បរទេស៖អត្ថបទមួយដែលត្រូវបានចេញផ្សាយដោយទូរទស្សន៍ BBC នៅថ្ងៃចន្ទនេះបានឲ្យដឹងថាក្រុមហ៊ុនយក្សអនឡាញAmazon កំពុងត្រូវបានទទួលរងការរិះគន់យ៉ាងខ្លាំងចំពោះការបង់ពន្ធលើអចលទ្រព្យដែលមានទំហំតិចតួចជាងអត្រាបង់ពន្ធដែលអ្នកលក់រាយតាមហាងតូចៗនៅក្នុងប្រទេសអង់គ្លេសទៅទៀត។ តួលេខលក់ដែល Amazon បានធ្វើកាលពីឆ្នាំ 2020 កន្លងទៅនេះមានប្រមាណជា 26.5 ពាន់លានដុល្លារ ឬ 19.3 ពាន់លានផោនគិតនៅក្នុងទីផ្សារចក្រភពអង់គ្លេសពោលគឺមានការកើនឡើងដល់ទៅ 51 ភាគរយកាលពីឆ្នាំ 2019 ប៉ុន្តែបើគេក្រឡេកទៅមើលការបង់ពន្ធលើអចលនទ្រព្យរបស់ខ្លួនវិញគឺមានត្រឹមតែ 71.5 លានផោន ឬប្រមាណជា 0.37 ភាគរយប៉ុណ្ណោះនៃទំហំលក់រាយទាំងអស់របស់ Amazon។ ប្រភពដដែលបានសរសេរទៀតថា អត្រាបង់ពន្ធកម្រិតនេះមានចំនួនតិចជាងខ្លាំងមែនទែនបើធៀបទៅនឹងអត្រាបង់ពន្ធដែលវិស័យនេះគួរតែត្រូវបានធ្វើ ប៉ុន្តែជាការឆ្លើយ Amazon ធ្លាប់បានអះអាងថាក្រុមហ៊ុនមិនត្រឹមតែបង់ពន្ធជូនរដ្ឋាភិបាលអង់គ្លេសនោះទេប៉ុន្តែខ្លួនបានបង្កើតការងារជាច្រើនពាន់កន្លែងផងដែរនៅទីនេះ។ គួរឲ្យដឹងដែរថា Business rates គឺជាពន្ធលើអចលនទ្រព្យដែលត្រូវបានគេពិនិត្យមើលទៅលើតម្លៃនៃអចលទ្រព្យដូចជាអគារការិយាល័យ ឬហាងទៅគុណជាមួយនឹងអត្រាពន្ធដែលកំណត់ដោយរដ្ឋាភិបាល ហើយពន្ធមួយនេះជារៀងរាល់ឆ្នាំនឹងត្រូវបានកែប្រែ និងដាក់ចូលជាធរមានចាប់ពីថ្ងៃទី1 ខែមេសាតទៅ។ យោងតាមការបញ្ជាក់របស់ទីភ្នាក់ងារជាតិទទួលបន្ទុកកិច្ចការងារស្ថិតិជាតិ ឬ ONS បានបង្ហាញថាពេញមួយឆ្នាំគិតត្រឹមថ្ងៃទី 31 ខែធ្នូតួលេខលក់រាយពីហាងដែលមានទីតាំងច្បាស់លាស់នៅក្នុងប្រទេសអង់គ្លេសបានធ្លាក់ចុះ 10.3 ភាគរយគឺពី 318.5 ពាន់លានផោនកាលពីឆ្នាំ 2019 មកត្រឹមតែ 285.5 ពាន់លានផោននៅក្នុងឆ្នាំ 2020។ ក្រុមហ៊ុនផ្តល់ប្រឹក្សានៃអាជីវកម្មលក់រាយដែលមានឈ្មោះថា Altus Group…

