-
រយៈពេល០៦ខែ ឆ្នាំ២០២១នេះ កម្ពុជានាំចេញម្រេចជាង១.៤ម៉ឺនតោនទៅកាន់ប្រទេសចំនួន១៧ កើនឡើងជិត៤០០ភាគរយ (មានវីដេអូ)
ភ្នំពេញ៖ រយៈពេល៦ខែ ឆ្នាំ២០២១នេះ ពោលគិតចាប់ពីខែមករា ដល់ខែមិថុនា កម្ពុជាបាននាំចេញម្រេចចំនួន១៤.៥៦១.៦២តោនទៅកាន់ប្រទេសចំនួន១៧ ដែលមានការកើនឡើងចំនួន៣៩៨.៧៦% ។ យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានអោយដឹងថា ប្រទេសចំនួន១៧ ដែលកម្ពុជាបាននាំចេញម្រេចជាង១.៤ម៉ឺនតោននេះ រួមមាន៖ ទី១៖ ប្រទេសប៊ែលហ្សិក ចំនួន១០,៦៣តោន ទី២៖ កាណាដា ចំនួន០,៥២តោន ទី៣៖ សាធារណរដ្ឋឆេក ចំនួន៦,១០តោន ទី៤៖ បារាំងចំនួន១៩,០១តោន ទី៥៖អាល្លឺម៉ង់ ចំនួន១៦០,៥៧តោន ទី៦៖ ឥណ្ឌា ចំនួន៤២តោន ទី៧៖ ជប៉ុន ចំនួន២,៥៨តោន ទី៨៖ កូរ៉េ ចំនួន១,៥៥តោន ទី៩៖ ប៉ូឡូញ ចំនួន៧,០៩តោន ទី១០៖ រុស្សី ចំនួន០,៣១តោន ទី១១៖ ស៊ុយអ៊ែត ចំនួន១,២៩តោន ទី១២៖ ស្វីស ចំនួន០,៤៨តោន ទី១៣៖ កោះតៃវ៉ាន់ ចំនួន១៥តោន ទី១៤៖ អង់គ្លេស ចំនួន១,២៤តោន ទី១៥៖…
-
អ្នកចិញ្ចឹមក្រពើនៅខេត្តសៀមរាបប្រឈមនឹងការខាត់បង់ដើមទុនច្រើន ដោយសារតម្លៃក្រពើនៅតែបន្តចុះថោក (មានវីដេអូ)
សៀមរាប ៖ ពលរដ្ឋនៅខេត្តសៀមរាបជាច្រើនគ្រួសារ ដែលកំពុងប្រកបរបរចិញ្ចឹមសត្វក្រពើ ដើម្បីលក់ពង លក់កូន និងលក់ក្រពើធំ បានត្អូញត្អែរពីទីផ្សារបានជាប់គាំង មិនអាចលក់ចេញបាន ហើយក្រុមឈ្មួញហ៊ានទិញក្នុងតម្លៃថោកជាងមុនឆ្ងាយ ។ អ្នកចិញ្ចឹម និងទទួលទិញក្រពើនៅខេត្តសៀមរាបមួយរូបបាននិយាយថា ពេលនេះខ្លួនមានបញ្ហាប្រឈមយ៉ាងខ្លាំង ដោយសារតែពីមុនលក់កូនក្រពើមួយបានតម្លៃជាង១០ដុល្លារ ប៉ុន្តែពេលនេះ កូនក្រពើមួយលក់បានតម្លៃតែ១ ឬ ២ដុល្លារទេ ហើយថា ប្រសិនបើតម្លៃក្រពើនៅបន្តចុះថោកជាងនេះ គឺរូបលោកនឹងអ្នកចិញ្ចឹមក្រពើជាច្រើននាក់ទៀត អាចប្រឈមមុខទៅនឹងការខាតបង់ដើមទុនយ៉ាងខ្លាំង ។ បើតាមអ្នកចិញ្ចឹមក្រពើដដែលនេះ ក្នុងមួយខែត្រូវចំណាយលុយទិញចំណីអោយសត្វក្រពើស៊ីចំនួន៣ដង ដោយក្នុងម្ដងៗចំណាយលុយចំនួន២០០ដុល្លារ ។ បច្ចុប្បន្នគ្មានឈ្មួញណាមកទិញកូនក្រពើរបស់ពួកគាត់ទេ ដោយសារតែទីផ្សារលក់សត្វក្រពើនៅតែធ្លាក់ថ្លៃ ព្រមទាំងមិនដំណើរការល្អនោះ គឺអ្នកចិញ្ចឹមក្រពើមិនមានសង្ឃឹមថា មានជីវភាពល្អប្រសើរឡើយ ។ អ្នកចិញ្ចឹមដដែលបានសំណូមពរឲ្យក្រសួងពាក់ព័ន្ធ មេត្តាជួយសម្រួលពីច្បាប់នៃការនាំចេញទៅក្រៅប្រទេស ថាតើត្រូវចំណាយប៉ុន្មានឲ្យពិតប្រាកដ ដើម្បីពួកគាត់អាចសុំច្បាប់នាំចេញបាន ព្រោះសព្វថ្ងៃទីផ្សារក្រពើរបស់គាត់ គឺពឹងផ្អែកលើបរទេសទាំងស្រុង ។ ពាក់ព័ន្ធនឹងបញ្ហានេះ បើតាមលោក ទា គឹមសុទ្ធ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បច្ចុប្បន្ននេះការលក់សត្វក្រពើឲ្យបានថ្លៃនោះ គឺជាការពិបាក ពីព្រោះតែទីផ្សារទិញក្រពើមិនមែននៅក្នុងស្រុកឡើយ គឺទីពឹងទៅលើទីផ្សាររបស់គេ (ប្រទេសចិន) ។ លោកបន្ថែមថា…
-
ប្រធានរាជបណ្ឌិតសភាកម្ពុជា ថា កសិកម្មដើរតួនាទីយ៉ាងសំខាន់ បម្រើឲ្យវិស័យសេដ្ឋកិច្ច ក្នុងវិបត្តិកូវីដ-១៩
-
កម្ពុជាតវ៉ាទៅក្រុមហ៊ុនឥណ្ឌាមួយដែលប្រើឈ្មោះនិងរូបប្រាសាទអង្គរវត្តលើផលិតផលរបស់ខ្លួន
-
នៅឆមាសទី១ ឆ្នាំ២០២១នេះ កម្ពុជានាំចេញផ្លែចេកស្រស់កើនឡើង៦៨ភាគរយ បើធៀបនឹងឆ្នាំ២០២០ (មានវីដេអូ)
ភ្នំពេញ៖ លោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលនៃសហព័ន្ធស្រូវអង្ករកម្ពុជាបានមានប្រសាសន៍អោយដឹងថា ក្នុងរយៈពេល០៦ខែ ឆ្នាំ២០២១ ការនាំចេញផ្លែចេកស្រស់របស់កម្ពុជាកើនឡើង៦៨ភាគរយ បើធៀបទៅនឹងឆ្នាំ២០២០ ។ លោកឧកញ៉ាបន្តថា ផ្លែចេកស្រស់កម្ពុជាបាននាំចេញទៅប្រទេសចំនួន០៤ រួមមានប្រទេសចិនចំនួន២៣ម៉ឺន៧ពាន់៩៩តោន វៀតណាមចំនួន២ម៉ឺន៥ពាន់១១៣តោន សិង្ហបុរីចំនួន៤៨០តោន និងជប៉ុនចំនួន៤២៦តោន ។ ទាក់ទងនឹងការកើនឡើងវិញ លោកឧកញ៉ាពន្យល់ថា ដោយសារតែតម្លៃផ្លែចេកនៅក្នុងទីផ្សារសម្រាប់ឆ្នាំ២០២១នេះមានតម្លៃល្អ រីឯផ្ទៃដីនៃការដាំដុះក៏កើនឡើង បូកផ្សំនឹងអំណោយផលពីធម្មជាតិ ដែលមានភ្លៀងធ្លាក់គ្រប់គ្រាន់សម្រាប់ជាប្រភពទឹកស្រោចស្រប់ដំណាំចេកឱ្យទទួលបានទិន្នផលខ្ពស់ជាងឆ្នាំមុនៗ ។ ចំពោះតម្លៃដឹកជញ្ជូនផ្លែចេកវិញ គឺមានតម្លៃធូរថ្លៃជាងការដឹកជញ្ជូនទៅបណ្តាប្រទេសអឺរ៉ុប ព្រោះជាការដឹកជញ្ជូននៅក្នុងតំបន់ដែលមានចម្ងាយជិត និងមធ្យម