រដ្ឋបាល​ក្រុង​ហាណូយ ​ប្រទេស​វៀតណាម​គ្រោង​នឹង​ស្ថាបនា​ស្ពាន​ឆ្លងទន្លេ​ក្រហម​ចំ​នួន​២​បន្ថែម​ទៀត​ ​ក្នុង​ទំហំ​ចំណាយ​២​៦​ទ្រី​លាន​ដុ​ង​ ​ឬ​ ​១​.​១​២​ពាន់​លាន​ដុល្លារ​អាមេរិក​ ​នេះ​បើ​តាម​អភិបាល​ក្រុង​ហាណូយ​ ​បញ្ជាក់​ក្នុង​កិច្ចប្រជុំ​មួយ​ ​កាលពី​ចុង​ស​ប្តាហ៍​។​ ​លោក​ C​h​u N​go​c ​An​h​ ​ថា​ ​ប្រភព​ថវិកា​រ​ពី​ខាងក្នុង​និង​មូលនិធិ​ពី​ប្រភព​ផ្សេងៗ​ទៀ​តនឹង​ត្រូវ​រួម​ប​ញ្ជូ​ល​គ្នា​ ​ដើម្បី​យកមក​កសាង​ស្ពាន​ទាំងពីរ​នេះ​។ ​រដ្ឋបាល​ក្រុង​ហាណូយ​ធ្លាប់​បាន​លើកឡើង​ថា​ ​ខ្លួន​ធ្លាប់បាន​ព្យាយាម​ស្វែងរក​ការ​វិនិយោគ​ពី​ខាង​ឯកជន​ ​ដើម្បី​ស្ថាបនា​ស្ពាន​ទាំងពីរ​នេះ​ដែរ​ ​ក្រោម​ទម្រង់​ស្ថាបនា​-​ផ្ទេរ​ ​ប៉ុន្តែ​ក្រោយមក​ទម្រង់​នេះ​ត្រូវ​បាន​ច្រាល​ចោល​វិញ​ ​ដោយខ្លួន​មាន​ផែនការ​ប្តូរ​ទៅជា​ការ​វិនិយោគ​រដ្ឋ​វិញ​។​ ​យ៉ាងណាក៏ដោយ​ ​ពេលវេលា​ជាក់លាក់​នៃ​ការ​ចាប់ផ្តើម​សាងសង់​មិនទាន់​ត្រូវ​បាន​ចេញផ្សាយ​ទេ​។​ ​បច្ចុប្បន្ននេះ​ ​ក្រុង​ហាណូយ​មាន​ស្ពាន​៨​ហើយ​ឆ្លងកាត់​ទន្លេ​ ​Red​ ​River​ ​នេះ​ ​ខណៈ​ដែល​ផែនការ​មេ​របស់​​​ក្រសួងសាធារណការ​គឺ​នឹង​សាងសង់​ឲ្យបាន​១​០​ ​នៅ​ត្រឹម​ឆ្នាំ​២​០​៣​០​ ​រួម​ប​ញ្ជូ​ល​ទាំង​គម្រោង​សាងសង់​២​បន្ថែម​ទៀត​នេះ​ផង​៕​ ប្រភពពី VNExpress​

វ៉ាស៊ិនតោន ៖ គិតមកត្រឹមថ្ងៃចន្ទម្សិលមិញនេះ កិច្ចប្រជុំរវាងអ្នកតំណាងរបស់រដ្ឋាភិបាលក្រុងវ៉ាស៊ីនតោន និងរដ្ឋាភិបាលក្រុងប៉េកាំងនៅតែបន្តធ្វើនៅឡើយ​ខណៈ​ដែលអ្នកតំណាងខាងភាគីអាមេរិកគឺលោកស្រី Katherine Tai បានបញ្ជាក់ថា សហរដ្ឋអាមេរិកនៅមិនទាន់បានសម្រេចចិត្ត​ក្នុងការលើក​លែង​ពន្ធ​ណាមួយនៅឡើយសម្រាប់ទំនិញរបស់ប្រទេសចិន ប៉ុន្តែបានបង្ហើបថានឹងនៅតែមានលទ្ធភាពក្នុងការបន្តកិច្ចចរចាគ្នាបន្ថែមទៀត។ លោកស្រី Katherine