ខេត្តកំពង់ធំ៖ អភិបាលខេត្តកំពង់ធំ លោក សុខ លូ បានមានប្រសាសន៍ក្រើនរំលឹកបែបនេះ នៅពេលដែលលោកបានអញ្ជើញទៅកាន់ សាលាបឋមសិក្សាអនុវត្តន៍ ហ៊ុន សែន អាចារ្យលាក់  និងវិទ្យាល័យកំពង់ធំ គឺជាទីកន្លែងដែលបានរៀបចំធ្វើជា មណ្ឌលចត្តាឡីស័ក ត្រួតពិនិត្យសុខភាព ជូនប្រជាពលរដ្ឋ ដែលសង្ស័យកើតជំងឺកូវីដ១៩ កាលពីថ្ងៃអាទិត្យទី១២មេសាឆ្នាំ២០២០។ ការអញ្ជើញចុះទៅកាន់ មណ្ឌលចត្តាឡីស័ក ត្រួតពិនិត្យសុខភាព ទាំងពីរទីតាំងរបស់ អភិបាលខេត្តកំពង់ធំ លោក សុខ លូ នាគ្រានោះ គឺដើម្បីពិនិត្យមើលលើការវិលត្រឡប់មកពីប្រទេសថៃ និងប្រទេសផ្សេងៗទៀត របស់ពលករ និងពលការនី ប្រមាណ ៥ពាន់នាក់ ដែលកំពុងវិលត្រឡប់ មកស្រុកកំណើតវិញ ជាបន្តបន្ទាប់។ លោក សុខ លូ បានមានប្រសាសន៍ថា ប្រជាពលករចំណាកស្រុក ដែលបានវិលត្រឡប់មកពីប្រទេសថៃ និងប្រទេសផ្សេងៗទៀត រហូតមកទល់ពេលនេះ គឺមានចំនួន ៤ពាន់ ៩៦៧នាក់ ហើយពលករទាំងអស់ មិនមានអ្នកផ្ទុកជំងឺកូវីដ១៩នោះទេ ក្រោយពីមន្ត្រីសុខាភិបាល បានធ្វើការពិនិត្យយ៉ាងយកចិត្តទុកដាក់ តាមបច្ចេកវិជ្ជាវេជ្ជសាស្ត្រនោះមក។ លោកបានក្រើនរំលឹក…

នេះបើតាមប្រសាសន៍ណែនាំរបស់សម្តេចសម្តេចក្រឡហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាអនុប្រធាន គណៈកម្មការជាតិ ប្រយុទ្ធនឹងជំងឺកូវីដ-១៩ ក្នុងឱកាសអញ្ជើញជាអធិបតីប្រគល់រថយន្ដ ជូនស្នងការដ្ឋាននគរបាលរាជធានី-ខេត្តទាំង និងសម្ភារការពារជំងឺកូវីដ-១៩ ជូនអគ្គនាយកដ្ឋាន ចំណុះក្រសួងមហាផ្ទៃ នៅទីថ្ងៃទី១៣ ខែមេសា ឆ្នាំ២០២០។ សម្តេចក្រឡហោម ស ខេងមានប្រសាស៍ថា ក្រសួងមហាផ្ទៃបានចាត់ទុកគោលនយោបាយ ភូមិ ឃុំ មានសុវត្ថិភាព ជាអទិភាពហើយដើម្បីធានាដល់ការអនុវត្តគោលនយោបាយ ភូមិឃុំមានសុវត្ថិភាព យើងត្រូវពង្រឹងយន្តការដើម្បីអនុវត្តន៍ ដោយត្រូវពង្រីកការចូលរួមឱ្យបានច្រើន ការគាំទ្រឱ្យកាន់តែច្រើនពីគ្រប់មជ្ឍដ្ឋាន ។ សម្តេចក្រឡាហោម មានប្រសាសន៍បន្តទៀតថា ចំពោះគោលនយោបាយភូមិឃុំមានសុវត្ថិភាពនេះដែរ អ្នកដែរដើរតួនាទីយ៉ាងសំខាន់នោះ គឺប៉ុស្តិ៍នគរបាល អធិការដ្ឋាននគរបាល ព្រោះផ្នែកនេះ នៅជាប់គៀក និងប្រជាពលរដ្ឋ ដូច្នេះយើងចាំបាច់ត្រូវរួមគ្នាលើកកម្ពស់សមត្ថិភាពបំពេញភារកិច្ចដល់មន្ត្រីទាំងនោះ។ ការលើកកម្ពស់នោះទៀតសោត គឺធ្វើឡើងតាមរយៈការធ្វើវិក្រិត្យការមួយឆ្នាំទៅ ពីរឆ្នាំម្តង ដើម្បីបង្កើនសមត្ថិភាពមួយដ៏សំខាន់។ជាងនេះក្រៅពីការបង្កើនសមត្ថិភាពតាមរយៈការធ្វើវិក្រិត្យការ យើងក៏នឹងត្រូវផ្តល់នូវសម្ភារផ្សេងៗដើម្បីបម្រើដល់ការងារចាំបាច់នៅតាមទីតាំងផ្ទាល់ សម្តេចបានលើកឡើងថា កាលពីពេលកន្លងទៅយើងបានប្រគល់បា្រក់ឧបត្ថម ទៅថ្នាក់ក្រុង ស្រុក ផ្ទាល់តែម្តងលើកទឹកចិត្ត…

បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១លាន៨៥ម៉ឺន២ពាន់៦៨៦ករណី ក្នុងនោះមានអ្នកជម្ងឺសរុបចំនួន១១ម៉ឺន៤ពាន់២១៤នាក់ និង ជាសះស្បើយឡើងវិញសរុបចំនួន៤២ម៉ឺន៣ពាន់៤៧៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometer គិតត្រឹមព្រឹកថ្ងៃទី១៣ ខែមេសា ឆ្នាំ២០២០ ។ រហូតមកទល់នឹងពេលនេះ ជម្ងឺ COVID-19 ដែលត្រូវបានអង្គការសុខភាពពិភពលោក WHO ប្រកាសចាត់ទុកជា «ជំងឺរាតត្បាតជាសកល» នោះ បានវាយលុកចូលដល់ប្រទេស និងដែនដីសរុបចំនួន២១០ហើយនៅទូទាំងសកលលោក ពោលគឺវាបានរីកសាយភាយពាសពេញទ្វីបទាំងអស់លើភពផែនដី លើកលែងតែទ្វីបទឹកកកអង់តាក់ទិកមួយប៉ុណ្ណោះ ។ ខាងក្រោមនេះជាឈ្មោះ និងលេខរៀងនៃបណ្តាប្រទេសដែលមានចំនួនអ្នកស្លាប់ និងឆ្លងជម្ងឺ COVID-19 ច្រើនជាងគេ ដែលបានដកស្រង់ការផ្សាយចេញពីគេហទំព័រអន្តរជាតិ worldmeter នៅព្រឹកថ្ងៃទី១៣ ខែមេសា ឆ្នាំ២០២០៖ ១-សហរដ្ឋអាម៉េរិក ចំនួនអ្នកឆ្លងកើនឡើងដល់៥៦ម៉ឺន៤២៥នាក់ ក្នុងនោះមានអ្នកជម្ងឺសរុប២ម៉ឺន២ពាន់១០៨នាក់ស្លាប់ និងអ្នកជាសះស្បើយឡើងវិញសរុប៣ម៉ឺន២ពាន់៦៣៤នាក់ ។២-អេស្ប៉ាញ ចំនួនអ្នកឆ្លងកើនឡើងដល់១៦ម៉ឺន៦ពាន់៨៣១នាក់ ក្នុងនោះមានអ្នកជម្ងឺសរុប១ម៉ឺន៧ពាន់២០៩នាក់ស្លាប់ និងអ្នកជាសះស្បើយឡើងវិញសរុប៦ម៉ឺន២ពាន់៣៩១នាក់ ។៣-អ៊ីតាលី ចំនួនអ្នកឆ្លងកើនឡើងដល់១៥ម៉ឺន៦ពាន់៣៦៣នាក់ ក្នុងនោះមានអ្នកជម្ងឺសរុប១ម៉ឺន៩ពាន់៨៩៩នាក់ស្លាប់ និងអ្នកជាសះស្បើយឡើងវិញសរុប៣ម៉ឺន៤ពាន់២១១នាក់ ។៤-បារាំង ចំនួនអ្នកឆ្លងកើនឡើងដល់១៣ម៉ឺន២ពាន់៥៩១នាក់ ក្នុងនោះមានអ្នកជម្ងឺសរុប១ម៉ឺន៤ពាន់៣៩៣នាក់ស្លាប់…

