ក្រសួងរ៉ែ និងថាមពលបានប្រកាសកាលបរិច្ឆេទកំណត់គោលដៅឆ្នាំ2023 សម្រាប់ការធ្វើអគ្គិសនីដល់ភូមិជនបទរបស់កម្ពុជា ដោយចាប់ពីឆ្នាំ2020 រហូតដល់ឆ្នាំ 2023 ក្រសួងនឹងព្យាយាមផ្គត់ផ្គង់អគ្គិសនីយ៉ាងហោចណាស់ 99.4% នៃភូមិដែលមិនមានអគ្គិសនីប្រើប្រាស់នៅទូទាំងប្រទេស។ សម្រាប់ប្រសិទ្ធភាពថាមពល និងការផ្គត់ផ្គង់អគ្គិសនីនៅតាមជនបទនៅក្នុងប្រទេសកម្ពុជា គឺជាគម្រោងការធ្វើឱ្យប្រសើរឡើងនៃការពង្រីកបណ្ដាញអគ្គិសនីនៅតាមជនបទនៅកម្ពុជា ដើម្បីរួមចំណែកសម្រេចគោលដៅធំៗរបស់ប្រទេសកម្ពុជា ក្នុងការកាត់បន្ថយការភាយចេញឧស្ម័នផ្ទះកញ្ចក់ ព្រមទាំងការទទួលបានថាមពលប្រើប្រាស់ជាសកលនៅឆ្នាំ2030 ។ ឯកឧត្តម វិចទ័រ ហ្សូនា អគ្គនាយកថាមពល និងជាអ្នកនាំពាក្យក្រសួងរ៉ែ និងថាមពលបានប្រាប់ AMSថា ៖«ឆ្នាំគោលដៅ ដែលបានទទួលសិទ្ធិពីឆ្នាំ2000មក តាមរយៈការសិក្សារបស់ធនាគារពិភពលោក និងក្រសួងយើងបានសន្មត់ថានៅឆ្នាំ2020 ជាឆ្នាំគោលដៅ ដែលយើងត្រូវសម្រេចបានគោលដៅ100%នៃភូមិទទួលបានការផ្គត់ផ្គង់អគ្គិសនី។ ឯកឧត្តម វិចទ័រ ហ្សូនា បានបញ្ជាក់ថា៖« ដោយឡែកឆ្នាំ2020 ការអនុវត្ត20 ឆ្នាំនេះយើងធ្វើបានតែ 97.4% អ្វីដែលនៅសល់ 2.6% យើងនឹងអនុវត្តបន្តពីឆ្នាំ 2021នេះតទៅ។ ខ្ញុំគិតថា ឆ្នាំ2023 បើថាវាខិតទៅ100% តែបើមិនបាន100% កាលបរិច្ឆេទគោលដៅឆ្នាំ2023 នឹងឃើញថាអគ្គិសនីត្រូវបានបញ្ជូនទៅយ៉ាងហោចក៏វាបានជាង99.% ដែរ»។ តួលេខឆ្នាំ2020 បង្ហាញថាភូមិចំនួន 13,798 នៃភូមិដែលមានអគ្គិសនីប្រើប្រាស់ក្នុងចំណោម14,168 ភូមិនៅទូទាំងប្រទេស។ ចំនួនភូមិដែលនៅសល់សម្រាប់ប្រើប្រាស់អគ្គិសនីមានចំនួន 370…

បរទេស៖ អស់រយៈពេល 2 ខែជាប់គ្នាមកហើយដែលតួលេខបានបង្ហាញថាប្រទេសចិនបានជាប់ឈ្មោះជាដៃគូពាណិជ្ជកម្មសំខាន់ជាងគេបំផុតរបស់អាមេរិកដដែល ហើយក្នុងនោះដៃគូពាណិជ្ជកម្មធំជាងគេទី 2 គឺប្រទេសមុិកស៊ិកូ និងទី3 ប្រទេសកាណាដា។ យោងតាមទិន្នន័យរបស់ការិយាល័យជំរឿនរបស់អាមេរិកកាលពីថ្ងៃព្រហស្បតិ៍ សប្ដាហ៍មុនបានបង្ហាញថាទំហំពាណិជ្ជកម្មរវាងអាមេរិក និងចិនមានចំនួនដល់ទៅ 59 ពាន់លានដុល្លារកាលពី ខែវិច្ឆិកា គឺស្ថិតនៅក្នុងអត្រាកើនឡើង 30 