Tai ទើបតែត្រូវបានតែងតាំងជាអ្នកតំណាងចរចាពាណិជ្ជកម្មរបស់អាមេរិកកាលពីដើមខែនេះប៉ុណ្ណោះ ហើយលោកស្រីបាន​ទទួល​ស្គាល់ថាស្ថានភាពពេលនេះ និងការតម្លើងពន្ធពិតជាបានធ្វើឱ្យប៉ះពាល់ទៅដល់ក្រុមហ៊ុន និងអតិថិជនអាមេរិកទាំងឡាយយ៉ាងប្រាកដ​ ប៉ុន្តែជាក់​ស្តែង​វា​ក៏បានជួយការពារទៅលើមុខជំនួញជាច្រើនរបស់អាមេរិកផងដែរ។ អតីតមេធាវីផ្នែកពាណិជ្ជកម្មវ័យ 47ឆ្នាំ ដែលមានឪពុកម្តាយដើមកំណើតនៅក្នុងប្រទេសចិនរូបនេះបានព្រមានដែរថា ការលុបចោលនូវការយកពន្ធដែល​ត្រូវ​បានចុះហត្ថលេខាដោយអតីតប្រធានាធិបតីអាមេរិកលោក Donald Trump តាំងតែពីខែមករានោះ គឺមិនអាចធ្វើបានភ្លាមៗឡើយ ដោយវាបាន​ត្រឹមតែ​ធ្វើឲ្យមានផលប៉ះពាល់ចំពោះសេដ្ឋកិច្ចរបស់អាមេរិកប៉ុណ្ណោះ ហើយវាអាចធ្វើទៅបានលុះត្រាណាតែមានទំនាក់ទំនងគ្នារវាងភាគីទាំងពីរដែល​អាច​នាំ​ឱ្យឈានទៅដល់ការកែប្រែណាមួយជាមុនសិន។ លោកស្រីបានបន្តថាមកដល់ពេលនេះវាគឺជារឿងដ៏សំខាន់បំផុតសម្រាប់ក្រុមហ៊ុនទាំងឡាយ រួមទាំងពាណិជ្ជករ ម្ចាស់រោងចក្រ និងកម្មករទាំងអស់ក្នុងការ​ត្រៀម​ខ្លួនរៀបចំផែនការថ្មីសម្រាប់ពេលអនាគត ហើយក្នុងនាមជាអ្នកចរចា និងរកដំណោះស្រាយសង្គ្រាមពាណិជ្ជកម្មម្នាក់វាគឺជារឿងដ៏ចាំបាច់ដែលត្រូវរក្សា​ជំហ​របស់ខ្លួនព្រមទាំងបើកទូលាយចំពោះជម្រើសនៅក្នុងកិច្ចប្រជុំពិភាក្សាគ្នា។ គួរឲ្យដឹងដែរថាកន្លងមកថ្មីៗនេះ លោកស្រី Tai បានពិភាក្សារួចរាល់ហើយផងដែរអំពីបញ្ហាពាណិជ្ជកម្មនេះជាមួយនឹងរដ្ឋមន្ត្រីជាច្រើនរូបរបស់ប្រទេស​ជប៉ុន​ដើម្បីស្នើសុំយោបល់មួយចំនួនផងដែរ៕

វ៉ាស៊ិនតោន ៖ យោងតាមការចេញផ្សាយរបស់គេហទំព័រ CNA នៅថ្ងៃព្រឹកអង្គារនេះបានឲ្យដឹងថា សហរដ្ឋអាមេរិកជាការឆ្លើយតបទៅនឹងសកម្មភាពរបស់មេដឹកនាំយោធាមីយ៉ាន់ម៉ាកន្លងមកនេះបានឈានទៅដល់ការសម្រេចចិត្តដកខ្លួនចេញពីកិច្ចព្រមព្រៀងពាណិជ្ជកម្ម