បរទេស៖ប្រធានាធិបតីថ្មីរបស់សហរដ្ឋអាមេរិកលោក Joe Biden នៅថ្ងៃពុធនេះបានប្រកាសសន្យាថាវ៉ាក់សាំងការពារកូវីដ19ចំនួន100លានដូសនឹងត្រូវប្រើប្រាស់នៅទូទាំងសហរដ្ឋអាមេរិកក្នុងរយៈពេល 100 ថ្ងៃដំបូងនៃការឡើងកាន់អំណាចរបស់គាត់។ ទូរទស្សន៍BBC ចេញផ្សាយនៅព្រឹកថ្ងៃពុធនេះបានចេញផ្សាយទៀតដែរថាទោះបីជាយ៉ាងណាលោកមិនអាចនិយាយបានទេថានឹងបញ្ចប់ទៅនៃការរាតត្បាតនេះទាំងស្រុងនៅប៉ុន្មានខែខាងមុខនោះឡើយប៉ុន្តែនឹងប្រើប្រាស់យុទ្ធសាស្ត្រថ្មីមួយចំនួនដែលនឹងអាចផ្លាស់ប្តូរស្ថានភាពដ៏អាក្រក់របស់វាបាន។ ថ្មីៗនេះក្រៅតែពីបានបង្ហាញមុខក្រុមការងារផ្នែកសុខាភិបាលថ្មីរបស់ខ្លួនហើយនោះលោក Biden ក៏បានអំពាវនាវដែរថាចាប់រាប់ពីថ្ងៃទី 20 មករាទៅពលរដ្ឋទាំងអស់របស់អាមេរិកគួរតែប្រើប្រាស់ម៉ាសឲ្យបាន 100 ថ្ងៃជាប់គ្នា។ គួរឲ្យដឹងដែរថាមកដល់ពេលនេះសហរដ្ឋអាមេរិកត្រូវបានគេរាយការណ៍ថាមានករណីឆ្លងវិរុសកូវីដ 19កើនឡើងទៅដល់ 15 លានករណីមកហើយខណៈដែលចំនួនអ្នកបាត់បង់ជីវិតបានកើនឡើងទៅដល់ 285.000 នាក់នេះបើយោងតាមតួលេខដែលត្រូវបានចេញផ្សាយដោយសកលវិទ្យាល័យ John Hopkins ៕

បរទេស៖មកដល់បច្ចុប្បន្នអត្រានៃការសម្រាលកូននៅក្នុងប្រទេសជប៉ុនមានការធ្លាក់ចុះខ្លាំងមែនទែនជាក់ស្តែងកាលពីឆ្នាំកន្លងទៅតួលេខទារកកើតថ្មីមានត្រឹមតែ 865, 000 នាក់ប៉ុណ្ណោះដែលជាអត្រាទាបបំផុតមិនធ្លាប់មានឡើយសម្រាប់ប្រទេស។ ជាការឆ្លើយតបរដ្ឋាភិបាលប្រទេសជប៉ុននៅសប្តាហ៍នេះបានប្រកាសថានឹងមានផែនការមួយដើម្បីជម្រុញអត្រាមាតុភាពដែលបានដួលរលំនេះមកវិញតាមរយៈការបង្កើតកម្មវិធីវ៉ៃឆ្លាតមួយចំនួនជួយឲ្យពលរដ្ឋរបស់ខ្លួនអាចស្វែងរកដៃគូស្នេហាបានកាន់តែងាយស្រួលហើយការងានេះនឹងចាប់ផ្តើមធ្វើឡើងពីឆ្នាំក្រោយនេះហើយ។ គួរឲ្យដឹងដែរថាអស់រយៈពេលជាច្រើនឆ្នាំមកហើយដែលជប៉ុនបានព្យាយាមស្វែងរកវិធីដើម្បីដោះស្រាយបញ្ហាមួយនេះប៉ុន្តែការប្រើប្រាស់បច្ចេកវិទ្យា AI នេះគឺជាកិច្ចខំប្រឹងប្រែងចុងក្រោយមួយរបស់រដ្ឋាភិបាលជប៉ុន។ យោងតាមការចេញផ្សាយរបស់កាសែត