ក្រុមហ៊ុន Canopy Sands Development ដែលជាសមាជិករបស់ក្រុមហ៊ុន ព្រីនស៍ ហូឌីង គ្រុប ដែលជាក្រុមហ៊ុនពហុផលិតផលដ៏ធំនិងកំពុងមានភាពរីកចម្រើនលឿនជាងគេមួយនៅកម្ពុជា បានអនុម័តផែនការគោលសម្រាប់ទីក្រុងរាម ដែលបានអភិវឌ្ឍដោយក្រុមហ៊ុន Surbana Jurong Group ដែលជាក្រុមហ៊ុនផ្ដល់ប្រឹក្សាផ្នែកសេវាកម្មក្នុងការគ្រប់គ្រង និងហេដ្ឋារចនាសម្ព័ន្ធទីក្រុងទូទាំងពិភពលោក ដែលមានទីស្នាក់ការកណ្តាលនៅប្រទេសសិង្ហបុរី។ ផែនការគោលបានបញ្ជាក់អំពីប្លង់ដីសម្រាប់ប្រើប្រាស់ក្នុងគម្រោងដែលមានទំហំ ៨៣៤ ហិកតា ដែលការវិនិយោគសរុបត្រូវបានគេប៉ាន់ស្មានប្រមាណជា ១៦ ពាន់លានដុល្លារ ហើយនឹងត្រូវបានអភិវឌ្ឍន៍នៅលើដីដែលបានចាក់បំពេញ ដែលមានទីតាំងនៅជិតអាកាសយានដ្ឋានអន្តរជាតិខេត្តព្រះសីហនុ។ ទីក្រុងរាមនឹងដើរតួជាកត្តាជំរុញសម្រាប់សក្ដានុពលរីកចម្រើននៃតំបន់ខេត្តព្រះសីហនុទាំងមូល ដែលជាទីក្រុងធំជាងគេលំដាប់ទីបី និងជាកំពង់ផែទឹកជ្រៅរបស់កម្ពុជា។ ទីក្រុងរាមនឹងផ្លាស់ប្តូរខេត្តព្រះសីហនុតាមរយៈការណែនាំនូវប្រព័ន្ធអេកូឡូស៊ីប្រកបដោយចីរភាពសម្រាប់សកម្មភាពផ្នែក ទេសចរណ៍ ផ្នែកពាណិជ្ជកម្ម និងលំនៅដ្ឋានដែលមានសក្ដានុពលអាចផ្ដល់ជាកន្លែងស្នាក់នៅដល់ប្រជាជនរហូតដល់ ១៣០.០០០ នាក់។ នៅពេលបញ្ចប់ ផែនការគោលដែលផ្តោតសំខាន់ទៅលើ ការសាងសង់ កន្លែងលំហែសម្រាប់គ្រួសារ ខុនដូ ផ្ទះដែលមានទីធ្លា និងផ្ទះជាប់ឆ្នេរ និងលំនៅដ្ឋានដែលមានតម្លៃសមរម្យ ផ្សារទំនើប មជ្ឈមណ្ឌលពាណិជ្ជកម្ម រមណីយដ្ឋានតាមមាត់ឆ្នេរ សណ្ឋាគារ ខុនដូតែល កប៉ាល់និងក្លឹបកំពង់ផែកំសាន្ត និងទីលានវាយកូនហ្គោល។ ក្រុមហ៊ុន Surbana Jurong ត្រូវបានតែងតាំងឱ្យអភិវឌ្ឍផែនការគោលក្នុងការរចនាទីក្រុង និងធ្វើការងារវិស្វកម្មតាមឆ្នេរសមុទ្រសម្រាប់ទីក្រុងរាម។ ប្រទេសកម្ពុជាស្ថិតនៅចន្លោះប្រទេសថៃ…

ភ្នំពេញ ៖ នៅត្រឹមល្ងាចថ្ងៃទី7 ខែកុម្ភៈ ឆ្នាំ2021នេះ វ៉ាក់សាំងការពារជំងឺកូវីដ-19 ដែលជំនួយដ៏ថ្លៃថា្លរបស់រដ្ឋាភិបាលចិនចំពោះប្រជាជនកម្ពុជាក្នុងដំណាក់កាលដំបូងចំនូន 60ម៉ឺនដូស ក្នុងចំណោម១លានដូស ត្រូវបាននាំមកដល់កម្ពុជាហើយ ក្រោមការរង់ចាំទទួលដោយផ្ទាល់ពីសំណាក់វត្តមានដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។  សម្ដេចតេជោ ហ៊ុន សែន បានមានប្រសាសន៍ថា ការទទួលបាននូវជំនួយវ៉ាក់សាំងការពារការឆ្លងរីករាលដាលនៃជំងឺកូវីដ-19 