ពោលគឺតម្លៃនៃការដឹកជញ្ជូនកើនឡើងត្រឹមតែ២ដងនៃតម្លៃដឹកជញ្ជូនទូទៅតែប៉ុណ្ណោះ ដោយកើនឡើងពី២ពាន់ដុល្លារ ទៅ៤ពាន់ដុល្លារ ។ ការឡើងថ្លៃដឹកជញ្ជូននេះ គឺដោយសារតែបញ្ហាប្រឈមលើការដឹកជញ្ជូន និងកង្វះសំបកកុងទឺន័រជាដើម ។ បើគិតជាមធ្យមនៅក្នុងឆ្នាំ២០២០ កម្ពុជាមានផ្ទៃដីដាំដុះផ្លែចេកសម្រាប់នាំចេញប្រមាណជា១ម៉ឺន៦ពាន់ហិកតា ប៉ុន្តែមកដល់បច្ចុប្បន្ននេះផ្ទៃដីនៃការដាំដុះចេកអាចកើនឡើងជិត២ម៉ឺនហិកតា ឬលើសនេះបន្តិច ៕
-
ការនាំចេញរបស់កម្ពុជាទៅថៃមានទឹកប្រាក់ជាង៤៥៩លានដុល្លារ ធ្លាក់ចុះចំនួន៣៦.៦១ភាគរយក្នុងរយៈពេល០៥ដំបូងឆ្នាំ២០២១ (មានវីដេអូ)
ភ្នំពេញ៖ យោងតាមរបាយការណ៍របស់ស្ថានទូតថៃប្រចាំប្រទេសកម្ពុជាបានអោយដឹងថា ការនាំចេញរបស់កម្ពុជាទៅកាន់ថៃមានទឹកប្រាក់ជាង៤៥៩លានដុល្លារ ដោយតួលេខនេះ បានធ្លាក់ចុះចំនួន៣៦.៦១% ស្របពេលដែលការនាំចូលពីថៃវិញ មានទឹកប្រាក់រហូតដល់ជាង២,៩០៥លានដុល្លារក្នុងរយៈពេល០៥ដំបូងឆ្នាំ២០២១នេះ ។ ទន្ទឹមនេះ ទំហំពាណិជ្ជកម្មរវាងប្រទេសទាំងពីរ ក្នុងរយៈពេល៥ខែដើមឆ្នាំ២០២១នេះ សម្រេចបានសរុបចំនួនជាង៣,៣៦៥លានដុល្លារ ធ្លាក់ចុះ៥.២៧% បើធៀបនឹងរយៈពេលដូចគ្នានៅឆ្នាំ២០២០ មានចំនួនជាង៣,៥៥២លានដុល្លារ ។ ចំពោះមុខទំនិញដែលកម្ពុជានាំចេញ ទៅទីផ្សារប្រទេសថៃ ភាគច្រើន គឺជាផលិតផលកសិកម្ម ខណៈផលិតផលនាំចូលពីប្រទេសថៃមកកម្ពុជាវិញ មានដូចជា៖ រថយន្ត ប្រេងឥន្ធនៈ ជីកសិកម្ម ផលិតផលចំណីអាហារ និងគ្រឿងថែសម្រស់ជាដើម ។ បើតាមឯកឧត្តម ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម ការធ្លាក់ចុះនៃការនាំចេញរបស់កម្ពុជាទៅប្រទេសថៃនេះ គឺដោយ សារតែបញ្ហាការរាលត្បាតនៃជំងឺកូវីដ-១៩ ។ គួរកត់សម្គាល់ ទំហំពាណិជ្ជកម្មទ្វេភាគីរវាងកម្ពុជា និងថៃក្នុងឆ្នាំ២០២០ សម្រេចបានទឹកប្រាក់៧.២៥ពាន់លានដុល្លារ ធ្លាក់ចុះ២៣ភាគរយ បើធៀបនឹងឆ្នាំ២០១៩ ដែលមានទឹកប្រាក់ ៩.៤ពាន់លានដុល្លារ ។ ក្នុងទំហំពាណិជ្ជកម្មនេះ ការនាំចេញរបស់កម្ពុជាទៅថៃ មានតម្លៃ១.១៥ពាន់លានដុល្លារ ធ្លាក់ចុះ ៤៩% បើធៀបនឹងឆ្នាំ២០១៩ មានតម្លៃ២.២៧ពាន់លានដុល្លារ ។ ចំណែកការនាំចូលពីថៃវិញ…
-
បទចម្រៀង «កម្ពុជា និងដុំមាសដំបូង»
-
ក្រុមហ៊ុន ទ្រូ ម៉ាន់នី ៖ ប្រជាប្រិយភាពនៃការទូទាត់តាមអនឡាញនៅក្រោយការរាតត្បាតជំងឺកូវីដ-១៩ នឹងនៅតែបន្ត (មានវីដេអូ)
Video: https://fb.watch/v/1MzYORhuI/ ភ្នំពេញ៖ ការទូទាត់តាមអនឡាញទំនងនៅតែជាមធ្យោបាយផ្ទេរប្រាក់ ទូទាត់ការចំណាយ និងប្រតិបត្តិការនានាដ៏ពេញនិយមដដែលនៅកម្ពុជា សូម្បីតែនៅក្រោយពេលការរាតត្បាតជំងឺកូវីដ-១៩បញ្ចប់ក៏ដោយ នេះបើយោងតាមក្រុមហ៊ុនបច្ចេកវិទ្យាហិរញ្ញវត្ថុដ៏ល្បីឈ្មោះមួយនៅកម្ពុជា ។ យើងអាចនិយាយបានថា ការទូទាត់តាមអនឡាញនឹងនៅតែមានដំណើរការ ។ ហើយខណៈដែលជំងឺកូវីដ-១៩បានជួយឱ្យមានការផ្លាស់ប្តូរទម្លាប់នៃការទូទាត់នោះ ការចំណាយនេះ ក៏មានកត្តាជំរុញផ្សេងទៀតផងដែរ ដូចជាការធ្វើទីផ្សារងាយស្រួលប្រើប្រាស់ និងមានប្រសិទ្ធភាពខ្លាំង ។ លោកស្រី ឃួន ហ្រ្វង់តារា អគ្គនាយិកាផ្នែកយុទ្ធសាស្រ្តរបស់ក្រុមហ៊ុន ទ្រូម៉ាន់នី (ខេមបូឌា) មានប្រសាសន៍ថា “ខណៈដែលប្រជាពលរដ្ឋកម្ពុជាមួយចំនួននៅតែចូលចិត្តប្រតិបត្តិការហិរញ្ញវត្ថុរបស់ខ្លួនដោយផ្ទាល់ ពលរដ្ឋខ្មែរកាន់តែច្រើនឡើងនឹងធ្វើការទូទាត់តាមអនឡាញសម្រាប់ការផ្ទេរប្រាក់ និងការទូទាត់ផ្សេងៗ។ បើទោះជាភ្នាក់ងារនឹងនៅតែត្រូវការនៅទូទាំងប្រទេសក្តី ក៏បញ្ហាជំងឺកូវីដ-១៩ កំណើនទូរស័ព្ទស្មាតហ្វូន និងអ៊ីនធឺណិតល្បឿនលឿនបានជួយឱ្យមានការកើនឡើងការទូទាត់តាមអនឡាញផងដែរ” ។ នៅក្នុងរបាយការណ៍ថ្មីមួយដែលត្រូវបានដកស្រង់ដោយប្រព័ន្ធផ្សព្វផ្សាយកាលពីខែឧសភា ឆ្នាំ២០២១ ធនាគារជាតិនៃកម្ពុជា (NBC) បានលើកឡើងថា ជាង ៥៩ភាគរយនៃប្រជាពលរដ្ឋកម្ពុជាបច្ចុប្បន្នធ្វើការទូទាត់តាមអនឡាញ ។ លោកស្រី ឃួន ហ្រ្វង់តារា បន្តថា “ការកើនឡើងការទូទាត់អនឡាញក៏ត្រូវបានជំរុញផងដែរពីសំណាក់ស្ថាប័នហិរញ្ញវត្ថុនានា រួមទាំងក្រុមហ៊ុនរបស់យើងផ្ទាល់ផងដែរ ដែលបានផ្តល់ការលើកទឹកចិត្តដល់អតិថិជនដែលប្រើប្រាស់កម្មវិធី TrueMoney wallet និងកម្មវិធីផ្សេងទៀត។ បច្ចុប្បន្នគឺថា ប្រជាពលរដ្ឋបានមើលឃើញថា តើការទូទាត់អនឡាញមានប្រសិទ្ធផល និងប្រសិទ្ធភាពចំណាយប៉ុណ្ណា ហើយយើងរំពឹងថា តម្រូវការនិងនិន្នាការនេះនឹងបន្តកើតមាន”។…