សហរដ្ឋអាម៉េរិក៖ ប្រធានាធិបតីអាម៉េរិកលោក ដូណាល់ ត្រាំ នៅចុងសប្តាហ៍មុន បានអនុញ្ញាតឲ្យចេញសេចក្តីប្រកាសគ្រោះមហន្ត (Major Disaster Declaration) សម្រាប់រដ្ឋ Wyoming ខណៈការប្រកាសគ្រោះមហន្តរាយបែបនេះ មាននៅគ្រប់រដ្ឋទាំងអស់របស់សហរដ្ឋអាម៉េរិក ដោយសារតែការឆ្លងរាតត្បាតនៃជម្ងឺ COVID-19 នេះបើតាមសារព័ត៌មាន Spunik ។ បើតាមសេតវិមាន តាមរយៈការប្រកាសគ្រោះមហន្តរាយខាងលើ រដ្ឋាភិបាលសហព័ន្ធអាម៉េរិកនឹងអាចផ្តល់កញ្ចប់ថវិកា ក៏ដូចជាជំនួយបន្ទាន់ផ្សេងៗដល់រដ្ឋាភិបាល និងអង្គការក្រៅរដ្ឋាភិបាលនៅតាមរដ្ឋនីមួយៗរបស់សហរដ្ឋអាម៉េរិក ដើម្បីឆ្លើយតបទៅនឹងផលប៉ះពាល់នានាបង្កឡើងដោយសារតែជម្ងឺ COVID-19។ សូមបញ្ជាក់ថា នៅទូទាំងសហរដ្ឋអាម៉េរិក ចំនួនអ្នកឆ្លងកើនឡើងដល់៥៦ម៉ឺន៤២៥នាក់ ក្នុងនោះមានអ្នកជម្ងឺសរុប២ម៉ឺន២ពាន់១០៨នាក់ស្លាប់ និងអ្នកជាសះស្បើយឡើងវិញសរុប៣ម៉ឺន២ពាន់៦៣៤នាក់ នេះបើតាមគេហទំព័រអន្តរជាតិ Worldometers នៅព្រឹកថ្ងៃទី១៣ ខែមេសា ឆ្នាំ២០២០៕

អង់គ្លេស៖ នាយករដ្ឋមន្រ្តីអង់គ្លេស លោក បូរីស ចនសុន បាននិយាយថា លោកជំពាក់ជីវិតរបស់ខ្លួនលើក្រុមគ្រូពេទ្យដែលបានជួយសង្រ្គោះរូបលោក ពីជម្ងឺ COVID-19 នេះបើតាមសារព័ត៌មាន CGTN នៅថ្ងៃទី១២ ខែមេសា ឆ្នាំ២០២០។ ពាក់ព័ន្ធនឹងស្ថានភាពសុខភាពរបស់លោក ចនសុន ខាងការិយាល័យរបស់នាយករដ្ឋមន្រ្តីអង់គ្លេសបានប្រាប់ថា ស្ថានភាពកំពុងបន្តឆ្ពោះទៅរកភាពប្រសើរឡើងហើយ ។ សូមរំលឹកថា លោក បូរីស ចនសុន ដែលមានអាយុ៥៥ឆ្នាំ ត្រូវបានបញ្ជូនទៅកាន់មន្ទីរពេទ្យ កាលពីសប្តាហ៍កន្លងទៅ ដោយសារតែលោកនៅបន្តចេញរោគសញ្ញា COVID-19 មិនបាត់ ហើយលោកត្រូវបានបញ្ជូនចូលបន្ទប់សង្រ្គោះបន្ទាន់ និងចំណាយពេល៣ថ្ងៃនៅទីនោះ មុនពេលចេញមកវិញ៕

