ភ្នំពេញ៖ យោងតាមរបាយការណ៍របស់អគ្គនាយកដ្ឋានកសិកម្មបានអោយដឹងថា កម្ពុជាមានផ្ទៃដីដាំដុះដំឡូងមីសរុបចំនួន៦៦ម៉ឺន៣ពាន់៩២៩ហិកតា បរិមាណផលសរុបចំនួន១២លាន ៦៨ម៉ឺន៩៨៧តោននៅក្នុងឆ្នាំ២០២០ ។ ក្រៅពីការប្រើប្រាស់ក្នុងស្រុក កម្ពុជាបាននាំចេញដំឡូងមីស្រស់ ម្សៅដំឡូងមី និងចំណិតដំឡូងមីស្ងួតគិតជាទឹកប្រាក់ប្រមាណមួយពាន់លានដុល្លារក្នុងមួយឆ្នាំ ។ ក្នុងរយៈពេល៥ខែឆ្នាំ២០២១នេះ ការនាំចេញចំណិតដំឡូងមីក្រៀមមានចំនួន១លាន២១ម៉ឺន១ពាន់៣៥៣,១២តោន កើនឡើងចំនួន២១,៥៨% ក្នុងនោះនាំចេញទៅប្រទេសថៃចំនួន ៨២ម៉ឺន៩ពាន់៥០តោន វៀតណាមចំនួន៣៦ម៉ឺន២ពាន់៦៥១,៥៦តោន និងចិនចំនួន១ម៉ឺន៩ពាន់ ៦៥១,៥៦តោន ។ ដំឡូងមីស្រស់មានចំនួន៣៣ម៉ឺន៩ពាន់តោន ថយចុះចំនួន-៥,២០% ក្នុងនោះនាំចេញទៅប្រទេសថៃចំនួន៦ម៉ឺនតោន និងវៀតណាមចំនួន២៧ម៉ឺន៩ពាន់តោន ។ ដោយឡែកម៉្សៅដំឡូងមីមានចំនួន១ម៉ឺន៣ពាន់៤៥៤,៦៤តោន កើនឡើងចំនួន៣០,៩៧% ក្នុងនោះនាំចេញទៅប្រទេសចិនចំនួន១ម៉ឺន២ពាន់៨៤១តោន អ៊ីតាលីចំនួន៣៣,៨៤តោន ហូឡង់ចំនួន១១៤តោន ថៃចំនួន២៩៥,៨០តោន និងសហរដ្ឋអាមេរិកចំនួន១៧០តោន ។ គួរកត់សម្គាល់ បច្ចុប្បន្នកម្ពុជាបានចាត់ទុកដំឡូងមី គឺជាដំណាំសំខាន់ទី២ បន្ទាប់ពីដំណាំស្រូវសម្រាប់ផ្គត់ផ្គង់ឲ្យទីផ្សារក្នុងស្រុក (ផលិតអាហារមនុស្ស និងសត្វ) និងនាំចេញ (ស្រស់ ចំណិតក្រៀម និងជាម្សៅ) ។ ដើម្បីឆ្លើយតបទៅនឹងតម្រូវការទីផ្សារ ផលិតកម្មដំឡូងមីមានការកើនឡើងយ៉ាងឆាប់រហ័សនៅក្នុងតំបន់ ធ្វើឲ្យផ្ទៃដីដំាដុះនៅក្នុងប្រទេសកម្ពុជា ឡាវ និងមីយ៉ាន់ម៉ា ក៏មានការកើនឡើងគួរអោយកត់សម្គាល់ផងដែរ ៕

“សាជីវកម្មខ្មែរ” ផលិតស្បែកជើងចេញពីស្បែកសត្វ ទោះបីជាធ្លាប់បរាជ័យក្នុងការបញ្ចេញលក់នៅលើទីផ្សារ និងមិនសូវមានការគាំទ្រពីអតិថិជន ប៉ុន្តែខ្លួនតាំងចិត្តនៅតែមិនចុះចាញ់ ដើម្បីវាយលុកចូលទីផ្សារអោយបាន ៕

