ពលរដ្ឋសប្បាយចិត្ត នឹងការប្រមូលផលផ្សិតក្ងោក យកទៅលក់នៅទីផ្សារក្នុងស្រុក ឬនាំចេញទៅក្រៅប្រទេស ជាមួយនឹងតម្លៃថ្លៃគួរសម ៕

កម្ពុជា និង UNDP ចាប់ផ្តើមអនុវត្តគម្រោងថ្មីមួយ ក្នុងការគ្រប់គ្រង សំណល់វេជ្ជសាស្ត្រ ឲ្យមានប្រសិទ្ធភាព អំឡុងពេលកូវីដ១៩ ៕

ភ្នំពេញ៖ រាជរដ្ឋាភិបាលកម្ពុជា នឹងយកកែវផ្ទុកដំណក់ប្រេងលើកដំបូងរបស់ខ្លួន ដាក់រក្សាទុកនៅសារមន្ទីរវិមានឈ្នះ ឈ្នះ នៅព្រឹកថ្ងៃទី០៩ ខែមិថុនា ឆ្នាំ២០២១ ខាងមុខនេះ ដើម្បីទុកជាកេរដំណែលប្រវត្តិសាស្រ្ត។ ពិធីប្រគល់ និងទទួល កែវផ្ទុកដំណក់ប្រេងដំបូងរបស់កម្ពុជា ដាក់តាំងនៅសារមន្ទីរវិមានឈ្នះ ឈ្នះ នៅថ្ងៃពុធនេះ នឹងធ្វើឡើង ក្រោមអធិបតីភាព សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និង លោក ស៊ុយ សែម រដ្ឋមន្រ្តីក្រសួងរ៉ែ និងថាមពល។ ការរកឃើញដំណក់ប្រេងលើកដំបូងរបស់កម្ពុជា ត្រូវបានប្រកាស ដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២៩ ខែធ្នូ ឆ្នាំ២០២០ ចំនឹងថ្ងៃខួបលើកទី២២ នៃនយោបាយឈ្នះឈ្នះរបស់សម្តេច។ ការរកឃើញដំណក់ប្រេងលើកដំបូងនេះ គឺស្ថិតនៅតំបន់ប្លុក A នៃឈូងសមុទ្រកម្ពុជា ដោយក្រុមហ៊ុន Kris Energy ដែលបានខួងប្រេងចេញពីបាតសមុទ្រ ក្នុងខេត្តព្រះសីហនុ។ រាជរដ្ឋាភិបាល ធ្លាប់បានបញ្ជាក់ថា ចំណូលទទួលបានពីវិស័យប្រេងកាតនេះ នឹងត្រូវផ្តល់អាទិភាព ទៅលើវិស័យអប់រំ និងវិស័យសុខាភិបាល៕

កម្ពុជា៖ ក្រសួងកសិកម្ម រុក្ខាប្រមាញ់ និងនេសាទបានអោយដឹងថា ក្នុងរយៈពេល៥ខែឆ្នាំ២០២១នេះ កម្ពុជាបាននាំចេញផ្លែចេក និងផ្លែស្វាយស្រស់សរុបជាង៣៦ម៉ឺនតោនទៅកាន់ទីផ្សារបរទេស ក្នុងនោះការនាំចេញផ្លែចេកស្រស់កើនឡើង៦៨ភាគរយ ចំណែកការនាំចេញផ្លែស្វាយស្រស់កើនឡើង២៥៥ភាគរយ ។ ក្នុងចំណោមផ្លែចេកស្រស់ចំនួន២០ម៉ឺន៥ពាន់២៤,៤៧តោន កម្ពុជាបាននាំចេញទៅកាន់ប្រទេសចិនច្រើនជាងគេចំនួន១៧ម៉ឺន៩ពាន់៩៦,៨១តោន បន្ទាប់មកគឺវៀតណាមចំនួន២ម៉ឺន៥ពាន់១១៣,៣៤តោន សិង្ហបុរីចំនួន៤៨០,៤៨តោន និងជប៉ុនចំនួន៣៣៣,៨៤តោន ។ សម្រាប់ផ្លែស្វាយស្រស់មានចំនួន១៥ម៉ឺន៦ពាន់៧២៤,៥២តោន កម្ពុជាបាននាំចេញទៅ វៀតណាមច្រើនជាងគេចំនួន១៣ម៉ឺន៦ពាន់១០២,៦៥តោន បន្ទាប់មកគឺថៃចំនួន២ម៉ឺន២១៩,២៨ តោន ចិនចំនួន២១១,២២តោន កូរ៉េចំនួន១២៤,៣៨តោន ហុងកុងចំនួន៥០,៧៨តោន សិង្ហបុរីចំនួន១៦,២០តោន និងគុយវ៉ែតចំនួន០,០១តោន ។ ផ្លែចេក និងផ្លែស្វាយស្រស់ គឺជាផលិតផលកសិកម្មដែលកម្ពុជាអាចនាំចេញទៅកាន់ប្រទេសចិនដោយផ្ទាល់ ។ បើទោះបីជាកម្ពុជានាំចេញផ្លែស្វាយស្រស់ទៅកាន់ប្រទេសចិនចំនួនតែ២១១,២២តោនក្នុងរយៈពេល៥ខែដំបូងក្នុងឆ្នាំ២០២១នេះក៏ដោយ តែកម្ពុជាគ្រោងនឹងនាំចេញផ្លែស្វាយស្រស់ប្រមាណ១០ម៉ឺនតោនទៅកាន់ទីផ្សារប្រទេសចិន ដោយអាចផ្តល់នូវប្រាក់ចំណូលប្រមាណ១០០លានដុល្លារ នេះបើតាមឯកឧត្តម វេង សាខុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ថ្លែងក្នុងពិធីសម្ពោធការនាំចេញផ្លែស្វាយស្រស់៨០តោនដំបូងទៅកាន់ទីផ្សារប្រទេសចិន កាលពីថ្ងៃទី០៧ ខែឧសភា ឆ្នាំ២០២១ ។ ឯកឧត្តមបន្ថែមថា គិតមកទល់បច្ចុប្បន្ននេះ អគ្គនាយកដ្ឋានកសិកម្មនៃក្រសួងកសិកម្ម បានទទួលពាក្យស្នើសុំចុះបញ្ជីចម្ការស្វាយ និងទីតាំងវេចខ្ចប់សម្រាប់នាំចេញផ្លែស្វាយស្រស់កម្ពុជាទៅកាន់ប្រទេសចិនចំនួន៥៥ក្រុមហ៊ុន/ម្ចាស់ចម្ការ/សហគមន៍កសិកម្ម និងកំពុងបន្តទទួលនូវពាក្យស្នើសុំចុះបញ្ជីចម្ការស្វាយជាបន្តបន្ទាប់ថែមទៀតផងដែរ ។ យោងតាមស្ថិតិឆ្នាំ២០២០បានបង្ហាញថា ផ្ទៃដីដាំដុះដំណាំស្វាយនៅកម្ពុជាមានចំនួនជាង១៣ម៉ឺនហិកតា ផ្ទៃដីអាចប្រមូលផលមានចំនួនជាង៩ម៉ឺនហិកតា…

ជញ្ជីងពាណិជ្ជកម្ម ទ្វេភាគី កម្ពុជា-វៀតណាម មាន ការកើនឡើងជាលំដាប់ បើទោះបីជាមានការឆ្លងរាលដាល ជំងឺកូវីដ១៩ ជាសាកលក៍ដោយ ៕