ភាគរយធៀបទៅនឹងពេលវេលាដូចគ្នាកាលពីឆ្នាំ2019។ ក្នុង ខែវិច្ឆិកា ដូចគ្នាពាណិជ្ជកម្មរវាងអាមេរិក និងមិកស៊ិកូមានប្រមាណជា49 ពាន់លានដុល្លារកើនឡើងប្រមាណជា 1,8 ភាគរយធៀបទៅនឹង ខែវិច្ឆិកា ដូចគ្នាកាលពីឆ្នាំ2019 ហើយគ្រានោះមុិកស៊ិកូគឺ ជាប្រទេសដៃគូពាណិជ្ជកម្មធំបំផុតរបស់អាមេរិក។ ក្រៅពីនេះសម្រាប់ខែវិច្ឆិកាឆ្នាំ 2020 ពាណិជ្ជកម្មរវាងអាមេរិក និងកាណាដាមាន47 ពាន់់លានដុល្លារខណៈដែលពាណិជ្ជកម្មរវាងអាមេរិក និងជប៉ុនមាន 17 ពាន់លានដុល្លារ។ ជារួម ប្រទេសចិន និងអាមេរិកគឺនៅតែជាដៃគូពាណិជ្ជកម្មធំបំផុតដដែលទោះបីជារដ្ឋាភិបាលនៃប្រទេសទាំងពីរតែងតែមានបញ្ហារកាំរកូសជាមួយគ្នាជាច្រើនមកហើយក្តីដោយគិតចាប់តាំងតែពីខែមករាដល់ខែវិច្ឆិកាឆ្នាំ 2020 ទំហំពាណិជ្ជកម្មរវាងចិន និងអាមេរិកមានចំនួនសរុបដល់ទៅ504 ពាន់លានដុល្លារច្រើនជាងគេបំផុត បន្ទាប់ប្រទេសមិកស៊ិកូឈនៅលំដាប់ទី 2 មានទំហំទឹកប្រាក់ 489 ពាន់លានដុល្លារ ហើយកាណាដាមានទំហំ 478 ពាន់លានដុល្លា ខណៈ ដែលជប៉ុន 167…

បរទេស៖ យោងតាមការចេញផ្សាយរបស់ទូរទស្សន៍ BBC នៅព្រឹកថ្ងៃពុធនេះបានឲ្យដឹងថាពលរដ្ឋអេស្បាញដែលកំពុងរស់នៅភាគកណ្តាលនៃប្រទេសនៅពេលនេះកំពុងស្ថិតនៅក្នុងស្ថានភាពលំបាកខណៈដែលសីតុណ្ហភាពធ្លាក់ចុះខ្លាំងក្រោយពេលដែលព្យុះព្រិលទឹកកកបានវាយប្រហារកាលពីចុងសប្តាហ៍កន្លងមកនេះ។ ជាលទ្ធផលអាកាសធាតុនេះបានធ្វើឲ្យមនុស្សបាត់បង់ជិវិតប្រមាណជា 7 នាក់ហើយ ដោយក្នុងនោះ 2 នាក់ចុងក្រោយត្រូវបានគេដឹងថាជាមនុស្សដែលគ្មានផ្ទះសម្បែងនៅក្នុងទីក្រុង Barcelona។អជ្ញាធរបានធ្វើការប្រកាសព្រមានដល់មនុស្សចាស់ទាំងឡាយមិនត្រូវធ្វើដំណើរចេញក្រៅផ្ទះឡើយក្នុងអំឡុងពេលនេះ។ សីតុណ្ហភាពបានធ្លាក់ចុះទៅដល់ -25 អង្សារនៅក្នុងទីក្រុងជាច្រើនដូចជា Molina de Aragón និង Teruel ជាដើម ហើយវាគឺជាអាកាសធាតុដែលអាក្រក់បំផុតមិនធ្លាប់កើតមាននៅក្នុងប្រទេសអស់រយៈពេល 20ឆ្នាំចុងក្រោយនេះ។ ក្រុមការងារពេទ្យបានថ្លែងប្រាប់អ្នកសារព័ត៌មានថា ករណីបាក់ទឹកកកតូចធំជាង 1200 ករណីកាលពីថ្ងៃចន្ទត្រូវបានរាយការណ៍ និងបញ្ចូនទៅកាន់មន្ទីរពេទ្យនៅក្នុងទីក្រុង