ពីសំណាក់មហាមិត្តចិននៅថ្ងៃនេះគឺជាការបង្ហាញពីគុណតម្លៃដ៏ថ្លៃថ្លានៃកិច្ចទំនាក់ទំនង និងសហប្រតិបត្តិការរវាងប្រទេសកម្ពុជា និងប្រទេសចិន ជាពិសេសវាជាការបង្ហាញពីការយកចិត្តទុកដាក់ និងជួយសម្រាលភាពលំបាករបស់ប្រជាជន ក៏ដូចជារដ្ឋាភិបាលកម្ពុជាផងដែរ។  សម្ដេចបានបន្តថា “ប្រជាជនចិនមានជាង 1,400 លាននាក់ ដែលរដ្ឋាភិបាលចិនកំពុងយកចិត្តទុកដាក់ទៅលើការបែងចែក និងចាក់វ៉ាក់សាំងជូនប្រជាពលរដ្ឋរបស់ខ្លួន ប៉ុន្តែរដ្ឋាភិបាលចិន បានចែករំលែកមកឱ្យកម្ពុជាក្នុងស្ថានភាពបន្ទាន់ចំនួន 1លានដូស ដែលក្នុងដំណាក់កាលដំបូងនេះយើងទទួលបាន 60ម៉ឺនដូសក្នុងដំណាក់កាលដំបូង ហើយនៅសល់ 40ម៉ឺនដូសទៀតនឹងបញ្ជូនមកពេលបន្ទាប់ក្នុងពេលខាងមុខនេះ។ ប៉ុន្តែតាមការប៉ាន់ស្មានរបស់ខ្ញុំទំនងជាអាចលើសចំនួន 40ម៉ឺនដូសក៏ថាបាន”។  គួរគត់សម្គាល់ថា ចំពោះវ៉ាក់សាំងជំនួយពីរដ្ឋាភិបាលចិនដែលទទួលបាននៅថ្ងៃនេះអាចរក្សាទុកបាននៅក្នុងសីតុណ្ហភាពពី 2-8 អង្សារសេ និងមានប្រសិទ្ធភាពសម្រាប់ការចាក់ទៅលើមនុស្សដែលមានអាយុចាប់ពីអាយុ១៨ឆ្នាំរហូតដល់អាយុ 59ឆ្នាំ។  សម្រាប់វ៉ាក់សាំងដែលទើបទទួលបាននៅពេលនេះគឺចាក់ទៅលើអ្នកអាទិភាពជួរមុខមួយចំនួនដូចជាមន្ត្រីថ្នាក់ដឹកនាំជាន់ខ្ពស់របស់រាជរដ្ឋាភិបាលកម្ពុជា មន្ត្រីផ្នែកសុខាភិបាល កងកម្លាំងយោធា ជនក្រីក្រដូចជាអ្នកបោសសំរាម អ្នករត់ម៉ូតូឌុប ម៉ូតូកង់បី អ្នកបើករថយន្តឈ្នួល រថយន្តក្រុងជាដើម ហើយក្នុងនោះអ្នកមានអាជីពជាអ្នកសារព័ត៌មានក៏ស្ថិតនៅក្នុងចំណោមអ្នកមានអាទិភាពដែលទទួលបានការចាក់វ៉ាក់សាំងផងដែរ៕

ភ្នំពេញ ៖ គម្រោងនៃការចាក់វ៉ាក់សាំងការពារជំងឺកូវីដ19 ចំពោះសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា រួមជាមួយនឹងមន្ត្រីជាន់ខ្ពស់របស់រដ្ឋាភិបាលកម្ពុជានៅថ្ងៃទី10 ខែកុម្ភៈ ឆ្នាំ2021ខាងមុខនេះ ត្រូវបានលុបចោលដោយសារលក្ខខណ្ឌនៃការទទួលចាក់វ៉ាក់សាំងមិនសមស្របនឹងអាយុ។  សម្តេចតេជោ ហ៊ុន សែន បានប្រកាសថា ៖ «ជនរួមជាតិជាទីគោរព ខ្ញុំទើបតែបានទទួលព័ត៌មាន តាមរយៈក្រសួងសុខាភិបាលដែលបានទទួលលិខិតជាផ្លូវការពីការិយាល័យទីប្រឹក្សាសេដ្ឋកិច្ច និងពាណិជ្ជកម្មនៅស្ថានទូតនៃសាធារណរដ្ឋប្រជាមានិតចិនប្រចាំនៅព្រះរាជាណាចក្រកម្ពុជាបញ្ជាក់ថា