ភ្នំពេញ៖ អ្នកនាំពាក្យក្រសួងទេសចរណ៍ ឯកឧត្តម ជុក ជំនោរ មានសុទិដ្ឋិនិយមថា ភ្ញៀវទេសចរជាតិ និងអន្តរជាតិរំពឹងថា នឹងមានកំណើនខ្លាំងឡើងវិញ បន្ទាប់ពីពលរដ្ឋបានចាក់វ៉ាក់សាំងគ្រប់គ្នានៅដើមឆ្នាំ២០២២ បើទោះបីជាកំណើនភ្ញៀវទេសចរក្នុងស្រុក និងអន្តរជាតិនៅមានកម្រិតនៅឡើយ ។ ឯកឧត្តមបន្តថា រាជរដ្ឋាភិបាលបាននឹងកំពុងពន្លឿនការចាក់វ៉ាក់សាំងជូនដល់ពលរដ្ឋឱ្យបានគ្រប់គ្នា ដើម្បីជំរុញវិស័យទេសចរណ៍ឡើងវិញ បន្ទាប់ពីទទួលរងផលងប៉ះពាល់យ៉ាងខ្លាំងដោយសារជំងឺកូវីដ១៩នាពេលកន្លងមក ។ ឯកឧត្តមបន្ថែមថា ដោយសាររាជរដ្ឋាភិបាល សម្រុកចាក់វ៉ាក់សាំងដល់ពលរដ្ឋនៅទីក្រុងភ្នំពេញ ដែលជាតំបន់ប្រឈមខ្ពស់ជិតរួចរាល់ហើយ ដូច្នេះរាជរដ្ឋាភិបាលនឹងចាប់ផ្ដើមពន្លឿនការចាក់វ៉ាក់សាំងតាមគោលដៅសំខាន់ៗជាបន្តបន្ទាប់ទៀត ជាពិសេសតំបន់គោលដៅទេសចរណ៍ ។ បច្ចុប្បន្នក្រសួងទេសចរណ៍បាននិងកំពុងជំរុញការសិក្សាលទ្ធភាពទទួលភ្ញៀវទេសចរអន្តរជាតិ ដែលបានចាក់វ៉ាក់សាំងបង្ការជំងឺ​កូវីដ១៩​រួចហើយ ដែលមកពីទីផ្សារណាមានហានិភ័យទាប នៅក្នុងជំហ៊ានដំបូងរបស់ខ្លួន ដែលរំពឹងថា នឹងចាប់ផ្តើមនៅក្នុងត្រីមាសទី៤ខាងមុខនេះ ។ ការធ្វើដូច្នេះដើម្បី​សង្គ្រោះឧស្សាហកម្មទេសចរណ៍របស់កម្ពុជាឡើងវិញ ដែលកំពុងជួបវិបត្តិយ៉ាងធ្ងន់ធ្ងរពីការរាតត្បាតជាសកលនៃជំងឺកូវីដ១៩ ក្នុងរយៈពេលជាងមួយឆ្នាំមកនេះ នេះបើតាមការបញ្ជាក់ពីឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ។ ឯកឧត្តមរដ្ឋមន្រ្តីបន្តថា ចំពោះផែនការបើកដំណើរការទទួលភ្ញៀវទេសចរអន្តរជាតិឡើងវិញនេះ ក្នុងជំហ៊ានដំបូង ក្រសួងទេសចរណ៍ និងធ្វើការជាមួយក្រសួងសុខាភិបាល អំពីលក្ខខណ្ឌឲ្យប្រាកដថាតើយើងនឹងតម្រូវឲ្យភ្ញៀវទេសចរអន្តរជាតិ ដែលបានចាក់វ៉ាក់សាំងបង្ការជំងឺកូវីដ១៩រួចរាល់ហើយ ចូលមកប្រទេសកម្ពុជានោះ ត្រូវធ្វើ​ចត្តាឡីស័ក​ក្នុងកម្រិតណា ។ យោងតាមក្រសួងទេសចរណ៍ ចំនួនភ្ញៀវទេសចរបរទេសមកទស្សនាកម្ពុជាក្នុងរយៈពេល៤ខែដំបូងក្នុងឆ្នាំ២០២១នេះ មានចំនួន៨ម៉ឺន២ពាន់៨៣៩នាក់ ធ្លាក់ចុះ៩២,៩ភាគរយ បើធៀបទៅនឹងឆ្នាំកន្លងទៅ…

