ព្រះវិហារ៖ តាមរយៈការកែច្នៃចេញពីអនុផលព្រៃឈើជាសម្ភារៈ និងវត្ថុអនុស្សាវរីយ៍ប្រើប្រាស់ផ្សេងៗរបស់ប្រជាសហគមន៍ អាចធ្វើឱ្យពួកគាត់រកប្រាក់ចំណូលបន្ថែម សម្រាប់ទ្រទ្រង់ជីវភាពគ្រួសាររបស់ប្រជាពលរដ្ឋនៅខេត្តព្រះវិហារ ។ ​ទ្រាំង​ជា​រុក្ខជាតិ​មាន​ប្រយោជន៍​ច្រើនណាស់​ទាំង​ធាង ស្លឹក​ និង ​ខ្លឹម​របស់​វា​សុទ្ធតែ​អាច​ច្នៃ​ចេញ​ជា​សម្ភារ​បាន​ទាំងអស់ ក្នុងនោះគេអាចកែច្នៃ​ចេញ​ជា​សម្ភារៈ​ប្រើប្រាស់​ និង​របស់​តាំង​លម្អ ។ ការកែច្នៃ​នេះ​បាន​ក្លាយជា​មុខរបរ​ប្រពៃណី​មួយ​ បន្ទាប់ពី​មុខរបរ​ស្នូល ​គឺ​ការធ្វើ​ស្រែចម្ការ​របស់​ពួកគាត់ ។ ប្រជាពលរដ្ឋរស់នៅភូមិសង្កែ ឃុំសង្កែ ស្រុកឆែប ខេត្តព្រះវិហារ នៅក្នុងសហគមន៍ឆែប​បានទាញយកផលប្រយោជន៍ចេញពីដើមទ្រាំង ដោយច្នៃចេញជាចង្កឹះ ផ្លែដាវ ឈើច្រត់ វែកបាយ កន្ទេល និងធ្នូលក់ចេញលើទីផ្សារ ក្លាយជារបរមួយបន្ថែមទៀតក្រៅពីរបរកសិករ ។ កំពុងឈរលក់សម្ភារៈដែលកែច្នៃចេញពីដើមទ្រាំង អ្នកស្រី ហឿនឡា បានឱ្យដឹងថា ចាប់ពីក្រុមគ្រួសារអ្នកស្រីចេះកែច្នៃដើមទ្រាំងចេញជាសម្ភារៈប្រើប្រាស់មក ឃើញថា ជីវភាពគ្រាន់គាប់ប្រសើរជាងមុន ។ អ្នកស្រីអាចរកចំណូលគ្រាន់ដោះស្រាយក្នុងគ្រួសារ ។ ដោយឡែកអ្នកស្រី ទិត្យ សុខុន រស់នៅភូមិសង្កែ ឃុំសង្កែ ស្រុកឆែប ខេត្តព្រះវិហា បានឱ្យដឹងពីផលប្រយោជន៍ដើមទ្រាំងនេះថា អ្នកស្រីអាចប្រើប្រាស់បានច្រើនយ៉ាងណាស់ មានដូចជាគមវាធ្វើម្ហូប ស្លឹកប្រក់ផ្ទះ ធ្វើកន្ទេល និងដើមវាអាចកែច្នៃធ្វើសម្ភារៈច្រើនបែបយ៉ាងណាស់ពេលបច្ចុប្បន្ន ។ អ្នកផលិតសម្ភារៈដែលកែច្នៃចេញពីដើមទ្រាំងមានឈ្មោះបោះសម្លេងមួយរូបនៅស្រុកឆែបខេត្តព្រះវិហារនេះ…

ភ្នំពេញ៖ ​យោងតាម​ទិន្នន័យ​ពី​ក្រសួង​ពាណិជ្ជកម្ម​កម្ពុជា​បានបង្ហាញថា ក្នុង​រយៈពេល៤​ខែដើមឆ្នាំ២០២១នេះ ការនាំចេញ​កង់ និង​គ្រឿងបន្លាស់​ពី​កម្ពុជា​ទៅកាន់​ទីផ្សារ​អន្តរជាតិ​ មានតម្លៃ​សរុប​ជិត២០០​លាន​ដុល្លារ ​កើនឡើង​ជិត៥០​លាន​ដុល្លារ ឬ​ស្មើនឹង​ជាង​៣២​ភាគរយ ​បើ​ធៀប​ទៅនឹង​រយៈពេល​ដូចគ្នា​ឆ្នាំមុន ។ បើតាមរបាយការណ៍ខាងលើនេះ ចាប់ពី​ខែ​មករា ​ដល់​ខែមេសា ឆ្នាំ​២០២១ ការនាំចេញ​កង់ និង​គ្រឿងបន្លាស់​កង់មាន​ទឹកប្រាក់១៩៩លាន៤ម៉ឺន១ពាន់៧០៩ដុល្លារ​ កើនឡើង៣២,៣៨ ភាគរយ បើ​ធៀប​នឹង​រយៈពេល​ដូចគ្នាកាលពី​ឆ្នាំមុន ក្នុងនោះ​ការនាំចេញ​កង់​មានតម្លៃ១៩៨លាន៦៦ម៉ឺន៨ពាន់១៦៣​ដុល្លារ កើនឡើង៣២,២៨​ភាគរយ និង​គ្រឿងបន្លាស់​កង់មាន​តម្លៃ៣៧ម៉ឺន៣ពាន់៥៤៥,៩៨​ដុល្លារ កើន១១៣,៤៤​ភាគរយ ​។ កំណើន​នេះ​បង្ហាញថា ការនាំចេញ​កង់​នៅតែ​ជម្នះ​បាន​នូវ​ឧបសគ្គ​ពី​ការរីករាលដាល​ជំងឺ​កូវីដ​១៩ ដែល​កំពុង​បន្ដ​លុកលុយ​ខ្លាំង​នៅ​ប្រទេស​កម្ពុជា ក៏ដូចជា​ប្រទេស​ជាច្រើន​ទៀត​លើ​ពិភពលោក​ ។ ឯកឧត្តម ស៊ាង ថៃ អ្នកនាំពាក្យ​ក្រសួង​ពាណិជ្ជកម្ម​បាន​ឱ្យដឹងថា ប្រទេស​ដែល​នាំចូល​កង់​ច្រើន​ពី​កម្ពុជា រួមមាន អាមេរិក ​អង់គ្លេស អឺរ៉ុប ជប៉ុន កាណាដា ចិន កូរ៉េខាងត្បូង​ និង​ប្រទេស​ក្នុង​តំបន់​អាស៊ាន​ ។ ឯកឧត្តមបន្តថា ​កត្តា​សំខាន់ៗ​ដែល​ជំរុញ​ឱ្យ​ការនាំចេញ​របស់​កម្ពុជា​បន្ត​កើនឡើង​នៅ​ដើមឆ្នាំ​នេះ គឺ​ដោយសារ​មានការ​អំពាវនាវ​របស់​រដ្ឋមន្ត្រី​ក្រសួង​ពាណិជ្ជកម្ម​កម្ពុជា​អោយ​អ្នកបញ្ជា​ទិញ​នៅ​បន្ត​ការបញ្ជាទិញ​ទំនិញ​ពី​កម្ពុជា និង​ទំនុកចិត្ត​របស់​អ្នកបញ្ជា​ទិញ​ ។ បើតាម​ឯកឧត្តម ស៊ាង ថៃ សព្វថ្ងៃកម្ពុជា​មាន​រោងចក្រ​ផលិត​ដំឡើង​កង់​ចំនួន៦ស្ថិតក្នុង​តំបន់​សេដ្ឋកិច្ច​ពិសេសខេត្ត​ស្វាយរៀង ​។ បើតាមទិន្នន័យ​របស់ក្រសួង​ពាណិជ្ជកម្ម ក្នុង​ឆ្នាំ​២០២០…

ភ្នំពេញ៖ បារាំងនៅតែបន្តជាទីផ្សារនាំចេញទំនិញដ៏សំខាន់មួយរបស់កម្ពុជា ដែលក្នុងនោះទំហំពាណិជ្ជកម្មរវាងកម្ពុជា និងបារាំងនៅឆ្នាំ២០២០ សម្រេចបានចំនួន៤៥៦លានដុល្លារ និងគិតត្រឹមខែមេសា ឆ្នាំ២០២១នេះ មានទឹកប្រាក់ចំនួន១៥៧លានដុល្លារ ។ របាយការណ៍ខាងលើនេះត្រូវបានបង្ហាញអោយដឹងនៅក្នុងជំនួបរវាងឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម ជាមួយលោកជំទាវ Eva NGUYEN BINH ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋបារាំងប្រចាំព្រះរាជាណាចក្រកម្ពុជា ខណៈដែលលោកជំទាវបានបញ្ចប់អាណត្តិកបេសកកម្មការទូតនៅកម្ពុជា ។ នាឱកាសនោះដែរ ឯកឧត្តម ប៉ាន សូរស័ក្ដិ បានបង្ហាញពីការត្រៀមខ្លួចរួចជាស្រេចរបស់ក្រសួងពាណិជ្ជកម្ម ក្នុងការជួយសម្របសម្រួលដល់ធុរជន និងវិនិយោគិនបារាំងដែលមានបំណងមកវិនិយោគ និងពង្រីកប្រតិបត្តិការពាណិជ្ជកម្ម ជាពិសេសនៅក្នុងវិស័យសក្តានុពល រួមមាន៖ ការកែច្នៃចំណីអាហារ ផលិត ផលកសិកម្ម (ផ្លែឈើស្រស់) និងក្នុងវិស័យទេសចរណ៍ ដែលកត្តាទាំងនេះនឹងចូលរួមចំណែកទ្រទ្រង់ និងស្តារសេដ្ឋកិច្ចកម្ពុជានៅក្រោយ​វិបត្តិកូវីដ-១៩ ។ លោកជំទាវឯកអគ្គរដ្ឋទូតក៏បានបង្ហាញពីសេចក្តីសោមនស្សរីករាយ ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម ក្នុងការធ្វើពិពិធកម្មសេដ្ឋកិច្ច កំណែទម្រង់ច្បាប់ បទបញ្ញត្តិ និងការកសាងស្ថាប័ននាពេលកន្លងមកផងដែរ ៕

ភ្នំពេញ៖ ក្រុមហ៊ុនចំនួន៣បន្ថែមទៀតដែលមានទុននិយោគចំនួន១៤លាន៩សែនដុល្លារ ត្រូវបានក្រុមប្រឹក្សាអភិវឌ្ឍន៍កម្ពុជា (CDC) បានសម្រេចអោយធ្វើការបណ្តាក់ទុនវិនិយោគ ដោយអាចបង្កើតការងារដល់ពលរដ្ឋបានចំនួន៣ពាន់២២៥កន្លែង ។ ក្រុមហ៊ុនទាំង៣នោះរួមមាន៖ ១- J.A.K GARMENT CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំង វិនិយោគស្ថិតនៅភូមិកំពង់ព្រីង សង្កាត់សិត្បូ ក្រុងតាខ្មៅ ខេត្តកណ្តាល មានទុនវិនិយោគប្រមាណ ២លាន៤សែនដុល្លារអាមេរិក និងអាចបង្កើតការងារបានចំនួន ១ពាន់៥៣កន្លែង ។ ២- PREMIER TECH GARMENT (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងឈូក ឃុំសូភី ស្រុកបាទី ខេត្តតាកែវ មានទុនវិនិយោគប្រមាណ ៤លាន៣សែនដុល្លារអាមេរិក និងអាចបង្កើតការងារបានចំនួន ១ពាន់៧៤៨កន្លែង ។ ៣- CHANCO TEXTILES (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ ភួយ ស្រោមពូក និងស្រោមខ្នើយ ដែលមានទីតាំងវិនិយោគស្ថិតនៅភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ…

ភ្នំពេញ៖ ទិសដៅអនាគត ក្រុមហ៊ុន Top Planning Japan (TPJ) សហការជាមួយសិប្បកម្មកែច្នៃគ្រាប់ស្វាយចន្ទី ជ័យ សំបូរ ដែលមានទីតាំងនៅភូមិត្រពាំងអារក្ស ឃុំជ័យ ស្រុកកំពង់ស្វាយ មានការសម្រួលពីនាយកដ្ឋានកសិ-ឧស្សាហកម្ម នឹងបង្កើនការនាំចេញទៅកាន់ទីផ្សារអឺរ៉ុប សហរដ្ឋអាមេរិក កាណាដា ចិន និងអូស្រ្តាលី ដោយបង្កើនទំហំផលិតកម្មកែច្នៃគ្រាប់ស្វាយចន្ទីអោយបាន២០តោនក្នុងមួយខែ ។ បង្កើនបរិមាណប្រមូលទិញគ្រាប់ស្វាយចន្ទីស្រស់ចំនួន១ពាន់តោនក្នុងឆ្នាំ២០២១ និងកើនឡើងបន្តបន្ទាប់ ។  ជាមួយគ្នានេះ សហការជាមួយសមាគមស្វាយចន្ទីកម្ពុជា កសាងឃ្លាំងស្តុកគ្រាប់ស្វាយចន្ទីស្រស់ដែលមានសមត្ថភាពស្តុកទុកគ្រាប់យ៉ាងតិច៥ពាន់តោន ដើម្បីធានាបរិមាណផ្គត់ផ្គត់ និងតម្លៃកិច្ចសន្យា ។ នៅឆ្នាំ២០២៣ ក្រុមហ៊ុន TPJ គ្រោងបង្កើតរោងចក្រកែច្នៃ ដែលមានសមត្ថភាពផលិតបានរហូតដល់២ទៅ៣ពាន់តោនក្នុងមួយឆ្នាំ ។ ការឲ្យដឹងនេះ ធ្វើឡើងក្នុងអំឡុងពេលឯកឧត្តម វេង សាខុន រដ្ឋមន្ត្រីក្រសួងកសិកម្ម រក្ខាប្រមាញ់ និងនេសាទ អញ្ជើញមកពិនិត្យសកម្មភាពកែច្នៃគ្រាប់ស្វាយចន្ទីរបស់សិប្បកម្មកែច្នៃគ្រាប់ស្វាយចន្ទី ជ័យ សំបូរ នាពេលថ្មីៗនេះ ។ គួរកត់សម្គាល់ ដោយមានការជួយជ្រោមជ្រែងពីនាយកដ្ឋានកសិ-ឧស្សាហកម្ម នៅថ្ងៃទី២២ ខែកុម្ភៈ ឆ្នាំ២០២០ ក្រុមហ៊ុន Top Planning…