គិតមកដល់ល្ងាចថ្ងៃទី25 ខែកុម្ភៈ ឆ្នាំ2021នេះ អាជ្ញាធររាជធានីភ្នំពេញ បានសម្រេចបិទទីតាំងដែលពាក់ព័ន្ធកូវីដ-19 ក្នុងព្រឹត្តការណ៍សហគមន៍20 កុម្ភៈ មានចំនួន75ទីតាំងហើយ នៅក្នុងរាជធានីភ្នំពេញ ដើម្បីពង្រឹងវិធានការគ្រប់គ្រងឱ្យបានម៉ឺងម៉ាត់បំផុត។ ឯកឧត្ដម ឃួង ស្រេង ប្រធានគណៈបញ្ជាការឯកភាពរាជធានីភ្នំពេញបានប្រកាសឱ្យគណៈបញ្ជាការឯកភាពខណ្ឌទាំង14 ពង្រឹងវិធានការគ្រប់គ្រង កន្លែងបិទទីតាំងទាំងអស់នេះ ឱ្យបានតឹងរ៉ឹង និងម៉ឺងម៉ាត់បំផុត ដើម្បីទប់ស្កាត់ការរីករាលដាលជំងឺកូវីដ-19 ខណៈចំនួនអ្នកឆ្លងមានការកើនឡើង។ ថ្លែងក្នុងកិច្ចប្រជុំគណៈបញ្ជាការឯកភាពរាជធានី ឯកឧត្ដម ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញបានណែនាំដល់អភិបាលខណ្ឌទាំង14ត្រូវបង្កើនការយកចិត្តទុកដាក់ឱ្យបានម៉ឹងម៉ាត់ ជុំវិញការបង្ការ និងទប់ស្កាត់ការរីករាលដាលជំងឺកូវីដ-19នេះ ខណៈអាជ្ញាធរបានចុះបិទទីតំាងដែលមានផ្ទុះជំងឺកូវីដ-19 កើនឡើងដល់75ទីតំាងហើយ ក្នុងរាជធានីភ្នំពេញ។ ឯកឧត្ដមបញ្ជាក់ថា ក្រុមកម្លំាងសមត្ថកិច្ចចម្រុះត្រូវប្រចាំការ យាមកាមនៅទីតំាងដែលបានរកឃើញមានផ្ទុះជំងឺកូវីដ-19 កន្លែងព្យាបាល និងកន្លែងធ្វើចត្តាឡីស័ក ដើម្បីធានាបានសណ្តាប់ធ្នាប់ល្អ និងគ្រប់គ្រងស្ថាន ភាពអ្នកជំងឺបានត្រឹមត្រូវ និងមានប្រសិទ្ធភាពខ្ពស់។ កិច្ចការងារនេះត្រូវតែរឹតបន្ដឹង ត្រូវតែទប់ស្កាត់ រកឃើញទីតំាងណាត្រូវតែបិទទីតំាងនោះជាបណ្តោះអាសន្នចំពោះអាជ្ញាធរមានសមត្ថកិច្ច ក៏ដូចជាកងកម្លំាងប្រដាប់អាវុធដែលជាសេនាធិការ។ ឯកឧត្ដមបានបន្ដទៀតថា រាជរដ្ឋាភិបាលបានចេញអនុក្រឹត្យរួចហើយគឺ ជនបរទេសដែលមិនសហការត្រូវបណ្តេញចេញពីប្រទេស ហើយមិនឱ្យវិលត្រឡប់មកវិញនោះឡើយ។ ចំណែកជនជាតិខ្មែរ ត្រូវចាត់វិធានការតាមផ្លូវច្បាប់ ចំពោះទីតំាងដែលធ្វើអាជីវកម្មត្រូវដកហូតអាជ្ញាប័ណ្ណ ដែលយើងមានដាវ ក្នុងដៃសម្រាប់ ធ្វើកិច្ចការងារនេះឱ្យមានប្រសិទ្ធភាព។ មកដល់ពេលនេះមានទីតាំងជាបន្តបន្ទាប់ទៀត…

