បច្ចេកវិទ្យា៖វាគឺជាដំណឹងដ៏ល្អសម្រាប់ថៅកែក្រុមហ៊ុនឬអ្នកគ្រប់គ្រងបុគ្គលិកប្រសិនបើបច្ចេកវិទ្យាថ្មីនេះនឹងត្រូវអនុញ្ញាតឲ្យប្រើប្រាស់ជាផ្លូវការមែននោះប៉ុន្តែបច្ចុប្បន្នវាកំពុងស្ថិតនៅក្នុងការសម្រេចចិត្តនៅឡើយពីព្រោះថាវាក៏ទទួលបានការរិះគន់ជាច្រើនផងដែរពាក់ព័ន្ធទៅនឹងបញ្ហាឯកជនភាពរបស់បុគ្គល។ នៅថ្ងៃនេះតាមរយៈការចុះផ្សាយដោយទូរទស្សន៍ CNN បានឲ្យដឹងថាក្រុមហ៊ុនបច្ចេកវិទ្យាយក្ស Microsoft បានដាក់ពាក្យស្នើសុំអជ្ញាបណ័្ណរួចទៅហើយដើម្បីអាចឲ្យប្រព័ន្ធគ្រប់គ្រងនិងត្រួតពិនិត្យបុគ្គលិកថ្មីមួយរបស់ខ្លួនអាចដំណើរការជាផ្លូវការបាន។បច្ចេកវិទ្យាថ្មីនេះនឹងអាចឲ្យអ្នកគ្រប់គ្រងក្នុងការត្រួតពិនិត្យនិងការដាក់ពិន្ទុទៅលើបុគ្គលិករបស់ខ្លួនតាមរយៈការត្រួតពិនិត្យ មើលកាយវិកាទឹកមុខរបស់ពួកគេទាំងនៅក្នុងពេលធ្វើការ ឬកិច្ចប្រជុំតាមអនឡាញក្តី។ ប្រព័ន្ធគ្រប់គ្រងនេះអាចដំណើរការបានជាមួយនឹងការប្រើប្រាស់បច្ចេកវិទ្យា Sensorsទៅក្នុងបន្ទប់ធ្វើការរបស់បុគ្គលិកដែលនេះបានក្លាយទៅជាបញ្ហាមួយដែលនាំឲ្យមានការប៉ះពាល់ទៅដល់សិទ្ធឯកជនរបស់ពួកគេ។ មុខងារនេះតាមពិតត្រូវបានក្រុមហ៊ុនធ្លាប់បានប្រកាសម្តងហើយកាលពីឆ្នាំទៅ។អ្នកគ្រប់គ្រងអាចត្រួតពិនិត្យបុគ្គលិករបស់ខ្លួនតាមរយៈកម្មវិធី Microsoftមួយចំនួនដូចជា Office 365 ដែលរួមមានទាំង Outlook email, Teams meeting app និង Excel spreadsheet appជាដើម។ តើ sensor អាចកត់ត្រាអ្វីបានខ្លះពេលធ្វើកិច្ចប្រជុំតាមអនឡាញ? ១.កត់ត្រាថាតើអ្នកចូលរួមណាខ្លះនៅក្នុងកិច្ចប្រជុំ២.កត់ត្រាភាសាកាយវិកាព្រមទាំងទឹកមុខរបស់អ្នកចូលរួមកិច្ចប្រជុំ៣.កត់ត្រាពេលវេលាដែលអ្នកចូលរួមក្នុងកិច្ចប្រជុំ៤.កត់ត្រាពីលំនានៃការនិយាយស្តីរបស់អ្នកចូលរួម និងកំណត់បានពីកម្រិតនៃភាពធុញទ្រាន់របស់អ្នកចូលរួម លើសពីនេះប្រព័ន្ធគ្រប់គ្រងមួយនេះអាចថែមទាំងចាប់យកសកម្មភាពទូរស័ព្ទដៃរបស់បុគ្គលិក ឬអ្នកចូលរួមកិច្ចប្រជុំថាតើពួកគេកំពុងធ្វើអ្វីក្នុងពេលដំណាលគ្នាដូចជាការផ្ញើសារ ឬការប្រើប្រាស់អុីនធឺណេត៕

