(សៀមរាប)៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ តម្លៃប្រមាណ ១,១០០លានដុល្លារអាមេរិក ដែលជាសមិទ្ធផលដ៏មហាសាលមួយទៀតនៅលើទឹកដីខេត្តសៀមរាប ហើយក៏ជាប៉ូលសេដ្ឋកិច្ចដ៏មានសក្តានុពលរបស់កម្ពុជាផ្នែកទេសចរណ៍ នាព្រឹកថ្ងៃទី១៦ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានបន្តប្រកាសស្វាគមន៍យ៉ាងកក់ក្តៅ ចំពោះភ្ញៀវទេសចរចិន ដែលជាមិត្ត និងបងប្អូនល្អរបស់កម្ពុជា សូមអញ្ចើញមកទស្សនាកម្ពុជា ឲ្យបានកាន់តែច្រើន ជាពិសេស មកកាន់ខេត្តសៀមរាបទឹកដីអង្គរ និងអាចធ្វើដំណើរតាមអាកាសយានដ្ឋានអន្តរជាតិសៀមរាបអង្គរថ្មី ។ សម្តេចធិបតី ហ៊ុន ម៉ាណែត បានថ្លែងថា នៅក្នុងវេទិកាខ្សែក្រវ៉ាត់នឹងផ្លូវលើកទី៣ នៅរដ្ឋធានីប៉េកាំងកាលពីខែមុននេះ ឯកឧត្តមប្រធានាធិបតី ស៊ីជីនពីង និងខ្ញុំ បានប្រកាសរួមគ្នាយកឆ្នាំ២០២៤ ជាឆ្នាំនៃការផ្លាស់ប្តូររវាងប្រជាជន និងប្រជាជន ក្នុងន័យនេះ ខ្ញុំសូមសម្ដែងនូវការស្វាគមន៍យ៉ាងកក់ក្តៅ ចំពោះភ្ញៀវទេសចរចិន ដែលជាមិត្តនិងបងប្អូនល្អរបស់យើង សូមអញ្ចើញមកទស្សនាកម្ពុជាឲ្យបានកាន់តែច្រើន ពិសេសគឺអាចអញ្ចើញធ្វើដំណើរមកកាន់អាកាសយានដ្ឋានអន្តរជាតិសៀមរាបអង្គរថ្មីនេះតែម្តង ។ សម្តេចធិបតី បានបញ្ជាក់ថា កម្ពុជា បានត្រៀមខ្លួនរួចជាស្រេច ដើម្បីធ្វើការជាមួយមិត្តចិន ក្នុងការចូលរួមធ្វើឱ្យកម្លាំងចលករមួយនេះ បំពេញតួនាទីកាន់តែមានប្រសិទ្ធភាព ហើយរំពឹងថា ជាមួយនឹងក្របខណ្ឌត្បូងពេជ្រ រវាងកម្ពុជា-ចិន ប្រទេសទាំង២ នឹងរួមគ្នាសម្រេចបាននូវសមិទ្ធផលផ្លែផ្កាថ្មីៗបន្ថែមទៀត…

(សៀមរាប)៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ នាព្រឹកថ្ងៃទី១៦ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជំរុញឲ្យអាជ្ញាធរពាក់ព័ន្ធទាំងអស់ ខិតខំធ្វើយ៉ាងណាថែរក្សាសន្តិសុខ សណ្តាប់ធ្នាប់ និងសុវត្ថិភាព ជូនដល់ភ្ញៀវទេសចរជាតិ និងអន្តរជាតិ ឲ្យបានល្អប្រសើរបន្ថែមទៀត ដែលធ្វើដំណើរឆ្លងកាត់នៅតាម ព្រលានយន្តហោះអន្តរជាតិសៀមរាបអង្គរ ។ សម្តេចធិបតី បានបន្តថា ដើម្បីជាការផ្តល់នូវទំនុកចិត្ត និងបង្កើនភ្ញៀវទេសចរអន្តរជាតិមកទស្សនានៅកម្ពុជា ជាពិសេសនៅខេត្តសៀមរាបឲ្យកាន់តែល្អប្រសើរបន្ថែមទៀតនោះ អាជ្ញាធរទាំងអស់ត្រូវតែពង្រឹង សន្តិសុខ សណ្តាប់ធ្នាប់ ដែលនៅជាប់នឹងព្រលានថ្មី ឬនៅទីណាទាំងអស់ជូនដល់ពួកគេជាប្រចាំ ។ ក្នុងឱកាសនោះដែរ សម្តេចធិបតី នាយករដ្ឋមន្រ្តី ហ៊ុន ម៉ាណែត ក៏បានបញ្ជាក់ដែរថា ការសាងសង់អាកាសយានដ្ឋាន អន្តរជាតិសៀមរាបអង្គរនាពេលនេះ គឺនឹងលើកស្ទួយសេដ្ឋកិច្ចជាតិ និងប្រជាពលរដ្ឋគ្រប់ទិសទី ជាពិសេស គឺនៅខេត្តសៀមរាបផ្ទាល់តែម្តង ឲ្យកាន់តែរីកចម្រើនបន្ថែមទៀត ខណៈព្រលានថ្មីនេះ បានតភ្ជាប់ការហោះហើរ ដោយត្រង់ជាមួយប្រទេសជាច្រើននៅលើពិភពលោក ៕ ដោយ ៖ វណ្ណលុក

