ភ្នំពេញ៖ ក្នុងរយៈពេល០៦ខែឆ្នាំ២០២១ ការសុំបង្កើតកសិដ្ឋានចិញ្ចឹមជ្រូកមានចំនួន៦១កន្លែង ក្នុងនោះមានកសិដ្ឋានចិញ្ចឹមពូជជ្រូកចំនួន០៧កន្លែង និងកសិដ្ឋានចិញ្ចឹមជ្រូកសាច់ចំនួន៥៤កន្លែង ហើយការនាំចូលពូជជ្រូកមេ និងបាចំនួន១ម៉ឺន៦ពាម់៤រយក្បាល និងកូនជ្រូកពូជចំនួន៧ម៉ឺន៨ពាន់២៥០ក្បាល ។ យោងតាមសេចក្តីប្រកាសព័ត៌មានរបស់អគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទបានអោយដឹងថា សព្វថ្ងៃមានក្រុមហ៊ុនចំនួន០៦ ដែលកំពុងទទួលបានគោលការណ៍នាំជ្រូករស់ចូលមកក្នុងប្រទេសកម្ពុជា និងមានចំនួន០៤ក្រុមហ៊ុនទទួលគោលការណ៍នាំឆ្លងកាត់ ហើយជាមួយគ្នានេះ ការផ្គត់ផ្គង់ជ្រូកសាច់រស់នៅកម្ពុជាបានរហូតដល់៨៥ភាគរយ ។ អគ្គនាយកដ្ឋានសុខភាពសត្វ និងផលិតកម្មសត្វបានបញ្ជាក់ថា ក្នុងពេលដែលប្រទេសជិតខាងកម្ពុជាកំពុងជួបវិបត្តិនៃការរីករាលដាលនៃជំងឺកូវីដ-១៩ ឈ្មួញខិលខូចមួយចំនួនតូចបានប្រើប្រាស់កលល្បិចគ្រប់យ៉ាង ដើម្បីមានឱកាសយកផលិតផលកកស្ទះពីស្រុកគេមកចាក់នៅកម្ពុជា ដោយមិនបានគិតពីការប៉ះពាល់ដល់ការខាតបង់របស់អ្នកវិនិយោគនៅកម្ពុជា និងពីសុខភាពសាធារណៈឡើយ ។  បើតាមអគ្គនាយកដ្ឋានសុខភាពសត្វ និងផលិតកម្មសត្វ ថ្លៃដើមផលិតជ្រូកសាច់បានប្រែប្រួលក្នុងរង្វង់ពី៧ពាន់៥រយរៀល ទៅ៩ពាន់រៀលក្នុងមួយគីឡូក្រាមមុនវិបត្តិកូវីដ-១៩ ហើយបច្ចុប្បន្នថ្លៃដើមផលិតផ្អកសាច់រស់បានកើនឡើងប្រមាណពី១ម៉ឺន៥រយរៀល ទៅ១ម៉ឺន២ពាន់រៀលក្នុងមួយគីឡូក្រាម ។ ការប្រែប្រលថ្លៃដើមផលិតផ្អកសាច់នេះ ដោយសារតម្លៃវត្ថុធាតុដើម ដូចជា ពោត ដំឡូងក្រៀម កាកសណ្តែកសៀង ម្សៅត្រី និងសារធាតុបន្ថែមសម្រាប់ផ្សំចំណីសត្វបានកើនឡើងពី២០ ទៅ ៣០% ។ អគ្គនាយកដ្ឋានសុខភាពសត្វបានឱ្យដឹងថា បច្ចុប្បន្នតម្លៃជ្រូករស់នៅកម្ពុជាមិនមានការប្រែប្រួលខ្លាំងនោះឡើយ គឺស្ថិតនៅក្នុងចន្លោះពី១ម៉ឺន២ពាន់៥រយរៀល ទៅ១ម៉ឺន៣ពាន់៦រយរៀលក្នុងមួយគីឡូក្រាម អាស្រ័យទៅតាមតំបន់នីមួយៗ ហើយតម្លៃជ្រូកសាច់នាំចូលបានលក់ថោកជាង ចន្លោះពី១០០រៀល ទៅ២០០រៀលក្នុងមួយគីឡូក្រាមពីជ្រូកសាច់រស់ក្នុងស្រុក ។ ចំពោះតម្លៃសាច់ជ្រូកនៅលើទីផ្សារបានប្រែប្រួលចន្លោះពី២ម៉ឺន៣ពាន់៥រយរៀល…

កម្ពុជា៖ ដំណាប់​ស្វាយ​កម្ពុជា​នៅពេល​បច្ចុប្បន្ននេះ បាន​ដណ្តើមចំណែក​ទីផ្សារ​នាំចេញ​ទៅកាន់​បរទេស​បាន​សរុប​ចំនួន ប្រមាណ​ជា០៨ប្រទេស​ហើយ ។ ​ប្រទេស​ទាំងនោះ មាន​ចិន ជប៉ុន កូ​រ៉េ ហ្វី​លី​ពិន ថៃ សហរដ្ឋអាមេរិក វៀតណាម និង ចក្រភពអង់គ្លេស ​។ ​ទន្ទឹមនេះ ក្រសួង​សិ​កម្ម រុក្ខាប្រមាញ់ និង នេសាទ បាន​អោយដឹងថា នៅក្នុង​រយៈពេល០៦ខែ ឆមាស​ទីមួយ​នៃ​ឆ្នាំ២០២១នេះ កម្ពុជា​នាំចេញ​ដំណាប់​ស្វាយ​មាន​ចំនួន១ម៉ឺន២ពាន់៧៦៨,៦១ តោន កើនឡើង​ចំនួន១៩៨,៦០ភាគរយ ​។ ស្របពេលជាមួយគ្នានោះដែរ កម្ពុជា​នាំចេញ​ទៅ​ប្រទេស​ចិន​ចំនួន១ម៉ឺន៤៧៦,០៩តោន ​ជប៉ុន​ចំនួន៥១២,៥០តោន ​កូរ៉េ​ចំនួន១៣,៧៩តោន ​ហ្វីលីពីនចំនួន៦៤៧,២៩តោន ​ថៃ​ចំនួន ១ពាន់២០,៦១តោន សហរដ្ឋអាមេរិក​ចំនួន៥,៣៩តោន ​វៀតណាម ចំនួន៧៦,៨០តោន និង​ ​អង់គ្លេស១៦,១៤តោន ​៕