AFP បានរាយការណ៍ថាផែនការឆ្នាំក្រោយនេះរដ្ឋាភិបាលជប៉ុននឹងគ្រោងចំណាយប្រមាណជា 19 លានដុល្លារសម្រាប់ការងារជម្រុញអត្រាមាតុភាពខណៈដែលការព្យាករណ៍កន្លងមកបានអះអាងថាចំនួនពលរដ្ឋរបស់ជប៉ុននឹងមានការធ្លាក់ចុះយ៉ាងខ្លាំងពីចំនួន 128 លាននាក់កាលពីឆ្នាំ 2017 ទៅដល់ក្រោម 53 លាននាក់ប៉ុណ្ណោះនៅចុងបញ្ចប់នៃសតវត្សនេះ៕

គណៈកម្មាធិការវិនិយោគ នៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី៨ធ្នូឆ្នាំ២០២០ បានបញ្ជាក់ថា គេបានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុន BOTUM SAKOR ENERGY COMPANY LIMITED វិនិយោគលើគម្រោងសាងសង់រោងចក្រអគ្គិសនីដុតធ្យូងថ្ម អានុភាព ៧០០មេហ្គាវ៉ាត់ មានទីតាំងវិនិយោគស្ថិតនៅភូមិថ្មស និងភូមិចម្លងគោ ឃុំថ្មស ស្រុកបុទុមសាគរ ខេត្តកោះកុង។ គម្រោងវិនិយោគនោះ មានទុនវិនិយោគប្រមាណ១ប៊ីលានដុល្លារអាមេរិក និងអាចបង្កើតការងារបានចំនួន ៣៦០កន្លែង៕

បរទេស ៖ ទីបំផុតវ៉ាក់សាំងរបស់ក្រុមហ៊ុន Pfizer ត្រូវបានប្រើប្រាស់ជាលើកដំបូងហើយនៅក្នុងប្រទេសអង់គ្លេសខណៈដែលស្ត្រីអាយុ 90 ឆ្នាំម្នាក់មានប្រភពមកពីប្រទេសអៀរឡង់ខាងជើង គឺជាអ្នកដែលបានទទួលបានវ៉ាក់សាំងនេះមុនគេបំផុតផងដែរ។ លោកយាយ Margaret Keenan ដែលទទួលបានវ៉ាក់សាំងនេះនៅវេលាម៉ោងប្រមាណជា 6 និង 30 នាទីម៉ោងសកល បាននិយាយថាគាត់មានអារម្មណ៍ថាដូចជាទទួលបានសិទ្ធិដ៏ពិសេសមួយ។ ប្រភពដដែលបានសរសេរទៀតថា ដំណាក់កាលបន្ទាប់វ៉ាក់សាំងនេះនឹងត្រូវបានបន្តដាក់ឲ្យប្រើប្រាស់ទៅលើមនុស្សដែលមានអាយុច្រើនជាង80 ឆ្នាំ និងក្រុមអ្នកធ្វើការងារនៅក្នុងសេវាសុខភាពសាធារណៈ៕

បរទេស៖ក្នុងគ្រាដែលម៉ាសការពារមុខបានក្លាយទៅជាតម្រូវការចាំបាច់ប្រចាំថ្ងៃរបស់ពិភពលោកនោះក្រុមហ៊ុនបច្ចេកវិទ្យាមួយរបស់ប្រទេសជប៉ុនដែលមានឈ្មោះថា Donut Robotics បានសម្លឹងឃើញឧិកាសមួយភ្លាមតាមរយៈការបង្កើតម៉ាសវ៉ៃឆ្លាត Smart Mask ដ៏អស្ចារ្យមួយប្រភេទ។ ម៉ាសវ៉ៃឆ្លាតប្រភេទនេះមិនត្រឹមតែជាម៉ាសការពារវិរុសកូវីដ19 