និងវិនិយោគរវាងគ្នាដែលបានធ្វើឡើងកាលពីឆ្នាំ2013ទាំងស្រុងហើយ។ លោកស្រី Katherine Tai តំណាងអ្នកចរចាលើវិស័យពាណិជ្ជកម្មរបស់អាមេរិកកាលពីថ្ងៃចន្ទបានប្រកាសថាសេចក្តីសម្រេចនេះចូលជាធរមានរហូតដល់ពេលដែលរដ្ឋាភិបាលដែលធ្លាប់ត្រូវបានបោះឆ្នោតដោយពលរដ្ឋត្រូវបានប្រគល់អំណាចឡើងវិញ។ កាលពីថ្ងៃសៅរ៍ចុងសប្តាហ៍នេះប្រជាពលរដ្ឋមីយ៉ាន់ម៉ា រាប់ទាំងសមាសភាពបាតុករផងដែរត្រូវបានស្លាប់រហូតដល់ចំនួន 114 នាក់ដោយក្នុងនោះចំនួន 5 នាក់ បានបាត់បង់ជីវិតកាលពីថ្ងៃចន្ទម្សិលមិញនេះនៅពេលដែលក្រុមបាតុកររាប់ពាន់នាក់បានធ្វើការប្រមូលផ្តុំគ្នាសាជាថ្មីនៅតាមផ្លូវនានាប្រឆាំងទៅនឹងក្រុមយោធា។ លោកស្រី Tai បាននិយាយទៀតដែរថា កងកម្លាំងសន្តិសុខនៃប្រទេសមីយ៉ាន់ម៉ាបានសម្លាប់យ៉ាងឃោរឃៅទៅលើក្រុមបាតុករដែលជានិស្សិត កម្មករ និងមេដឹកនាំសហជីព ព្រមទាំងកុមារផងដែរ ដែលវាពិតជាគួរឱ្យភ្ញាក់ផ្អើលខ្លាំងទៅដល់មនសិកា និងជំហនៃសហគមន៍អន្តរជាតិ ហើយសកម្មភាពទាំងនេះបានបំផ្លាញគោលបំណងរបស់ប្រទេសឆ្ពោះទៅកាន់លទ្ធិប្រជាធិបតេយ្យ និងការខិតខំរបស់ប្រជាជនមីយ៉ាន់ម៉ាដើម្បីចង់ទទួលបានអនាគតប្រកបដោយសន្តិភាព និងវិបុលភាព។ គួរឲ្យដឹងដែរថាការសម្រេចចិត្តរបស់អាមេរិកទៅលើការបញ្ចប់កិច្ចព្រមព្រៀងពាណិជ្ជកម្មនេះគឺត្រូវបានធ្វើឡើងភ្លាមបន្ទាប់ពីប្រធានាធិបតីអាមេរិកលោក Joe Biden បានប្រកាសថ្កោលទោសខ្លាំងៗចំពោះព្រឹត្តិការណ៍ដ៏អាក្រក់បំផុតមួយនេះកាលពីចុងសប្តាហ៍កន្លងទៅ ខណៈដែលក្រុមអង្គការសិទ្ធិមនុស្សបានរិះគន់ និងហៅសកម្មភាពទាំងនោះថា ជារឿងគួរឱ្យអាម៉ាស កំសាក និងសាហាវខ្លាំងបំផុតរបស់ដឹកនាំរបបយោធាមីយ៉ាន់ម៉ា។ ទោះបីជាយ៉ាងណាក្តី ជាការឆ្លើយតបទៅនឹងបញ្ហានេះ ក្រុមប្រឹក្សាអង្គការសហប្រជាជាតិត្រូវបានគេដឹងថានឹងបើកកិច្ចប្រជុំមួយនៅថ្ងៃពុធស្អែកនេះដើម្បីពិភាក្សាគ្នាអំពីស្ថានភាពនៅមីយ៉ាន់ម៉ាព្រមទាំងប្រភពការទូតមួយចំនួនផងដែរ ក្រោមការស្នើសុំធ្វើឡើងជាបន្ទាន់ដោយប្រទេសអង់គ្លេសដែលជាអ្នករៀបចំ៕

ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម បាន និងកំពុងបន្តជំរុញលើកទឹកចិត្តដល់អ្នកដែលគាំទ្រប្រើប្រាស់ផលិតក្នុងស្រុក ជាមួយនឹង​ការ​ព្យាយាមធ្វើយ៉ាងណាលើកកម្ពស់ការផលិត និងបង្កើនការគាំទ្រឱ្យបានកាន់តែច្រើនបន្ថែមទៀត។ មន្ដ្រីជាន់ខ្ពស់ និងជាអ្នកនាំពាក្យក្រសួងពាណិជ្ជកម្ម ឯកឧត្តម ស៊ាង ថៃ បានមានប្រសាសន៍កាលពីពេលថ្មីៗនេះថា បច្ចុប្បន្ននេះប្រជាពលរដ្ឋខ្មែរកាន់តែ​ច្រើន​បាន​ងាកមក​ប្រើប្រាស់ និងគាំទ្រផលិតផលខ្មែរ ដែលផលិតឡើងនៅក្នុងស្រុកជាបណ្តើរៗ ដែលក្នុងនោះរួមមានទាំងសម្ភារៈប្រើប្រាស់ បន្លែ ផ្លែឈើ ត្រីសាច់ និងគ្រឿង​ឧបភោគបរិភោគជាច្រើនមុខ ខណៈដែលការបង្កើតគុណភាពផលិតកាន់តែមានភាពល្អប្រសើរជាងមុន។ ឯកឧត្តមថា ៖ «ក្រសួងពាណិជ្ជកម្ម បានដាក់ចេញនូវផែនការជាយុទ្ធសាស្ដ្រនូវការផ្ដើមយុទ្ធនាការទិញផលិតផលខ្មែរតាំងពីឆ្នាំ2015 ហើយបន្ដធ្វើរហូតមក​ដល់​បច្ចុប្បន្ន តាមរយៈការរៀបចំយុទ្ធនាការទិញផលិតផលខ្មែរដោយក្នុងមួយឆ្នាំរៀបចំ4-5ដង នៅតាមបណ្ដាខេត្ត ដោយយុទ្ធនាការទាំងអស់មានការ​គាំទ្រ​យ៉ាងខ្លាំងពីប្រមុខរាជរដ្ឋាភិបាល ដែលមានសម្ដេចតេជោ ហ៊ុន សែន ជាប្រមុខដឹកនាំ»។ ជាមួយគ្នានេះ ឯកឧត្តមបានបន្ថែមឱ្យដឹងថា នៅក្នុងយុទ្ធនាការទិញផលិតផលខ្មែរនេះ ក្រសួងបានរៀបចំឱ្យមានលក្ខណៈជាប្រព័ន្ធ មិនមែនគ្រាន់តែ​ដាក់​តាំង​បង្ហាញផលិតផលដែលបាននាំយកមកពីតាមបណ្ដាខេត្តនោះទេ ពោលគឺក្រសួងរៀបបានចំជាសិក្ខាសាលាផ្សព្វផ្សាយយ៉ាងទូលាយផងដែរ។ តាំងពីអំឡុង​ឆ្នាំ2020 ក្រសួងពាណិជ្ជកម្មមានផែនការធ្វើកិច្ចការទាំងអស់នេះបន្ដទៀត ប៉ុន្ដែជាអកុសល ដោយសារមានការរាលត្បាតនៃជំងឺកូវីដ-19 