ភ្នំពេញ៖ គណៈកម្មការគោលនយោបាយ សម្រាប់កម្មវិធីឆ្លើយតបនឹងការរីករាលដាលនៃជំងឺកូវីដ-១៩ និងការស្តារសម្បទាសេដ្ឋកិច្ចឡើងវិញ ហៅកាត់ថា CARES បានរៀបចំកិច្ចប្រជុំលើកទី២ តាមប្រព័ន្ធវីដេអូ នៅទីស្តីការក្រសួងសេដ្ឋកិច្ច និងហិរញ្ញវត្ថុ នៅព្រឹកថ្ងៃទី០៩ ខែមេសា ឆ្នាំ២០២១ ។ កិច្ចប្រជុំនេះ ដឹកនាំដោយឯកឧត្តមវង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ និងឯកឧត្តមAhmed Muneeb Saeed អនុប្រធានធនាគារអភិវឌ្ឍន៍អាស៊ី (ADB) ដែលជាសហប្រធាននៃគណៈកម្មការគោលនយោបាយ CARES ដោយមានការអញ្ជើញចូលរួមពីមន្រ្តីជាន់ខ្ពស់តំណាងក្រសួងស្ថាប័នពាក់ព័ន្ធរបស់រាជរដ្ឋាភិបាល ដែលជាសមាជិក សមាជិកា នៃគណៈកម្មការគោលនយោបាយនេះ និងតំណាងទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា(JICA)និងមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF)ផងដែរ។ ឯកឧត្តម វង្សី វិស្សុត មានប្រសាសន៍ថា កម្ពុជាកំពុងប្រឈមនឹងការរីករាលដាលនៃជំងឺកូវីដ-១៩ នៃព្រឹត្តិការសហគមន៍ ២០ កុម្ភៈ ដែលបានធ្វើឱ្យចំនួនអ្នកឆ្លងមានការកើនឡើងជាបន្តបន្ទាប់ និងមានករណីអ្នកស្លាប់ផងដែរ។ឯកឧត្តមបានបន្តថារាជរដ្ឋាភិបាលកម្ពុជាបានចាត់ទុកការទប់ស្កាត់ការរីករាលដាលមេរោគកូវីដ-១៩ គឺជាការងារអាទិភាពធំបំផុត។ ជាក់ស្តែង ចាប់តាំងពីការរាតត្បាតដំបូងនៃនៃជំងឺកូវីដ-១៩ មកម្ល៉េះ, រាជរដ្ឋាភិបាលតែងបាន យកចិត្តទុកដាក់ និងផ្តល់អាទិភាពយ៉ាងខ្លាំងបំផុតលើ៖ (១).ការប្រយុទ្ធប្រឆាំងទៅនឹងជំងឺកូវីដ-១៩ដើម្បីទប់ស្កាត់ការឆ្លង និងការពារអាយុជីវិតរបស់ប្រជាជន (២).ការរក្សាលំនឹងជីវភាពប្រជាជនពិសេសសម្រាប់ប្រជាជនក្រីក្រក្រុមជនងាយរងគ្រោះ និងអ្នកបាត់បង់ការងារ (៣).ការខិតខំជួយឱ្យអស់លទ្ធភាព…