សិង្ហបុរី៖ ចំនួនសរុបនៃអ្នកឆ្លងជម្ងឺ COVID-19 នៅទូទាំងប្រទេសសង្ហិបុរី កើនឡើងដល់២.៥៣២នាក់ បន្ទាប់ពីទើបរកឃើញអ្នកឆ្លងថ្មីៗចំនួន២៣៣នាក់ទៀត ក្នុងរយៈពេលពេញមួយថ្ងៃអាទិត្យម្សិលមិញ នេះបើតាមសារព័ត៌មាន CNA នៅថ្ងៃទី១៣ ខែមេសា ឆ្នាំ២០២០។ ក្រៅពីករណីឆ្លងសរុបខាងលើនេះ អ្នកជាសះស្បើយសរុបវិញ ក៏បានកើនឡើងដល់៥៦០នាក់ផងដែរ ខណៈដែលអ្នកជំងឺសរុប០៨នាក់បានបាត់បង់ជីវិត ។ សូមជម្រាបថា ក្នុងចំណោមករណីឆ្លងថ្មីខាងលើនេះ ៥១ករណីគឺជាប្រភេទឆ្លងជាចង្កោមៗ ១៥ករណីឆ្លងពីអ្នកជំងឺមុនៗ និង១៦៧ករណីទៀត មិនដឹងថា ពួកគេបានឆ្លងពីប្រភពណាឲ្យបានច្បាស់លាស់នៅឡើយទេ ៕

ឥណ្ឌូណេស៊ី៖ ឥណ្ឌូណេស៊ីរកឃើញអ្នកឆ្លងថ្មីៗចំនួន៣៩៩នាក់ទៀត ដែលនេះជាអត្រាឆ្លងខ្ពស់បំផុត ខណៈអ្នកជំងឺ៤៦នាក់ទៀតបានស្លាប់ ក្នុងរយៈពេលពេញមួយថ្ងៃទីអាទិត្យម្សិលមិញ នេះបើតាមសារព័ត៌មាន CNA នៅថ្ងៃទី១២ ខែមេសា ឆ្នាំ២០២០។ ជាវិធានការបង្ការ និងទប់ស្កាត់នោះ អាជ្ញាធរទីក្រុងហ្សាការតា បានបញ្ជាក់ថា ជនដែលបំពានបម្រាមទាក់ទងនឹងជម្ងឺ COVID-19 ត្រូវប្រឈមនឹងការផាកពិន័យជាប្រាក់រហូតជាង៦.៣០០ដុល្លារអាមេរិក និង ការជាប់ពន្ធនាគាររយៈពេលយូរបំផុត១ឆ្នាំ ។ សូមបញ្ជាក់ថា នៅទូទាំងប្រទេសឥណ្ឌូណេស៊ី ចំនួនសរុបនៃអ្នកឆ្លងជម្ងឺ COVID-19 កើនឡើងដល់៤.២៤១នាក់ ក្នុងនោះមានអ្នកជម្ងឺសរុប៣៧៣នាក់ស្លាប់ និងជាសះស្បើយឡើងវិញសរុប៣៥៩នាក់ នេះបើតាមគេហទំព័រអន្តរជាតិ Worldometer នៅព្រឹកថ្ងៃទី១៣ ខែមេសា ឆ្នាំ២០២០ ៕