ក្រសួង​​ក៏បានសម្រេចពន្យារពេលនៃការរៀបចំវិញ។ កាលពីពេលកន្លងទៅ ក្រសួងពាណិជ្ជកម្ម បានរៀបចំផ្សារចុងសប្ដាហ៍ ដែលបានរៀបចំនៅតាមបណ្ដា​ខេត្តមួយចំនួនរួចមកហើយ ខណៈដែលនៅពេលខាងមុខទៀតនេះ ក្រសួងនឹងបន្ដរៀបចំនៅបណ្ដាខេត្តផ្សេងៗបន្ទាប់ពីភាពប្រឈមនឹងជំងឺឆ្លងផ្លូវដង្ហើម​ក៏កាច​សាហាវកូវីដ-19ត្រូវបានកាត់បន្ថយ។ ឯកឧត្តម ស៊ាង ថៃ បានបញ្ជាក់ទៀតថា…

បរទេស៖ ក្រុមហ៊ុនបណ្តាញសង្គមយក្ស Facebook នៅថ្ងៃចន្ទនេះបានធ្វើការប្រកាសអំពីផែនការថ្មីមួយរបស់ខ្លួនក្នុងការអូសបណ្តាញខ្សែកាបក្រោម​សមុទ្រ​ចំនួន2 ខ្សែតភ្ជាប់ពីប្រទេសសិង្ហបុរី កាត់ប្រទេសឥណ្ឌូនេស៊ី ឆ្ពោះទៅកាន់អាមេរិកខាងជើងដើម្បីពង្រីកវិសាលភាពនៃប្រព័ន្ធអ៊ីនធឺណេត ក្រោមកិច្ច​សហប្រតិបត្តិការ​ជាមួយនឹងក្រុមហ៊ុនបច្ចេកវិទ្យាយក្ស Google និងក្រុមហ៊ុនទូរគមនាគមន៍ក្នុងតំបន់ជាច្រើនទៀត។ អនុប្រធាន Facebook ទទួលបន្ទុកកិច្ចការងារវិនិយោគ លោក Kevin Salvadori បានថ្លែងប្រាប់ក្រុមអ្នកសារព័ត៌មានថា គម្រោងខ្សែកាបទាំង2 ដែល​ត្រូវបានស្គាល់ឈ្មោះថា Echo និង Bifrost គឺជាខ្សែកាបដំបូងគេដែលត្រូវឆ្លងកាត់ផ្លូវចម្រុះថ្មីដែលអាចរត់កាត់ក្រោមសមុទ្រជ្វា ដែលអាចបង្កើនសមត្ថភាព​គ្រប​ដណ្តប់សេវាអ៊ីនធឺណេតនៅអនុតំបន់សមុទ្រប៉ាស៊ីភិចប្រមាណជា 70 ភាគរយ។ ខ្សែកាបទាំង2នេះផងដែរក៏ត្រូវបានគេដឹងដែរថា នឹងក្លាយទៅជាខ្សែកាបដំបូងគេដែលតភ្ជាប់រវាងអាមេរិកខាងជើងទៅកាន់ផ្នែកមួយចំនួននៃតំបន់សំខាន់ៗ​របស់​ឥណ្ឌូនេស៊ីព្រមទាំងអាចបង្កើនទំនាក់ទំនងរវាងតំបន់កណ្តាលទៅកាន់ខេត្តភាគខាងកើតជាច្រើនទៀតនៃប្រជាជាតិដែលមានពលរដ្ឋច្រើនបំផុតទី4លើពិភពលោក។ លោក Salvadori បានបន្តទៀតថា Echo គឺជាគ្រោងនៃការរួបរួមគ្នារវាងក្រុមហ៊ុន Facebook និងក្រុមហ៊ុនមេរបស់ Google គឺ Alphabet និងក្រុមហ៊ុនទូរគមនាគមន៍របស់ឥណ្ឌូនេស៊ី XL