ទីបំផុតក្រោយការធ្វើដំណើរតាមយន្តហោះអស់រយៈពេល 10 ម៉ោង ដំរី ដែលត្រូវបានគេស្គាល់ឈ្មោះថា Kaavan ជាដំរីដែលឯកោបំផុតលើលោកនោះបានធ្វើដំណើរមកដល់កម្ពុជាហើយកាលពីថ្ងៃចន្ទម្សិលមិញ និងត្រៀមជួបជុំមិត្តភ័ក្តថ្មីរបស់គេផងដែរនៅក្នុងដែនជម្រកសត្វព្រៃខេត្តបន្ទាយមានជ័យហើយពិសេសបំផុតសម្រាប់គេនោះ គឺមិនជាប់ច្រវាក់ជាប់ជើងដូចគ្រានៅប៉ាគីស្ថានទៀតឡើយ។ តើអ្នកណាជាអ្នកខិតខំក្នុងការដោះលែង Kaavan ចេញពីសួនសត្វ Marghazar នៅក្នុងទីក្រុងអ៊ីស្លាមាបាដប្រទេសប៉ាគីស្ថាន? Kaavan ត្រូវបានគេដាក់ឲ្យរស់នៅទីនេះតាំងតែពីឆ្នាំ198ក្នុងលក្ខខណ្ឌនៃការរស់នៅដែលមិនសមស្របទៅនឹង Guidelinរបស់អង្គការសត្វព្រៃអន្តរជាតិឡើយហើយមិត្តភ័ក្តរបស់វាមួយក្បាលបានបាត់បង់ជីវិតនៅក្នុងឆ្នាំ2012 បន្ទាប់ពីរស់នៅជាមួយគ្នាអស់រយៈពេល 22 ឆ្នាំ ហើយវាក៏បានជាប់ឈ្មោះថាជាដំរីដ៏ឯកោបំផុតលើលោករហូតមក។ ជាច្រើនឆ្នាំកន្លងមកហើយក្រោមគំនិតផ្តួចផ្តើមរបស់នាង Cherដែលជាតារាចម្រៀងប៉បដ៏ល្បីរបស់អាមេរិកព្រមជាមួយនឹងក្រុមសកម្មជនសត្វព្រៃជាច្រើនទៀតនៅលើលោកបានខិតខំធ្វើការចរចាក្នុងការនាំឲ្យមានការដោះលែងដំរីមួយក្បាលនេះចេញពី Marghazar ដោយក្នុងនោះមានទាំងជំនួបជាមួយនឹងនាយករដ្ឋមន្ត្រីប៉ាគីស្ថាន លោក ImranKhan ផងដែរ។ នាង Cher បានប្រើប្រាស់ឥទ្ធិពល និងភាពល្បីល្បាញរបស់នាងក្នុងនាមជាតារាចម្រៀង ដោយការចាប់អារម្មណ៍ពីសំណាក់សារព័ត៌មានផង ដើម្បីធ្វើយុទ្ធនាការមួយនេះ ហើយចុងក្រោយដោយមានការចូលរួមពីសំណាក់អង្គការ Four Paws ផង Kaavan ត្រូវបានជោគជ័យក្នុងការទទួលបានសេរីភាព និងផ្លាស់ប្តូរមកទឹកដីកម្ពុជា ដើម្បីទទួលបានជីវិតថ្មី។ តើការដឹកជញ្ជូនដំរីទំងន់ 5 តោនមួយក្បាលនេះជួបផលលំបាកយ៉ាងណាខ្លះ? Kaavan ដែលមានទំងន់ដល់ទៅ 5 តោនបានធ្វើដំណើរតាមជើងយន្តហោះពិសេសរយៈពេលសរុប១០ម៉ោងមុនពេលដែលអាចមកដល់ទឹកដីកម្ពុជា។ យោងតាមការបញ្ជាក់របស់លោក Martin Bauer អ្នកនាំពាក្យរបស់អង្គការ Four Paw…