(សៀមរាប)៖ ក្នុងពិធីសម្ពោធដាក់ឱ្យប្រើប្រាស់ជាផ្លូវការអាកាសយានដ្ឋានអន្តរជាតិសៀមរាបអង្គរ នាព្រឹកថ្ងៃទី១៦ ខែវិច្ឆិកា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការកសាងអាកាសយានដ្ឋានអន្តរជាតិសៀមរាបអង្គរថ្មីនេះ ត្រូវតែរួមចំណែកផ្តល់ផលប្រយោជន៍ជូនពលរដ្ឋ នៅតំបន់នេះផងដែរ តាមរយៈការកសាងហេដ្ឋារចនាសម្ព័ន្ធផ្សេងៗ ។ សម្តេចធិបតី ហ៊ុន ម៉ាណែត បានបញ្ជាក់ដែរថា ក្រៅពីការកសាងព្រលានថ្មី រាជរដ្ឋាភិបាល មានផែនការពង្រីកផ្លូវជាតិលេខ៦ ជា ៤ និង ៦គន្លង ពីផ្លូវបំបែកចេញពីព្រលានថ្មីទៅទីរួមខេត្ត គ្រោងចំណាយថវិកា ប្រមាណ ៦០លានដុល្លរ ។ សម្តេច ថា ក្រៅពីការពង្រីកផ្លូវ យើងនឹងធ្វើរថភ្លើងពីព្រលានថ្មីទៅក្រុងសៀមរាបផងដែរ ។ ជាមួយគ្នានេះ ដើម្បីបង្ករលក្ខណៈងាយស្រួលដល់អ្នកដំណើរមកកាន់កម្ពុជា សម្តេចធិបតី ហ៊ុន ម៉ាណែត ដាក់ផែនការឱ្យអគ្គនាយកដ្ឋានអន្តោប្រវេសន៍រៀបចំជា E –arrival សម្រាបភ្ញៀវមកដល់ព្រលានយន្តហោះ កាត់បន្ថយការប្រើក្រដាស់ ដោយប្រើអេឡិចត្រូនិច ត្រូវធ្វើឱ្យបានសាកល្បងនៅចុងឆ្នាំ២០២៣ នៅព្រលានយន្តហោះសៀមរាបអង្គរ មុនគេ ។ សម្តេចធិបតី ហ៊ុន ម៉ាណែត…

(ភ្នំពេញ)៖ឱកាសការងារ ជាង ២០ ០០០កន្លែង ពីក្រុមហ៊ុន រោងចក្រ និងសហគ្រាសធំៗ ១៥០ នឹងផ្តល់ដល់យុវជន សិស្ស/និស្សិត និងអ្នកស្វែងរកការងារធ្វើ នៅក្នុងមហាព្រឹត្តិការណ៍ការងារ ធំជាងគេប្រចាំឆ្នាំ គឺ”ពិព័រណ៍ការងារ និងផលិតភាពជាតិ” រយៈពេល ពីរថ្ងៃជាប់គ្នាគឺថ្ងៃទី១០-១១ ខែវិច្ឆិកា នៅអគារពិព័រណ៍កោះពេជ្រ ចាប់ពីម៉ោង ៨ព្រឹក ដល់ ៨យប់។ ឱកាសការងារជាង ២ម៉ឺន កន្លែងនេះគឺមកពីវិស័យសំខាន់ៗដូចជា៖ ធនាគារ គ្រឹះស្ថានមីក្រូហិរញ្ញវត្ថុ និងធានារ៉ាប់រង សេវាកម្មលក់ដុំ និងរាយ ទេសចរណ៍ និងបដិសណ្ឋារកិច្ចម្ហូបអាហារនិងភេសជ្ជៈ អចលនទ្រព្យនិងសំណង់ ទូរគមនាគមន៍និងបច្ចេកវិទ្យាព័ត៌មានវិទ្យា ឧស្សាហកម្មនិងកម្មន្តសាល ព្រមទាំងវិស័យសេវាកម្មផ្សេងៗ ជាដើម។ យុវជន សិស្ស និស្សិត និងអ្នកស្វែងរកការងារធ្វើទាំងអស់ អាចដាក់ពាក្យដោយផ្ទាល់ និងត្រូវបានសម្ភាសន៍ជ្រើសរើសភ្លាមៗ ដោយក្រុមហ៊ុន-សហគ្រាស ដែលចូលរួមតាំងបង្ហាញក្នុងបញ្ជរ ចំនួនជាង ១៨៨ ។ គួរបញ្ជាក់ថា ពិព័រណ៍នេះ ត្រូវបានរៀបចំឡើងដោយទីភ្នាក់ងារ ជាតិ មុខរបរ និងការងារ…