ដ៏មានប្រសិទ្ធភាពនោះទេ ប៉ុន្តែវាក៏ត្រូវបានបំពាក់បច្ចេកវិទ្យាថ្មីលើសពីស្តង់ដាផងដែរអាចទាំងការពាររក្សាគម្លាតសង្គមផងព្រមទាំងអាចផ្តល់ទំនាក់ទំនងកាន់តែល្អរវាងមនុស្សលោកមកពីច្រើនជាតិសាសន៍ផងដែរ។ CNN បានចេញផ្សាយនៅថ្ងៃនេះបានចេញផ្សាយនិងសរសេរយ៉ាងលំអិតពីម៉ាសបច្ចេកវិទ្យាដ៏អស្ចារ្យនេះ។ វាត្រូវបានគេស្គាល់ឈ្មោះថា C-Face ហើយត្រូវបានច្របាច់បញ្ចុលគ្នាជាមួយនឹងកម្មវិធីបកប្រែភាសាបានទៅដល់ 8 ភាសាផ្សេងគ្នាផងដែរ។ យោងតាមការបញ្ជាក់របស់លោក Taisuke Ono ប្រធានប្រតិបត្តិរបស់ក្រុមហ៊ុន Donut Robotics បានបញ្ជាក់ថា នៅផ្នែកខាងមុខនៃម៉ាសគឺជាប្រហោងដែលអាចអនុញ្ញាតឲ្យខ្យល់ដង្ហើមចេញចូលបាន ប៉ុន្តែជាក់ស្តែង C-Face អាចការពារកូវីដបានយ៉ាងមានប្រសិទ្ធភាពខ្ពស់ ក្នុងនាមជាម៉ាសស្តង់ដា។ ទោះបីយ៉ាងណាក៏ដោយ ម៉ាស C-Face នេះត្រូវបានធ្វើពីប្លាស្ទិកពណ៍ស និងជាសារធាតុស៊ីលីកូន ហើយបំពាក់ជាមួយនឹងមីក្រូហ្វូនដ៏តួចមួយដែលវាមានមុខងារភ្ជាប់ទៅនឹងទូរស័ព្ទដៃរបស់អ្នកប្រើប្រាស់តាមរយៈ Bluetooth ហើយប្រព័ន្ធនេះនឹងអាចអនុញ្ញាតឲ្យអ្នកប្រើប្រាស់អាចបកប្រែភាសាបានរហូតដល់ 8 សាសន៍ផ្សេងគ្នាដូចជា ភាសាជប៉ុន ចិន កូរ៉េ វៀតណាម ឥណ្ឌូនេស៊ី អង់គ្លេស អេស្បាញ និងភាសាបារាំង៕

បរទេស ៖ លោក Jeff Bezos ជាបុរសដែលមានទ្រព្យសម្បត្តិច្រើនបំផុតលើពិភពលោក និងជាអ្នកដឹកនាំក្រុមហ៊ុនដែលជោគជ័យបំផុត Amazon អោយឈានមកដល់ចំណុចនេះដែរ។ តើគាត់អាចរក្សាជំហរបស់គាត់បានយ៉ាងណាដូចម្តេចដើម្បីឲ្យខ្លួនអាចប្រមូលផ្តុំចិត្តគំនិត បង្កើតយុទ្ធសាស្ត្រមហិច្ឆិតានិងការច្នៃប្រឌិតក្នុងការដឹកនាំបែបនេះ? វាគឺជារឿងគួរឲ្យចង់ដឹងចង់ឮបំផុតហើយខាងក្រោមនេះគឺជាឃ្លាទាំង 7 ដែលលោក Bezos តែងតែទន្នេញ និងចងចាំបំផុតក្នុងខួរក្បាលរបស់លោក៖ ១.ដំណោះស្រាយទាំងអស់នឹងអាចធ្វើបានតាមរយៈការពិចារណា និងភាពប៉ិនប្រសប់៖ Bezos តែងតែរំលឹករឿងមួយកាលពីគ្រាដំបូងដែលគាត់នៅពីក្មេង និងចូលចិត្តចំណាយពេលរដូវក្តៅដែលជារដូវវិស្សមកាលទាំងអស់ជាមួយនឹងលោកតារបស់ខ្លួននៅរដ្ឋតិចសាសជួយជួសជុលអ្វីគ្រប់យ៉ាងដែលខូចហើយពេលខ្លះមានទាំងពីការរៀបចំតម្លើងត្រាក់ទ័រចាស់ឡើងវិញផង។ ២.