វ៉ាក់សាំងឈ្មោះ Sinopharm ចាក់បាន តែចំពោះអ្នកដែលមានអាយុ ចន្លោះ ពី 18 ទៅ 59 ឆ្នាំតែប៉ុណ្ណោះ»។ សម្តេចតេជោបានបន្ថែមថា៖«សម្រាប់ខ្ញុំដែលមានអាយុលើសពី68 ឆ្នាំខ្ញុំមិនអាចទទួលថ្នាំបង្ការបានទេ ដូច្នេះកម្មវិធីចាក់វ៉ាក់សាំងដែលបានគ្រោងទុកនៅថ្ងៃទី10 ខែកុម្ភៈឆ្នាំ 2021 នៅមន្ទីរ ពេទ្យកាល់ម៉ែត នឹងត្រូវលុបចោល» ។ បើតាមសម្តេចតេជោហ៊ុន សែនបញ្ជាក់បន្តថា៖« អាស្រ័យដោយទាំងខ្ញុំនិងទាំងមន្ត្រីជាន់ខ្ពស់ផ្សេងទៀតភាគច្រើនមានអាយុលើសពី 60 ទៅហើយមិនអាចចាក់បានទេ»៕

ដើម្បីជាការលើកទឹកចិត្តដល់បុគ្គលឆ្នើម  ម្ចាស់ដេប៉ូ និងតំណាងចែកចាយជាង៥ពាន់នាក់ នៅទូទំាង២៥រាជាធានី-ខេត្ត ក្រុមហ៊ុន ដាណា ទ្រី ខេមបូឌា ត្រេឌីងខូអិលធីឌី កាលពីរសៀលថ្ងៃទី០៥ ខែកុម្ភះ ឆ្នាំ២០២១ បានបង្កើតនៅព្រឹត្តិការណ៍ដ៍ធំមួយប្រចំាឆ្នំា និងចែករង្វាន់ដល់បុគ្គលឆ្នើមជាការលើកទឹកចិត្ត ចំពោះការខិតខំប្រឹងប្រែង និងការចាប់ដៃសហការគ្នាបានយ៉ាងល្អ លើការចែកចាយគ្រឿងសម្អាងម៉ាក N.N.P នៅទូទាំងប្រទេសកម្ពុជា។  ព្រឹត្តិការណ៍នេះធ្វើឡើងនៅ មឈ្ឈមណ្ឌល Sen Sok រាជធានីភ្នំពេញ  ដោយមានការអញ្ជើញចូលរួមពីលោក ហ៊ីង បញ្ញារិទ្ធ  អគ្គនាយក្រុមហ៊ុនដាណាទ្រី ខេមបូឌា ត្រេនឌីង ខូអិលធីឌី និងអ្នកស្រី ទ្រី ដាណា អគ្គនាយិកាក្រុមហ៊ុនដា ណាទ្រី  ។  លោក ហ៊ីង បញ្ញារិទ្ធ អគ្គនាយក្រុមហ៊ុនដាណាទ្រី បានលើកឡើងថា ពិធីជួបជុំតំណាងចែកចាយ និងប្រគល់ពានរង្វាន់ជូនដល់បុគ្គលឆ្នើមទំាង២៥រាជធានី-ខេត្តនាពេលនេះ  គឺចង់បានបង្ហាញឲ្យឃើញពីការរីកចម្រើន នៃវិស័យគ្រឿងសម្អាងនៅកម្ពុជា ដោយឆ្លុះបញ្ចាំឲ្យឃើញពីប្រទេសជាតិ កំពុងមានការអភិវឌ្ឍន៍ស្ថិតនៅក្រោមដំបូលសុខសន្តិភាព ដែលបង្កលក្ខណៈងាយស្រួលឲ្យយើងទាំងអស់គ្នាប្រកបរបទទួលទាន ។ លោកបន្ថែមថា លោកចង់អោយស្រ្តីខ្មែរដែលមិនមានមុខរបរនៅក្នុងគ្រួសារ អោយងាកមកប្រកបរបរដោយខ្លួនឯង ងាយស្រួយក្នុងការសំរាលបន្ទុកក្នុងក្រុមគ្រួសារ។ លោក…