បរទេស ៖ ក្រុមហ៊ុនអាកាសចរថៃ Thai Airways(THAI) បានប្រកាសជាផ្លូវការហើយកាលពីម្សិលមិញថាខ្លួនបានខាតបង់ប្រាក់ចំណូលសរុបរហូតទៅដល់ 141 ពាន់លានបាត ឬប្រមាណជា 4.66 ពាន់លានដុល្លារកាលពីឆ្នាំ2020កន្លងទៅដោយសារបញ្ហាកូវីដហើយមកដល់ពេលនេះវានៅតែបន្តធ្វើឲ្យក្រុមហ៊ុនអាចឈានទៅដល់ចំណុចប្រកាសអាសន្នផងដែរ។ THAI និងក្រុមហ៊ុនបុត្រសម្ព័ន្ធរបស់ខ្លួនអាចរកចំណូលបានត្រឹមតែ 48.3 ពាន់លានបាត ប៉ុន្តែធៀបទៅនឹងចំណាយសរុប 96.4ពាន់លានបាត់ មានន័យថាការខាតបង់នៅក្នុងប្រតិបត្តិការគឺមានរហូតទៅដល់ 48.1 ពាន់លានបាត ហើយសរុបប្រាក់ខាតបង់ទាំងអស់មានប្រមាណ 141.1 ពាន់លានបាត។ នេះបើយោងតាមការបញ្ជាក់របស់អនុប្រធានក្រុមហ៊ុនទទួលបន្ទុកកិច្ចការងារហិរញ្ញវត្ថុ និងគណនេយ្យលោក Chai Eamsiri។ តួលេខខាតបង់កាលពីឆ្នាំ2020 នេះផងដែរក៏ត្រូវបានគេមើលឃើញថាមានកម្រិតច្រើនជាងខ្លាំងការខាតបង់សរុបកាលពីឆ្នាំ2019 ដែល THAI មានត្រឹមតែ 129.1 ពាន់លានបាត ខណៈដែលចំនួនភ្ញៀវដែលខ្លួនទទួលបានកាលពីឆ្នាំទៅមានត្រឹមតែ 5.87 លាននាក់ប៉ុណ្ណោះគឺធ្លាក់ចុះរហូតទៅដល់ 76 ភាគរយទៅនឹងចំនួនភ្ញៀវកាលពីឆ្នាំ2019។ គួរឲ្យដឹងដែរថា ភ្ញៀវធ្វើដំណើរចំនួនខាងលើនេះគឺភាគច្រើនពួកគេបានធ្វើឡើងនៅមុនពេលដែលមានការផ្ទុះកូវីដនៅក្នុងប្រទេសដែលបន្ទាប់មកវាបានបណ្តាលឲ្យជើងហោះហើរស្ទើរតែទាំងស្រុងរបស់ខ្លួនត្រូវបានផ្អាក់ដំណើរការ ដោយក្រុមហ៊ុននៅដំណើរការបានតែប្រភេទយន្តហោះដឹកទំនិញមួយប៉ុណ្ណោះ ដែលអាចទាញយកប្រាក់ចំណូលបានបន្តិចបន្តួចមកវិញ។ ជាលទ្ធផលកាលពីខែវិច្ឆិកា THAI Airways បានប្រកាសដាក់លក់យន្តហោះដឹកអ្នកដំណើររបស់ខ្លួនប្រមាណជា 34 ផងដែរនៅលើវេបសាយដែលក្នុងនោះរួមមាន 10 គ្រឿងជាប្រភេទ Boeing 747-400s ផលិតនៅឆ្នាំ 1993…

ភ្នំពេញ៖ រាជរដ្ឋាភិបាលកម្ពុជា និងរដ្ឋាភិបាលទីម័រខាងកើត ជំរុញឱ្យបង្កើនសកម្មភាពសេដ្ឋកិច្ច និងពាណិជ្ជកម្មទ្វេភាគី ខណៈទំហំពាណិជ្ជកម្មរវាងប្រទេសទាំងពីរ នៅមានកម្រិតទាបនៅឡើយ។ ការបង្ហាញឆន្ទៈក្នុងការជំរុញឱ្យបង្កើនសកម្មភាពសេដ្ឋកិច្ច និងពាណិជ្ជកម្មរវាងប្រទេសទាំងពីរ ធ្វើឡើង ថ្ងៃទី២៥ ខែកុម្ភៈ ឆ្នាំ២០២១ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា ជួបជាមួយ លោកស្រី អាដាល់ជីស្សា អាល់ប៊ែរទីណា ហ្សាវីយេ រៃយ៍ ម៉ាកណូ រដ្ឋមន្ត្រីក្រសួងការបរទេស និងសហប្រតិបត្តិការអន្តរ ជាតិទីម័រខាងកើត តាមប្រព័ន្ធវីដេអូ។ ក្រសួងការបរទេសកម្ពុជា បានបញ្ជាក់យ៉ាងដូច្នេះ៖ «រដ្ឋមន្រ្តីការបរទេសទាំងពីរ បានកត់សម្គាល់ថា ទំហំពាណិជ្ជកម្ម ទ្វេភាគី នៅមានកម្រិតទាបនៅឡើយ និងបានឯកភាពជំរុញឱ្យភាគីពាក់ព័ន្ធទាំងពីរពិនិត្យលទ្ធភាពបង្កើនសកម្មភាព សេដ្ឋកិច្ច និងពាណិជ្ជកម្មទ្វេភាគី តាមរយៈការអនុវត្តកិច្ចព្រមព្រៀងស្តីពី កិច្ចសហប្រតិបត្តិការរវាងសភាពាណិជ្ជកម្មនៃ ប្រទេសទាំងពីរដែលមានស្រាប់»។ ក្នុងជំនួបរវាងខាងលើនោះដែរ រដ្ឋមន្រ្តីការបរទេសទាំងពីរ អបអរសាទរគ្នា ចំពោះការរីកចម្រើន និង កិច្ចសហប្រតិបត្តិការ ក្នុងវិស័យសំខាន់ជាច្រើនទៀត និងលើកទឹកចិត្តដល់អាជ្ញាធរពាក់ព័ន្ធ នៃប្រទេសទាំងពីរពន្លឿនការចរចាលើអនុស្សរណៈ នៃការយោគយល់គ្នាចំនួនបីផ្សេងទៀត។ អនុស្សរណៈនៃការយោគយល់គ្នាស្តីពី ១. កិច្ចសហប្រតិបត្តិការវិស័យទេសចរណ៍…

បរទេស៖ ទីបំផុតក្រោយមានការណែនាំនិងជជែកពិភាក្សាគ្នាជាយូរមកហើយនៅសប្តាហ៍នេះបណ្តាញសង្គម Twitter បានប្រកាសបង្ហាញមុខងារថ្មីមួយដែលត្រូវបានគេហៅថា Super Follows ដើម្បីឲ្យអ្នកដែលមានឥទ្ធិពលខ្លាំង និងល្បីល្បាញនៅទីនេះអាចរកលុយបន្ថែមតាមរយៈការទទួលបានចំណូលនៃការបង់ប្រាក់ប្រចាំខែ ឬsubscriber ដោយក្រុមអ្នកគាំទ្ររបស់ខ្លួន។ កន្លងមក Twitter បានព្យាយាមរកវិធីថ្មីៗទាំងការផ្សព្វផ្សាយផងដើម្បីអាចទាញរកចំណូលបានច្រើនបន្ថែមទៀតទាំងសម្រាប់ខ្លួនឯងផង និងអ្នកប្រើប្រាស់ដែលមានតាមដាន ឬ follow ច្រើនផង។នៅពេលនេះវាបានក្លាយទៅជាការពិតហើយក្រោយពេលដែល Twitter បានសម្រេចចិត្តចុងក្រោយថា Super Followsនឹងត្រូវដាក់ឲ្យប្រើប្រាស់សម្រាប់អ្នកគាំទ្រទាំងឡាយណាដែលមានបំណងចង់បានមាតិកា ឬការបង្ហោះពិសេស និងផ្តាច់មុខពី idol ឬគណនីណាមួយដែលគេពេញចិត្ត និងគាំទ្រខ្លាំង។ គណនីដែលនឹងអាចទទួលបាន subscriber គឺចាំបាច់ត្រូវតែជាអ្នកដែលអាចបង្កើតជាមាតិកាប្លែក វិដេអូការ ប្រមូសិន ឬការបង្ហោះជាពិសេសទាំងឡាយណាដែលជាអ្នក follow ធម្មតានឹងមិនអាចមើលឃើញឡើយ ប៉ុន្តែទាមទារឲ្យ អ្នក follow