Axiata ដោយតាមផែនការអាចនឹងបញ្ចប់នៅក្នុងឆ្នាំ2023 ខាងមុខនេះ។ យោងតាមការស្រាវជ្រាវរបស់សមាគមន៍ផ្តល់សេវាអ៊ីនធឺណេតឥណ្ឌូនេស៊ីកាលពីឆ្នាំ2020 កន្លងទៅ បានរកឃើញថា ពលរដ្ឋរបស់ឥណ្ឌូនេស៊ីសរុប 73 ភាគរយនៃពលរដ្ឋសរុប 270 លាននាក់ដែលប្រើប្រាស់អ៊ីនធឺណេត ភាគច្រើនអាចប្រតិបត្តិការដំណើរការសេវាអ៊ីនធឺណេតតាមរយៈទិន្នន័យចល័ត mobile data ហើយតិចជាង…

បរទេស៖យោងតាមការចេញផ្សាយរបស់កាសែត the Bloomberg នៅថ្ងៃចន្ទនេះបានឲ្យដឹងថា រចន្តទីផ្សារ និងសេដ្ឋកិច្ចរបស់ប្រទេសវៀតណាមកំពុងដើរតាមផែនការដែលរដ្ឋាភិបាលបានដាក់ចេញសម្រាប់ឆ្នាំ2021 ដែលអាចនឹងជំរុញឱ្យមានកំណើនសេដ្ឋកិច្ចក្នុងរង្វង់ប្រមាណ6.5ភាគរយ ខណៈដែលប្រទេសដែលស្ថិតនៅជាប់គ្នា រាប់ទាំងកម្ពុជាផងដែរកំពុងជួបឱនភាព។ យោងតាមការបញ្ជាក់របស់លោក Le Trung Hieu ប្រធាននាយកដ្ឋានស្ថិតិទូទៅទទួលបន្ទុកកិច្ចការងារ GDP ប្រទេសវៀតណាមបានចង្អុលបង្ហាញថាសកម្មភាពសេដ្ឋកិច្ចជាច្រើននៅតែបន្តមានសន្ទុះ ទាំងការនាំចេញ និងការវិនិយោគដោយផ្ទាល់ពីបរទេស (FDI) ផងដែរ។ វៀតណាមត្រូវបានគេមើលឃើញគឺជាប្រទេសតែមួយគត់នៅអាស៊ីអាគ្នេយ៍ដែលមិនមានវិបត្តិសេដ្ឋកិច្ចកើតឡោះងកាលពីឆ្នាំ2020ក្នុងកំឡុងពេលដែលកំពុងមានវិបត្តិនៃជំងឺកូវីដ។ ជាមួយគ្នានេះ ក្រុមហ៊ុនភ្នាក់ងារបម្រើសេវាកម្ម និងប្រឹក្សាលើការវិនិយោគ Moody បាននិយាយថា វៀតណាមនៅតែស្ថិតនៅក្នុងទីតាំងមួយដែលអាចទាញយកផលចំណេញជាច្រើនពីការផ្លាស់ប្តូរនៃផលិតកម្មពាណិជ្ជកម្មនិងការប្រើប្រាស់ថ្មីរបស់សកលលោកក្នុងពេលដែលកូវីដនឹងឈានទៅដល់ទីបញ្ចប់នោះ។ ឆ្លើយតបទៅនឹងលទ្ធផលរបស់ Moody ក្រសួងហិរញ្ញវត្ថុបានធ្វើការប្រកាសថា នឹងបន្តពង្រឹងគោលនយោបាយដើម្បីជួយធានាឲ្យមានស្ថិរភាពថែមទៀតទៅលើវិស័យម៉ាក្រូសេដ្ឋកិច្ច និងបង្កើនប្រសិទ្ធភាពនៃការប្រកួតប្រជែងសេដ្ឋកិច្ចដោយក្នុងនោះសភាជាតិបានដាក់គោលដៅកំណើនសេដ្ឋកិច្ច 6 ភាគរយសម្រាប់ឆ្នាំ2021 ជាមួយនឹងការរំពឹងទុកថានឹងជួយជម្រុញឲ្យកំណើននេះឡើងទៅដល់ 6.5 ភាគរយ៕