បរទេស៖យោងតាមការបង្ហាញដោយសហគ្រាសរបស់ប្រទេសសិង្ហបុរី ឬ ESG នៅថ្ងៃសុក្រនេះបានឲ្យដឹងថា តួលេខសម្រាប់ឆ្នាំ2020 កន្លងទៅ ចំនួននៃក្រុមហ៊ុនសិង្ហបុរីដែលពង្រឹកខ្លួនទៅកាន់បរទេសគឺមានចំនួនតិចតួចបំផុត ប៉ុន្តែភាគច្រើននៃពួកគេបាននាំគ្នាធ្វើផ្តោតសំខាន់ទៅលើការបង្កើនផលិតកម្មនៅក្នុងស្រុក និងសមត្ថភាពជំនួសវិញ។ យោងតាមការភ្នាក់ងាររបស់រដ្ឋមួយនេះបានអះអាងទៀតថា ចំនួននៃអាជីវកម្មក្នុងស្រុកដែលនឹងត្រូវត្រៀមខ្លួនដើម្បីអាចពង្រីកសាខាទៅកាន់បរទេសបានធ្លាក់ចុះដល់ទៅ 38 ភាគរយមកត្រឹមចំនួន 1,600 ប៉ុណ្ណោះ ហើយតាមការមើលឃើញនោះគឺបញ្ហាធំដោយសារតែការរឹតត្បិតចំពោះការធ្វើដំណើររបស់រដ្ឋាភិបាលនៃប្រទេសទាំងអស់លើលោក។ ក្នុងចំណោមក្រុមហ៊ុនដែលនឹងត្រូវធ្វើដំណើរទៅបរទេសទាំងនោះគេសង្កេតមើលឃើញដែរថាពួកគេមួយចំនួនបានប្រើប្រាស់វិធីថ្មីនៃអាជីវកម្មគួរឲ្យចាប់អារម្មណ៍ដូចជាការបង្កើតឲ្យមានការតាំងពិពណ៍ផលិតផលបែបអនឡាញ និងព្រឹត្តិការណ៍ជួបជុំគ្នាតាមវិដេអូជាដើមហើយអ្នកខ្លះទៀតបានថែមទាំងពង្រីកយុទ្ធសាស្ត្រថ្មីដូចជាវេបសាយលក់ទំនិញអនឡាញ និងការលក់សេវាកម្មដោះស្រាយបញ្ហាអនឡាញផងដែរ។ តាមការបញ្ជាក់របស់ប្រធានប្រតិបត្តិរបស់ ESG លោក Png Cheong Boon បានបញ្ជាក់ដែរថាប្រទេសចិន និងបណ្តាប្រទេសក្នុងតំបន់អាស៊ីអាគ្នេយ៍គឺនៅតែជាគោលដៅគួរឲ្យទាក់ទាញបំផុតសម្រាប់ក្រុមហ៊ុនក្នុងស្រុករបស់សិង្ហបុរី។ ESG ក៏បានប្រមូលបានទិន្នន័យទៀតដែរថាក្រុមហ៊ុនក្នុងស្រុកប្រមាណជា 14,800 កន្លែងបានចូលរួមនៅក្នុងគម្រោងជាច្រើនដែលមានគោលបំណងក្នុងការបង្កើនផលិតផល និងពង្រឹងសមត្ថភាពហើយចំនួននេះបានកើនឡើងក្នុងអត្រាប្រមាណជា 78 ភាគរយធៀបទៅនឹងតួលេខកាលពីឆ្នាំ 2019 ។ ការចូលរួមគ្នានៅក្នុងគម្រោងការអភិវឌ្ឍបច្ចេកវិទ្យានេះត្រូវបាន ESG អាចប៉ាន់ស្មានដែរនឹងអាចទាញយកប្រាក់ចំណូលប្រមាណជា 18.4 ពាន់លានដុល្លារដើម្បីចាក់បញ្ចូលទៅក្នុងសេដ្ឋកិច្ចរបស់ប្រទេស ហើយបង្កើតឱកាសការងារប្រមាណជា 22,200 កន្លែងសម្រាប់កម្មករអាជីព អ្នកគ្រប់គ្រងជាន់ខ្ពស់ និងអ្នកធ្វើការងារផ្នែកបចេ្ចកទេសផងដែរ៕