មកដល់ព្រឹកថ្ងៃចន្ទ ទី១៣ ខែមេសា ឆ្នាំ២០២០ កម្មករ កម្មការិនី នៅតាមរោងចក្រភាគច្រើនបំផុតនៅតែបន្តធ្វើការរបស់ពួកគេជាធម្មតាមិនមាននរណា ត្រឡប់ទៅស្រុកកំណើតនោះឡើយ។ ក្រុមកម្មករ កម្មការិនី នៅតាមរោងចក្រ សហគ្រាសមួយចំនួនក្នុងរាជធានីភ្នំពេញ បានថតវីដេអូបង្ហាញនូវសកម្មភាពរបស់ពួកគេពេលកំពុងធ្វើការ។តាមរយៈវីដេអូនោះ ពួកគេបានបញ្ជាក់ថា កម្មករ កម្មការិនី គោរពតាមការណែនាំ និងសេចក្តីសម្រេចរបស់រាជរដ្ឋាភិបាល និងដើម្បីចូលរួមការពារទប់ស្កាត់ ការរីករាលជំងឺកូវីដ១៩ គឺពួកគេនៅតែធ្វើការជាធម្មតាមិនត្រឡប់ទៅស្រុកកំណើតនោះឡើយ។ កម្មករ កម្មការិនី ដែលបន្តធ្វើការទាំងនេះ ក៏បានអំពាវនាវដល់កម្មករ កម្មការិនីដទៃទៀត បន្តនាំគ្នានៅធ្វើការ ដើម្បីចូលរួមប្រយុទ្ធប្រឆាំង និងទប់ស្កាត់ការរីករាលដាលជំងឺកូវីដ១៩។

ឧត្តមសេនីយ៍ឯក ផន សុភា អត្ថលេខ ០៩៩០ គ្រូនគរបាលជាតិកម្រិតឧត្តមថ្នាក់លេខ១ បណ្ឌិត្យសភានគរបាលកម្ពុជា និងជាទីប្រឹក្សាក្រសួងមហាផ្ទៃ បានចូលរួមចំណែកជាមួយរាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងវីរុសកូវីដ-១៩ និងបានស្ម័គ្រចិត្តបរិចាគនូវបៀវត្សរ៍ចំនួន២០០.០០០រៀល(ពីររយពាន់រៀលគត់) ក្នុង១ខែរយៈពេល០៦ខែគិតចាប់ពីថ្ងៃ ខែឧសភា រហូតដល់ខែតុលា ឆ្នាំ២០២០ ជូនគណៈកម្មាធិការជាតិប្រយុទ្ធប្រឆាំងវីរុសកូវីដ១៩ (COVID-19)៕

យោងតាមរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោកអ៊ិត សំហេង បានបញ្ជាក់លើបណ្ដាញសង្គមរបស់លោកថា នៅថ្ងៃ១៣មេសានេះ រោងចក្រ សហគ្រាស៩៥% នៅទាំងប្រទេសបានដំណើរការ ផលិតកម្មធម្មតា។ លោករដ្ឋមន្ត្រី បានសម្ដែងការគោរព កោតសរសើរ ការសហការ របស់និយោជក កម្មករនិយោជិត ដែលចូលរួម អនុវត្តន៍តាម បទបញ្ជារបស់រាជរដ្ឋាភិបាល។ លោកបានបន្តថា យើងចូលរួមប្រយុទ្ធប្រឆាំងនឹងជំងឺកូវិដ១៩ ដោយមកធ្វើការធម្មតានៅថ្ងៃចូលឆ្នាំនេះ។ រាជរដ្ឋាភិបាល ដោយបារម្ភនឹងការរីករាលដាលនៃជំងឺកូវីដ១៩ បានផ្អាកថ្ងៃសម្រាកក្នុងពិធីបុណ្យចូលឆ្នាំថ្ងៃចាប់ពីថ្ងៃ១៣ដល់១៦មេសា ដោយតម្រូវឲ្យមនន្ត្រីរាជការក្នុងស្ថាប័នរដ្ឋ និងឯកជនត្រូវធ្វើការជាធម្មតា៕