អតិថិជនតែងតែជាត្រូវជានិច្ច៖ អតីតប្រធានគ្រប់គ្រងទូទៅក្រុមហ៊ុន Amazon លោក Tom Alberg និងអ្នកវិភាគលើទំនិញលក់រាយ Natalie Berg បានធ្វើការពិពណ៍នាដូចគ្នាថាលោក Bezos ជាមនុស្សដែលផ្តោតទៅលើអតិថិជនជារឿងសំខាន់បំផុតពីព្រោះថាពេលដែលអតិថិជនសប្បាយចិត្តនោះអ្នកនឹងអាចប្រមូលលុយចំណេញបានហើយអាចធ្វើអ្វីៗបានទាំងអស់ ៣.ថ្ងៃណាក៏ជាថ្ងៃទី១ និងថ្ងៃដំបូង៖ នៅក្នុងសំបុត្រមួយដែលលោក Bezos បានផ្ញើទៅកាន់ដៃគូពាណិជ្ជកម្មរបស់ខ្លួនទាំងអស់លោកបានសរសេរថា ថ្ងៃទី២នៃអាជីវកម្មគឺមិនមានការពាក់ព័ន្ធឡើយសម្រាប់អាជីវកម្មរបស់អ្នក។ វាគឺជាថ្ងៃសម្រាប់ធ្វើការវាស់វែង ការបដិសេធ ឬជាការកាត់សេចក្តីចំពោះអាជីវកម្មរបស់អ្នកដូចនេះថ្ងៃណាក៏ជាថ្ងៃទី1របស់អ្នកទាំងអស់គ្នាដែរ។ ៤.បរាជ័យម្តងហើយបរាជ័យម្តងទៀតតែត្រូវតែប្រសើរជាងមុន៖ មានអ្នកអាជីវករជាច្រើនបានរៀបរាបអំពីអត្តចារិតរបស់ Bezos ថាជាមនុស្សដែលមានៈ និងប្រថុយទៅនឹងភាពបរាជ័យយ៉ាងខ្លាំង។ Bezos ធ្លាប់និយាយថា ពួកយើងបរាជ័យច្រើនដង ប៉ុន្តែខ្ញុំគិតថាពួកយើងបរាជ័យក្នុងកម្រិតមួយដែលល្អជាងគេហើយលើសពីនេះគឺយើងបានអនុវត្តវាបានច្រើនដងជាមុន។ ៥.កុំសោកស្តាយនឹងអ្វីដែលអ្នកធ្លាប់បានព្យាយាម៖ ក្នុងពេលដែលអ្នកមានអាយុ៨០ឆ្នាំ តើអ្នកអ្វីនឹងគិតដល់រឿងសោកស្តាយណាមួយមុនគេ?…

នៅពេលដែលជំងឺ Covid-19 ត្រូវបានរកឃើញជាបន្តបន្ទាប់នៅកម្ពុជា គេក៏សង្កេតឃើញថាទំនិញមួយចំនួន ដូចជាគ្រឿងបរិភោគបានឡើងថ្លៃ ជាពិសេសម៉ាស អាល់កុល និងទឹកលាងដៃជាដើម ដែលមានជនឆ្លៀតឱកាសមួយចំនួនកើបយកប្រាក់ចំណេញសន្ធឹកសន្ធាប់ពីការរងគ្រោះរបស់ប្រជាពលរដ្ឋដោយការលក់តម្លើងតម្លៃទៅវិញ។ ស្ថិតនៅក្នុងគ្រាដែលកំពុងមានអាសន្នប្រឈមទៅនឹងហានីភ័យនៃវិបត្តិជំងឺកូវីដ-19 ក្នុងសហគមន៍នាពេលបច្ចុប្បន្ន រារដ្ឋាភិបាលកម្ពុជាមានក្ដីបារម្ភជាខ្លាំង