គ្រប់គ្នាបានប្រើប្រាស់បណ្តាញសង្គមក្នុងការបង្កើនទំនាក់ទំនងរវាងមិត្តភ័ក្ត អ្នកគាំទ្រ និងក្រុមគ្រួសារដែលរស់នៅឆ្ងាយពីគ្នាប៉ុន្តែប៉ុន្មានឆ្នាំចុងក្រោយនេះវាបានក្លាយទៅជាឧបករណ៍សម្រាប់អាជីវកម្មដ៏មានសក្តានុពលបំផុតទៅវិញ ដែលមិនត្រឹមតែអាចជួយជំរុញការលក់នោះទេ វាថែមទាំងជួយធ្វើទីផ្សារ និងពង្រីកកេរ្តិ៍ឈ្មោះម៉ាកយីហោ(Branding)អាជីវកម្មបានយ៉ាងប្រសើរទៀតផង។ មនុស្សមួយចំនួនបានទាញយកពីប្រយោជន៍ពីបណ្តាញសង្គមក្នុងការជួយជំរុញការលក់ដោយទទួលបានជោគជ័យខ្លាំងរហូតក្លាយជាសេដ្ឋី អ្នកខ្លះទៀតជោគជ័យមួយភ្លែតក៏បាត់ទៅវិញ អ្នកខ្លះទៀតមិនជោគជ័យសោះ ហើយជាពិសេសគឺនៅមានមនុស្សជាច្រើនទៀតមិនទាន់បានចាប់ផ្តើមវានៅឡើយ។ តើអ្នកចង់សាកល្បងវាជាមួយនឹងផលិតផលរបស់អ្នកមែនទេ? សូមសាកល្បងវិធីខាងក្រោមនេះ ប្រសិនបើអ្នកចង់ជំរុញការលក់របស់អ្នកនៅលើបណ្តាញសង្គម៖ 1.កំណត់យកបណ្តាញសង្គម និងអតិថិជនរបស់អ្នក ៖ ជារឿងសំខាន់និងដំបូងគេដើម្បីជ្រើសរើសទីតាំងបណ្តាញសង្គមក្នុងការបង្កើតឱកាសនៃការលក់ផលិតរបស់អ្នក។ អ្នកមិនអាចចុះឈ្មោះលេងនៅ Instagram ហើយសង្ឃឹមថានឹងទទួលបានអាជីវកម្មប្រភេទអ្នកជំនួញ និងអ្នកជំនួញ B2B នោះឡើយ។ បើអ្នកជាក្រុមហ៊ុនផ្តល់សេវាកម្មជូនក្រុមហ៊ុនធំៗ នោះអ្នកគួរជ្រើសយក LinkedIn ហើយគួរជ្រើសយក Facebook បើអ្នកចង់ជួបអ្នកទិញដោយផ្ទាល់ B2C 2.សហការជាមួយនឹងមនុស្សមានឥទិ្ធពលនៅលើបណ្តាញសង្គម(Influencers) ៖ ផេក ឬគណនីមួយ ឬពីររបស់អ្នកមិនគ្រប់គ្រាន់ឡើយសម្រាប់ចែករំលែកព័ត៌មានអំពីផលិតផលក្នុងក្រុមហ៊ុន។ ដូចនេះការសហការគ្នាជាមួយនឹងក្រុមមនុស្ស ឬផេកដែលមានអ្នកតាមដានច្រើនគឺជាការបង្កើតឱកាសទីផ្សារ។ យើងអាចមើលឃើញជាក់ស្តែងនៅក្នុង Facebook បច្ចុប្បន្នអ្នកលក់អនឡាញធំៗមានទំនាក់ទំនងជាមួយនឹងតារា ឬ Vlogger និង Blogger ជាដើម 3.ធ្វើឲ្យអតិថិជនស្មោះត្រង់របស់អ្នកក្លាយជាជំនួយបង្កើនឥទ្ធិពលយីហោរបស់អ្នក ៖ ពេលខ្លះអ្នកមិនចាំបាច់ប្រើប្រាស់ Influencers ដើម្បីជួយជំរុញការលក់ និងបង្កើនចំណូលរបស់អ្នកនោះទេ ប៉ុន្តែអតិថិជនដ៏ស្មោះត្រង់របស់អ្នកដែលបានទទួលបានបទពិសោធដោយផ្ទាល់ជាមួយនឹងផលិតផលរបស់អ្នកគឺជាចលករពិតប្រាកដ។ ដូចនេះជាជាងចំណាយលើ Influencer អ្នកអាចដូរយុទ្ធសាស្ត្រមកអាស្រ័យជាមួយនឹងអតិថិជនរបស់អ្នកជាមួយនឹងការបញ្ចុះតម្លៃ…