ថៃ៖ រដ្ឋាភិបាលថៃត្រៀមបញ្ចេញកញ្ចប់ថវិការាប់ពាន់លានដុល្លារ ស្ថិតក្នុងគោលបំណងសង្គ្រោះផ្នែកសេដ្ឋកិច្ចជួយដល់ប្រជាជន ដែលរងផលប៉ះពាល់ដោយសារវិបត្តិកូវីដ១៩ និងគាំទ្រដល់ការស្តារឡើងវិញនូវសេដ្ឋកិច្ចរបស់ប្រទេសខ្លួន ។ស្របពេលជាមួយគ្នានេះដែរ ឧបនាយករដ្ឋមន្រ្តីថៃ លោក ស៊ូភាតតាណាភុត ភុនមីឆាវ (Supattanapong Punmeechaow) ថ្លែងថា គណៈរដ្ឋមន្រ្តីថៃបានអនុម័តកញ្ចប់ថវិកាគាំទ្រសេដ្ឋកិច្ច ដែលមានទំហំទឹកប្រាក់ប្រមាណ១៧៨.៥ពាន់លានបាត ឬស្មើនឹង៥.៧ពាន់លានដុល្លារ ។បើតាមឧបនាយករដ្ឋមន្រ្តីថៃរូបនេះ កញ្ចប់ថវិកាសង្រ្គោះដ៏ច្រើនខាងលើ រដ្ឋាភិបាលនឹងជួយប្រជាជន តាមរយៈកម្មវិធីមួយចំនួន ដែលក្នុងនោះមានដូចជាការអនុគ្រោះលើការទិញទំនិញ-សេវាកម្ម និងការផ្តល់លុយឧបត្ថម្ភជាដើម ៕ ស៊ីនហួរ

ឥណ្ឌា៖ ពលរដ្ឋជនឥណ្ឌាប្រមាណ២៣០លាននាក់បានធ្លាក់ក្នុងភាពក្រីក្រ ដោយសារវិបត្តិកូវីឌ១៩កាលពីឆ្នាំ២០២០ ក្នុងនោះយុវជននិងស្ត្រីគឺជាក្រុមមនុស្សដែលរងគ្រោះធ្ងន់ធ្ងរជាងគេ នេះបើតាមការសិក្សាថ្មីមួយ ដែលដកស្រង់ចុះផ្សាយដោយសារព័ត៌មាន AFP ។យោងតាមរបាយការណ៍ពីសាកលវិទ្យាល័យ អាហ្ស៊ីម ព្រីមជី (Azim Premji) ដែលមានមូលដ្ឋាននៅទីក្រុង បែនក្លាឡ័រ (Bangalore) បានឲ្យដឹងថា វិធានការបិទខ្ទប់ប្រទេសយ៉ាងតឹងរ៉ឹងរបស់ឥណ្ឌា ដែលបានបន្តអស់រយៈពេលជាច្រើនខែ ចាប់តាំងពីខែមីនាមក ធ្វើឱ្យមនុស្សជិត ១០០លាននាក់បាត់បង់ការងារធ្វើ ខណៈដែលប្រមាណ១៥ភាគរយនៃពួកគេមិនអាចរកការ ងារធ្វើបានវិញរហូតដល់ចុងឆ្នាំ២០២១នេះ ។ទន្ទឹមនឹងរបាយការណ៍ខាងលើនេះ ប្រជាជនឥណ្ឌាប្រមាណ៥០លាននាក់ត្រូវបានគេរំពឹងថា នឹងរួចផុតពីភាពក្រីក្រកាលពីឆ្នាំមុន តែផ្ទុយទៅវិញ ប្រជាជនក្រីក្របំផុតចំនួន២០ភាគរយបានបាត់បង់ប្រាក់ចំណូលទាំងស្រង់នៅក្នុងខែមេសា និងខែឧសភា នៅពេលដែលអាជីវកម្មត្រូវបានបិទទ្វារ ៕ ប្រភព៖ AFP

ភ្នំពេញ៖ ឯកឧត្តម ហ៊ឺ បាវី ប្រតិភូរាជរដ្ឋាភិបាលទទួលបន្ទុកជាអគ្គនាយកកំពង់ផែស្វ័យយ័តភ្នំពេញបានមានប្រសាសន៍អោយដឹងថា បើទោះជាទទួលរងផលប៉ះពាល់ដោយសារកូវីដ-១៩ ក៏ដោយ ប្រាក់ចំណូលដែលកំពង់ផែស្វយ័តភ្នំពេញ រកបានពីការនាំចូល-នាំចេញទំនិញឆ្លងកាត់កំពង់ផែក្នុងឆ្នាំ២០២០ សម្រេចបានជិត១០លានដុល្លារ ។ ទន្ទឹមគ្នា ឯកឧត្តម ហ៊ឺ បាវី បានបង្ហាញមោទនភាពចំពោះស្នាដៃជាសមិទ្ធផលមូលប័ត្រដែលកំពង់ផែស្វយ័តភ្នំពេញសម្រេចបានក្នុងរយៈពេល៦ឆ្នាំកន្លងមកនេះ ។ ឯកឧត្តមអគ្គនាយកបន្ថែមថា ឆ្នាំ២០២០ កំពង់ផែស្វយ័តភ្នំពេញ សម្រេចលទ្ធផលអាជីវកម្មដោយទទួលបាននូវបរិមាណកុងតឺន័រចំនួន២៩ម៉ឺន៨៥៧ទូ (TEUs) អនុវត្តបាន៩៤% បើធៀបនឹងផែនការឆ្នាំ២០២០ និងកើនឡើង៣,៤៩% បើធៀបនឹងឆ្នាំ២០១៩ ។ ចំណែកលទ្ធផលហិរញ្ញវត្ថុឆ្នាំ២០២០ កំពង់ផែទទួលបានប្រាក់ចំណេញជិត១០លានដុល្លារអាមេរិក គឺថយចុះ១៤% បើប្រៀបធៀបនឹងឆ្នាំ២០១៩ ។ ទោះជាយ៉ាងណាក៏ដោយ កំពង់ផែ នៅតែមានផែនការការងារជាអាទិភាពបន្តទៀតសម្រាប់អនុវត្តឆ្នាំ២០២១ ដូចជាការងារពង្រីកចំណតផែកុងតឺន័រ LM១៧ ជំហានទី៣ ដើម្បីពង្រីកសមត្ថភាពផ្ទុកកុងតឺន័រឲ្យបានដល់៥០ម៉ឺនទូ(TEU)ក្នុង១ឆ្នាំ ការធ្វើទំនើបកម្មចំណតផែពហុបំណង TS៣ ដើម្បីឲ្យក្លាយទៅជាចំណតផែទេសចរណ៍អន្តរជាតិ TS៣ ព្រមទាំងការងារបំពាក់ឧបករណ៍ និងប្រព័ន្ធព័ត៌មានវិទ្យា ក៏ដូចជាការកែសម្រួលតម្លៃអនុគ្រោះលើសេវាកម្មមួយចំនួន ដើម្បីទាក់ទាញអតិថិជនឲ្យមកប្រើប្រាស់កំពង់ផែបន្ថែមទៀត ។ គួរបញ្ជាក់ថា ទីផ្សារប្រភេទទំនិញនាំចូល-នាំចេញឆ្លងកាត់កំពង់ផែស្វយ័តភ្នំពេញ មានដូចជា គ្រឿងសំណង់ វត្ថុធាតុដើមវាយនភ័ណ្ឌ សំភារៈប្រើប្រាស់ក្នុងផ្ទះ អាហារនិងភេសជ្ជៈ…