បរទេស ៖ ជាអត្ថបទដែលត្រូវបានចេញផ្សាយដោយ MarketWatch និង ជាការដកស្រង់ចេញពីការស្ទាបស្ទង់ដោយបណ្តាញសង្គម Reddit ដែលក្រោយពេលអ្នកប្រើប្រាស់ម្នាក់បានចោទសួរសំណួរយ៉ាងសាមញ្ញថា អ្នកទាំងអស់គ្នាណាដែលមិនមែនជាជនជាតិអាមេរិក! តើអ្នកគិតថា មានវត្ថុអ្វីម្យ៉ាងដែលជនជាតិអាមេរិកនឹងមិនអាចរស់នៅដោយគ្មានវាបាន? ជាភាសាអង់គ្លេស គឺ៖ All Non American Redditors. What is one thing you assume all Americans can’t live without? ចម្លើយពិតជាគួរឲ្យចាប់អារម្មណ៍ខ្លាំងមែនទែនខណៈដែលចម្លើយមានទៅដល់រាប់រយ ប៉ុន្តែក្នុងនោះ MarketWatch បានលើកយកតែ 9 ចំណុចប៉ុណ្ណោះដែលមានអ្នកឆ្លើយភាគច្រើនជាងគេ៖ ១.រថយន្ត២.អាហារបែបរហ័សឬ Fast food៣.វត្ថុប្រើប្រាស់ប្រេនៗ៤.ម៉ាស៊ីនត្រជាក់៥.ប្រព័ន្ធបង្ហូរទឹកកខ្វក់៦.ទង់ជាតិអាមេរិក៧.កាំភ្លើង៨.ក្រដាសបន្ទប់ទឹក៩.ភេសជ្ជៈ Soda Pop ទោះបីជាយ៉ាងណាក្តី ខាងលើនេះគ្រាន់តែជាមតិយោបល់របស់មនុស្សមួយក្រុមតែប៉ុណ្ណោះ ប៉ុន្តែមិនមែនជាការស្រាវជ្រាវជាផ្លូវការអ្វីឡើយ។ចុះសម្រាប់អ្នកវិញ តើអ្នកគិតថាវត្ថុអ្វីដែលជនជាតិអាមេរិកមិនអាចរស់នៅដោយគ្មានវាបាននោះ?

ភ្នំពេញ ៖ ដោយមានការសំណូមពរពីក្រសួងសុខាភិបាល ក៏ដូចជាការផ្តល់មតិពីអង្គការសុខភាពពិភពលោក តម្រូវឱ្យមានវិធានការបន្ថែមសម្រាប់រាជធានីភ្នំពេញ និងខេត្តសៀមរាប គឺតម្រូវឱ្យមានការផ្អាកការជួបជុំដែលមនុស្សច្រើន ដែលក្នុងនោះរួមមានការរៀបអាពាហ៍ពិពាហ៍ជាដើមក្នុងរយៈពេល15ថ្ងៃ ដោយគិតចាប់ពីថ្ងៃជូនដំណឹងនេះតទៅ។ សម្ដេចបានបញ្ជាក់ថា “ទាំងការប្រជុំក៏ត្រូវផ្អាកសិន ការរៀបអាពាហ៍ពិពាហ៍ ក៏ស្នើសុំការខន្ដីអភ័យទោស ដែលសុំផ្អាកនៅក្នុងរយៈពេល15ថ្ងៃ បានន័យថា ចាប់ពីថ្ងៃទី1-15 ឬ16 ហើយសុំទទួលអនុវត្តចាប់ពីពេលចេញបទបញ្ជានេះតទៅ។ ខ្ញុំសុំស្នើដល់ប្រជាពលជនយើង ឱ្យមានការយោគយល់ អធ្យាស្រ័យ ក្នុងការជួបជុំណាក៏ដោយ គឺសុំផ្អាកក្នុងរយៈពេល15ថ្ងៃ ទាំងការជួបជុំ ទាំងអាពាហ៍ពិពាហ៍ ទាំងកិច្ចប្រជុំនានាមិនត្រូវលើសពី20នាក់នោះទេ ហើយបើមានការជួបជុំត្រឹម20នាក់ចុះក្រោម ក៏ត្រូវរក្សានូវគម្លាតឱ្យឆ្ងាយប្រសិនបើអាក់ខានមិនបាន”។ សម្ដេចបានបញ្ជាក់ថា “ត្រូវកាត់បន្ថយការចេញក្រៅផ្ទះរយ:ពេល15ថ្ងៃ បើមិនធ្វើដូចច្នេះយើងនឹងយឺតពេល។ ជាមួយគ្នានេះ សម្តេចតេជោ ហ៊ុន សែន ក៏បានស្នើទៅក្រសួងអប់រំយុវជន និងកីឡាណែនាំមន្ទីរអប់រំយុវជន និងកីឡា រាជធានីភ្នំពេញ និងខេត្តសៀមរាប ត្រូវធ្វើសកម្មភាពបន្ទាន់នៅថ្ងៃនេះ បិទសាលារៀន បិទបវេសនកាល ហើយរយៈពេលការរៀនបន្តសម្រាប់សិស្សថ្នាក់ទី12 ក៏ត្រូវផ្អាកសិន រួមទាំងសាលាបណ្តុះបណ្តាលវិជ្ជាជីវៈ សូមផ្អាក់រយៈពេល15ថ្ងៃ ហើយចាប់ផ្តើមអនុវត្តជាបន្ទាន់៕

CNN ៖ នាង Eriko Kobayashi ត្រូវបានគេដឹងថាបានព្យាយាមសម្លាប់ខ្លួនឯងយ៉ាងហោចណាស់ចំនួន4ដងមកហើយ។ កាលពីលើកដំបូងវាបានកើតឡើងនៅពេលដែលនាងមានអាយុទើបតែ 22 ឆ្នាំក្នុងគ្រាដែលនាងកំពុងធ្វើការពេញម៉ោងនៅក្នុងរោងពុម្ពមួយកន្លែង ប៉ុន្តែប្រាក់ខែដែលទទួលបានគឺមិនគ្រប់គ្រាន់ឡើយក្នុងការចំណាយទៅលើប្រាក់ថ្លៃជួលបន្ទប់ព្រមទាំងអាហារប្រចាំថ្ងៃនៅក្នុងទីក្រុងតូក្យូ ក្នុងពេលដែលនាងកំពុងសម្រាកព្យាបាលជំងឺ។ បច្ចុប្បន្ន Kobayashi មានវ័យ 43 ឆ្នាំទៅហើយព្រមទាំងបាននិពន្ធសៀវភៅមួយដែលនិយាយអំពីបញ្ហាសុខភាពផ្លូវចិត្តដែលនាងធ្លាប់មានបទពិសោធន៍កន្លងមក ព្រមទាំងកំពុងធ្វើការងារនៅអង្គការមួយផង ប៉ុន្តែតាមការបញ្ជាក់របស់នាងសាជាថ្មីពេលវិបត្តិកូវីដវាយប្រហារមកលើប្រទេសនាងក៏ចាប់ផ្តើមមានអារម្មណ៍ស្តេ្រសដូចដែលនាងធ្លាប់ជួបកាលពីមុន។ ថ្លែងទៅកាន់ក្រុមការងារអ្នកយកព័ត៌មាន CNN នាង Kobayashi បាននិយាយថា៖ពេលនេះប្រាក់ខែរបស់ខ្ញុំត្រូវបានគេកាត់បន្ថយ ហើយវាមានអារម្មណ៍ហាក់ដូចជាស្ថិតនៅក្នុងរូងភ្នំដ៏ងងឹតមួយដែលគ្មានពន្លឺ ហើយបញ្ហានេះតែងតែធ្វើឲ្យអារម្មណ៍របស់ខ្ញុំបារម្ភថាខ្ញុំនឹងធ្លាក់ទៅក្នុងភាពក្រីក្រដូចពីមុនសាជាថ្មី។ យោងតាមការចេញផ្សាយរបស់ CNN បានសរសេរថា អ្នកជំនាញជាច្រើនបានព្រមានថាបញ្ហារាតត្បាតនៃវិរុសកូវីដនៅពេលនេះនឹងអាចនាំឲ្យឈានទៅដល់វិបត្តិនៃបញ្ហាផ្លូវអារម្មណ៍ដ៏ធ្ងន់ធ្ងរពីព្រោះថាចំនួនអ្នកបាត់បង់ការងារនឹងកាន់តែច្រើនឡើងគម្លាតឆ្ងាយពីសង្គម និងធ្វើឲ្យមនុស្សកាន់តែធុញថប់ព្រមទាំងតានតឹងកាន់តែខ្លាំងផងដែរ។ តាមតួលេខដែលត្រូវបានបង្ហាញដោយរដ្ឋាភិបាលក្រុងតូក្យូនៅពេលចុងក្រោយនេះអាចឲ្យយើងឃើញថា ចំនួននៃអ្នកធ្វើអត្តឃាតគិតត្រឹមខែតុលានេះនៅទូទាំងប្រទេសគឺមានរហូតទៅដល់ 2,153 នាក់ ពោលគឺគិតមកត្រឹមថ្ងៃសុក្រសប្តាហ៍មុន ខណៈដែលតួលេខនៃអ្នកស្លាប់ដោយសារកូវីដ19 មានចំនួនត្រឹមតែ 2,087 នាក់ប៉ុណ្ណោះចាប់តាំងតែពីមានការផ្ទុះឆ្លងវិរុសនេះ៕

ភ្នំពេញ ៖ តាមរយៈរបាយការណ៍របស់អគ្គនាយកដ្ឋានកៅស៊ូនៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា នៅរយៈពេល10ខែ ឆ្នាំ2020នេះ កម្ពុជាបាននាំចេញជ័រកៅស៊ូបាន 242,922 តោន កើនឡើង 42% បើធៀបនឹងរយៈពេលដូចគ្នាឆ្នាំ2019។ ទិន្នន័យអគ្គនាយកដ្ឋានកៅស៊ូបានបង្ហាញថា ការនាំចេញកៅស៊ូពីប្រទេសកម្ពុជា សម្រេចបានចំនួន 242,922 តោន ក្នុងរយៈពេល 10ខែ ឆ្នាំ2020 នេះកើនឡើង 42% ធៀបរយៈពេលដូចគ្នាកាលពីឆ្នាំមុននេះ។ រីឯតម្លៃជ័រកៅស៊ូជាមធ្យមលើទីផ្សារអន្តរជាតិចំនួន 1,311ដុល្លារក្នុង1តោន ក្នុង ដោយធ្លាក់ចុះជាមធ្យមចំនួន 24 ដុល្លារ ធៀបនឹងរយៈពេលដូចគ្នាកាលពីឆ្នាំមុន។ ឯកឧត្តម ប៉ុល សុផា អគ្គនាយកនៃអគ្គនាយកដ្ឋានកៅស៊ូបានឱ្យដឹងថា ក្នុងរយៈពេលប៉ុន្មានខែចុងក្រោយនេះ តម្លៃកៅស៊ូបន្តធ្លាក់ចុះយ៉ាងគំហុកជាមួយនឹងតម្លៃនាំចេញប្រមាណ 1,200 ដុល្លារ ក្នុងមួយតោនប៉ុណ្ណោះ។ ឯកឧត្តមបន្តថា ការធ្លាក់ចុះនៃតម្លៃកៅស៊ូនាពេលនេះ គឺដោយសាតែវិបត្តិ សកលជំងឺកូវីដ-19 ដោយនៅតាមច្រកព្រំដែនមានការបិទព្រំដែនរៀងៗខ្លួន ដែលធ្វើឲ្យការដឹកជញ្ជូន និងតម្លៃមានការធ្លាក់ចុះ។ ឯកឧត្តមបានអះអាងទៀតថា ចាប់តាំងពីឆ្នាំ2018 និង2019 កន្លង មកនៅតាមបណ្តាប្រទេសទាំងអស់បានដាក់ផែនការបង្កើនផលិតកម្មដាំកៅស៊ូរបស់ខ្លួន ដូច្នេះ ហើយបានជាធ្វើឱ្យការប្រមូលផលមានការកើនឡើងគ្រប់ប្រទេស។…