Madridហើយផ្លូវធ្វើដំណើរជាច្រើនត្រូវបានជាប់គាំងបូករួមទាំងផ្លូវដែក និងផ្លូវអាកាសផង។ របាយការណ៍ដែលបានចេញផ្សាយដោយអជ្ញាធរនៃប្រទេសអេស្បាញក៏បានបញ្ជាក់ដែរថា រថយន្តសំអាតទឹកកកប្រមាណជា 1,300 គ្រឿងបានចេញប្រតិបត្តិការត្រឹមរយៈពេល 24 ម៉ោង ហើយពួកគេបានកំទេចដុំទឹកកក និងព្រិលបានប្រវែងរហូតទៅដល់ 12,100 គីឡូម៉ែត្រចេញពីផ្លូវធ្វើដំណើរទាំងឡាយ៕

គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងៃ១២មករាឆ្នាំ២០២១ បានសម្រេចចេញវិញ្ញាបនបត្រចុះបញ្ជីជាស្ថាពរដល់ក្រុមហ៊ុនចំនួន២ ជាងមួយនឹងទុនវិនិយោគជាង៦លានដុល្លារ និងអាចបង្កើតការងារបានចំនួន៥៦៤កន្លែង។ ក្រុមហ៊ុនទាំងពីររួមមាន ក្រុមហ៊ុន JIAN YUAN TONG GARMENT CO., LTD គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅអគារ D12 សួនឧស្សាហកម្មកាណាឌីយ៉ា ផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ដែលមានទុនវិនិយោគប្រមាណ ២លាន៤សែនដុល្លារអាមេរិក និងអាចបង្កើតការងារបានចំនួន ៣៦៤កន្លែង។ ក្រុមហ៊ុនមួយទៀត ឈ្មោះ POLYMER PLASTIC PRODUCTS (CAMBODIA) CO., LTD លើគម្រោងបង្កើតរោងចក្រផលិតធុងទឹកកក ដែលមានទីតាំងវិនិយោគស្ថិតនៅភូមិជើងអក ឃុំលំហាច ស្រុកអង្គស្នួល ខេត្តកណ្តាល ដែលមានទុន វិនិយោគប្រមាណ ៣លាន៩សែនដុល្លារអាមេរិក និងអាចបង្កើតការងារបានចំនួន២០០កន្លែង៕

​អាល្លឺម៉ង់​៖​ ​ភាគ​ហ៊ុន​របស់​ ​T​wit​t​e​r ​ដែល​ចុះបញ្ជី​នៅ​ប្រទេស​អាល្លឺម៉ង់​ ​បាន​ធ្លាក់ចុះ​ដល់ទៅ​៨​ភាគរយ​នៅ​ថ្ងៃចន្ទ​ដើម​ស​ប្តាហ៍​នេះ​ ​ជា​ថ្ងៃ​ជួញ​ដូរ​ដំបូង​ ​ក្រោយ​ក្រុមហ៊ុន​បណ្តាញ​សង្គម​ដ៏​ធំ​នេះ​ ​បាន​បិទ​គណនី​របស់​ប្រធានាធិបតី​អាមេរិក​លោក​ ដូ​ណា​ល់ ​ត្រាំ​ ​ជាអចិន្ត្រៃយ៍​ ​កាលពី​យប់​ថ្ងៃសុក្រ​ស​ប្តាហ៍​មុន​ ​នេះ​បើ​តាម​សារ​ព័ត៌មាន​រ៉​យ​ទ​័​រ​ ​។​ ស្រប​ពេល​ជាមួយគ្នា​នោះ​ដែរ​ ​ភាគ​ហ៊ុន​របស់​ ​T​wit​t​e​r ​ដែល​បាន​ចុះបញ្ជី​នៅ​សហរដ្ឋអាមេរិក​ ​ក៏បាន​ធ្លាក់ចុះ​៦​.​៨​ភាគរយ​ផង​ដែរ​ ​មក​នៅ​ត្រឹម​តម្លៃ​៤​៧​.