ចិន៖ ក្នុងត្រីមាសទី១ឆ្នាំ២០២១នេះ ប្រទេសចិនសម្រេចបានកំណើនសេដ្ឋកិច្ច១៨.៣ភាគរយ បើធៀបនឹងត្រីមាសដូចគ្នាកាលពីឆ្នាំមុន ដែលវាគឺជាកំណើនផលិតផលក្នុងស្រុកសរុប GDP ធំបំផុត គិតចាប់តាំងពីចិនបានចាប់ផ្តើមកំណត់ត្រាទិន្នន័យប្រចាំត្រីមាសកាលពី៣ទសវត្សរ៍មុន ។ ទិន្នន័យនេះនៅតែឆ្លុះបញ្ចាំងអោយឃើញយ៉ាងច្បាស់ នូវការបន្តស្ទុះងើបឡើងដ៏ឆាប់រហ័សនៃសេដ្ឋកិច្ចរបស់ចិន ដែលត្រូវបានជំរុញដោយសកម្មភាពឧស្សាហកម្ម និងការនាំចេញយ៉ាងមមាញឹក ពោលគឺល្អជាងប្រទេសសេដ្ឋកិច្ចធំៗដទៃទៀតឆ្ងាយណាស់ ។ ជាក់ស្តែងកាលពីឆ្នាំ២០២០ ចិនបានក្លាយជាមហាអំណាចតែមួយគត់ ដែលទទួលបានកំណើនសេដ្ឋកិច្ច ។ សូមជម្រាបថា កំណើនសេដ្ឋកិច្ចរបស់ចិន នៅត្រីមាសទី១ឆ្នាំ២០២១នេះ មានសភាពខ្ពស់ខ្លាំងខុសពីធម្មតា ដោយសារតែវាត្រូវបានប្រៀបធៀបជាមួយនឹងត្រីមាសទី១ឆ្នាំ២០២០ ជាពេលសេដ្ឋកិច្ចរបស់ចិនទទួលបានការថយចុះជាលើកដំបូង ដោយសារជំងឺ COVID-19 ៕ ប្រភព៖ CNN

ភ្នំពេញ៖ នៅថ្ងៃនេះ ក្រុមហ៊ុន ខេមបូឌា បេវេរេដ ខមប៉ានី លីមីធីត (ហៅកាត់ថា កូកា-កូឡា កម្ពុជា) ប្រកាសថា ក្រសួងពាណិជ្ជកម្មបានឯកភាពបន្តទទួលស្គាល់សិទ្ធិនាំចូល និងចែកចាយផ្តាច់មុខពីក្រុមហ៊ុន The Coca-Cola Company រាល់ផលិតផលភេសជ្ជៈពាក់ម៉ាក Coca-Cola, Coca-Cola Zero, Fanta, Sprite, និង Dasani នៅក្នុងព្រះរាជាណាចក្រកម្ពុជា ។ នេះបើយោងតាមលិខិតកត់ត្រា និងតម្កល់សិទ្ធិផ្តាច់មុខលេខ ០៧៧៩ ព.ណ កសប, ០៧៨០ ព.ណ កសប និងលេខ ០៧៨១ ព.ណ កសប ចុះថ្ងៃទី០២ ខែមេសា ឆ្នាំ២០២១ របស់ក្រសួងពាណិជ្ជកម្ម ។ តាមរយៈលិខិតកត់ត្រា និងតម្កល់សិទ្ធិផ្តាច់មុខនេះ ក្រុមហ៊ុនកូកា-កូឡា កម្ពុជា គឺជាអ្នកទទួលបានសិទ្ធិផ្តាច់មុខស្របច្បាប់តែមួយគត់ ក្នុងការនាំចូល និងចែកចាយផលិតផលដែលមានពាក់ម៉ាកខាងលើ ទូទាំងព្រះរាជាណាចក្រកម្ពុជាចាប់ពីថ្ងៃទី០២ ខែមេសា ឆ្នាំ២០២១នេះ ។ តាមរយៈលិខិតនេះដដែល…

ភ្នំពេញ៖ ធនាគារឯកទេសវីង (ខេមបូឌា) លីមីតធីត ដែលជាអ្នកផ្តល់សេវាកម្មហិរញ្ញវត្ថុតាមទូរសព្ទចល័តឈានមុខគេនៅកម្ពុជា ទទួលបានអាជ្ញាប័ណ្ណធនាគារពាណិជ្ជពីធនាគារជាតិនៃកម្ពុជា ។ អាជ្ញាប័ណ្ណនេះអនុញ្ញាតឱ្យវីងធ្វើប្រតិបត្តិការជាធនាគារពាណិជ្ជក្រោមឈ្មោះ “ធនា គារ វីង (ខេមបូឌា) ម.ក” ។ អ្នកឧកញ្ញ៉ា គិត ម៉េង ប្រធានកុ្រមបឹ្រក្សាភិបាលនៃធនាគារវីងមានប្រសាសន៍ថា នេះគឺជាព្រឹត្តិ ការណ៍ដ៏សំខាន់មួយទៀត ដើម្បីឆ្ពោះទៅរកចក្ខុវិស័យរបស់យើង ក្នុងការផ្តល់លទ្ធភាពហិរញ្ញវត្ថុដល់ប្រជាជនកម្ពុជាគ្រប់រូប និងដើម្បីជួយដល់កំណើនសេដ្ឋកិច្ច ។ ជាមួយនឹងបច្ចេកវិទ្យាប្រកបដោយភាពច្នៃប្រឌិត និងចំណេះដឹងទូលំទូលាយអំពីទីផ្សារក្នុងស្រុក ធនាគារវីង ភ្នាក់ ងារវីង និងដៃគូរបស់យើងទាំងអស់ប្រឹងប្រែងរួមគ្នា ដើម្បីផ្សារភ្ជាប់គម្លាត តាមរយៈការផ្តល់ឧបករណ៍ហិរញ្ញវត្ថុដល់ប្រជាជនមិនស្ថិតក្នុងបណ្តាញធនាគារ ។ ជាមួយនឹងការផ្តល់អាជ្ញាប័ណ្ណនេះ ធនាគារវីងអាចផ្តល់ជូននូវផលិតផល និងសេវាកម្មធនាគារជាច្រើនដល់ប្រជាជនកម្ពុជាទាំងអស់ ដូចជាការផ្តល់ប្រាក់កម្ចី និងការទទួលបា្រក់បញ្ញើពីសាធារណៈជនជាដើម ។ សេវាកម្មទាំងនេះនឹងបំពេញបន្ថែម លើសេវាកម្មហិរញ្ញវត្ថុបែបឌីជីថលរបស់វីងដែលមានស្រាប់ ហើយត្រូវបានផ្តល់ជូនតាមរយៈបណ្តាញយ៉ាងទូលំទូលាយ គឺភ្នាក់ងារវីងដែលមានជាង៩.៣០០កន្លែង និងកម្មវិធីស្មាតហ្វូនវីង ។ វីងនឹងបន្តដំណើរការអាជីវកម្មរបស់ខ្លួនដូចធម្មតា ដោយគ្មានការប៉ះពាល់ដល់សេវាកម្មដែលមានស្រាប់ ដែលត្រូវបានផ្តល់ជូនតាមរយៈភ្នាក់ងារវីង និងកម្មវិធីស្មាតហ្វូនវីងឡើយ ។ លោក Manu Rajan អគ្គនាយកនៃធនាគារវីងបន្ថែមថា យើងប្តេជ្ញាធានាឲ្យបានថា…