បរទេស ៖ ទីបំផុតវ៉ាក់សាំងកូវីដ19 របស់ក្រុមហ៊ុន Pfizer គឺអាចចាប់ផ្តើមសកម្មភាពទ្រង់ទ្រាយធំរបស់ខ្លួនហើយក្រោយការប្រកាសជោគជ័យតេស្តមានប្រសិទ្ធភាពដល់ទៅជាង 90 ភាគរយកាលពីប៉ុន្មានសប្តាហ៍មុន។កញ្ចប់វ៉ាក់សាំងដ៏ច្រើនត្រូវបានគេដឹកជញ្ជូនតាមជើងហោះហើរពិសេសពីប្រទេសប៊ែលហ្ស៊ិកមកកាន់សហរដ្ឋអាមេរិកកាលពីថ្ងៃសុក្រសប្តាហ៍មុន។ នេះបើយោងតាមការបញ្ជាក់របស់រដ្ឋបាលទទួលបន្ទុកកិច្ចការងារអាកាសចរណ៍អាមេរិកឬ FAA។ ទោះបីជាយ៉ាងណាក្តីមកដល់ពេលនេះការចេញលិខិតអនុញ្ញាតឲ្យមានការប្រើប្រាស់វ៉ាក់សាំងនេះពីសំណាក់រដ្ឋាភិបាលអាមេរិកគឺមិនទាន់ត្រូវបានធ្វើឡើងជាផ្លូវការនៅឡើយទេប៉ុន្តែការដឹកជញ្ជូនដ៏ធំលើកនេះគឺគ្រាន់តែការត្រៀមរៀបចំខ្លួនប៉ុណ្ណោះរបស់ក្រុមហ៊ុន Pfizer ដើម្បីធ្វើយ៉ាងណាឲ្យដំណើរការចែកចាយរបស់ខ្លួនប្រព្រឹត្តទៅរលូនតាមផែនការ។ តាមច្បាប់របស់រដ្ឋបាលកិច្ចការងារសុខភាពចំណីអាហារ និងថ្នាំពេទ្យ FDA បានបញ្ជាក់ថាវ៉ាក់សាំងគឺមិនអាចឲ្យមានការចែកចាយជាដាច់ខាតរហូតដល់មានការអនុម័តទទួលស្គាល់ជាមុនសិនពីអង្គភាពរបស់ FDA ហើយតាមកាលកំណត់វ៉ាក់សាំងរបស់ Pfizer នឹងអាចប្រកាសឲ្យអាចចែកចាយបានយ៉ាងហោចណាស់នៅកៀកពាក់កណ្តាលខែធ្នូឯណោះ។ តាមរយៈការចេញផ្សាយរបស់ USA Today នៅថ្ងៃចន្ទនេះបានសរសេរថាខណៈដែលមិនទាន់អាចចែកចាយបានក៏ពិតមែនប៉ុន្តែ Pfizer បានត្រៀមវ៉ាក់សាំងទៅក្នុងឃ្លាំងចែកចាយរបស់ខ្លួនរួចហើយដើម្បីងាយស្រួលនិងធ្វើឲ្យការដឹកជញ្ជូនទៅតាមគោលដៅបានឆាប់រហ័សតាមការសន្យាកន្លងមកគឺ 24 ម៉ោងក្រោយការអនុម័តពីសំណាក់ FDA។ គួរឲ្យដឹងដែរថា Pfizer បច្ចុប្បន្ននេះមានរោងចក្រផលិតវ៉ាក់សាំងរបស់ខ្លួនដល់ទៅ 2 កន្លែងដោយក្នុងនោះមួយកន្លែងទៅក្នុងតំបន់ Kalamazoo រដ្ឋ Michigan និងមួយទៀតនៅក្នុងទីក្រុង Puurs ប្រទេសប៊ែលហ្ស៊ិក៕