ទាំងនោះបង់លុយជាប្រចាំខែសម្រាប់កម្មវិធីនេះដើម្បីអាចទទួលបានវិដេអូ និងមាតិកាពិសេសទាំងនោះ។ ក្រុមហ៊ុនបានប្រកាសនៅក្នុងសេចក្តីថ្លែងការណ៍មួយថា៖ការស្វែងរកអ្នកទស្សនានិងអ្នកគាំទ្រវាគឺជាឱកាសដ៏អស្ចារ្យ ហើយនៅទីនេះ Super Follows នឹងអនុញ្ញាតឲ្យក្រុមអ្នកចូលចិត្តបង្កើតមាតិកា ឬបង្ហោះព័ត៌មានប្លែកពីគេអាចទទួលបានការគាំទ្រកាន់តែខ្លាំងពីសំណាក់អ្នកគាំទ្ររបស់គេជាពិសេសគឺតាមរយៈប្រាក់កម្រៃបន្តិចបន្តិចដើម្បីអាចឲ្យពួកគេអាចបន្តផលិតវិដេអូ និងព័ត៌មានទាំងនោះបន្ថែមទៀត។ ទោះបីជាយ៉ាងណាក្តី Super Follows នឹងមិនទាន់អាចដំណើរការបានភ្លាមនោះទេ ប៉ុន្តែក្រុមហ៊ុនបញ្ជាក់ថានឹងមានរឿងជាច្រើនទៀតដើម្បីចែករំលែកក្នុងពេលប៉ុន្មានខែខាងមុខហើយក៏បានបង្ហើបអំពីមុខងារមួយទៀតដែលអាចរកចំណូលបានដូចគ្នាផងដែរតាមរយៈកាសែតអេឡិចត្រូនិក ឬត្រូវបានហៅថា Revue និងក៏ដូចជាការឆាតជាសម្លេង Twitter…

បាត់ដំបង ៖ មុខរបរចិញ្ចឹមបង្កង បច្ចុប្បន្នបានក្លាយជាមុខរបរមួយដែលមានប្រជាប្រិយភាព ខណៈដែលតម្រូវការទីផ្សារបង្កងមានកំណើនខ្ពស់ទាំងនៅក្នុងតំបន់អាស៊ីអាគ្នេយ៍ ក៏ដូចជាក្នុងប្រទេសកម្ពុជាយើងផងដែរ។ លោក តាំង លាងឆាយ ជាអ្នកបណ្តុះបណ្តាលជំនាញចិញ្ចឹមបង្កងអូស្ត្រាលីទឹកសាប មានទីតាំងស្ថិតនៅទឹកដីខេត្តបាត់ដំបងបានប្រាប់ AMS ថា នៅក្នុងការចាប់ផ្តើមអាជីវកម្មខ្នាតតូចមួយនេះ ដំបូងឡើយគេអាចចាប់ផ្តើមដើមទុនប្រមាណជា 2ពាន់ដុល្លារសម្រាប់ការចំណាយទៅលើការបង្កើតស្រះទឹក និងការទិញពូជ ឬការទិញកូនបង្កងមកចិញ្ចឹម ឬអាចចិញ្ចឹមនៅក្នុងអាងក៏បាន ហើយក៏មិនចាំបាច់ទៅទិញចំណីពីគេមកឱ្យបង្កងស៊ីដែរ ដោយគេអាចរកចំណីឱ្យវាបានយ៉ាងងាយស្រួល។ លោកបានមានប្រសាសន៍ថា ៖«អ្វីដែលពិសេសសម្រាប់បងប្អូនប្រជាកសិករខ្មែរដែលចង់ចិញ្ចឹមបង្កង ខ្ញុំនឹងផ្ដល់បច្ចេកទេសជាក់ស្តែង ក៏ដូចជាពូជក្នុងការចិញ្ចឹមផងដែរ ព្រោះនៅកសិដ្ឋានខ្ញុំមានស្រះចិញ្ចឹមបង្កងយកសាច់ ប្រភេទអាងភ្ញាស់ និងមានឧបករណ៍វាស់ទឹក ប្រភពទឹកដើម្បីឱ្យអ្នករៀនបានមើលឃើញផ្ទាល់តែម្តង ព្រោះបើយើងចិញ្ចឹមយកសាច់ វាត្រូវការទីតាំងធំ ព្រោះក្នុង 1ម៉ែត្រការ៉េដាក់បានបង្កងតែ 10ក្បាលទេ។ តែបើផលិតកូនបង្កងសម្រាប់លក់វិញ ក្នុង 1ម៉ែត្រការ៉េដាក់បានប្រមាណ 100ក្បាល»។ លោក តាំង លាងឆាយ ដែលជាម្ចាស់កសិដ្ឋានបង្កង បានបញ្ជាក់ឱ្យដឹងទៀតថា៖«បងប្អូនដែលចង់ទិញពូជបង្កងរបស់ខ្ញុំ សម្រាប់កូនបង្កង 1គ្រាប់ក្នុងតម្លៃ 2ពាន់រៀល។ ដូច្នេះបើខ្ញុំផលិត 1ខែបាន 10,000កូន ខ្ញុំបានចំណូល 5,000ដុល្លារ។ សម្រាប់ពូជយកទៅបង្កាត់(ពូជមេញី1ឈ្មោល1) 1គូតម្លៃ 10ដុល្លារ ដោយអ្នកខ្លះគាត់ទិញមេ…

ភ្នំពេញ ៖ តាំងពីកើតមានជំងឺផ្លូវដង្ហើមកូវីដ-១៩នេះមក អាជីវកម្មតូចៗមួយចំនួនត្រូវបានរលំជាបន្តបន្ទាប់។ យ៉ាងណាមិញ ទីតាំងលក់បបរពេលយប់នៅទួលទំពូងដែលល្បីឈ្មោះតគ្នាថាឆ្ងាញ់ជាច្រើនឆ្នាំមកហើយនោះ នៅតែអាចឈរជើងបានទោះបីការលក់មានការធ្លាក់ចុះក៏ដោយ។ អ្នកស្រី នង សុម៉ាលី ជាម្ចាស់តូបបបរឈ្មោះថា អានី បានរៀបរាប់យ៉ាងដូច្នេះថា ៖ « បងលក់បបរនេះចូល៧ឆ្នាំហើយ បងចាប់ផ្ដើមលក់ដោយសារ បងឃើញម៉ាក់បងលក់បបរតាំងពីបងនៅក្មេងៗ។ តូបបងមានលក់បបរ គុយទាវ ស៊ុប ខរគោ លត បាញ់កាញ់ ជាដើម។ កាលពីមុនបងលក់បានពី ១លាន ទៅ ១លាន ៥សែនក្នុងមួយយប់តែដោយឱ្យតែផ្អើលកូវីដ លក់បានតែ ៥០ទៅ ៦០ម៉ឺនទេ”។ សម្រាប់តម្លៃបបរមួយចានគាត់លក់បាន៧០០០រៀស តែបើទូទាត់ថ្លៃគ្រឿងអស់ទៅ ១ចានចំណេញប្រមាណ២០០០រៀល។ កាលពីគាត់ចាប់ផ្ដើមដំបូង គាត់ត្រូវចំណាយប្រមាណ ១៥០០០ដុល្លាក្នុងការទិញតូប កន្លែងលក់ ហើយគេមានសម្ភារឱ្យស្រាប់ក្នុងតម្លៃខាងលើ។ អ្នកស្រីក៏បានបង្ហើបទៀតថា ម៉ូយរបស់គាត់ភាគច្រើនសុទ្ធតែជាម៉ូយរាប់ឆ្នាំមកហើយ។ ថ្មីៗនេះទើបតែលក់បានឡើងបន្តិច ស្រាប់តែមានការផ្ទុះកូវីដក្នុងសហគមន៍ម្ដងទៀតធ្វើឱ្យការលក់របស់គាត់ធ្លាក់ចុះវញ ដោយពីមុនគាត់ប្រើអង្ករអស់ពី៦ ទៅ៨គីឡូក្រាម បូករួមទាំងសាច់ចំណាយអស់ប្រមាណ៦០ម៉ឺនរៀល។ តែបច្ចុប្បន្នគាត់បានបន្ថយអង្ករ និងសាច់នៅពាក់កណ្ដាលហើយលក់នៅតែលស់ទៀត។ការរៀបចំលក់របស់អ្នកស្រីចាប់ផ្ដើមតាំងពីម៉ោង១រសៀល។ គាត់ចាប់ផ្ដើមធ្វើទឹកស៊ុប និងស្ងោររម្ងាស់សាច់យកជាតិ។ លុះដល់ម៉ោង៤កន្លះល្ងាចទើបគាត់រៀបចំលក់នៅមុខផ្សារ ហើយលក់រហូតដល់ម៉ោង១ ទៅ២ទាបភ្លឺទើបរៀបចំវិលត្រឡប់ទៅផ្ទះវិញ។ដោយសារការធ្លាក់ចុះនៃការលក់…