​៩​៤​ដុល្លារ​ក្នុង​មួយ​ហ៊ុន​ ​នៅ​ក្នុង​ការ​ជួញ​ដូរ​មុន​ទី​ផ្សារ​ ​។​ សូម​ជម្រាប​ថា​ ​នេះ​គឺ​ជាលើកដំបូង​ហើយ​ ​ដែល​ ​T​wit​t​e​r ​បាន​ហាមឃាត់​គណនី​របស់​ប្រមុខ​ ​រដ្ឋ​ ​ខណៈ​សកម្មភាព​នេះ​កំពុង​បង្ក​ឲ្យ​មាន​ភាព​ចម្រូងចម្រាស​នៅ​ទូទាំង​ពិភពលោក​ ​ជុំវិញ​ឥទ្ធិពល​របស់​ក្រុមហ៊ុន​បច្ចេកវិទ្យា​អាមេរិក​មួយ​នេះ​ ​ដែល​អាច​មាន​លើ​ការ​បញ្ចេញមតិ​ ​និង​ប្រជាធិបតេយ្យ​ដោយសេរី​ ​៕

បរទេស៖ យោងតាមសេចក្តីប្រកាសមួយដោយការិយាល័យប្រធានាធិបតីបានឲ្យដឹងថាលោក Marcelo Rebelo de Sousa ប្រធានាធិបតីនៃប្រទេសប៉ទុយហ្គាល់ដែលត្រៀមខ្លួនក្នុងការដណ្តើមយកតំណែងជាមេដឹកនាំប្រទេសអាណត្តិទី2 របស់ខ្លួននាថ្ងៃទី24 ខែមករាខាងមុខនេះនោះគឺត្រូវបានគេតេស្តរកឃើញវិជ្ជមានកូវីដ19កាលពីថ្ងៃម្សិលមិញ។ បុរសវ័យ72 ឆ្នាំរូបនេះនឹងត្រូវចូលរួមក្នុងពិធីដេញដោលមតិគ្នាមួយនៅថ្ងៃអង្គារនេះដែលជាកិច្ចប្រជុំជាមួយនឹងរដ្ឋមន្ត្រីព្រមទាំងអ្នកជំនាញខាងសុខាភិបាលជាច្រើនរូបដើម្បីពិភាក្សាទៅលើផែនការបិទទ្វារប្រទេសដែលនឹងត្រៀមធ្វើការប្រកាសជាផ្លូវការនៅថ្ងៃ ពុធ ស្អែកនេះ ប៉ុន្តែជាលទ្ធផលលោកប្រធានាធិបតីនឹងលុបចោលរាល់កម្មវិធីបង្ហាញខ្លួនជាសាធារណៈទាំងអស់។ សេចក្តីថ្លែងការណ៍ដដែលបាក៏បានបញ្ជាក់ដែរថា លោក Rebelo បានធ្វើការជូនដំណឹងនេះទៅកាន់លោកនាយករដ្ឋមន្ត្រី Antonio Costa និងលោករដ្ឋមន្ត្រីក្រសួងការបរទេស Marta Temido រួចហើយអំពីស្ថានភាពរបស់គាត់ ដែលមកទល់ពេលនេះលោកប្រធានាធិបតី គឺត្រូវបានគេដឹងថានឹងចាប់ផ្តើមដាក់ខ្លួនឲ្យនៅដាច់ដោយឡែកក្នុងអគារសម្រាប់ប្រធានាធិបតីដែលស្ថិតនៅក្នុងទីក្រុង Lisbon។ គួរឲ្យដឹងដែរថា កាលពីថ្ងៃចន្ទម្សិលមិញនេះ លោកនាយករដ្ឋមន្ត្រី Antonio Costa បានប្រកាសហើយថាចំនួនអ្នកឆ្លង និងស្លាប់ដោយសារកូវីដនៅទូទាំងប្រទេសពិតជាបានធ្វើឲ្យរដ្ឋាភិបាលគ្មានជម្រើសក្រៅតែពីប្រកាសបិទទ្វារប្រទេសនោះទេ។ នៅថ្ងៃអង្គារនេះផងដែរ កិច្ចប្រជុំពិភាក្សាជាមួយនឹងក្រុមអ្នកជំនាញសុខាភិបាលនឹងនៅតែបន្តធ្វើឡើង ហើយការសម្រេចចិត្តនឹងធ្វើឡើងតាមកិច្ចប្រជុំដែលនឹងត្រូវបន្ថែម ឬពង្រឹងទៅលើបំរាមរឹតបន្តឹងដែលរដ្ឋាភិបាលធ្លាប់បានប្រកាសឲ្យអនុវត្តតាំងតែពីខែវិច្ឆិកាឆ្នាំ2020កន្លងមកនោះ៕