ភ្នំពេញ៖ យោងតាមសេចក្ដីប្រកាសព័ត៌មានរបស់ធនាគារពិភពលោក World Bank ប្រចាំកម្ពុជាបានអោយដឹងថា សេដ្ឋកិច្ចរបស់កម្ពុជាកំពុងរើបឡើងវិញបន្តិចម្តងៗហើយ ជាមួយការព្យាករណ៍ទុកថា វានឹងទទួលបានកំណើនជិត៤ភាគរយក្នុងឆ្នាំ២០២១ បន្ទាប់ពីរួញទំហំអស់៣.១ភាគរយក្នុងឆ្នាំ២០២០ ។ បើតាមសេចក្ដីប្រកាសព័ត៌មានខាងលើ ការរើបឡើងវិញនេះ មានលក្ខណៈមិនដូចគ្នាទេ នៅតាមផ្នែកនានានៃសេដ្ឋកិច្ច ហើយវាក៏ស្ថិតនៅក្នុងសភាពផុយស្រួយនៅឡើយដែរ មួយផ្នែកដោយសារតែវិធានការបិទខ្ទប់ត្រូវបានដាក់អនុវត្តម្តងទៀត ដើម្បីទប់ស្កាត់ការរាលដាលនៃការឆ្លងវីរុសកូវីដ១៩ ។ វិស័យកសិកម្ម នៅរក្សាភាពធន់បានគួរសម ដោយសារតែមានតម្រូវការខ្លាំង អមដោយការនាំចេញក្រោមកិច្ចព្រមព្រៀងពាណិជ្ជកម្មសេរី ដែលកម្ពុជានិងចិន បានចុះហត្ថលេខាជាមួយគ្នា ។ ផ្នែកឧស្សាហកម្មផលិតក៏បានរើបឡើងវិញជាបណ្តើរៗដែរ ដោយត្រូវសម្របខ្លួន ទៅតាមលក្ខខណ្ឌប្រែប្រួលនៅខាងក្រៅ ។ អាជីវកម្មបោះដុំ និងលក់រាយបានប្រឹងរើបឡើងវិញយឺតៗដែរ នៅពេលដែលសកម្មភាពសេដ្ឋកិច្ច ក្នុងស្រុកងើបឡើងវិញបន្តិចម្តងៗ ។ ផ្ទុយទៅវិញ ផ្នែកនានានៃវិស័យសេវា ដូចជាផ្នែកស្នាក់នៅ ភោជនីយដ្ឋាន និងផ្នែកដឹកជញ្ជូន នៅតែបន្តរងការប៉ះទង្គិចខ្លាំង ពីការធ្លាក់ចុះនៃទេសចរណ៍ក្នុងស្រុក និងអន្តរជាតិ ។ ការវិនិយោគផ្ទាល់ពីបរទេសនៅតែហូរចូលឥតដាច់ ព្រមទាំងជួយទ្រទ្រង់ដល់វិស័យក្រៅប្រទេសផងដែរ ។ ទៅមុខទៀត ចក្ខុវិស័យសម្រាប់កំណើនរបស់កម្ពុជា នៅតែប្រឈមនឹងភាពមិនប្រាកដប្រជាខ្លាំង ក្នុងនោះទ្រង់ទ្រាយ និង ល្បឿននៃដំណើររើបឡើងវិញនេះ អាស្រ័យស្ទើរតែទាំងស្រុងទៅលើសភាពរបស់វីរុស និងទៅលើល្បឿននៃការចាក់វ៉ាក់សាំងការពារ ។ លោកស្រី…