ភ្នំពេញ ៖ រដ្ឋមន្ត្រីកសិកម្ម រុក្ខាប្រមាញ់ និងនេសាទ ឯកឧត្តម វេងសាខុន បានបង្ហាញរបាយការណ៍តាមរយៈបណ្តាញទំនាក់ទំនងអេឡិចត្រូនិចថា ការនាំចេញផលិតផលកសិកម្មតាមរយៈខេត្តចំនួនពីររបស់កម្ពុជាទៅកាន់ប្រទេសវៀតណាមមានសកម្មភាពយ៉ាងមមាញឹក ជាពិសេសស្រូវដែលមានបរិមាណជាង1លានតោននៅក្នុងរយៈពេលជិត3ខែកន្លងទទៅនេះ។ បច្ចុប្បន្ន រាជរដ្ឋាភិបាលកម្ពុជា បាននិងកំពុងយកចិត្តទុកដាក់ និងខិតខំប្រឹងប្រែងបញ្ចេញកញ្ចប់ថវិកាជាតិជាបន្តបន្ទាប់ផ្តល់ទៅដល់ធនាគារអភិវឌ្ឍន៍ជនបទ និងកសិកម្ម និងធនាគារ សហគ្រាសធុនតូច និងមធ្យមកម្ពុជាសម្រាប់ផ្តល់ឥណទានសម្បទាន ជូនដល់ប្រជាកសិករ រោង​ម៉ាស៊ីនស្រូវ សហគមន៍កសិកម្ម វារីវប្បករ និងសហគ្រាសធុនតូច និងមធ្យម ដើម្បីប្រមូលទិញកសិ​ផលក្នុងស្រុក សម្រាប់ស្តុក និងការវិនិយោគលើការសាងសង់រោងចក្រកែច្នៃកសិផល ក្នុងគោលបំណងលើកកម្ពស់ប្រសិទ្ធភាពតម្លៃបន្ថែម បង្កើតឱកាសការងារ ដោយប្រើប្រាស់វត្ថុធាតុដើមក្នុងចង្វាក់ផលិត​កម្ម និងកម្លាំងពលកម្មក្នុងស្រុកឱ្យអស់លទ្ធភាព ។ ឯកឧត្តមរដ្ឋមន្ត្រី ក៏បានបញ្ជាក់ផងដែរថា៖« ដើម្បីដោះស្រាយនូវបញ្ហាប្រឈមទីផ្សារលក់កសិផលរបស់កម្ពុជា ចំពោះមុខនេះ ការនាំចេញកសិផលចេញត្រង់ពីកម្ពុជាទៅកាន់ប្រទេសជិតខាង គឺជាការចាំបាច់បំផុត ដើម្បីធានាបានប្រាក់ចំណូល និងរក្សាបាននូវស្ថិរភាពជីវភាព របស់កសិករនៅតាមជនបទ »។ ជាក់ស្តែង ការនាំចេញកសិផលទៅកាន់ប្រទេសវៀតណាម តាមច្រកទ្វារភាគី ក្នុងរយៈពេលជិតបីខែដើមឆ្នាំ2021 គឺមានសកម្មភាពយ៉ាងសកម្ម និងមមាញឹកបំផុត ។ យោងតាមសេចក្តីរាយការណ៍ មន្ទីរកសិកម្ម រុក្ខាប្រមាញ់ និងនេសាទ ខេត្តស្វាយរៀង និងព្រៃវែង…