ជាមួយនឹងការសំណូមឱ្យប្រជាពលរដ្ឋនៅទូទាំងប្រទេសបង្កើនការប្រុងប្រយ័ត្ន រក្សាអនាម័យ និងអនុវត្តតាមការណែនាំរបស់ក្រសួងសុខាភិបាលឱ្យបានខ្ជាប់ខ្ជួន។រួមជាមួយគ្នានេះ គេក៏សង្កេតឃើញមានបណ្តាសប្បុរសជនមួយចំនួនចេះជួយគ្នាក្នុងគ្រាអាសន្នទៅតាមលទ្ធភាពដែលអាចធ្វើទៅបានដោយការលះបង់ទាំងកម្លាំងកាយចិត្ត និងសម្ភារៈជួយដល់អ្នករងគ្រោះនិងមិនត្រូវបានកេងចំណេញនោះទេ។ លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងសេដ្ឋកិច្ចអន្តរជាតិបានប្រាប់ AMSថា៖ « ខ្ញុំជឿជាក់ថា ក្នុងវិធានការរយៈពេលខ្លីនេះមិនទាន់ជះឥទ្ធិពល ឬមានជនមួយក្តាប់តូចណាឈានដល់ការដំឡើងថ្លៃទំនិញលើទីផ្សារនៅឡើយទេ។ នេះបើតាមការអង្កេតរបស់ខ្ញុំទៅលើទីផ្សារទូទៅ និងទីផ្សារទំនើបក្តី។ ប្រសិនបើមានការដំឡើងថ្លៃហួសហេតុនោះ វានឹងអាចមានហានីភ័យធំសម្រាប់ប្រទេសទាំងមូល អ្នកប្រព្រឹត្តក៏មានការប្រឈមទៅនឹងមុខច្បាប់ផងដែរ។ រដ្ឋាភិបាលយើងប្រាកដជាមានការប្រុងប្រយ័ត្នជៀសវាងមានជនមួយក្តាប់តូចបង្កបញ្ហាទាំងអស់ហ្នឹង»។ បើតាមលើកឡើងរបស់លោកបណ្ឌិត ហុង វណ្ណៈ បានបញ្ជាក់ថា ទាក់ទងស្ថានភាពរលកថ្មីនៃជំងឺកូវីដ-19 នៃការឆ្លងចូលសហគមន៍បានធ្វើឱ្យកើតជាបញ្ហាធំសម្រាប់ឱ្យរាជរដ្ឋាភិបាលកម្ពុជា ដែលបាន និងកំពុងខិតខំប្រឹងប្រែងក្នុងការគ្រប់គ្រង ព្រោះការរីករាលដាលជំងឺកូវីដ-19 នៅក្នុងសហគមន៍នេះបានបង្កបញ្ហា និងផលលំបាកដល់សេដ្ឋកិច្ចនៃបណ្តាប្រទេសនានាលើសាកលលោករួចមកហើយ។ លោកបញ្ជាក់ទៀត «យើងគ្រប់គ្នាគួរចាប់អារម្មណ៍នៅក្នុងការតម្លើងថ្លៃម៉ាស អាល់កុល និងទឹកលាងដៃ ដែលមានតម្រូវការខ្ពស់ក្នុងស្ថានការណ៍បច្ចុប្បន្ននេះមាន2ប្រភេទ។ ប្រភេទទី1-ពេលមានតម្រូវការគាត់ តម្លើងថ្លៃ (គាត់ទិញស្តុកទុក ពេលមានតម្រូវការគាត់លក់យកចំណេញ ដោយតម្លើងថ្លៃខ្ពស់តែម្តង)។ ប្រភេទទី2-យើងពិបាកបន្ទោសគាត់ ដោយអ្នកលក់ទាំងនោះគាត់ទិញពីគេដែរ…

