម៉ា បើគ្មានករណីចាំចាច់…

ភ្នំពេញ ៖ ដោយមានការណែនាំពីឯកឧត្តមស ថេត អគ្គស្នងការរងនិងជាស្នងការនគរ បាលរាជធានីភ្នំពេញ អធិកានគរបាល ខណ្ឌមានជ័យ លោកវរសេនីយ៍ទោ ម៉េង វិមានតារា មានការប្រុងប្រយ័ត្នខ្ពស់និងគិតគូពីសុខភាពអនាម័យដល់កងកម្លាំង នៃអធិការដ្ឋាននគរបាលខណ្ឌមានជ័យទាំងមូល មុនចូលបំរើការងារមានការត្រួតពិនិត្យ បានត្រឹមត្រូវ មិនត្រឹមតែប៉ុណ្តោះទេ កម្លាំង នគរបាលខណ្ឌបានបញ្ចេញកម្លាំង១០០% ។ ដើម្បីការពាររក្សាសន្តិសុខជូនប្រជាពលរដ្ឋក្នុងមូលដ្ឋានផងដែរ យើងសង្កេតឃើញថាកងកំលាំងទោះមានការនើយហត់ប្រថុយគ្រោះថ្នាក់យ៉ាងណា ក៏សុខចិត្តលះបង់ប្រពន្ធកូនចេញមកខាងក្រៅផ្ទះដើម្បីបំពេញភារ កិច្ចតួនាទីរបស់ខ្លួន លោកអធិការខណ្ឌមានជ័យ ក៏មានការសំណូមពរដល់បងប្អូន មានការយោគយល់ដល់កងកម្លាំងពេលអនុវត្តច្បាប់ ឬ ចុះណែនាំរាល់ការជួបជំគ្នារបស់ក្រសួងសុខាភិបាលដើម្បីទប់ស្កាត់ជំងឺកូវីដ១៩ ៕