-
Samsung ព្យាករណ៍ថា ប្រាក់ចំណេញប្រតិបត្តិការនៅត្រីមាសទី២ ឆ្នាំ២០២១នេះ នឹងកើនឡើង៥៣.៤ភាគរយ (មានវីដេអូ)
កូរ៉េខាងត្បូង៖ ក្រុមហ៊ុន Samsung Electronics បានព្យាករណ៍ថា ប្រាក់ចំណេញប្រតិបត្តិការនៅត្រីមាសទី២ឆ្នាំ២០២១របស់ខ្លួន នឹងកើនឡើង ៥៣.៣៧ភាគរយ ដោយសារតម្លៃបន្ទះឈីប និង ប្រតិបត្តិការបានបន្តនៅរោងចក្រសំខាន់របស់អាមេរិក ក្រោយបិទដំណើរការជាបណ្តោះអាសន្ន ។ ការព្យាកររបស់ក្រុមហ៊ុនផលិតស្មាតហ្វូនធំបំផុតរបស់ពិភពលោកមួយនេះ បានកើនលើសការព្យាកររបស់ក្រុមអ្នកវិភាគអំពីប្រាក់ចំណេញ គឺកើនឡើង៣៨ភាគរយសម្រាប់ក្រុមហ៊ុន ក្នុងត្រីមាសទី២ ឆ្នាំ២០២១នេះ ។ ក្រុមហ៊ុនបច្ចេកវិទ្យាខ្នាតយក្សរបស់កូរ៉េខាងត្បូងមួយនេះ បាននិយាយនៅក្នុងការប៉ាន់ស្មានប្រាក់ចំណូលថា ខ្លួនរំពឹងថា ប្រាក់ចំណេញប្រតិបត្តិការប្រមាណ១២.៥ទ្រីលានវ៉ុន ឬស្មើនឹង១១ពាន់លានដុល្លារសម្រាប់ខែមេសា ដល់ខែមិថុនា នឹងកើនឡើងពី ៨.១៥ ទ្រីលានវ៉ុនកាលពីឆ្នាំមុន ៕ ប្រភព៖ AFP
-
ធនាគារពិភពលោក (WB) បង្កើនការព្យាករណ៍ពីកំណើនសេដ្ឋកិច្ចចិននៅឆ្នាំ២០២១នេះ ពី៨.១% ដល់ ៨.៥% (មានវីដេអូ)
ចិន៖ ធនាគារពិភពលោក (WB) ថ្មីៗនេះ បានបង្កើនការព្យាករណ៍កំណើនសេដ្ឋកិច្ចរបស់ប្រទេសចិន នៅក្នុងឆ្នាំ២០២១នេះ ពី៨.១ ភាគរយ ដល់ ៨.៥ភាគរយ ហើយបាននិយាយពីការងើបឡើងវិញយ៉ាងពេញលេញ តម្រូវអោយមានវឌ្ឍនភាពក្នុងការចាក់វ៉ាក់សាំងការពារកូវីដ-១៩ ។ ការព្យាករណ៍របស់ធនាគារពិភពលោកលើកនេះ មានការកើនឡើងជាងរបាយការណ៍មួយនៅក្នុងខែមេសាកន្លងទៅ ដែលបាននិយាយថា ចិន និងវៀតណាម គឺជាសេដ្ឋកិច្ចអាស៊ីបូព៌ាតែមួយគត់ ដែលសម្រេចបាននូវការស្តារសេដ្ឋកិច្ចឡើងវិញក្នុងឆ្នាំ២០២០ ជាមួយនឹងទិន្នផលត្រឡប់មកវិញខ្ពស់ជាងកម្រិតមុនជំងឺរាតត្បាត ។ បើតាមធនាគារពិភពលោក (WB) កំណើនសេដ្ឋកិច្ចរបស់ប្រទេសចិន ទំនងជានឹងថយចុះមកនៅត្រឹម៥.៤ភាគរយនៅឆ្នាំក្រោយ (ឆ្នាំ២០២២) ដោយសារការស្ទុះងើបឡើងវិញ ពីការធ្លាក់ចុះ និងសកម្មភាពពិភពលោកបានវិលត្រលប់ទៅធម្មតាវិញ ៕ ប្រភព៖ CNA