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានសម្រេចថា រដ្ឋា ភិ បាល បានត្រៀមទិញវ៉ាក់សាំងប្រឆាំងកូវីដ-19 ដំណាក់កាលដំបូងចំនួន1លានដូស ដើម្បី ចាក់ ជូនប្រជាជន ដោយឥតគិតថ្លៃ នៅកន្លែងដែលមានហានិភ័យខ្ពស់ និងអ្នកដែលមាន ហានិភ័យ។ ប៉ុន្តែពុំទាន់កំណត់ថា នឹងទិញពីប្រទេសណានៅ ឡើយនោះទេ ហើយសម្តេចបានស្នើ យោបល់ថា ក្រុមគ្រូពេទ្យគួរតែជា ជម្រើសអាទិភាពទីមួយសម្រាប់ការទទួលវ៉ាក់សាំង បន្ទាប់មកគឺគ្រូបង្រៀន កងកម្លាំងប្រដាប់អាវុធ និងមន្ត្រីយុត្តិធម៌ ។ តាមរយៈសារជាសម្លេងដែលបានចែករំលែកនៅយប់ថ្ងៃទី7 ខែធ្នូ ឆ្នាំ 2020 សម្តេចតេជោបានគូសបញ្ជាក់ថា៖ « ឥឡូវនេះ មួយលានដូស យើងចាក់បានត្រឹមតែ 50ម៉ឺននាក់ប៉ុណ្ណោះ។ ដូចនេះត្រូវ តែផ្ដល់អាទិភាពទៅឱ្យអ្នកណាដែលត្រូវបានមុន ដែលខ្ញុំគ្រាន់តែលើកជាយោបល់នៅក្នុង 1លានដូសនេះ អ្នកដែលបានមុន គេគឺគ្រូពេទ្យ ព្រោះអ្នកទាំងហ្នឹងជាអ្នកដែលត្រូវប្រឈមនឹងគ្រោះថ្នាក់ជួរមុខ»។ សម្តេចតេជោ បានបញ្ជាក់បន្ថែមថា៖ « បន្ទាប់មកគឺយើងត្រូវផ្ដល់ឱ្យគ្រូបង្រៀនរបស់ យើង ដែលមានប្រមាណ 12ម៉ឺននាក់ កងកម្លាំងប្រដាប់អាវុធ រួមមានកងទ័ព មានអាវុធហត្ថ…

បរទេស៖កន្លងមកយើងធ្លាប់បានដឹងហើយថាណាសាធ្លាប់បានប្រកាសអំពីផែនការបញ្ជូនមនុស្សស្រីដំបូងបំផុតទៅកាន់ភពព្រះច័ន្ទឲ្យបាននៅត្រឹមឆ្នាំ 2024 ប៉ុន្តែនៅថ្ងៃនេះអ្វីដែលយើងអាចដឹងបន្ថែមទៀតនោះគឺថាក្រុមហ៊ុន Blue Origin របស់មហាសេដ្ឋីទ្រព្យច្រើនបំផុតលើលោក Jeff Bezos គឺជាអ្នកទទួលរ៉ាប់រងក្នុងការផលិតម៉ាស៊ីនរបស់យានអាវកាសមួយនេះ។ ម៉ាស៊ីនយានអាវកាសដែលត្រូវបានគេស្គាល់ឈ្មោះថា BE-7 នឹងត្រូវយកទៅប្រើប្រាស់សម្រាប់បេសកកម្មជាប្រវត្តិសាស្ត្រមួយនេះខណៈដែលកាលពីចុងសប្តាហ៍កន្លងទៅ។ លោក Bezos ក៏បានធ្វើការបង្ហោះនូវវិដេអូអំពីការធ្វើតេស្តជាលើកដំបូងរបស់ក្រុមហ៊ុនផងដែរដែលបានប្រព្រឹត្តទៅនៅក្នុងទីក្រុង Huntsville រដ្ឋ Alabama។ យោងតាមការប្រកាសបញ្ជាក់បន្ថែមពីសំណាក់ក្រុមហ៊ុន Blue Origin បានបង្ហាញដែរថាម៉ាស៊ីនដែលមានកម្លាំងរុញច្រានដល់ទៅ ១០, ០០០ផោននឹងត្រូវធ្វើការជាមួយនឹងប្រព័ន្ធដឹកជញ្ជុនមនុស្សលោកឬ (Human Landing System) ដែលជាការបង្កើតឡើងដោយការសហការគ្នារវាងក្រុមហ៊ុនយក្សដូចជា Blue Origin, Lockheed Martin(LMT),Northroop Grumman (NOC)និង Draper ផង។ គួរឲ្យដឹងដែរថាបេសកកម្មដែលណាសាបានដាក់ឈ្មោះថាជាកម្មវិធី Artemis នឹងត្រូវបញ្ចូនអាវកាសយានិកចំនួន 2 រូបទៅកាន់ភពព្រះច័ន្ទដែលក្នុងនោះមានម្នាក់ជាមនុស្សប្រុសនិងម្នាក់ទៀតជាមនុស្សស្រីហើយវានឹងក្លាយទៅជាការធ្វើដំណើរជាប្រវត្តិសាស្ត្រម្តងទៀតរបស់មនុស្សលោកទៅដល់ភពនេះចាប់តាំងតែពីពេលលើកដំបូងដែលធ្លាប់ធ្វើបានដោយយានអាប៉ូឡូកាលពីឆ្នាំ 1972៕

បរទេស៖ ព័ត៌មានចុងក្រោយស្តីអំពីបញ្ហា TikTok និងរដ្ឋាភិបាលអាមេរិកដែលត្រូវបានចេញផ្សាយដោយ CNN កាលពីចុងសប្តាហ៍កន្លងទៅបានបញ្ជាក់ហើយថាដំណើរនៃការចរចាគ្នាគឺនឹងនៅតែត្រូវបន្តធ្វើដដែលទោះបីជាកាលកំណត់សម្រាប់កម្មវិធីចិនមួយនេះបានផុតទៅហើយក្តីត្រឹមថ្ងៃទី 4 ខែធ្នូ។ ប្រភពដដែលបានសរសេរទៀតថាទោះបីជាយ៉ាងណាក្តីរដ្ឋាភិបាលនៃប្រទេសអាមេរិកនឹងមិនបន្តពេលវេលាកំណត់សម្រាប់ TikTok ឡើយលើសពីថ្ងៃទី4 ខែធ្នូដើម្បីឲ្យកម្មវិធីមួយនេះសម្រេចចិត្តលក់ក្រុមហ៊ុនទាំងអស់របស់ខ្លួនទៅឲ្យអាមេរិកដែលនេះមានន័យថាកិច្ចចរចាគ្នានឹងនៅតែត្រូវបន្តធ្វើបន្ថែមទៀតនាពេលខាងមុខ។ នៅក្នុងសេចក្តីថ្លែងការណ៍មួយចុងក្រោយរបស់រតនាគារជាតិអាមេរិកបាននិយាយថា៖អាមេរិកនិងក្រុមហ៊ុនរដ្ឋចិន ByteDance ដែលត្រូវជាក្រុមហ៊ុនមេរបស់ TikTokបានបញ្ចប់ជំហានដ៏សំខាន់ជាច្រើនរួចមកហើយដើម្បីដោះស្រាយបញ្ហាបារម្ភរបស់អាមេរិកពាក់ព័ន្ធទៅនឹងបញ្ហាសុវត្ថិភាពនិងសន្តិសុខផ្នែកអុីនធឺណេតរបស់អាមេរិកដោយកម្មវិធី TikTok។ សេចក្តីថ្លែងការណ៍ដដែលបានបញ្ជាក់ទៀតថារដ្ឋាភិបាលរបស់លោក Trump ក៏នឹងមិនមានបំណងបន្តដាក់ពិន័យឬការកំណត់សាជាថ្មីឡើយហើយកិច្ចពិភាក្សាប៉ុន្មានសប្តាហ៍ចុងក្រោយនេះទទួលបានដំណើរការល្អប៉ុន្តែនៅសេសសល់បញ្ហាមួយចំនួនតូចប៉ុណ្ណោះដែលត្រូវជួបគ្នាសាជាថ្មីដើម្បីដោះស្រាយ៕